amga.tv

Switch to desktop Register Login

Նիսում ահաբեկչությունից հայ զոհերի թիվն աճել է

Նիսում հուլիսի 14-ին տեղի ունեցած ահաբեկչության հետեւանքով հայ զոհերի թիվն աճել է։ Պարզվել է, որ ազգությամբ հայ տղամարդ եւ նրա կինն են զոհվել. գործարար Ռոման Եկմալյանը Վրաստանի քաղաքացի էր, տարիներ առաջ տեղափոխվել էր բնակության Բելգիա: Այս մասին իր ֆեյսբուքյան էջում գրել է Եկմալյանի հարազատներից մեկը: Եկմալյանն ու իր կինն անհետացել էին ահաբեկչությունից հետո: Հարազատները սոցցանցերով խնդրել էին օգնել իրենց գտնելու նրանց: Երեկ ուշ երեկոյան հայտնի է դարձել, որ Եկմալյանն ու իր կինը սպանվել են: Ավելի վաղ հաղորդել էինք, որ ահաբեկչության հետեւանքով Հայաստանի քաղաքացի է զոհվել. 24-ամյա Նարինեն Ֆրանսիա էր տեղափոխվել մի քանի տարի առաջ, մանկահասակ երեխա ուներ: Հիշեցնենք, որ հուլիսի 14-ի երեկոյան բեռնատարի վարորդը մխրճվել էր մարդկանց բազմության մեջ։ Հարձակման հետեւանքով 84 մարդ է զոհվել, այդ թվում՝ 10 երեխա:  

9  2

Last Updated on Tuesday, 19 July 2016 04:25

Hits: 458

Զինված միջադեպ Հայաստանում

Երեկ՝ հուլիսի 17-ի առավոտյան, ժամը 5-ի սահմաններում մի խումբ անձինք գրոհով գրավել են ոստիկանության պարեկապահակային գունդը Էրեբունի համայնքի տարածքում։ Իրենց Սասնա ծռեր անվանող այդ խմբի հրամանատարը Արցախյան պատերազմի անվանի հրամանատարներից Պավլիկ Մանուկյանն է, խմբի կազմում են նաեւ նրա որդին, ազատամարտիկ Արա Խանդոյանը, քաղբանտարկյալ Հայկ Կյուրեղյանի երկու եղբայրները, այլ անձինք, հստակ թիվը հայտնի չէ։ Զինված խումբը Կռազ բեռնատարով խոյահարել է ոստիկանության դարպասները, ներխուժել։ Ոստիկանների հետ հրաձգություն է սկսվել, որի ընթացքում սպանվել է գնդապետ Արթուր Վանոյանը։ Եւս հինգ ոստիկաններ վիրավորվել են։ Ծանր վնասվածք է ստացել զինված խմբի անդամներից Թաթուլ Թամրազյանը։ Ապստամբները պատանդ են վերցրել մի քանի ոստիկանների, այդ թվում փոխոստիկանապետ Վարդան Եղիազարյանին եւ Երեւանի փոխոստիկանապետ վալերի Օսիպյանին։ Խումբը պահանջել է ազատ արձակել Ժիրայր Սեֆիլյանին եւ մյուս քաղբանտարկյալներին, նաեւ Սերժ Սարգսյանի հրաժարականը։ Ոստիկանությունը հատուկ ուժեր, զրահատեխնիկա է բերել եւ շրջափակել տարածքը, միաժամանակ բանակցություններ է սկսել գրոհողների հետ։ Այս պահի դրությամբ, Սասնա ծռերի ձեռքում են մնում չորս պատանդ ոստիկաններ, երեքին նրանք ազատ են արձակել։ Պավլիկ Մանուկյանն ու մյուսները հայտարարել են, թե պատրաստ են մահվան, իրենց պահանջներն էլ չեն փոխվելու։ Ոստիկանությունն իր հերթին հայտարարում է, թե բանակցում են միայն խմբի հանձնվելու հարցում։ Երեւանում վերջին օրերին բողոքի ցույցեր են եղել, թեեւ ոչ շատ մարդաշատ։ Ոստիկանները չափազանց բիրտ եւ կոպիտ են եղել, երեկ մոտ 150 մարդ է ձերբակալվել, որոնց տարել եւ 15 ժամից ավելի պահել են զորամասի տարածքում, իսկ այսօր ձերբակալվել են երկու տասնյակի չափ մարդիկ։ Ընդ որում, կարմիրբերետավորները շատերին դաժանաբար ծեծել են։ IMG 7543 

