July 2014
24 July 2014
Apple-ի ավելի քան 20,000 աշխատակից հավաքական հայց է ներկայացրե
- Article Details
- Published on Thursday, 24 July 2014 23:53
- Written by
Apple-ի ավելի քան 20,000 աշխատակից հավաքական հայց է ներկայացրել, որով իրենց գործատուին մեղադրում են աշխատանքային օրենսգրքի խախտման մեջ: Մասնավորապես, խոսքը ընդմիջումները ժամանակին չտրամադրելու, այդ թվում նաեւ` ճաշի ընդմիջումը, ինչպես նաեւ՝ աշխատավարձերն ուշացնելու մասին է: Հայցում նշվում են ինչպես տեխնոլոգիական հսկայի ներկայիս, այնպես էլ՝ արդեն ազատված աշխատակիցների անունները: Նշվում է, որ դեռեւս 2011թ. Քյալիֆորնիայում հայցը նախապես ներկայացրել էր 4 աշխատակից, սակայն օրեր առաջ դատարանն այն միավորել է հավաքական հայցի հետ, որը հնարավորություն է տվել ավելացնել հայցվորների թիվը: Ներկայացված փաստաթղթերում օրինակ է բերվում, որ ընկերության աշխատակիցներից մեկն ստիպված է եղել 5 ժամ աշխատել առանց ընդմիջման, իսկ ճաշն ընդհանրապես չի մատուցվել ողջ օրվա ընթացքում: Դեռեւս հայտնի չէ փոխհատուցման չափը, սակայն փաստաբանի խոսքով` մնում է միայն որոշել փոխհատուցվող գումարի չափը: Read more
24 July 2014
Սուդանցի կինը ժամանել է Հռոմ
- Article Details
- Published on Thursday, 24 July 2014 23:41
- Written by
Սուդանցի քրիստոնյա կինը՝ Մերիամ Իբրահիմը, ով մահվան էր դատապարտվել իր երկրում կրոնափոխ լինելու համար, ժամանել է Հռոմ: Իբրահիմին Իտալիա են տեղափոխել իտալական կառավարական օդանավով: 27-ամյա Մերիամ Իբրահիմին, Սուդանում գործող շարիաթի օրենքների համաձայն, դատապարտել էին մտրակի 100 հարվածի եւ կախաղանի: Դատավճիռը կայացնելու ժամանակ Մերիամը հղի է եղել երկրորդ երեխայով, ուստի մահապատիժը պետք է իրականացվեր երեխայի ծնունդից 2 տարի անց: Ըստ երկրի օրենքների՝ մայրը պետք է խնամի երեխային նվազագույնը մինչեւ 2 տարի: Մերիամին մեղադրում էին հավատուրացության եւ քրիստոնյա ամուսին ընտրելու համար: Սակայն կինը պնդում էր, որ ինքը երբեք էլ մահմեդական չի եղել, նրա մահմեդական հայրը լքել է ընտանիքը, երբ ինքը նոր է ծնված եղել, իսկ քրիստոնյա մայրը նրան դաստիարակել է որպես քրիստոնյայի: Մերիամի փրկության համար մեծացել էր միջազգային ճնշումը Սուդանի վրա, մասնավորապես՝ Մեծ Բրիտանիայի վարչապետ Դեւիդ Քեմերընը հայտարարել էր, որ իր երկիրը կդադարեցնի տնտեսական օգնություն տրամադրել Սուդանին, եթե կինն ազատ չարձակվի: Մերիամն իր ընտանիքի հետ այժմ Հռոմում է: Նրա ետեւից Իտալիան ուղարկել է կառավարական ինքնաթիռը, որի մեջ կնոջ ընտանիքին դիմավորելու է գնացել երկրի փոխարտգործնախարարը: Մերիամին ազատ էին արձակել հունիսի 23-ին, երբ վերաքննիչ դատարանն արդարացրել էր նրան: Հաջորդ օրը նա իր ընտանիքի հետ փորձել է մեկնել Միացյալ Նահանգներ, սակայն օդանավակայանում ձերբակալվել էր իր ընտանիքի հետ: Վերջին մեկ ամիսը Մերիամն իր ընտանիքի հետ բնակվելիս է եղել Խարթումի ամերիկյան դեսպանատան տարածքում՝ խուսափելով կառավարության կամ հասարակ մահմեդականների հետապնդումներից: Նրա ամուսինը քրիստոնյա է, ով ունի Միացյալ Նահանգների քաղաքացիություն: Read more
