amga.tv

Switch to desktop Register Login

March 2013

30 March 2013

Ներգաղթյալները ԱՄՆ էին մտել ձմերուկների մեջ

illl 8ԱՄՆ սահմանապահ ծառայությունը ձերբակալել է յոթ ապօրինի ներգաղթյալների Մեքսիկայից, որոնք ԱՄն տարածք էին ներթափանցել ձմերուկներ տեղափոխող սառցարան-բեռնատարի մեջ: Բեռնատարը ստուգման համար կանգնեցվել էր երեկ երեկոյան, թիվ 86 մայրուղու վրա, Salton City եւ Westmorland քաղաքների միջեւ, Salton Sea-ի մերձակայքում: Սահմանապահ ծառայության վարժեցրած շունը զգացել է ներգաղթյալների հոտը եւ տեղյակ պահել սահմանապահներին: Մինչեւ 48 աստիճան սառնությամբ թրեյլըրում հայտնաբերվել են մի կին եւ 20-ից 52 տարեկան վեց տղամարդիկ: Մաքսանենգության մեղադրանքով ձերբակալվել է բեռնատարի 50-ամյա վարորդը, իսկ ապօրինի ներգաղթյալներին ձերբակալել են արտաքսելու նպատակով: Read more

30 March 2013

Գլենդելում մեքենան մտել է հրուշակեղենի խանութի մեջ

glll 5Մեկ մարդ զոհվել, եւս չորսը մարմնական տարբեր աստիճանի վնասվածքներ են ստացել, երբ 72-ամյա կինը իր մեքենայով մխրճվել է Գլենդելի հրուշակեղենի խանութի մեջ: Միջադեպը տեղի է ունեցել Օլըդայնըս Oledina's Cake Factory-ում, երեկ ժամը 1:15-ին, 1100 E. Broadway հասցեում: Ոստիկանությունը հայտնել է, թե վարորդը չի կարողացել կառավարել մեքենան, բախվել է փողոցում կանգնած հինգ մեքենաների, եւ մտել խանութի մեջ: Նա մեքենայով վրաերթի է ենթարկել Ստեփան Վարդանյանին 55-ամյա տղամարդուն ով հարեւանությամբ աշխատող ժամագործն է եղել, ով տեղում մահացել է: Զոհվածի անունը չի հաղորդվում: Մի կնոջ տեղափոխել են հիվանդանոց, եւս երեք մարդ նվազ ծանրության վնասվածքներ են ստացել: Վարորդը որեւէ վնասվածք չի ստացել, սակայն տեղափոխվել է հիվանդանոց` հետազոտման: Ոստիկանությունը հարցաքննում է նրան: Նա առայժմ չի ձերբակալվել: Read more

30 March 2013

ԱՄՆ-ը ապրիլի 10-ին կներկայացնի 2014-ի բյուջեի նախագիծը


budge 7Նախագահ Օբամայի վարչակազմը ապրիլի 10-ին կներկայացնի 2014 թվականի երկրի բյուջեի նախագիծը: Այս մասին հայտնել է Սպիտակ տան ներկայացուցիչ Ջաշ էռնեստը: Բյուջեն Կոնգրես մտցնելու ամսաթիվը եղել է վերջին երկու ամիսների գլխավոր ինտրիգը: Սովորաբար բյուջեն ներկայացվում է փետրվարի առաջին երկուշաբթի, սակայն այս տարի դա ձգձգվել է, որի պատճառը սեկուեստրի շուրջ վարչակազմի եւ Կոնգրեսի վեճերն են, որոնք ձգվում են անցած տարվա աշնանից: Ավելի վաղ Սպիտակ տունը հաղորդել էր, որ բյուջեն կհրապարակի ապրիլի 8-ին հաջորդող շաբաթվա ընթացքում: 2013 ֆինանսական տարվա բյուջեի նախագծի ծախսերի հատվածը կազմում է շուրջ 3.8 տրիլիոն դոլար՝ 1 տրիլիոն դեֆիցիտի պայմաններում: 2012-ի բյուջեն ծրագրվել էր 3.73 տրիլիոն դոլարի չափով՝ կրկին նույնքան դեֆիցիտի պայմաններում: ԱՄՆ-ում նոր ֆինանսական տարին սկսվում է հոկտեմբերի 1-ին: Read more

