08 March 2013

Գլենդելում հային ձերբակալել են թմրանյութի համար

Article Details: Published on Friday, 08 March 2013 01:27; Written by

GLENN 7 Գլենդելում` մեքենան թմրանյութի ազդեցության տակ վարելու համար 30-ամյա մի հայ է ձերբակալվել: Տղամարդը շատ էր շտապում հասնելու Narcotics Anonymous հանդիպմանը։

Ոստիկանները Foothill (210) եւ Glendale (2) մայրուղիների խաչմերուկում կանգնեցրել են Արսեն Գալստյանին, ում մեքենան անկանոն է շարժվել: Գալստյանը ներողություն է խնդրել երթեւեկելու համար, եւ հայտնել, թե բջջայինն էր գցել: Գալստյանը, ով նախկինում ձերբակալված է եղել թմրանյութեր օգտագործելու մեղադրանքով, հավելել է, թե ուշանում էր անոնիմ թմրամոլների հանդիպումից: Ոստիկանները, սակայն նկատել են, թե նա նյարդայնանում է, ատամները փչացած են, իսկ մատների ծայրերը կոշտացած եւ այրված են, ինչպես լինում է մետամֆետիամին օգտագործող թմրամոլների մոտ: Թեսթից հետո Գալստյանին ձերբակալել են: Բանտում ոստիկանները հայտնաբերել են, թե Գալստյանը գուլպայի մեջ թմրանյութ է պահում: Նրան նաեւ բանտ թմրանյութ անցկացնելու մեղադրանք է առաջադրվել: Read more

Ամենավտանգավոր մթերքների ցանկը

Article Details: Published on Friday, 08 March 2013 01:22; Written by

VTANG-5 Ամերիկացի դիետոլոգ Ջերեդ Քոհը կազմել է մարդու համար ամենավնասակար եւ վտանգավոր մթերքների ցանկը: Ցանկում առաջին տեղը զբաղեցրել են մետաղյա տարաներում պահածոյացված լոլիկները: Լոլիկների թթվայնությունը շփվում է մետաղի հետ, որը մեծացնում է վնասակար բիսֆենոլ նյութի կուտակումը: Այն առկա է բոլոր պահածոներում: Երկրորդ տեղում մշակում անցած մսամթերքներն են. դրանցում կան նիտրատներ եւ այլ վնասական նյութեր: Երրորդ տեղում մարգարինն է, որում կան թթուներ, որոնք ունակ են հանգեցնել սրտանոթային հիվանդությունների: Այնուհետեւ գալիս է բուսական յուղը որում կա օմեգա-Բ թթուներ, ինչը հանգեցնում է օրգանիզմում բորբոքային պրոցեսների:Դիետոլոգը վնասակար մթերքների շարքում է դասել նաեւ փափքորնը, աղը, նաեւ մթերքները, որոնցում կան արհեստական քաղցրացնող նյութեր: Read more

Ժնեւի ավտոսրահը մեկնարկեց

Article Details: Published on Friday, 08 March 2013 01:17; Written by

showww 3 Այսօր իր դռներն է բացել Ժնեւի միջազգային ավտոսրահը: Ավտոսրահում իրենք արտադրանքն են ներկայացնում աշխարհի 30 երկրների 260 ընկերություններ: Ավտոսրահում սպասվում են ավելի քան 130 պրեմիերաներ: Ամենասպասված նորույթներից է BMW-ի3-րդ դասի Գրան տուրիզմո հեչբեքը: Մեկ այլ գերմանական ավտոարտադրող` Audi-ն բերելու է S3 հինգդռնանի հեչբեքը, իսկ Mercedes-ը` A-դասի ամենահզոր տարբերակը: Volkswagen-ը ներկայացնելու է Cross Up!-ի նոր մոդելը, Volvo-ն` միանգամից վեց նորացվածմոդելներ, Alfa Romeo-ն` 4C սպորտային կուպեն, Skoda-ն` Օկտավիա-ի ունիվերսալ տարբերակը: Իր նոր, համեմատաբար թանկ մեքենան կառաջարկի իտալական Ferrari-ն: F150 մոդելը կարժենա 1,2 մլն եվրո, սակայն 499 օրինակով արտադրվող մակնիշի բոլոր մեքենաներն արդեն վաճառվել են: Գրեթե նույնքան արժե 810-ձիաուժանոց McLaren P1-ը: Իսկ Rolls-Royce-ը ներկայացնելու է իր նոր մոդելը` Wraith կուպեն, որի մասին քիչ տեղեկություն կա: Bentley-ն կցուցադրի Continental Flying Spur նորացված սեդանը: Նորույթներ ունեն նաեւ աշխարհահռչակ Aston Martin, Bugatti, Lamborghini, Maserati, Porsche ընկերությունները: Ավտոսրահը կաշխատի մարտի 7-ից 17-ը: Read more

