amga.tv

Switch to desktop Register Login

February 2013

21 February 2013

Լրագրողները մեղադրել են Օբամայի վարչակազմին

kar 4Ամերիկյան նախագահական աշխատակազմի լրագրողները քննադատել են Սպիտակ տան պաշտոնական ներկայացուցիչ Ջեյ Քարնիին այն բանի համար, որ լրագրողներին չեն թողնում մասնակցել Օբամայի որոշ միջոցառումների, նախագահին հարցեր ուղղելու հնարավորություն չեն տալիս իրենց եւ ավելի ուշ են հաղորդում  անցկացվելիք հանդիպումների մասին: Անցած կիրակի Օբաման գոլֆ է խաղացել Թայգըր Վուդսի հետ: Դաշտին մոտ չեն թողնվել ոչ լրագրողները, ոչ լուսանկարիչները: Այս ուրբաթ Օբաման հանդիպելու է Ճապոնիայի վարչապետի հետ: Խնդիրների շուրջ իրենց հարցերի բարձրաձայնման հնարավորության տրամադրման մասին լրագրողներից մեկի հարցին Քարնին բրիֆինգի ժամանակ պատասխանել է, որ հիանալի հասկանում է նրանց, քանի որ երկար տարիներ լուսաբանել է Սպիտակ տան գործունեությունը: Նա խոստացել է անել հնարավոր ամեն ինչ, որ լրագրողները ունենան առավելագույն հասանելիություն պետության ղեկավարին: Քարնիի հաշվարկով Օբաման մինչ օրս տվել է 35 ասուլիս, մինչդեռ Ջորջ Բուշ-կրտսերը՝ 19: Բացի այդ, Օբաման 591 հարցազրույց է տվել: Read more

Գեներալ Ալընը թողեց զինվորական ծառայությունը

alll 5Ամերիկացի գեներալ Ջան Ալընը, որը Եվրոպայում ՆԱՏՕ-ի ուժերի հրամանատարի պաշտոնի թեկնածու էր, թողել է զինվորական ծառայությունը: Agence France-Presse-ի փոխանցմամբ, այդ մասին հայտարարել է ԱՄՆ-ի նախագահ Բարաք Օբաման: Ավելի վաղ 60-ամյա գեներալը, որը թողել էր Աֆղանստանի անվտանգության աջակցման միջազգային ուժերի հրամանատարի պաշտոնը, խնդրել էր իրեն ժամանակ տալ հնարավոր նշանակման շուրջ խորհրդածելու համար: Գեներալի պաշտոնաթողության պաշտոնական պատճառ է նշվել Աֆղանստանում 19 ամիս անցկացնելուց հետո ընտանիքի հետ լինելու ցանկությունը: Ավելի վաղ տված հարցազրույցում Ալընը հայտնել է իր կնոջ հիվանդության մասին եւ հայտարարել, որ իրեն ավելի շատ ժամանակ է հարկավոր հարազատների մասին հոգ տանելու համար: Միաժամանակ գեներալը հերքել է ենթադրությունը, որ պաշտոնաթողությունը կարող է կապված լինել այն հետաքննության հետ, որն սկսվել էր պաշտպանության նախարարության աշխատակցուհի Ջիլ Քելիի հետ իր նամակագրության կապակցությամբ:   Read more

Ջան Քերին մեկնում է շրջագայության

erri 5ԱՄՆ նորանշանակ պետքարտուղար Ջան Քերին փետրվարի 24-ից մարտի 6-ը կանցկացնի իր առաջին արտասահմանյան այցելությունները, որոնց շրջանակներում նա ծրագրում է լինել Մեծ Բրիտանիայում, Գերմանիայում, Իտալիայում, Թուրքիայում, Սաուդյան Արաբիայում, Քաթարում եւ Արաբական Միացյալ էմիություններում:

Նշված բոլոր երկրներում նա ծրագրում է հանդիպել իշխանությունների եւ քաղաքական տարբեր ուժերի ղեկավարների հետ: Այս մասին հայտարարությամբ է հանդես եկել պետդեպարտամենտի պաշտոնական ներկայացուցիչ Վիկտորիա Նուլանդը: Վերջինիս փոխանցմամբ` Քերին ծրագրում է իր այցերի ընթացքում քննարկել ինչպես երկկողմ գործակցությանը, այնպես էլ համաշխարհային քաղաքականությանը, անվտանգությանը, Սիրիայում եւ Մալիում ներկա իրավիճակին առնչվող հարցերRead more