30 March 2013

Արա Մանուկյանը նոր արշավ է սկսել

ara 7Ամերիկահայ ակտիվիստ, հետաքննող լրագրող Արա Մանուկյանը, ով մարտի 17-ին հացադուլ էր սկսել՝ պահանջելով ԱՄՆ նախագահ Բարաք Օբամայից հետ վերցնել Սերժ Սարգսյանին ուղղված իր շնորհավորանքը, նոր արշավ է սկսել, որը կոչվում է Մեկ դոլար ժողովրդավարությանը (One-Dollar Democracy): Մանուկյանը նշել է, որ ինքը ցանկանում է ժողովրդավարությանը նվիրված իր արշավը հասցնել մինչեւ Վաշինգտոն եւ Սպիտակ Տան առաջ շարունակել իր հացադուլը: Մանուկյանը նշում է, որ մտադիր է Վաշինգտոն ուղեւորության ընթացքում տեղեկացնել ամերիկացիներին, թե ինչպես են ԱՄՆ կառավարության ներկայացուցիչները խեղում հայաստանյան ներքաղաքական իրական պատկերը եւ այդպիսով հակասում ժողովրդավարության արժեքներին: Հիշեցնենք, որ Արա Մանուկյանն իր հացադուլն սկսել է 2013 թ. մարտի 17–ին` բողոքելով` Սերժ Սարգսյանին վերընտրման կապակցությամբ ԱՄՆ նախագահ Բարաք Օբամայի շնորհավորական ուղերձի դեմ։ Նա հացադուլն անում է Ադըմ Շիֆի` Բըրբենքի տարածքային գրասենյակի դիմաց` 245 East Olive Ave, Burbank հասցեում: Մանուկյանը վկայակոչում է փետրվարի 18–ի ընտրության հետ առնչվող եւ գործող նախագահի օգտին կատարված բազմաթիվ խախտումների առկայությունը։   Read more

29 March 2013

Սողանքի հետեւանքով փլուզվել է բնակելի տուն

Soraq 4Առնվազն մեկ տուն է անցել հողի տակ հսկայական սողանքի հետեւանքով, Վաշինգթոն նահանգի Ուիդբի կղզում, որ Սիեթլից 50 մղոն հեռավորության վրա է գտնվում: Դեպքի վայրում ահռելի քանդվածք է առաջացել: Բարեբախտաբար ոչ ոք չի տուժել, փրկարարներին հաջողվել է քանդված տանից հանել տարեց տղամարդու: Ընդ որում, սողանքի հետեւանքով մոտ 17 տներ կտրված են մնացել, եւ փրկարարները ստիպված են եղել դեպքի վայր հասնել ծովից` հատուկ նավակների օգնությամբ: Սողանքի հետեւանքով շրջանի էլեկտրամատակարարումն ու ջրամատակարարումը խափանվել են: Միջադեպը տեղի է ունեցել վաղ առավոտյան` ժամը 4:15-ի սահմաններում, մարդկանց հաջողվել է փրկվել` սարսափելի ձայնի շնորհիվ: Տներում գտնվողներն արագորեն լքել են դրանք եւ խուսափել հողի հետ տապալվելու հեռանկարից: Փրկարարները նավակներով տարհանել են բնակիչներին: -Մեզ զանգահարեցին տուժածի հարեւանները եւ հայտեցին, որ դղրդոց են լսել: Այդ ժամանակ արդեն փրկարար ծառայության մեր գործընկերները հասել էին դեպքի վայր: Այժմ ափի հատվածը շարունակում է դեֆորմացվել: Դա շարունակվելու է այնքան, քանի դեռ երկրակեղեւը չի կայունացել-հայտնել է արտակարգ իրավիճակների վարչության ներկայացուցիչ Էրիկ Բրուքսը: Փրկարարները հայտնել են, որ եւս 34 տների սպառնում է սողանքը եւ բնակիչներին տարհանել են: Փորձագետները կարծում են, որ սողանքը կարող է հետեւանք լինել վերջերս տեղացած հորդառատ անձրեւների:   Read more