ԱՄՆ տնտեսությունը չափավոր զարգանում է

Article Details: Published on Friday, 08 March 2013 01:10; Written by

dph 8 ԱՄՆ-ի տնտեսությունն աճում է չափավոր տեմպերով: Այս մասին է վկայում Դաշնային պահուստային համակարգի հրապարակած զեկույցը: ԴՊՀ հետազոտությունը վերաբերում է 2013-ի առաջին երկու ամիսների տվյալներին: Այդ հատվածում տնտեսական աճի տեմպերը եղել են աննշան, սակայն շոշափելի՝ բանկային 12 տարածաշրջաններից 10-ում, որոնց երկիրը բաժանված է պահուստային համակարգի սխեմայում: Բացառություն են կազմել միայն Բոստոնի եւ Չիկագոյի շրջանները, որոնք իրենց մեջ ներառում են ընդհանուր առմամբ 11 նահանգ: Այնտեղ տնտեսությունը զարգացել է ավելի դանդաղ տեմպերով: Ինչպես սպասվում է՝ Չիկագոյի շրջանում տնտեսական ակտիվությունը կարող է բավական թույլ լինել առաջին 6 ամիսներին: Սակայն երկրորդ կիսամյակում, մասնագետների գնահատականներով, իրադրությունն այնտեղ պետք է փոխվի դեպի լավը: Ինչպես նշվում է զեկույցում, տարածաշրջանների մեծ մասում տարվա սկզբին նկատվում է սպառողական ծախսերի ընդլայնում: Read more

Մեծ թատրոնի մենակատարին կալանավորել են

Article Details: Published on Friday, 08 March 2013 01:07; Written by

bolshoy 5 Մոսկվայի Տագանսկի շրջանի դատարանը կալանավորել է Մեծ թատրոնի գեղարվեստական ղեկավար Սերգեյ Ֆիլինի դեմ հարձակման մեջ մեղադրվող մենապարող Պավել Դմիտրիչենկոյին, նախկինում ավազակության համար դատապարտված Յուրի Զարուցկուն եւ վարորդ Անդրեյ Լիպատովին: Դատական նիստում Պավել Դմիտրիչենկոն հայտարարել է, թե իր ծանոթին պատմել էր թատրոնում ունեցած խնդիրների մասին, վերջինս առաջարկել էր ծեծել Ֆիլինին, բայց ինքը վրդովվել է: Պարողի փաստաբանը հայտարարել է, թե Սերգեյ Ֆիլինի վրա հարձակումը եղել է Զարուցկու անձնական նախաձեռնությամբ: Քննիչի առաջարկին` ներողություն խնդրել բալետմեյստերից, Դմիտրիչենկոն տարակուսել է. -Ինչի՞ համար: Մենապարողը պատմել է, թե Ֆիլինը խլում էր գումարները արտիստների մի մասից եւ տալիս ուրիշներին: Նա նաեւ խոստացել է պատմել այլ ֆինանսական մեքենայությունների մասին: Նշենք, որ Մոսկվայի Մեծ թատրոնի բալետմեյստեր Սերգեյ Ֆիլինի վրա հարձակումը տեղի էր ունեցել հունվարի 17-ին` ուշ երեկոյան: Չարագործը նրա դեմքին ծծմբաթթու էր լցրել: Ներկայումս Ֆիլինը բուժվում է Գերմանիայում: Նա աչքերի եւ դեմքի տասնյակ վիրահատությունների է ենթարկվել: Read more

