January 2013

22 January 2013

Դեդ Հասանին թաղեցին Մոսկվայում

Article Details: Published on Tuesday, 22 January 2013 04:14; Written by

aslan 7 Քրեական աշխարհի ներկայացուցիչ, օրենքով գող Ասլան Ուսոյանին` Դեդ Հասանի, հուղարկավորության արարողությունը տեղի է ունեցել հունվարի 20-ին, Մոսկվայի Խովանսկի գերեզմանատանը: Թաղման արարողությանը մասնակցել է մի քանի հարյուր մարդ: Գերեզմանատան մուտքի մոտ ուժեղացված են եղել անվտանգության միջոցառումները, արգելվել է լրագրողների մուտքը գերեզմանատան տարածք: Ռուսաստանի ամենաազդեցիկ օրենքով գողը սպանվել է հունվարի 16–ին Մոսկվայում` դիպուկահարի կողմից։ Ասլան Ուսոյանը զինված հարձակման էր ենթարվել Մոսկվայի կենտրոնական փողոցներից մեկում, որի արդյունքում ստացած հրազենային վնասվածքով տեղափոխվել էր Բոտկինի անվան հիվանդանոց, որտեղ էլ մահացել էր: Ուսոյանը համարվում էր քրեական աշխարհի ամենահեղինակավոր ներկայացուցիչներից մեկը: Նշենք, որ նախապես հաղորդվում էր, թե Ուսոյանին թաղելու են Վրաստանում, որտեղ նա ծնվել էր: Դեդ Հասանի դին հատուկ չվերթով տեղափոխել էին Դոնեցկ` Թբիլիսի ուղարկելու համար, սակայն Վրաստանի իշխանությունները արգելել էին Ռուսաստանի քաղաքացի հանցագործին թաղել իրենց հողում: Լուրեր էին շրջանառվում, որ Ուսոյանի դին կարող են բերել Հայաստան, բայց այդ լուրերը հերքվեցին: Ի վերջո, մեկ օր անց դիակը ետ են տարել Մոսկվա: Ի դեպ, Ասլան Ուսոյանի հուղարկավորությունից հետո հոգեհացի անցկացման վայրում՝ ռեստորանում, բավականաչափ տեղ չի եղել միջոցառմանը մասնակցել ցանկացող բոլոր մարդկանց համար: Մոսկվայի Ստարայա Կիբիտկա ռեստորանում հավաքվել են միայն Ուսոյանի հարազատներն ու մերձավոր ընկերները: Այլ շրջաններից Մոսկվա եկած մեծ թվով հյուրերը տեղավորվել են քաղաքի կենտրոնի այլ ռեստորաններում: Read more

Էնջըլըս ազգային արգելոցում մարդկային մարմնի մնացորդներ

Article Details: Published on Tuesday, 22 January 2013 04:08; Written by

bodd 5 Լոս Անջելես շրջանի շերիֆի գրասենյակի դետեկտիվներն ու Մոնթրոզի որոնողական ծառայությունը Անջըլըս ազգային արգելոցի տարածքում մարդկային մարմնի մնացորդներ են հայտնաբերել: Իրավապահները որոնումներ էին իրականացնում Թահանգա մեծ քենյընի շրջակայքում, երբ գտել են դիակի մնացորդները: Որոնողական ծառայության ներկաայցուցիչ Քիմ Մենեթի խոսքով, որոնումները սկսվել էին հունվարի 9-ին, երբ զբոսաշրջիկներից մեկը հայտնել էր մարդկային մնացորդների առկայության մասին: Այն ժամանակ ոչինչ չէր հայտնաբերվել, իսկ այժմ, եղանակի տաքացման շնորհիվ գտել էին: Մնացորդները հանձնել են քննչական բաժնին` դատաբժշկական փորձաքննության համար, ընթանում է հետաքննություն: Read more

Գլենդելի բնակիչն օդ էր կրակել

Article Details: Published on Tuesday, 22 January 2013 04:00; Written by

pasad 9 Ոստիկանությունը ձերբակալել է Գլենդելի բնակչին, ով ենթադրաբար օդ էր կրակել

Օլդ Փասադինայում : 23-ամյա Փոլ Էնգլը շաբաթ օրը` կեսօրին օդ էր կրակել Fair Oaks Avenue-ում, հայտնել է լեյտենանտ Դիեգո Թորրեսը: Ոստիկանությունը դեռ չգիտի, թե ինչ գործ ուներ Էնգլը Փասադինայում եւ ինչ պատճառով է օդ կրակել:

Ըստ ոստիկանության ներկայացուցչի, իրենց չի հաջողվել հայտնաբերել զենքը, բայց պարզել են Էնգլի տունը եւ ձերբակալել նրան Գլենդելում: Վերջինիս դեմ ցուցմունք էին տվել մի քանի ականատեսներ: Կասկածյալին տեղափոխել են բանտ եւ նրա համար 250 հազար դոլար գրավ է նշանակվել: Read more

Սպանդ Նյու Մեքսիկոյում

Article Details: Published on Tuesday, 22 January 2013 03:53; Written by

newm 7 Նյու Մեքսիկոյում դեռահասը սպանել է իր ընտանիքի հինգ անդամներին, որոնցից 3-ը երեխաներ են եղել: Դեպքը տեղի է ունեցել Ալբըքըրքիից 10 մղոն հգեռավորության վրա գտնվող քաղաքում, Բերնալիլյո քաունթիում: Շերիֆի ներկայացուցիչ Էրըն Ուիլյըմսընի խոսքով, 15-ամյա դեռահասը, որը խլել է հինգ մարդու կյանք, կրակել է տարբեր տեսակի զենքերից, այդ թվում եւ ավտոմատից: Խուզարկության ընթացքում մեծ քանակությամբ զենք է հայտնաբերվել: Հարձակվողն օգտագործել է նաեւ գրոհային հրացան: Յուրաքանչյուր զոհի վրա նա կրակել է մի քանի անգամ: Տղան, ով գործով անցնում է որպես Նեեմիա Գրեգո, սպանել է հորը` 51-ամյա Գրեգ Գրեգոյին, 40ամյա մորը` Սեռային, 9-ամյա Սոֆոնիային, 5-ամյաԻայիլ եւ 2 տարեկան Անջելինա Գրեգոներին: Սպանված Գրեգ Գրեգոն բնակավայում հայտնի մարդ էր, հրշեջ մասի հոգեւոր հովիվն էր, նաեւ տեղական բանտի կապելլանը: Ոստիկանապետ Դեն Հյուսթընը հաղորդել է, որ 15-ամյա չափահասին, սպանության հոդվածով երկու, եւ երեխաների հանդեպ դաժան վերաբերմունքի ու մահացու սպառնալիքի ենթարկելու հոդվածով երեք մեղադրանք է ներկայացվել: Ներկա պահին մարդասպանին մեղադրանք են առաջադրել որպես անչափահասի, սակայն դատախազությունը կարող է որոշում ընդունել նրան դատի հանձնել որպես չափահասի: Այդ դեպքում նրան ցմահ ազատազրկում է սպառնալու: Ոստիկանությունը պարզում է ողբերգական դեպքի հանգամանքները, եւ ինչպես է մեծ քանակությամբ զենքը հայտնել դեռահասի ձեռքում: Read more

Էլ-Մոնթիում` դպրոցի սրճարանում հրդեհ

Article Details: Published on Tuesday, 22 January 2013 03:44; Written by

hrdehh 9 Էլ-Մոնթիում` դպրոցի սրճարանում բռնկված երրորդ աստիճանի վտանգավոր հրդեհն ամբողջությամբ վերացրել է շինությունը: Հրդեհի մասին ահազանգը ստացվել է գիշերը ժամը 2:30-ի սահմաններում, 2900 Parkway Drive հասցեում գտնվող Mountain View ավագ դպրոցից: Շինությունում նաեւ տեղակայված էին գրախանութ, սրճարան եւ ուսանողական խանութը: Հրշեջները փորձել են մարել կրակը, սակայն ստիպված են եղել նահանջել շենքի մասնակի փլուզման հետեւանքով: Հրդեհաշիջման աշխատանքներին մանսակցել է մոտ 150 հրշեջ: Հրշեջ հաշվարկներին հաջողվել է կանխել կրակի տարածումը այլ շենքերի ուղղությամբ, իսկ սրճարանի շենքն ամբողջությամբ վնասվել է: Բարեբախտաբար մարդկային զոհեր չեն եղել, մեկ հրշեջ ծխահարվել է, ոստիկանությունը հետաքննում է հրդեհի բռնկման պատճառները: Read more