18 February 2013

Հայաստանում կայացան նախագահի ընտրությունները

ellect 5Հայաստանում այսօր կայացել են նախագահական հերթական ընտրությունները: Թեեւ իշխանությունները խոստացել էին աննախադեպ արդար ընտրություններ անցկացնել, հերթական անգամ խայտառակ խախտումներ են արձանագրվել: ԿԸՀ նախնական տվյալներով, ընտրություններին մասնակցել են 1 մլն 518 հազար 407 ընտրող կամ  60.05 տոկոսը: Ժամը 2-ի տվյալներով, Սերժ Սարգսյանը ստացել է մոտ 60 տոկոս, Րաֆֆի Հովհաննիսյանը 33 տոկոս: Նախկին վարչապետ Հրանտ Բագրատյանը ստացել է 2,2 տոկոս, Պարույր Հայրիկյանը` 1,1, Անդրիաս Ղուկասյանը` 0,5, էպոսագետ ներկայացող Վարդան Սեդրակյանը` 0,4, իսկ Արման Մելիքյանը 0,2 տոկոս: Րաֆֆի Հովհաննիսյանի շտաբը, ինչպես նաեւ տեղական դիտորդները ընտրության ողջ օրվա ընթացքում արձանագրել են բազմաթիվ խախտումներ, կաշառատվության, ընտրողներին ետղամաեր տեղափոխելու եւ ուղղորդելու դեպքեր, բայց հիմնական խախտումները սկսվել են հաշվարկի ժամանակ, երբ պարզել է դարձել, որ Րաֆֆի Հովհաննիսյանը հաղթումէ բազմաթիվ տեղամասերում: Րաֆֆի Հովհաննիսյանը վաղը հանրահավաք է գումարելու, որտեղ կորոշվի հետագա անելիքները:  Read more

15 February 2013

Հանրապետականներն արգելափակել են Հեյգելի հաստատումը

agle 4ԱՄՆ Սենատում հանրապետական սենատորների խումբը արգելափակել է իրենց կուսակից Չաք Հեյգըլի թեկնածությունը Պենտագոնի ղեկավարի պաշտոնի համար: Դեմոկրատներին չի հաջողվել 100-ից 60 ձայն հավաքել, որպեսզի հաստատեն Հեյգըլի թեկնածությունը: Չնայած անցած երեքշաբթի օրը ԱՄՆ Կոնգրեսի զինված ուժերի հարցերով կոմիտեն Սենատին առաջարկել է հաստատել Չակ Հեյգըլի թեկնածությունը, հանրապետականները փորձում են տարբեր պատճառաբանություններով հետաձգել այդ գործընթացը: Սենատում դեմոկրատների ղեկավար Հերի Ռիդը հայտարարել է, որ երկրի պաշտպանության նախարարի թեկնածության արգելափակումն աննախադեպ է: Տեղի դիտորդների կարծիքով՝ Հեյգըլը, ամենայն հավանականությամբ, կհաստատվի Պենտագոնի ղեկավարի պաշտոնում, բայց դա, երեւի կլինի ամսվա վերջին: Հեյգըլի դեմ են արտահայտվել շատ ազդեցիկ օրենսդիրներ: 1997-2009 թթ. աշխատելով Սենատում՝ նա բազմիցս հանդես է եկել Իսրայելի քաղաքականության քննադատությամբ եւ հրաժարվել է աջակցել ԱՄՆ-ում իսրայելամետ կազմակերպություններին: Մի անգամ նա հայտարարել է, որ ինքը ոչ թե իսրայելական, այլ ամերիկյան սենատըր է: Նրան անմիջապես մեղադրել են հակասեմիտիզմի համար: Մի շարք հանրապետական սենատըրներ Հեյգըլից պահանջել են զեկուցել հոնորարների մասին, որոնք նա վերջին 5 տարում ստացել է իր ելույթների համար: Հանրապետականներին հետաքրքրել է՝ ով է վճարել հոնորարները, եւ արդյոք դրա հետ կապ չեն ունեցել օտարերկրյա կազմակերպությունները: Հաջորդ քվեարկություն Read more

