Ինդիանապոլիսում մերկ տղամարդը լուրջ դիմադրություն է ցույց տվել ոստիկաններին, որոնք փորձել են բռնել նրան: Նույնիսկ նրանից հետո, երբ իրավապահները էլեկտրաշոկեր են կիրառել, մերկ տղամարդուն հաջողվել է պոկվել` բառացիորեն տարբեր կողմեր նետելով ոստիկաններին: Հանցագործի ծիծաղելի ձերբակալությունը տեղի է ունեցել մայրաքաղաք Ինդիանապոլիսում: Տեսագրության մեջ երեւում է, որ տղամարդուն փողոցում փորձում են կանգնեցնել սովորական մարդիկ, բայց նրան հաջողվել է դուրս պրծնել եւ շարունակել իր խուլիգանական արարքները: Ոստիկանները կասկածյալի վրա կրակել են Taser ատրճանակից, սակայն առաջին փորձից նրան բռնել չի հաջողվել: Երբ փորձել են ձեռնաշղթա հագցնել, նա կարատեի հնարքներ է գորածդրել եւ երեքին էլ վնասվածքներ հասցնել: -Այս տղան նինջա է: Այ քեզ բան,- բացականչել է ականատեսներից մեկը: Տղամարդուն ձերբակալելու են նետվել ոչ միայն ոստիկանները, այլեւ պատահական մարդիկ եւ արդյունքում քաղաքացիներից մեկի օգնությամբ նրան ձերբակալել են: Նախնական տվյալներով, տղամարդը եղել է թմրանյութի ազդեցության տակ:  

Read more: Մերկ մարդը դիմադրություն է ցույց տվել

 ԱՄՆ ռազմաօդային ուժերը հայտնվել են խոշոր սեքս-սկանդալի թիրախում` վերապատրաստում անցնող 31 կանանց նկատմամբ իրականցված սեռական ոտնձգությունների` այդ թվում բռնաբարության պատճառով: Գործողությունները տեղի են ունեցել Թեքսըսում` երկրի խոշորագույն ռազմական վերպատրաստման բազայում, ուր տարեկան 35 հազար օդաչու է այցելում: Կին նորակոչիկների ներկայացրած դատական հայցով ներկայումս 6 սպաների գործով հետաքննություն է սկսվել, որոնցից մեկը` սերժանտ Լյուիս Ուոքըրը, մեղադրվում է 27 սեռական ոտնձգություն եւ 1 բռնաբարություն կատարելու մեջ: Ըստ ԱՄՆ ռազմաօդային ուժերի կանոնադրության ` սպաներին արգելվում է սեռական հարաբերությունների մեջ մտնել նորակոչիկների հետ, նույնիսկ փոխադարձ համաձայնության դեպքում:

Read more: Ռազմաօդային ուժերը սկանդալի կենտրոնում

 Տղամարդը, ում Նորթ Հալիվուդում հայտնաբերել էին գլխի վնասվածքով, մահացել է այսօր հիվանդանոցում: Գլենդելի 46-ամյա բնակիչ Սարո Բեգլարյանը մահացել է գիշերը, ժամը 1:45-ի սահմաններում: Քննչական ծառայության ներկայացուցիչ Էդ Ուինթերը հայտնել է, որ Բեգլարյանին հայտնաբերել են 5300 block of Cartwright Avenue հասցեում, գլխի վնասվածքով: Ոստիկանությունն առայժմ տեղեկություն չունի` կատարվածը հանցագործություն էր, թե դժբախտ պատահար: Սարո Բեգլարյանին գտել էին երկու շինությունների արանքում, եւ ըստ քննիչի, գլխի վնասվածքը հիմք է տալիս կարծելու, որ կատարվածը ամենայն հավանականությամբ, սպանություն է եղել:

Read more: Նորթ Հոլիվուդում հայ տղամարդ է մահացել

ԱՄՆ արեւելյան ափը տառապում է հորդառատ անձրեւների, հեղեղումների եւ ուժգին փոթորիկների պատճառով: մայրաքաղաք Վաշինգտոնում եւ հարեւան նահանգներում մոտ 4 միլիոն մարդ մնացել է առանց էլեկտրականության, տարերքի զոհերի թիվը, ըստ ճշտված տվյալների հասնում է 17-ի: Քամու արագությունը հասել էր 120կմ/ժամի: Այն տապալել է բազմաթիվ հաստաբուն ծառեր, քանդել տների տանիքներ, բազմաթիվ մեքենաներ էլ տուժել են ծառերից եւ տանիքներից պոկված բեկորներից։ Տարերքը նաեւ մարդկային սթրեսների պատճառ է դարձել։ Սաստիկ քամուց աղբանոցի վերածված՝ անլույս քաղաքները , փողոցներն ի վար հոսող գետ հիշեցնող սելավը վախեցրել է մարդկանց։ Զոհերից վեցը գրանցվել են Վըրջինիա, երկուսը՝ Նյու Ջըրսի, երկուսը՝ Մերիլընդ նահանգներում։ Զոհեր են գրանցվել Օհայո եւ Քենթաքի նահանգներում։ Նրանցից մեծ մասը զոհվել է ընկած ծառերի պատճառով։ Հյուսիսային Կարոլայնա նահանգում փոթորիկը խլել է 3 մարդու կյանք: Արտակարգ իրավիճակ է հայտարարված մայրաքաղաք Վաշինգտոնում, նաեւ՝ Մերիլընդ, Վիրջինիա, Արեւմտյան Վիրջինիա եւ Օհայո նահանգներում։ Պաշտոնատար անձանց խոսքերով, որոշ բնակավայրերում էլեկտրականության սնուցման վերականգնման համար մի քանի օր կպահանջվի։ Էներգամատակարարման համար պատասխանատու The Potomac Electric Power Company-ն զգուշացրել է, որ վթարային աշխատանքները կտեւեն մոտ 7 օր: ԱՄՆ նախագահ Բարաք Օբաման Քեմփ-Դեւիդի իր կեցավայրում, հեռախոսով քննարկել է իրավիճակը տարերքից առավել տուժած նահանգների ղեկավարության հետ: Նախագահն Արտակարգ իրավիճակների դաշնային գործակալությանը հանձնարարել է անհրաժեշտ օգնություն ցուցաբերել տեղի իշխանություններին` տարերքի հետեւանքները վերացնելու համար:

Read more: Փոթորիկ ԱՄՆ արեւելյան ափին