Բարաք Օբամայի երդման արարողությունը

Article Details: Published on Tuesday, 22 January 2013 03:32; Written by

obamama 9 Վաշինգտոնում հունվարի 21-ին կայացել է ԱՄՆ նախագահ Բարաք Օբամայի երդման պաշտոնական արարողությունը: Արարողությունից առաջ Օբաման ընտանիքի հետ այցելել է Սենտ- Ջանս եկեղեցի եւ մասնակցել պատարագի: Նախագահական շքախումբը եկեղեցի ժամանել է տեղական ժամանակով առավոտյան 8.30-ին: Պատարագին ներկա է եղել ԱՄՆ փոխնախագահ Ջոզեֆ Բայդընը ընտանիքի հետ: Երդման հանդիսավոր արարողությանն Օբաման ժամանել է կնոջ՝ Միշել Օբամայի եւ դստրերի հետ: Արարողությանը մասնակցել են նաեւ ԱՄՆ նախկին նախագահներ Ջիմի Կարտըրը եւ Բիլ Քլինթընը: Օբաման ելույթով հանդես է եկել տասնյակ հազարավոր քաղաքացիների առջեւ: Փոխնախագահ Բայդընի երդումն ընդունել է Գերագույն դատարանի անդամ Սոնյա Սոտոմեյորը, իսկ Օբամայի երդումն ընդունել է երկրի Գերագույն դատարանի ղեկավար Ջոն Ռաբըրթսը: -Ես` Բարաք Հուսեյն Օբամաս, հանդիսավոր երդվում եմ, որ ազնվորեն կկատարեմ Միացյալ Նահանգների նախագահի պարտավորությունները, եւ ուժերիս չափով, կպահպանեմ եւ կպաշտպանեմ ԱՄՆ սահմանադրությունը: Թող Աստված օգնական լինի ինձ,-ասել է 44-ամյա Օբաման` ձեռքը դնելով Աստվածաշնչի վրա: Երդման տեքստն անգլերենում 35 բառից է բաղկացած: Երդմնակալությունից հետո նախագահ Օբաման լանչի է մանսակցել Կապիտոլիումի շենքում, իսկ դրանից հետո մասնակցել Փենսիլվենիա Ավենյուում կայացած ռազմական շքերթին: Նշենք, որ Օբաման եւս մեկ անգամ երդվել է երեկ` Սպիտակ տանը կայացած արարողության ժամանակ: Read more

18 January 2013

Սփյուռքահայ գործարարին խաբողին ձերբակալեցին

Article Details: Published on Friday, 18 January 2013 02:32; Written by

arin 5 Ոստիկանության Նոր Նորքի բաժնի ծառայողները հունվարի 17-ին՝ Հանրապետության փողոցի 76/2 շենքի բնակարաններից մեկից բերման են ենթարկել 1955թ. ծնված Վլադիսլավ Մանգասարյանին, որը հետախուզվում էր խարդախության մեղադրանքով: Վլադիսլավ Մանգասարյանին ամերիկահայ գործարար Էդմոն Խուդյանը տարիներ շարունակ մեղադրում է իր հիմնադրված Արին կապիտալ ներդրումային ընկերությունից 8,5 մլն դոլարի անշարժ գույք եւ 1,5 մլն դոլարին համարժեք գումարներ յուրացնելու մեջ: Ոստիկանությունը քրեական գործ չէր հարուցում շուրջ 5 ամիս ոչինչ չէր արվում, սակայն Էդմոն Խուդյանի հետեւողական աշխատանքի շնորհիվ հարցը հանրային հնչեղություն ստացավ եւ մոտ մեկ տարի առաջ քրեական գործ հարուցվեց, իսկ այսօր Մանգասարյանին ձերբակալեցին: Խուդյանը Մանգասարյանի դեմ մեղադրանքներով հանդես էր եկել նաեւ ոստիկանապետ Վլադիմիր Գասպարյանին ուղղված բաց նամակով: Վլադիսլավ Մանգասարյանը տեղափոխվել է Նուբարաշեն քրեակատարողական հիմնարկ: Read more