15 February 2013

Երկու աշակերտներ փորձել են սպանել համադասարանցուն

washing 5Վաշինգտըն նահանգում 5-րդ դասարանի երկու աշակերտների մեղադրում են սպանության նախապատրաստման մեջ: Վաշինգտըն նահանգի Քալվիլ քաղաքի 10 եւ 11 տարեկան երկու տղաները, որոնք սովորում են «Ֆորթ Քալվիլ» տարրական դպրոցում, ձերբակալվել են փետրվարի 7-ին: Նրանց գործով առաջին լսումը տեղի կունենա փետրվարի 20-ին: Ստիվընս շրջանի դատախազ Թիմ Ռասմուսընը հայտնել է, որ փաստաբանները միասնական կարծիք չունեն երեխաների պատժի վերաբերյալ:
Վաշինգտըն նահանգում արդարադատության համակարգը 12 տարեկանից ցածր երեխաների համար պատասխանատվություն չի նախատեսում, սակայն եթե դատախազությունն ապացուցի, որ դպրոցականները հասկացել են լավի ու վատի տարբերությունը, գործը կարող է փոխանցվել 8-12 տարեկանների գործերով դատարան:
Եթե նրանց մեղքը հաստատվի, անչափահասների գործերով դատարանը կարող է նրանց ուղարկել դեռահաս հանցագործների ուղղիչ հաստատություն, որտեղ նրանք կպահվեն մինչեւ 18 տարի: Երեխաներին ձերբակալել են դպրոցի մեկ այլ սովորողի մատնանշմամբ, որը դպրոցական ավտոբուսում ձերբակալվածներից մեկին տեսել էր դանակով: Երեխան այդ մասին հայտնել էր ուսուցչուհուն, որն էլ երեխաների պայուսակներից հայտնաբերել էր ոչ միայն դանակ, այլեւ կիսաավտոմատ, փամփշտակալով լի ատրճանակ: Տղաները խոստովանել են, որ պատրաստվել են սպանել իրենց հետ կոպիտ վարված համադասարանցի աղջկան եւ հարձակվել եւս 6 աշակերտների վրա: Ատրճանակը տղաներից մեկի եղբորն է: Վերջինս այն պահում էր տան չհրկիզվող պահարանում: Հրազենը պահարանից վերցնելու համար երեխան գողացել է դրա բանալին: Եղբայրն իր հերթին զենքի պահման թույլտվություն չի ունեցել եւ այն վերցրել է հանգուցյալ պապի տնից: Read more

15 February 2013

Հայնց-ը վաճառվում է 28 մլրդ դոլարով

toato 5 Ամերիկացի միլիարդատեր Ուորեն Բաֆեթի Berkshire Hathaway եւ 3G Capital ընկերությունները գնում են (Հայնց) Heinz սննդային ընկերությունը: Գործարքի արժեքը կազմել է 28 մլրդ դոլար ու հանդիսանում է սննդի ոլորտում ամենախոշոր գնումը: Heinz բրենդային ապրանքանիշն ամենահայտնիներից մեկն է ու բարձր վարկանիշ ունի: -Սա մեզ համար պատմական իրադարձություն է ու միաժամանակ մեծ հաջողություն է մեր բաժնետերերի համար,- նշել է Heinz ընկերության գլխավոր տնօրեն Ուիլյամ Ջանսընը: Ի դեպ, ընկերության պաշտոնական հայտարարության մեջ նշվում է, որ Heinz-ի ամեն բաժնետեր իր մեկ բաժնետոմսի համար կստանա 72,50 դոլար գումար Բաֆֆեթի Berkshire Hathaway եւ 3G ընկերությունների կողմից: Այս իրադարձության ֆոնի ներքո Heinz-ի ակցիաները համաշխարհային շուկայում աճել են 19,2 տոկոսով: Սա 20 տոկոսով ավելի է նախօրեին բորսայի փակման ժամանակ բաժնետոմսերի գնից։ Berkshire Hathaway-ի հայտարարությունն այն մասին, որ սա երբեւէ եղած ամենախոշոր գործարքն է սննդարդյունաբերության ոլորտում: Heinz-ի արտադրանքը քյեչըփի շուկայում զբաղեցնում է գրեթե 50 տոկոսը:   Read more