24 July 2014
Պետդեպը նախազգուշացրել է
- Article Details
- Published on Thursday, 24 July 2014 23:19
- Written by
Միացյալ Նահանգներիպետական դեպարտամենտը հատուկ նախազգուշացում է հրապարակել երկրի այն քաղաքացիների համար, ովքեր մտադիր են այցելել Հայաստան կամ այնտեղ են ապրում: -Այդ քաղաքացիներին կոչ ենք անում գրանցվել Պետդեպարտամենտի Smart Traveler Enrollment Program ծրագրում, ինչը նրանց թույլ կտա ստանալ Պետդեպարտամենտի բոլոր նախազգուշացումները, - ասվում է հայտարարությունում: Այս դեպքում Պետդեպարտամենտը քաղաքացիներին հորդորում է դիմել ամենամոտ դեսպանատուն կամ հյուպատոսություն: -Եթե ինտերնետից օգտվելու հնարավորություն չունեք, գրանցվեք մերձակա դեսպանատանը կամ հյուպատոսությունում, - նշվում է հաղորդագրությունում: Երեւանում Միացյալ Նահանգների դեսպանությունն իր հերթին հաղորդում է, որ հարցումներ է ստանում դեպի Հայաստան թռիչքների անվտանգության առնչությամբ: -Մենք տեղեկացված չենք որեւէ սպառնալիքի առկայության մասին, սակայն առաջարկում ենք կապվել ավիաընկերությունների հետ` թռիչքների անվտանգության վերաբերյալ լրացուցիչ տեղեկատվություն ստանալու համար, - նշում է դեսպանությունը: Read more
22 July 2014
Ծխողի այրուն հսկա գումար կվճարեն
- Article Details
- Published on Tuesday, 22 July 2014 01:17
- Written by
Ֆլորիդա նահանգի Փենսաքոլա քաղաքի դատարանը Միացյալ Նահանգներում ծխախոտի արտադրության ոլորտի խոշորագույն ընկերություններից մեկին՝ RJ Reynolds Tobacco Company-ին, պարտադրել է թոքերի քաղցկեղից մահացած ամերիկացու ընտանիքին փոխհատուցել 23.6 մլրդ դոլար: Սինթիա Ռաբըրթսընը դատարան էր դիմել 2008 թվականին: Նրա ամուսինը՝ ավտոբուսի վարորդ Մայքլ Ջանսընը մահացել է 1996 թ. 36 տարեկանում: Հայցվորի փաստաբանի խոսքով՝ նրա ամուսինն ավելի քան 20 տարվա ընթացքում օրական 1-3 տուփ ծխախոտ է ծխել: Նա չի կարողացել թողնել ծխելը: Նա ծխել է նույնիսկ իր մահվան օրը,- ասել է փաստաբան Ռայըն Ջիլիսընը: 2008 թվականին Մայքլ Ջանսընի ընտանիքը դատական հայց է ներկայացրել ծախախոտ արտադրող ընկերության դեմ եւ արդյունքում շահել է դատը: Ըստ որոշման՝ ընկերությունը պարտավորվել է մահացածի կնոջը փոխհատուցել 7,3 մլն դոլար, իսկ որդուն՝ 9,6 մլն դոլար: Այսքանով, սակայն, դատական գործընթացի չի սպառվել: Անցյալ շաբաթ դատարանը նշանակել է լրացուցիչ տուգանք, ինչը եւ զգալի մեծացրել է փոխհատւոցման ենթակա գումարի չափը: Ըստ մեղադրյալ կողմի՝ RJ Reynolds ընկերությունը պատշաճ կերպով գնորդներին չի տեղեկացնում, որ իր արտադրանքը վտանգում է առողջությունը: R.J. Reynolds Tobacco Company-ի փոխտնօրենը խոստացել է վիճարկել այդ ապշեցուցիչ վճիռը: Read more
