amga.tv

Switch to desktop Register Login

Ֆինիքսում կրակում են մեքենաների վրա

shoot 311 օր անընդմեջ Արիզոնա նահանգում անհայտ անձը շարունակում է գնդակոծել մեքենաները Ֆինիքսի հարավային շրջանի թիվ 10 մայրուղու ճանապարհահատվածում։ Վերջին 11 օրում մեքենաների ուղղությամբ կրակել են 11 անգամ։ Ոստիկանությունն իրականացնում է հրաձիգի՝ դեռեւս անհաջող որոնումներ։ Կրակոցների հետեւանքով դեռեւս միայն 1 մարդ է վնասվածքներ ստացել։ Մնացած դեպքերում փամփուշտները վնասել են մեքենաները։ -Հրաձիգի գործողությունները չափազանց վտանգավոր են,- հայտարարել է Արիզոնայի հասարակական անվտանգության բաժնի ղեկավար Ֆրանկ Միլստեդը:- Կրակն արձակվում է շարժվող մեքենաների ուղղությամբ։ Չորեքշաբթի երկու ավտոմեքենա է գնդակոծվել։ Ոստիկանությունը հայտնել է, թե գործը քննում է որպես ընտանեկան բռնություն, սակայն որեւէ մանրամասն չի հաղորդել:  

Last Updated on Friday, 11 September 2015 12:26

Hits: 1001

Read more: Ֆինիքսում կրակում են մեքենաների վրա

Ալ-Քաիդան սպառնում է գործարարներին

4  2Ալ-Քաիդա խմբավորումը հրապարակավ սպառնացել է հարձակումներ իրականացնել ամերիկյան խոշոր գործարարների վրա, եթե վերջիններս իրենց գումարները չտանեն տնտեսությունից: Պոտենցյալ զոհերի ցանկում Microsoft-ի հիմնադիր Բիլ Գեյթսն է, միլիարդատերեր Ուորեն Բաֆեթը, Չառլզ ու Դեւիդ Կոկերը, Նյու Յորքի նախկին քաղաքապետ Մայքլ Բլումբըրգը, խաղատների մագնատ Շելդըն Ադելսընը, Wal-Mart ցանցի հիմնադրի որդի Ջիմ Ուոլթընն ու այլոք: Ալ-Քաիդայի հայտարարությունը հրապարակվել է ահաբեկիչների կողմից հրատարակվող Inspire ամսագրում: Հոդվածում ընդգծվում է, որ վերոնշյալ անձինք կարող են հեռացվել զոհերի ցանկից, եթե իրենց փողերը դուրս բերեն ամերիկյան բանկերից ու ներդրումներ կատարեն Ամերիկայից հեռու: Այդկերպ, ըստ ահաբեկիչների, վերածնված ամերիկյան տնտեսությունը կթուլանա:

Last Updated on Friday, 11 September 2015 12:21

Hits: 935

Read more: Ալ-Քաիդան սպառնում է գործարարներին

Կալիֆորնիայում ընդունվեց Մահվան իրավունքի մասին օրենքը

1  2Քալիֆորնիայի խորհրդարանի ստորին պալտը՝ Ասամբլեան հավանություն է տվել այն օրինագծին, որը թույլատրում է էվթանազիան: Դրանով իսկ այս նահանգում էվթանազիայի հակառակորդների եւ դրա կողմնակիցների միջեւ գրեթե քառորդ դար շարունակվող կատաղի պայքարից հետո վերջիններս շահել են վճռական փուլը: Երկու ժամ տեւած սուր բանավեճերից հետո խորհրդարանականները քվեարկել են օրինագծի օգտին, որը կրում է Մահվան իրավունքի մասին պաշտոնական անվանումը: Դրա օգտին արտահայտվել է 43 պատգամավոր, դեմ՝ 34-ը: -Հարցը վիթխարի նշանակություն ունի Քալիֆորնիացիների համար,- հայտարարել է դեմոկրատ պատգամավոր Սյուզըն էգմանը:- Օրենքն ընտրության իրավունք է տրամադրում նրանց, ովքեր անելանելի դրության մեջ են հայտնվել ծանրագույն եւ չբուժվող հիվանդության պատճառով: Օրենքը նաեւ պահանջում է վերին պալատի՝ Սենատի հավանությունը: Սակայն վերլուծաբանների կարծիքով, սենատըրների մեծ մասը հանդես է գալիս սույն նորմայի ընդունման օգտին, եւ այն կհաստատվի առանց դժվարության: Դրանից հետո օրինագծը ներկայացվում է նահանգապետի հաստատմանը: Այժմ չորս նահանգներում գործում են օրենքներ, որոնք թույլ են տալիս էվթանազիան 

Բանկային խարդախությունները հասել են առավելագույնին

3  1Միացյալ Նահանգներում բանկային քարտերի եւ բանկոմատների հետ կապված մեքենայությունները հասել են վերջին 20 տարվա առավելագույնին: Գողերը հաճախ օգտագործում են սքիմր սարքեր, որոնք կարդում են բանկային քարտի տիրոջ մասին տվյալները, թողարկում կրկնօրինակը եւ օգտագործում ուրիշի քարտը սեփական նպատակների համար: Այդպիսի քարտերի քանակը, որոնք վերջին տարիներին ընդունվում են բանկերի բանկոմատներում, աճել է 174%-ով, իսկ կեղծ քարտերի քանակը, որոնք ընդունվում են բանկերին չպատկանող բանկոմատներում՝ 317%-ով: Վիճակագրությունն ապացուցում է, որ պլաստիկ քարտերի տերերի անձնական տվյալների պաշտպանության ընթացիկ մեթոդները բավարար չեն, քանի որ կրկնօրինակը թողարկելով՝ խարդախները կարող են տիրոջ ամբողջ գումարը գողանալ: 2014թ. հրապարակված արդյունքներով՝ ամերիկացիների մոտ 59%-ը վախենում է, որ իրենց բանկային քարտերը մեքենայության զոհ կդառնան. փողը կորցնելու վախը միջազգային ահաբեկչության վախից մեծ է:

Մեքսիկայից Կալիֆորնիա թունել են հայտնաբերել

Tunel 5Մեքսիկայի սահմանապահ ծառայությունը հայտնաբերել է թունել, որը ենթադրաբար նախատեսված է Միացյալ Նահանգների տարածք թմրանյութեր տեղափոխելու համար։ 125 մետր երկարությամբ եւ 5 մետր խորությամբ թունելը գտնվում է անավարտ վիճակում, այն դեռ դուրս չի եկել Ամերիկայի տարածք, սակայն արդեն իսկ ունի էլեկտրականություն։ Թունելը գտել են Տիհուանա քաղաքում, եւ այն պետք է ավարտվեր Սան Դիեգոյի տարածքում։ Նախնական տեղեկություններով, թունելը կառուցում էր Սինալոա թմրակարտելը։ Մեքսիկայի իշխանությունների տվյալներով՝ վերջին 10 տարում Տիհուանայում հայտնաբերվել է նմանատիպ մոտ 56 թունել, որոնք բոլորն էլ օգտագործվել են Սինալոայի կողմից։ 

Copyright © 2012 | Amga.TV | Armenian Media Group Of America.

Top Desktop version