Ոստիկանական հետապնդում եւ ձերբակալություն

poliii 4Այսօր առավոտյան Chainatown-ում երկու տղամարդիկ են ձերբակալվել 45 րոպե տեւած արագընթաց հետապնդումից հետո, որ սկսվել էր Լոնգ Բիչում: Ոստիկանությունը ժամը 5-ին 4600 Virginia Road հասցեից ահազանգ են ստացել: Հաստատության անվտանգության ծառայությունը դիմադրել է ավազակային հարձակում կատարած անձանց, որոնք փորձել են փախուստի դիմել: Հետապնդումը ընթացել է թիվ 710 մայրուղով եւ մի քանի այլ մայրուղիներով: Ժամը 5:50-ի սահմաններում հետապնդումն ավարտվել է Չինական թաղամասում, առանց դիմադրության: Կասկածյալներին, որոնց անունները չի հաղորդվում, ձերբակալել են եւ ավազակային հարձակման ու ոստիկանությունից փախչելու մեղադրանք է առաջադրվել:   Read more

Կոլորադյան հրաձիգը ցանկանում է ընդունել իր մեղքը

home 4Կոլորադյան հրաձիգ Ջեյմս Հոլմսի փաստաբանները հայտարարել են իրենց պաշտպանյալի՝ քննության հետ համագործակցելու եւ մեղքն ընդունելու որոշման մասին: Նման քայլը Հոլմսին հնարավորություն կտա խուսափելու մահապատժից: Եթե հետաքննությունը համաձայնվի համագործակցել մարդասպանի հետ, ապա նա կդատապարտվի ցմահ ազատազրկման՝ առանց համաներման իրավունքի: Այս դեպքում դատը կտեւի մի քանի օր: Պաշտպանությունն արդեն դատարանին փոխանցել է համապատասխան միջնորդությունը: Սպասվում է, որ դատախազությունն իր վճռի մասին կհայտարարի ապրիլի 1-ին` Հոլմսի զոհերի հարազատների հետ խորհրդակցությունից հետո: Հիշեցնենք, որ 24-ամյա Ջեյմս Հոլմսը 2012թ. հուլիսի 20-ին Դենվuրում Բատմենի մասին ֆիլմի պրեմիերայի ժամանակ սպանդ էր կազմակերպել: Զոհվել էր 12 մարդ, վիրավորվել` 58-ը: Դրանից անմիջապես հետո ոստիկանությունը նրան ձերբակալել էր: Հուլիսի 30-ին դատարանը նրան պաշտոնական մեղադրանք էր ներկայացրել: Մեղադրյալի փաստաբանների խոսքով, սակայն, դատախազը, ամենայն հավանականությամբ, պնդելու է Հոլմսին մահապատժի ենթարկելու վրա: Թե ինչ խափանման միջոց կկիրառվի Հոլմսի նկատմամբ, կհայտարարվի երկուշաբթի:  Read more