Chrysler-ը մեքենաներ է հետ կանչում

chys 4Ամերիկյան Chrysler ավտոկոնցեռնը հայտնել է, որ հետ է կանչելու ավելի քան 370 հազար ավտոմեքենա: Reuters գործակալության փոխանցմամբ: Ենթադրաբար, հետ կկանչվեն 2009-2012 թթ. արտադրության Dodge Ram 1500 եւ Dodge Dacota մոդելները, նաեւ 2009-ին թողարկված Dodge Durango եւ Chrysler Aspen ավտոմեքենաները: ԱՄՆ-ում հետ կկանչվի մոտ 278 հազար ավտոմեքենա, Կանադայում՝ 23 հազար, Մեքսիկայում՝ 4 հազար: Պատճառն ավտոմեքենաների հետեւի կամրջի ամրակի թերությունն է, որի պատճառով երթեւեկության ընթացքում կարող են արգելափակվել անիվները: Chrysler-ը հայտնել է 15 գրանցված դեպքի մասին: Բարեբախտաբար, դրանցից ոչ մեկի հետեւանքով զոհեր կամ վիրավորներ չեն եղել:   Read more

14 February 2013

Ռուսաստանում հայի մարմնից երկմետրանոց խողովակ են հանել

pipp 527-ամյա Ալեքսանդր Անտոնյանը Կրասնոդարի Կուշչեւսկի շրջանի կենտրոնական հիվանդանոց է տեղափոխվել անսովոր վնասվածքով: Բժիշկները սարսափել են. տղամարդու կրծքավանդակում 2 մետր երկարությամբ եւ 5 սմ տրամագծով ջրատար խողովակ է խրված եղել: Ալեքսանդրն իր ավտոմեքենայով ընթանալիս է եղել մերձքաղաքային մայրուղիներից մեկով, երբ դիմացից ընթացող բեռնատարի ամրատախտակը բացվել է, մետաղական տասնյակ առարկաներ այս ու այն կողմ են ցրիվ եկել, դրանցից մի քանիսն ուղղակիորեն բախվել են Ալեքսանդրի մեքենային: Ըստ տուժածի՝ իր մարմինը հանկարծակի անշարժացել է, ձեռքերը թուլացել են: Նա չի կարողացել շարժվել: Մի քանի վայրկյան անց գիտակցել է, որ մարմնի մեջ խողովակ է խրվել: Դեպքի վայր ժամանած փրկարարները սղոցել են խողովակի կտորը եւ շտապօգնություն կանչել:-Վնասված են եղել թոքերը, լյարդը եւ թաղանթը: Օտար մարմինը սրտից միլիմետրեր այն կողմ է գտնվել: Ողնաշարը չի տուժել միայն այն բանի շնորհիվ, որ խողովակը թեք է անցել: Իրավիճակը բարդացնում էր ուժեղ արյունահոսությունը, - պատմել է Կուշչեւսկի շրջանի կենտրոնական հիվանդանոցի վիրաբույժ Եվգենի Սոլոդունովը: Վիրահատությունը տեւել է երեք ժամ, մասնագետները հեռացրել են օտար մարմինը, կարել թոքերը եւ լյարդը եւ փակել կրծքավանդակը: Այժմ Ալեքսանդրին ահավոր վթարի մասին հիշեցնում են միայն կարերը եւ վիրակապը: Read more

Սպանություն Էնահայմի մոթելներից մեկում

moth 5Էնըհայմում ոստիկանությունը հետաքննություն է սկսել` պարզելու տեղական մոթելում մի կնոջ սպանությունը: Դեպքը տեղի է ունեցել Մանչեսթեր ավենյուում գտնվող Staybridge Suites մոթելում: Երեկ ցերեկը, ժամը 3-ի սահմաններում ոստիկանությունը ահազնգ է ստացել եւ ժամանելով դեպքի վայր` կոտրել է դուռն ու գետնին ընկած մարդ է գտել: Վերջինս ամբողջովին արյան մեջ է եղել, սակայն գիտակից վիճակում է եղել: Ոստիկանները նաեւ մի կնոջ դիակ են գտել: Տղամարդուն տեղափոխել են հիվանդանոց, որտեղ ստուգել են ապա ձերբակալել: Ոստիկանությունը կարծում է, որ դեպքը ընտանեկան բռնության օրինակ է, սակայն ձերբակալվածի եւ զոհի ինքնությունը չի հաղորդվումRead more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version