Logo

Articles

Թուրքիայի Հայոց պատրիարքարանն արգելել է խառնամուսնությունները

Created on Thursday, 18 October 2012 23:15 Written by AMGA TV

khach 5Թուրքիայի Հայոց պատրիարքարանը այս ամսվա սկզբից կրկին արգելք է դրել խառնամուսնությունների վրա: Շուրջ տասը տարի առաջ վերացված այս սահմանափակումը նորից ուժի մեջ է մտնում եկեղեցու սահմանած նոր կարգի տեսքով, ըստ որի` այլ կրոն դավանող անձանց հետ հայերի ամուսնությունները այլեւս չեն օրհնվում, ինչպես նաեւ նման դեպքերում թույլ չի տրվում եկեղեցում հարսանեկան արարողություն անցկացնել։ Որոշումը բավական բուռն արձագանք է գտել տեղի հայ համայնքում։ Դեռ 2000թ., երբ Պոլսո Հայոց պատրիարք Մեսրոպ Մութաֆյանը բացեց եկեղեցու դռները այն հայերի համար, ովքեր ցանկանում էին այլազգիների հետ ամուսնանալ, համայնքում կրկին միանշանակ չընդունեցին այս որոշումը։ Պատրիարքի փոխանորդ Արամը ասել է, թե ընդամենը գործադրել է եկեղեցում արդեն գոյություն ունեցող օրենքը ու հավելել, թե այս հարցի շուրջ որեւէ այլ հայտարարություն չի ցանկանում անել: 

Copyright © 2012 | Amga.TV | Armenian Media Group Of America.