«Սատար» Հաշմանդամների հասարակական կազմակերպություն

Article Details: Published on Friday, 08 March 2013 01:03; Written by

saturn 5 Սատար Հաշմանդամների հասարակական կազմակերպությունն ունի ընդամենը 1 տարվա պատմություն, սակայն այս կարճ ժամանակվա ընթացքում Հայաստանում ապրող ազատամարտիկներին, որոնք սոցիալապես անապահով վիճակում են գտնվում, նաեւ հաշմանդամ ազատամարտիկների ընտանիքներին ուղարկել է մոտ 150 արկղ Օգնություն։ Կազմակերպության Լոս Անջելեսի մասնաճյուղի նախագահ Ստեփան Գյումիրկյանը մեզ տեղեկացրեց, որ երեկ կրկին նավային առաքմամբ նոր արկղեր են ուղարկվել Global USA inc. ընկերության միջոցով: Ընկերությունն անվճար առաքել է բեռները, որոնց մեջ էր հաշմանդամների սալյակներ, հագուստներ եւ պահածոներ։ Սատար Հաշմանդամների հասարակական կազմակերդպության ԱՄՆ մասնաճյուղի նախագահը հատուկ շնորհակալություն է հայտնում բոլոր այն մարդկանց, որոնք օժանդակում են այս ազգանվեր գործին, եւ խնդրում է շարունակել ուղարկել իրենց օգնությունները` զանգահարելով 818.823.8724 հեռախոսահամարով։ Օգնությունները Հայաստանում տրամադրվում է առավել կարիքավորներին` հասցնելով մինչեւ անգամ սահմանամերձ շրջաններ։ Սատար Հաշմանդամների հասարակական կազմակերպության շնորհիվ շատ դպրոցներ անվանակոչվում են զոհված ազատամարտիկների անուններով։ Սատար կանգնենք ազգանվեր գործին, սիրելի հայրենակիցներ: Read more

Աֆրիկյան առյուծը սպանել է խնամողին

Article Details: Published on Friday, 08 March 2013 00:58; Written by

LION 6 Աֆրիկյան առյուծը Քալիֆորնիայում հարձակվել է վայրի կենդանիների կացարանի աշխատակցուհու 26 ամյա Դայանա Հենսընի վրա: Նահանգի ձկնային պաշարների եւ վայրի բնության վարչության ներկայացուցիչ Թոնի Սփադայի խոսքով, ստացված վնասվածքներից 26-ամյա կամավորական աղջիկը տեղում մահացել է: Միջադեպը տեղի է ունեցել կեսգիշերին, կենդանիների համար նախատեսված Cat Haven կացարանում, որը գտնվում է Լոս Անջելեսից 360 կմ հյուսիս գտնվող Դենլափ քաղաքում: Քուս-քուս անունը կրող 4 տարեկան առյուծը հարձակվել է աղջկա վրա, երբ նա շատ է մոտեցել կենդանուն: Շրջանի շերիֆի տեղակալը, ժամանելով դեպքի վայր, գնդակահարել է առյուծին: Քուս-քուսը կացարան էր տեղափոխվել 8 շաբաթականում եւ հանդարտ կենդանու համբավ ուներ: Սփադան ենթադրում է, թե կամավորականը շատ էր մոտեցել գիշատչի վանդակին: 40 հեկտար մակերեսով կացարանի տարածքում ավելի քան 20 կատվազգի կենդանի է ապրում, այդ թվում վագրեր, լեոպարդներ, հեպարդներ: Ամեն տարի Cat Haven է այցելում մոտ 10 հազար մարդ: Big Cat Rescue կազմակերպության ներկայացուցչի խոսքով` ԱՄՆ-ում 1990-ից ի վեր վայրի կատուների հարձակումների պատճառով զոհվել է 21 մարդ, այդ թվում 5 երեխա, եւս 246-ը տուժել է: Read more

ԱՄՆ-ում գտել են հայ նկարչի` 30 մլն դոլար արժեքով նկարները

Article Details: Published on Friday, 08 March 2013 00:54; Written by

NKAR 6 Ամերիկյան Նյու Յորք նահանգի Լոնգ-Այլընդ կղզու ավտոտնակներից մեկում հայտնաբերել են հայկական ծագմամբ, քիչ հայտնի աբստրակտ իմպրեսիոնիստ Արթուր Փինաջյանի նկարները, որոնք գնահատվում են 30 մլն դոլար: Associated Press-ի փոխանցմամբ, Բելփորթում գտնվող քոթեջի նոր սեփականատերը գտել է Արթուր Փինաջյանի հազարավոր նկարներ, կտավներ եւ հանդեսներ: Աշխատանքները գնահատել է Ուիլյըմ Հեսթինգս Ֆալկը, ով ժամանակին գնահատել է նաեւ Էնդի Ուորհոլի արվեստը: Որոշ ստեղծագործություններ արդեն վաճառվել են 500 հազար դոլարով: Նրա 50 պեյզաժներ ցուցադրման են դրվել Մանհեթթընում: Արվեստի պատմաբան Ուիլյամ Իննես Հոմերի` վերջերս հրապարակված գրքում Փինաջյանի աշխատանքները համարվում են իրենց դարաշրջանի լավագույն աշխատանքները: Տունը 2007թ. գնել էր Թամըս Շուլցը: Read more

«Սատուրնը» մոլեգնում է ԱՄՆ արեւելյան ափին

Article Details: Published on Friday, 08 March 2013 00:49; Written by

saturn 9 Սատուրն փոթորիկը շարժվում է դեպի Նյու Յորք, որը առաջիկա ժամերին կհասնի ԱՄՆ հյուսիս-արեւելյան ափերին` իր հետ բերելով տեղումներ, ձյան եւ անձրեւի տեսքով: Քամու արագությունն, ըստ օդերեւութաբանների, հասնում է 65 կմ/ժամի: Թոփորիկը այդ տարածքներում կմոլեգնի մոտ մեկ օր։ Նյու Յորքում առկա է ջրհեղեղի վտանգ: Նյու Յորքի եւ Ֆիլադելֆիայի նահանգներում հարյուրավոր չվերթներ չեղյալ են հայտարարվել կամ հետաձգվել: Մասնավորապես, Նյու Յորքի նահանգում 254 չվերթների ուղեւորներ չեն կարողացել թռչել: Ընդհանուր առմամբ` երկրում չեղյալ է հայտարարվել 2200 թռիչքներ: Ավելի վաղ Սատըրնը առանց էլեկտրաներգիայի էր թողել 250 հազար տներ Վըրջինիայի եւ Նյու Ջերզիի նահանգներում: Տուժել է նաեւ Քոնեթիքըթի նահանգը: Ձյան առատ տեղումների պատճառով արտակարգ դրություն է հայտարարվել ԱՄՆ-ի Վըրջինիայի նահանգում: Համապատասխան որոշումն ընդունել է նահանգապետ Ռաբըրտ Մըկդանըլը: Նա նշել է, որ լարերի կտրվելու պատճառով նահանգում առանց էլեկտրականության են մնացել 123 հազար բնակելի շենքեր եւ մասնավոր կազմակերպություններ: Նահանգի ոստիկանությունը տեղեկատվություն է ստացել 367 ճանապարհատրանսպորտային պատահարների մասին: Եվս 237 հեռախոսազանգ է ստացվել այն վարորդներից, որոնց ավտոմեքենաները խրվել են ձյան մեջ: Վաշինգտոնում մոլեգնող ձնաբքի պատճառով փակ են համերկրային բոլոր հիմնարկները: Չողյալ են հայտարարված կաբինետի անդամների մասնակցությամբ հանրային մի շարք միջոցառումներ: Չեն աշխատում դատարանները, ինչպես նաեւ կրթական հաստատությունների մեծ մասը: Մայրաքաղաքի օդանավակայաններում 700 չվերթ չեղյալ է հայտարարվել: Read more

Լոս Անջելեսի շրջանում ավտովթարից զոհվածը հայուհի էր

Article Details: Published on Friday, 08 March 2013 00:43; Written by

avt 6 Ոստիկանությունը հրապարակել է երկուշաբթի օրը տեղի ուենցած վթարից զոհվածի ինքնությունը: Զոհվածը Մոնթրոզի բնակչուհի, 43-ամյա Մարալ Ջուլաքյանն էր: Նրա ավտոմեքենան Անջելես-Քրեսթ մայրուղում դուրս է եկել երթեւեկելի մասից եւ ընկել ձորակը: Լոս Անջելեսի շրջանի հրշեջներին դեպքի վայր` մայրուղու 32-րդ մղոն են կանչել ականատեսները երկուշաբթի ժամը 1:45-ի սահմաններում: Ավելի քան 20 հրշեջներ դեպքի վայրում փորձել են գտնել հնարավոր այլ զոհերի: Ջուլաքյանը մահացել է հենց դեպքի վայրում: Ներկայումս ոստիկանությունը հետաքննություն է սկսել` պարզելու ավտովթարի հանգամանքները: Read more

Start
Prev
1
2
Next
End