Չինաստանի Սիչուան գավառում թերմիտները կերել են ֆերմերի թաքցրած 20 հազար յուանը: Գումարը հավասարազոր է 3 հազար դոլարի: 60-ամյա Ցի Շենլին չի հիշում, թե որքան վաղուց է նա փողերը թաքցրել իր ննջարանի անկյունում: Նա դիմել է այդ քայլին, քանի որ նրան հարմար չեն եղել բանկում գումար պահելու հետ կապված ձեւականությունները: Ցի Շենլին 200 թղթադրամ դրել է 2 փաթեթի մեջ, դրանք տեղավորել ննջասենյակում փորած 15 սմ խորությամբ փոսում եւ փակել աղյուսով: Չինացու պատմությունը համացանցի շատ օգտատերերի համար դարձել է ծաղրի առարկա: