Created on Saturday, 04 March 2017 21:09 Written by AMGA TV
Կալիֆորնիայի սենատի պետական հանձնաժողովը ստեղծել է Հայաստանի ու Արցախի հարցերով հատուկ հանձնաժողով, որը զբաղվելու է առեւտրի, արվեստի ու մշակութային փոխանակության հարցերով։ Հատուկ հանձնաժողովը ստեղծվել է սենատոր Էնթընի Պորտանտինոյի պահանջով ու նպաստելու է գործնական հնարավորությունների ընդլայնմանը՝ Կալիֆորնիայի, Հայաստանի ու Արցախի միջեւ առեւտրի, տնտեսական զարգացման, մշակութային իրազեկման ու կրթության ոլորտներում։ Պորտանտինոն ինքը նշել է, որ շատ հպարտ է, որ կարողացել է կյանքի կոչել հանձնաժողով ստեղծելու գաղափարը։ -Շատ բաներ կան, որ այդ երեք երկրները կարող են առաջարկել իրար ու ես վստահ եմ, որ Հայաստանն ու Արցախը ցնցող գործընկերներ կլինեն Կալիֆորնիայի համար՝ արդյունաբերության, մշակույթի ու արվեստի ոլորտներում,- հավելել է նա։ Այս հանձնաժողովը հսկայական հնարավորություններ է ստեղծում Ամերիկայի, Հայաստանի ու Արցախի միջեւ առեւտրի ընդլայնման համար։