ԱՄՆ-ը կշարունակի պաշտպանել Հարավային Կորեան

heyg 5Պենտագոնի ղեկավար Չակ Հեյգելը հաստատել է, որ ԱՄՆ-ը կշարունակի Հարավային Կորեան պահել իր միջուկային հովանոցի ներքո: Ինչպես հայտնել է Պենտագոնի մամլո քարտուղար Ջորջ Լիթլը, Հեյգելն այդ մեսիջն ուղարկել է Հարավային Կորեայի ազգային պաշտպանության նախարար Կիմ Գվան Չժինի հետ հեռախոսազրույցի ընթացքում: Լիթլի խոսքով՝ Հեյգըլի զրույցի նպատակն էր ընդգծել Վաշինգտոնի անսասան նվիրվածությունը Սեուլի հետ դաշինքին, հատկապես Կորեական թերակզղում ներկա գերլարված շրջանում: Երկրների ռազմական գերատեսչությունների ղեկավարները կրկին հաստատել են դաշինքի հզորությունը, որը, ԱՄՆ-ի կարծիքով, խաղացել եւ շարունակում է առանցքային դեր խաղալ տարածաշրջանում կայունության պահպանման գործում՝ ասել է Լիթլը: Զրույցի ավարտին Հեյգըլը հավելել է, որ պաշտպանության նախարարի պաշտոնում Կիմ Գվան Չժինի լինելը կարող է միայն ամրապնդել ԱՄՆ-ի եւ Հարավային Կորեայի հարաբերությունները: Read more

Դերասանուհի Էշլի Ջադը չի առաջադրվի ընտրություններին

jade 4Հոլիվուդյան դերասանուհի Աշլի Ջադը հրաժարվել է պայքարել 2014թ. Սենատում հայտնվելու համար: Այս մասին նա հայտարարել է Twitter-ում իր միկրոբլոգում

Ջադի՝ Սենատի ընտրություններին առաջադրվելու մտադրության մասին հայտարարել էին ամերիկացի խորհրդարանականները: Կայանալիք ընտրություններում դերասանուհու պոտենցիալ հակառակորդը՝ հանրապետականների ղեկավար Միթչ Մըքանըլը, արդեն պատրաստվել է գրոհին ու թողարկել գովազդային հոլովակ, որում ծաղրել է սենատոր դառնալու Ջադի մտադրությունը: -Լուրջ խորհրդածություններից հետո ես հասկացա, որ իմ ամբողջ էներգիան ու հոգատարությունը պետք է ուղղեմ իր ընտանիքին: Ցավոք, ներկայում ես չեմ կարող վարել նախընտրական քարոզարշավ,- գրել է ՋադըՄարտին նա մի շարք խորհրդատվություններ էր անցկացրել Վաշինգտոնում ու Կենտակի նահանգում Դեմոկրատական կուսակցության ներկայացուցիչների հետ, որի միջոցով էլ ցանկանում էր առաջադրվել: Read more

Օբաման ընդունել է չորս երկրների նախագահների

afri 4ԱՄՆ նախագահ Բարաք Օբաման այսօր Սպիտակ տանն ընդունել է աֆրիկյան չորս երկրների ղեկավարների: Վարչակազմի կարծիքով, դա լավ հնարավորություն է Աֆրիկայի երկրների հետ առեւտրի ծավալներն ավելացնելու համար: Օբամայի հյուրերն են եղել Մալավիի նախագահ Ջոյս Բանդան, Սենեգալի նախագահ Մակի Սալը, Սիերա-Լեոնեի նախագահ Էռնեստ Բայ Կորոման եւ Կաբո-Վերդեի վարչապետ Ժոզե Մարիա Պերեյրա Նեւեսը: Սպիտակ տան փոխանցմամբ, Միացյալ Նահանգները սերտ հարաբերություններ են պահպանում այդ չորս երկրների հետ: Հաղորդվում է նաեւ, որ նախագահ Օբաման պատրաստ է համագործակցել Աֆրիկայի կայուն եւ զարագցող ժողովրդավարական երկրների հետ: չորս երկրների նախագահները կլինեն նաեւ Պենտագոնում, որտեղ կբանակցեն նախարար Չակ Հեյգըլի հետ: Քննարկվելու են ահաբեկչության դեմ պայքարի եւ նավարկության անվտանգության հարցերը: Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version