News (15)
Children categories
 |
|
TV's Link = mms://74.208.15.132/Amga ... If You Have The Problem With Playing Click Here ... To Download The Windows media Plug-in Click Here ... |
6 մարդ մարմնական վնասվածքներ են ստացել Բրազիլիայից Մայամի ժամանած ինքնաթիռում մրրկայնության պատճառով: Ինքնաթիռը պատկանել է American Airlines ավիաընկերությանը: Associated Press-ի փոխանցմամբ, թիվ 980 միջազգային չվերթի Բոինգ ինքնաթիռը բրազիլական Պերնամբուկում նահանգի Ռեսիֆի քաղաքից ուղեւորվում էր Մայամի, եւ ճանապարհին հայտնվել է ուժեղ եւ անսպասելի մրրկայնության գոտում: Բացի անձնակազմի անդամներից, ինքնաթիռում 167 ուղեւոր է եղել, որոնցից ոչ ոք չի տուժել: Մարմնական վնասվածքներ ստացել են 6 ուղեկցորդներ: Ինքնաթիռը բարեհաջող վայրէջք է կատարել Մայամիի միջազգային օդանավակայանում, եւ վիրավորներին տեղափոխել են հիվանդանոց: Բժիշկների գնահատմամբ, թեեւ մի քանիսի վնասվածքները լուրջ են, բայց նրանց կյանքին ոչինչ չի սպառնում:
Դաունիի ոստիկանությունը որոնում է երեք տղամարդկանց, որոնք ներխուժել են տներից մեկը, գնդակահարել մի տղամարդու, նրան թողել ծայրահեղ ծանր վիճակում եւ փախուստի դիմել: Ոստիկանները վիրավորին գտել են Այսօր առավոտյան, ժամը 11:54-ի սահմաններում, 9200 block of Elm Vista Drive հասցեում, Bellflower Boulevard-ի մերձակայքում: Դաունիի ոստիկանության աշխատակից Քեւըն Մաքեսթըրի խոսքով, վիրավորը հրազենային վնասվածք է ստացել գլխի շրջանում: Նրան տեղափոխել են հիվանդանոց, եւ բժօշկներն այժմ պայքարում են վիրավորի կյանքի համար: Ոստիկանությունն առայժմ չի հայտնում վիրավորի անունը: Որոշ տեղեկությունների համաձայն, կասկածյալները հետապնդել են զոհին եւ կրակել նրան, երբ վերջինս պատահական տուն է մտել:
Կալիֆոռնիայի Նորկո քաղաքում հինգ տղաների են փրկել, որոնք մոտ վեց ժամ անցկացրել են Santa Ana գետի հոսանքի հունի մեջ: 12-ից14 տարեկան տղաները զբոսանքի են դուրս եկել, բայց մոլորվել են գետի հունում: Հարեւան տների բնակիչները լսել են նրանց աղաղակները եւ օգնություն կանչել: Փրկարարներից մոտ մեկ ժամ է պահանջվել բամբուկե ծառերը կտրելու եւ մթության մեջ տղաների տեղը պարզելու համար: Փրկված տղաներից մեկը` Քայլ Ջիլըսսին հայտնել է, որ մութ է եղել, եւ իրենք չեն նկատել, թե ինչպես հայտնվել վտանգավոր տեղանքում, սայթաքել եւ ընկել են: Տղաներին տեղում բուժօգնություն են ցուցաբերել: Բարեբախտաբար նրանք աննշան քերծվածքներ են ստացել եւ ցրտահարվել են, քանի որ թեթեւ են հագնված եղել
ԱՄՆ նախագահի նախկին թեկնածու, ներկայումս Մասաչուսեթս նահանգը ներկայացնող սենատոր, դեմոկրատ Ջան Քերին երկուշաբթի Սպիտակ տանը հայտնվել է աչքերի տակը կապտուկներով եւ ուռած քթով: Նման տեսքով Քերին եկել է ԱՄՆ նախագահ Բարաք Օբամայի կազմակերպած ընդունելությանը` հոկեյի Սթենլիի գավաթի չեմպիոնատի անցած տարվա հաղթող Բասթըն Բրյուինզ թիմի պատվին: Սենատորի մամուլի քարտուղար Ուիթնի Սմիթը լրագրողներին պարզաբանել է, որ Քերին քիթը կոտրել է հոկեյ խաղալու ժամանակ: Այլ մանրամասներ նա չի հաղորդել: Ինքը՝ Քերին, նույնպես մեկնաբանություն չի տվել: Բացի Քերիի օրիգինալ տեսքից՝ այս միջոցառումն աչքի է ընկել մեկ այլ սկանդալով: Բասթըն Բրյուինզ թիմի անդամներից մեկը` դարպասապահ Թիմ Թոմսը, հրաժարվել է հանդիպել նախագահի հետ: Պատճառն այն է, որ նա Հանրապետական կուսակցության կողմնակից է եւ չի սիրում դեմոկրատ Օբամային:
ԱՄՆ Հետաքննությունների դաշնային բյուրոն ձերբակալել է CIA-ի նախկին աշխատակցին գաղտնի տեղեկությունները լրատվամիջոցներին փոխանցելու համար: Նա մեղադրվում է Ալ-Քաիդայի պարագլուխներից մեկի ձերբակալման գործողությանը մասնակցող գործակալներից մեկին բացահայտելու մեջ: Մինչեւ վերջնական որոշում կայացնելը 47-ամյա ջան Կիրիակուն ազատության մեջ է 250 հազար դոլար գրավի դիմաց: Ջան Կիրիակուին, ով CIA-ում աշխատել է 1990-2004 թթ. մեղադրում են ԱՄՆ տարածքում ահաբեկչական կազմակերպությունների դեմ աշխատող գաղտնի գործակալի ինքնության բացահայտման մեջ: Բացի այդ, Կիրիակուն բացահայտել է մեկ այլ գործակալի, ով ներգրավված է եղել Ալ-Քաիդայի պարագլուխներից Աբու Զուբեյդի ձերբակալման
CIA-ը օգնել է Նյու Յորքի ոստիկանությանը հետեւել տեղի մուսուլմաններին առանց` իր գլխավոր իրավաբանի հաստատման: Այս մասին հայտնել է Associated Press-ը` վկայակոչելով հետախուզության նախկին աշխատակիցներին, որոնք ցանկացել են անհայտ մնալ: Սքաթ Միլլըրը, որը գործողությունն իրականացնելու ժամանակ CIA-ի գլխավոր խորհրդատուն էր, հրաժարվել է մեկնաբանել այդ տեղեկությունը: Գերատեսչությունը նույնպես հրաժարվել է մեկնաբանություն տալ: CIA-ին, որը զբաղվում է արտասահմանում տեղեկությունների հավաքմամբ, արգելված է ուղղակի հետեւել ամերիկացիներին: Սակայն գերատեսչությունը կարող է խորհուրդներ տալ այլ կառավարական կառույցներին եւ նրանց տրամադրել անհրաժեշտ սարքավորում: Իրավաբանի գնահատականը անհրաժեշտ
Լեռնային Ղարաբաղի ռազմագերիների, պատանդների եւ անհայտ կորածների հարցերով պետական հանձնաժողովը տեղեկություն է տարածել, որ հունվարի 23-ին, տեղական ժամանակով ժամը 15 անց 25 րոպեին մարտական հերթապահության մեջ գտնվող ԼՂՀ պաշտպանության բանակի զինծառայողների կողմից շփման գծի հյուսիս-արեւելյան հատվածում ղարաբաղյան կողմն անցնելու պահին կալանվել է Ադրբեջանի քաղաքացի: Կալանավորվածը եղել է Ադրբեջանի զինված ուժերի զինծառայողի համազգեստով, առանց տարբերիչ նշանների: Նա իր մոտ ունեցել է զինվորական գրքույկ` 1990թ. ծնված Լենքորանի շրջանի բնակիչ, կրտսեր
Հայաստանի պաշտպանության նախարարության քննչական ծառայությունը խստացրել է Lեռնային Ղարաբաղի Եղնիկներ զորամասի ենթասպա Արմեն Թովմասյանի դեմ առաջադրված մեղադրանքը: Թովմասյանը, ով շղթայով հարվածել եւ վնասել էր ժամկետային զինծառայող Նարեկ Ավետիսյանի աչքը, սկզբնապես մեղադրվում էր պաշտոնեական դիրքի չարաշահման հոդվածով, սակայն մեղադրանքը լրացվել է դիտավորությամբ մեկ ուրիշին մարմնական վնասվածք պատճառելու հոդվածով: Եթե առաջին հոդվածով ենթասպային սպառնում է 2-ից 5 տարի ազատազրկում, ապա խստացված մեղադրանքով` 3-ից 7 տարի ազատազրկում: Հիշեցնենք, որ Դեպքը տեղի էր ունեցել դեկտեմբերի 14-ին, իսկ ենթասպային ձերբակալել էին դեկտեմբերի
Մամուլի տեսություն Իսկ այժմ ձեզ ներկաայցնենք տպագիր մամուլի առավել ուշագրավ հրապարակումները: Իտալական Corriere della Sera-ն գրում է, որ Իտալիայում նոր սկանդալ է հասունանում խորտակված Կոստա Կանկորդիա նավի շուրջ: Իտալիայի դատախազությունը ստուգում է տեղեկությունները, որ նավում եղած ռուս հարուստները փրկվելու համար տեղեր են գնել նավակներում` խորտակվող նավում թողնելով երեխաներին ու վիրավորներին: Աականատեսները հայտնել են, որ մի խումբ ռուսաստանցիներ թղթադրամների կապոցներ են տվել անձնակազմի անդամներին, որոնք տարհանել են նավի ուղեւորներին: Կաշառքի միջոցով նրանք առաջինն են հայտնվել փրկարարական