Last Updated on Tuesday, 19 July 2016 04:22

Hits: 501

Read more: Զինված միջադեպ Հայաստանում

Փախստականների ծանր առօրյան Հունաստանում

Վրանային ճամբար կիզիչ արեւի տակ եւ ցանկապատ ողջ երկյանքով։ Հունական Լեսբոս կղզում նման պայմաններում են ապրում մանկահասակ փախստականները, որոնք Հունաստան են հասել առանց ծնողների եւ ազգականների։ Անչափահասների պահման պայմաններին ծանոթանալու համար այստեղ է ժամանել միջազգային Save the children կազմակերպության ղեկավարը։ Նա հայտարարել է, թե եվրոպական առաջնորդներ փոքրիկներին վատ պայմաններում են պահում եւ բավարար միջոցներ չեն ձեռնարկել ճգնաժամային իրավիճակում։ -Այս ճամբարը կարող է եւ բանտ չէ, բայց այստեղ գտնվող երեխաներն իրենց բանտում են զգում։ Եւ այն, ինչ ասացին ինձ այսօր, պետք է լսեն բոլոր եվրոպական առաջնորդները։ Երեխաները հարցնում են՝ ինչու են մեզ հետ վարվում ինչպես հանցագործների,- ասում է իրավապաշտպանը։ Գաղթականների աննախադեպ ներհոսքի պատճառով Հունաստանը բախվել է մարդկանց տեղաբաշխելու խնդիրների հետ։ Save the children-ի տվյալներով, հարյուրից ավելի անչափահասների պահում են բատախցերում կամ ոստիկանների վերահսկողության տակ։ Երեխաները նաեւ ապրում են ճամբարներում՝ տառապելով շոգից։ Մանկահասակ փախստականների հարցում եվրոպական օրենսդրությունն անկատար է, նրանք երբեմն մի քանի ամիս են սպասում՝ եվրոպական այլ երկրներում հայտնված ծնողների հետ վերամիավորվելու համար։ 1441066584771

Last Updated on Sunday, 17 July 2016 03:20

Hits: 415

Ադրբեջանցիների առաջխաղացումը ետ է մղվել

Հուլիսի 14-ի լույս 15-ի գիշերը ղարաբաղա-ադրբեջանական հակամարտ զորքերի շփման գծում հակառակորդը հրադադարի ռեժիմը խախտել է 27 անգամ, որի ընթացքում, տարբեր տրամաչափի հրաձգային ու դիպուկահար զինատեսակներից, հայ դիրքապահների ուղղությամբ արձակել է ավելի քան 1400 կրակոց: Բացի հրադադարի պահպանման ռեժիմի վերոնշյալ խախտումներից, հուլիսի 14-ին` ժամը 22:45-ի սահմաններում, շփման գծի արեւելյան (Ակնա) ուղղությամբ դիտարկվել են հակառակորդի մի խումբ զինծառայողների առաջխաղացման փորձ: Պաշտպանության բանակի առաջապահ ստորաբաժանումները ձեռնարկել են օպերատիվ միջոցառումներ եւ կանխել ադրբեջանական զինծառայողների հավանական գործողությունները,-ասված է հաղորդագրության մեջ։ url

Last Updated on Sunday, 17 July 2016 03:35

Hits: 437

Նիսում ահաբեկչության հետեւանքով մեկ հայ է զոհվել

Նիսում ահաբեկչության հետեւանքով մեկ հայ է զոհվել։ Երիտասարդ հայուհին մարմնով պառկել է մանկասայլակի վրա եւ այդպես փրկել է երեխային։ 24-ամյա Նարինեն իր ամուսնու եւ փոքրիկի հետ բնակվում էր Նիսում: Նրանք Հայաստանից էին, որոշ ժամանակ առաջ էին տեղափոխվել Ֆրանսիա: Նշենք, որ մահացած կինը Հայաստանի քաղաքացի էր: Նախնական տեղեկություններով, վիրավորների մեջ նույնպես հայեր կան: Ահաբեկչության ժամանակ զոհվել են Ֆրանսիայի եւ եւս 8 երկրի քաղաքացիներ, այդ թվում` Գերմանիայի, Ռուսաստանի, Հայաստանի, Շվեյցարիայի, Մարոկկոյի, Ուկրաինայի, Միացյալ Նահանգների եւ Ալժիրի: Վերջին տվյալներով զոհվել է 84 մարդ, , այդ թվում՝ 10 երեխա: Փարիզի դատախազությունը հաղորդել է Նիսի հարձակման հետեւանքով 202 տուժածի մասին: Տուժածներից 52-ը ծայրահեղ ծանր վիճակում է, 25-ն էլ վերակենդանացման բաժանմունքում միացված են կենսապահովման սարքին: Հուլիսի 14-ի երեկոյան Նիսի կենտրոնում Բաստիլի օրվա առիթով կազմակերպված հրավառության ժամանակ բեռնատարը մեծ արագությամբ մխրճվել էր մարդկանց ամբոխի մեջ: Դրանից հետո վարորդը շուրջ 2 կմ է անցել՝ ձգտելով մարդկանց շրջանում հնարավորինս շատ զոհերի հանգեցնել: Ոստիկանությունը գնդակահարել էր հանցագործին: Վերջինս թունիսական ծագմամբ` ֆրանսիացի Մուհամեդ Լահաուեջ Բուլելն է, ով հայրենիքից հեռացել էր 4 տարի առաջ եւ կեցության իրավունք ստացել Ֆրանսիայում: Ահաբեկչության պատասխանատվությունը ստանձնել է Իսլամական պետություն խմբավորումը։ Իսկ այսօր Նիսի օդանավակայանում ուղեւորների տարհանում է իրականացվել։ Ուղեւորներին հրահանգել են դուրս գալ օդանավակայանից,- հայտնել է Associated Press գործակալությունը: Թղթակցի տվյալներով՝ տերմինալներից մեկը շրջափակել են զինվորականները: Տարհանման պատճառը կասկածելի պայուսակն է եղել:5

Copyright © 2012 | Amga.TV | Armenian Media Group Of America.

Top Desktop version