Սեռական կամ գենդերային խտրականությունը կարգելվի
- Article Details
- Published on Tuesday, 22 July 2014 01:08
- Written by
նախագահ Բարաք Օբաման նախատեսում է հրամանագիր ստորագրել` սեռական կողմնորոշման կամ գենդերային խտրականության վերաբերյալ արգելքի մասին: Այդ մասին հայտնել է Սպիտակ տան մամուլի ծառայությունը: Ըստ աղբյուրի` փաստաթուղթը արտոնություններ չի պարունակում կրոնական կազմակերպությունների համար, ինչը ողջունում են գեյերի իրավունքները պաշտպանող ակտիվիստները: Ըստ հրամանագրի` կրոնական կազմակերպություններին արգելված է աշխատանքի ընդունելիս հիմնվել սեռական կողմնորոշման կամ գենդերային պատկանելության վրա, բացառություն են կազմում կրոնական խմբերը: Ավելի վաղ արգելվել էր ռասայական, մաշկի գույնի, կրոնի, սեռի, ազգային պատկանելության, հաշմանդամության եւ տարիքի խտրականությունը: Read more
Ադրբեջանցիները Մոսկվայում գործարար են առեւանգել
- Article Details
- Published on Tuesday, 22 July 2014 01:04
- Written by
Մոսկվայի մարզում ոստիկանությունը ձերբակալել է խմբավորման մասնակիցների, ովքեր կասկածվում են փրկագնի ստացման նպատակով մոսկվացի ձեռնարկատիրոջ առեւանգման մեջ: -Ընթացիկ տարվա հուլիսին չարագործները գործարարին առեւանգել են Մոսկվայի Հարավարեւելյան շրջանում եւ նրա հարազատներից պահանջել 500 հազար դոլարի չափով փրկագին,- հայտնել են ներքին գործերի նախարարությունից: Կասկածյալները ձերբակալվել են Մոսկվայի մարզի Մատիշինի շրջանում անցկացված օպերատիվ-հետախուզական միջոցառումների ընթացքում: Նրանք 28-ից 47 տարեկան Ադրբեջանի 11 քաղաքացիներ են: Նրանց նկատմամբ որպես խափանման միջոց ընտրվել է կալանքը: Read more
հիվանդանոցը 190 միլիոն դոլար կվճարի
- Article Details
- Published on Tuesday, 22 July 2014 01:00
- Written by
Մերիլընդ նահանգի Ջանս Հափքինսի անվան հիվանդանոցը 190 միլիոն դոլար կվճարի գինեկոլոգի այն հիվանդներին, ովքեր բողոքում են, իբր բժիշկը նրանց այցելությունները գաղտնի տեսագրել է: Բողոքներ են ներկայացրել գրեթե 8 հազար կանայք:Հաղորդվում է, որ բժիշկ Նիկիտա Լիվին, ով անցած տարի ինքնասպան է եղել, գրիչների և բանալիների ամրակների մեջ տեսախցիկներ է տեղադրել:Այս համաձայնագիրը ամերիկայի պատմության մեջ ամենախոշորն է:Առաջին անգամ Լևիի այս գործողությունների մասին հայտնի է դարձել այն ժամանակ, երբ նրա գործընկերը գինեկոլոգի մոտ տեսագրող գրիչ է նկատել: Ավելի ուշ իշխանությունները նրա տանը կոշտ դիսկերի վրա տեսագրված հիվանդների լուսանկարներ և տեսագրություններ են հայտնաբերել: Բժիշկին հեռացրել են աշխատանքից 2013թ. փետրվար ամսին, որից տասն օր անց նա մահացած է հայտնաբերվել: Read more
Հալեպում հայեր են վիրավորվել