Տանիքից ընկած կինը մնացել է տան եւ ավտոտնակի միջեւ

Article Details: Published on Friday, 18 January 2013 02:27; Written by

pat 5 Օրեգըն նահանգի Փորթլընդ քաղաքում փրկարարներն ազատել են տանիքից վայր ընկնելուց հետո տան եւ հարակից ավտոտնակի միջեւ մնացած կնոջը: Փրկարարական գործողությունը մոտ չորս ժամ է տեւել: Միջադեպը տեղի է ունեցել Փորթլընդի կենտրոնում, 12-րդ ու Քըլումբիա փողոցների խաչմերուկում գտնվող տանը: Գիշերը ժամը 3:30-ի սահմաններում կինն ընկել է երկհարկանի շենքի տանիքից եւ օդում կախված մնացել երկու պատերի միջեւ, որոնց բացվածքի լայնությունը 30 սմ-ից քիչ է: Հարեւանները լսել են նրա ճիչերը եւ փրկարարների կանչել: Որպեսզի օդի զրո ջերմաստիճանի պայմաններում կատարվող փրկարարական աշխատանքների ընթացքում կինը չցրտահարվի, բետոնե պատին ճեղքեր են բացել, որտեղից տաք օդ են փչել: Այնուհետեւ փրկարարները պատի մեջ քառակուսի բացվածք են սղոցել եւ օճառի լուծույթ օգտագործել, որպեսզի կինը կարողանա դուրս գալ: Ազատելուց հետո կնոջը հիվանդանոց են տեղափոխել: Փրկարարական աշխատանքներին քսանից ավելի մարդ է մասնակցել: Ժամը 7:30-ին նրան արդեն ազատել եւ դուրս են բերել, դեպքի վայր ժամանած պարամեդիկները բժծկական օգնություն են ցուցաբերել, իսկ հոսպիտալացում չի պահանջվել: Read more

Նյու Յորքում մաֆիոզների են ձերբակալել

Article Details: Published on Friday, 18 January 2013 02:20; Written by

mafiia 8 Նյու Յորքի իշխանությունները հայտարարել են հանցագործ խմբավորումների 32 անդամների ձերբակալության մասին, ովքեր մեղադրվում են աղբահանության ոլորտում ռեկետով զբաղվելու մեջ: Բոլոր ձերբակալվածները 3 խոշոր հանցագործ խմբավորումների՝ Ջենովեզեի, Գամբինոյի եւ Լուկեզեի շարքային անդամներ են: Ձերբակալվել է խմբավորման պարագլուխներից մեկը` Պապա Սմուրֆ մականունով հայտնի Կարմին Ֆրանկոն: Դատախազությունը նշել է, որ ձերբակալվածները վերահսկում էին աղբահանությամբ զբաղվող Waste Disposal ընկերությունը: Շուկայում իրենց մասնաբաժինն ընդլայնելու համար նրանք ֆիզիկական հաշվեհարդարով են սպառնացել փոքր բիզնեսի մի շարք ներկայացուցիչների, ինչպես նաեւ իրենց մրցակիցներին: Բացի այդ, մաֆիայի անդամները դրամ են շորթել այլ ընկերություններից: Նրանց գործողությունների հետեւանքով աղբահանությունը նյույորքցիներին մի քանի անգամ թանկ էր արժենում, քան այլ քաղաքներում: Read more

Ռեփերին ձերբակալել են խարդախության մեղադրանքով

Article Details: Published on Friday, 18 January 2013 02:16; Written by

rap 5 Guerilla Black մականունով հայտնի ռեփերին ձերբակալել են մի խումբ այլ անձանց հետ Մանհեթթըն-բիչում` քրեդիտ-քարտերի կեղծման եմղադրանքով: Չառլզ Թոնի Ուիլյամսըն իսկական անունով ռեփերի հետ միասին ձերբակալել են եւս հինգ մարդում: Մանհեթթըն-բիչի ոստիկանությունը հայտնել է, որ խուզարկություններ են իրականացվել յոթ տարբեր վայրերում: Հետաքննության ընթացքում հայտնի է դարձել, որ Ուիլյամսընը Վաշինգթոն նահանգում պատիժ է կրել խարդախության մեղադրանքով: Նրան եւ հանցակիցներին առաջադրվել է բանկային խարդախության, անձնական տվյալների գողության եւ այլ մեղադրանքներ: Նրանց հասցրած վնասը մի քանի տարում կազմել է ամսական մոտ 20 հազար դոլար: Ձերբակալվածների մեջ են նաեւ Դուաննա ԼըՇան Ֆրենքլընը Թորընսից, Դայանա Լինն Ուոլլըրը Հաթըրնից, Ռեյզըն Զաքի Սմիթը Հաթորնից, Ռեյնա Քեյջը Ինգլվուդից Read more