Երեք մարդ է զոհվել Նյու Յորքում զբոսանավի շրջման հետեւանքով: Խորտակված նավից հաջողվել է փրկել 24 մարդու: Silverton զբոսանավը շրջվել էր երեկ գիշեր, ժամ 11-ի սահմաններում, Լոնգ-Այլենդի Օյստեր-Բեյ նեղուցում: Ուղեւորները հետեւում էին հրավառությանը, որ կազմակերպվել էր Անկախության օրվա կապակցությամբ: Ուղեւորների մեծ մասը երեխաներ են եղել: Նրանց փրկելու գործողությանը մասնակցում էին առափնյա պաշտպանության, այլ գերատեսչությունների աշխատակիցները, այդ տարածքում գտնվող նավակների ուղեւորները: Ականատեսների վկայությամբ` վթարի ժամանակ նրանցից ոչ ոք փրկարար ժիլետներ չէր հագել: Ճշտված տվյալներով, հաջողվել է փրկել զբոսանավում գտնվող 27 անձանցից 24-ին: 12 տարեկան մի տղա եւ, 8 ու 11 տարեկան աղջիկներ արգելափակված են մնացել նավի սենյակում: Նրանք մահացել են, երբ զբոսանավը շրջվել է, եւ ջուրը լցվել է ներս: Փրկվածների մեծ մասին տեղափոխել են հիվանդանոց: Մեկ մարդու վիճակը գնահատվում է որպես ծայրահեղ ծանր: Ոստիկանության տվյալներով, զբոսանավը շրջվել է եղանակային անբարենպաստ պայմանների պատճառով: Նավը ներկայումս գտնվում է 20 մետր խորության տակ, փրկարարները մտադիր են այն դուրս հանել:

Read more: Նյու Յորքում զբոսանավ է շրջվել

Այսօր` հուլիսի 5-ին բողոքի մեծ ցույց է տեղի ունեցել Գլենդելում` Հայաստանի հյուպատոսարանի առջեւ: Ինչպես AMGA NEWS-ին հայտնեց AMGA հեռուստաընկերությամբ հեռարձակվող Վարագույր հեռ. հեռուստահաղորդավար Ռուդիկ Հովսեփյանը, հյուպատոսարանը վախից փակել էր բոլոր դռները, նույնիսկ մեկ հերթապահ չի եղել: Հյուպատոսարանի վրա ցուցանակ է եղել, որում նշվել է, թե ԱՄՆ անկախության եւ Հայաստանի Սահմանադրության օրերի կապակցությամբ ներկայացուցչությունը չի աշխատելու ամբողջ հինգ օր: Ցույցին հարյուրավոր մարդիկ են մասնակցել, որոնք պահանջել են խստագույնս պատժեն ոչ միայն Նեմեց Ռուբո մականունով Ռուբեն Հայրապետյանին, այլեւ ողջ օլիգարխիկ համակարգին, Սերժ Սարգսյանին, որոնք Հայաստանում անելանելի վիճակ են ստեղծել: Հավաքվածները պահանջել են վերականգնել սահմանադրական կարգը, վանկարկել Սերժիկ Հեռացիր, Նեմեց, Լֆիկ, Դոդիկ հեռացիր: Հանրահավաքի ընթացքում հասարակական կարգի խախտումներ չեն եղել, եւ ոստիկանները հսկել են ցույցի խաղաղ ընթացքը: Ցույցը լուսաբանել են ամերիկյան մի շարք լրատվամիջոցներ:Նշենք, եր Հայրապետյանին պատկանող հարսնաքար ռեստորանում ռազմական բժիշկների դաժան ծեծի եւ մայոր Վահե Ավետյանի մահից հետո բողոքի ցույցեր են ըթնանում նաեւ Երեւանում եւ այլ քաղաքներում:  

Read more: Բողոքի ցույց Գլենդելում

ԱՄՆ-ը Մեքսիկայի իշխանություններին է փոխանցել La Familia նարկոկարտելի ենթադրյալ անդամներից մեկին` Անել Վիոլետա Նորյեգա Ռիոսին, որին մեքսիկական մամուլն անվանում է հանցագործությունների թագուհի: Associated Press-ի փոխանցմամբ, Ռիոսը կալանավորվել էր կալիֆոռնիական Էլ-Մոնտի քաղաքի համեստ բնակարաններից մեկում: Ձերբակալությունը տեղի էր ունեցել հունիսի 27-ին, սակայն դրա մասին միայն հիմա է հայտնի դարձել: Հունիսի 29-ին նրան փոխանցել էին մեքսիկական իրավապահ մարմիններին: Ոստիկանությանը հաջողվել է կնոջ անձը պարզել միայն մատնահետքերի ստուգումից հետո: 2004-2005թթ. Ռիոսին կալանավորել էին ԱՄՆ-ում ու արտահանձնել Մեքսիկային 5 անգամ, սակայն ԱՄՆ-ում նրան ինչ-որ հանցագործությունների մեջ մեղավոր չէին ճանաչել:  

Read more: Հանցագործությունների թագուհուն հանձնեցին Մեքսիկային

Ամերիկացի նախկին տիեզերագնաց Ալան Փոինդեքստըրը վթարի է ենթարկվել Ֆլորիդայում ջրային մոտոցիկլետ վարելիս: Associated Press-ը հայտնում է, որ 51-ամյա Փոինդեքստըրը զոհվել է հուլիսի 1-ին: Նա իր 22-ամյա որդու` Սեմյուելի հետ վարել է ջրային մոտոցիկլետ, երբ մեկ այլ ջրային մոտոցիկլետով նրանց է բախվել իր 26-ամյա որդին` Զաքարին: Փոյնդեքստերին տեղափոխել են հիվանդանոց, սակայն բժիշկներին չի հաջողվել փրկել նրա կյանքը: Նրա որդիները չեն տուժել վթարից: Բախման պատճառները ներկայում ճշտվում են: Փոինդեքստըրը տիեզերքում եղել է երկու անգամ Atlantis ու Discovery մաքոքներով:  

Read more: Ամերիկացի տիեզերագնացը զոհվել է