- Article Details
- Published on Tuesday, 22 July 2014 00:54
- Written by
Հանգստյան օրերին Հալեպի հայաշատ թաղամասերում դարձյալ պայթյուններ են լսվել: Զինյալ ահաբեկչական խմբավորումների կողմից արձակված հրասանդի արկի պայթյունի հետեւանքով Սուլեյմանիե թաղամասում վիրավորվել են Ավետիս եւ Էլիզ Քյուրքճյանները, իսկ պատահական փամփուշտից վիրավորվել է Լարա Սնունին:Վիրավորների վիճակը գնահատվում է բավարար: Հալեպում կան թաղամասեր, որոնք ավելի քան 50 օր ջրազրկված են, սակայն ընդհանուր առմամբ ջրամատակարարման հարցը համեմատաբար կարգավորվել է, եւ էլեկտրական սարքերի միջոցով հնարավոր է լինում որոշակի ժամերի տուն ջուր հասցնելը։ Այնուհանդերձ, մարդիկ շարունակում են տուն տանել դպրոցների, եկեղեցիների եւ մզկիթների բակերում փորված հորերի ջուրը, որը, սակայն, խմելու համար պիտանի չէ եւ օգտագործվում է կենցաղային նպատակներով: Read more
Հարձակում Թբիլիսիի հայկական եկեղեցու վրա
- Article Details
- Published on Tuesday, 22 July 2014 00:51
- Written by
Նախօրեին երեկոյան հարձակում է տեղի ունեցել Վրաստանի մայրաքաղաք Թբիլիսիի հայկական Սուրբ Էջմիածին եկեղեցու վրա: Վեճը սկսվել է կենցաղային հողի վրա: Մի վրացուհի եկեղեցու պարսպի մոտ կայանել է իր մեքենան եւ չի կարողացել այն դուրս բերել՝ այլ մեքենաների պատճառով: Նրան օգնություն են առաջարկել եկեղեցու հոգեւորականը եւ թեմի պաշտոնյաները: Սակայն կինը մերժել եւ զանգահարել է իր մտերիմներին, ովքեր գալով՝ հայհոյանքներ են տվել: Երեկոյան կողմ նույն խումբը՝ մոտ 50 հոգի, հարձակվել են եկեղեցու առջեւ կանգնած Տեր Մանուկ քահանա Զեյնալյանի, թեմի տնտեսվարի եւ աշխատակցի վրա, դաժանորեն ծեծել նրանց: Հարձակվողները պոկել են հոգեւորականներից մեկի լանջախաչը եւ վերցրել են իրենց հետ: Մինչեւ ոստիկանների մոտենալը, Առաջնորդարանի վարչատնտեսական բաժնի տնօրեն Կարեն Երիցյանը իրեն ամրակցված օրինական զենքից մի քանի անգամ կրակել է օդ եւ հանդարտեցրել կռվողներին: Այս պահի դրությամբ քրեական գործ է հարուցվել եւ ընթանում է քննություն: Բավական լուրջ վնասվածքներ է ստացել Լեւոն Իսախանյանը, ում տրվել է դատաբժշկական ուղեգիր: Read more
Ավիաաղետ Նյու Յորքում
- Article Details
- Published on Tuesday, 22 July 2014 00:49
- Written by
Նյու-Յորք նահանգի Լեյք-Փլասիդ քաղաքի օդանավակայանում մեկ շարժիչով՝ Mooney M20 ինքնաթիռը, վայրէջքի ժամանակ կործանվել է. կա 3 զոհ: Նախնական տվյալներով դեպքից առաջ՝ օդանավակայանում ուր պատրաստվում էր գետնին հասնել վթարված ինքնաթիռը միեւնույն ժամանակ երկրորդ օդանավն է վայրէջք կատարել : Mooney M20-ի օդաչուն ստիպված է եղել երկրորդ անգամ մոտենալ թռիչքուղուն, սակայն չի կարողացել իրականացնել վայրէջքը: Նախնական տեղեկությունների համաձայն վթարի պատճառը տեխնիակական անսարքությունն է եղել: Read more
Powerd by Bloogie