November 2012
06 November 2012
Atlantis-ը դարձավ թանգարանային ցուցանմուշ
- Article Details
- Published on Tuesday, 06 November 2012 02:38
- Written by
Atlantis տիեզերանավը, որն իր կարիերան ավարտել էր նախորդ տարի, վերջին հանգրվանն է գտել Ֆլորիդայում, Կընավըրալ հրվանդանի թանգարանում: Նոյեմբերի 2-ի առավոտյան Atlantis-ը հանել են Քենեդու անվան կենտրոնից եւ տեղադրել են բազմանիվ հատուկ հարթակին: Թանգարան տանող ճանապարհը երկար չի եղել՝ 16 կմ, սակայն այն տեղափոխել են ողջ օրվա ընթացքում: Atlantis-ին NASA-ի տիեզերական կենտրոն են բերել 1985 թ. ապրիլին: Այն անցել է 200 միլիոն կիլոմետր իր 33 առաքելությունների շրջանակներում, որից 12-ը դեպի Միջազգային տիեզերական կայան: 2011 թ. հուլիսի 21-ին մեքենան կատարեց իր վերջին թռիչքը՝ այսպիսով եզրափակելով ամերիկյան շաթլների պատմությունը: Ամերիկյան վարչակազմը սուղ ֆինանսավորման պայմաններում որոշել է հրաժարվել նման տիպի տիեզերանավերի թռիչքներից: Աստղագնացներին տիեզերակայան հասցնելու համար NASA-ն դեռեւս օգտվում է ռուսական Սոյուզներից: Երկու այլ` Discovery եւ Endeavour տիեզերանավերը, որոնք եւս նախորդ տարի ավարտել են տիեզերական իրենց ոդիսականը, արդեն հանձնվել են թանգարանին: Քենեդու անվան տիեզերական թանգարանում ցուցահանդեսի բացումը տեղի կունենա 2013 թվականին: Read more
Ընտրություններից մեկ օր առաջ
- Article Details
- Published on Tuesday, 06 November 2012 02:31
- Written by
ԱՄՆ նախագահի թեկնածուները` պետության գործող ղեկավար Բարաք Օբաման եւ Մասաչուսեթսի նախկին նահանգապետ Միթ Ռամնին, ընտրություններից մեկ օր առաջ վայելում են ընտրողների գրեթե հավասար վստահությունը: Այդ մասին վկայում են CNN-ի անցկացրած նոր հարցման տվյալները: Հետազոտության արդյունքների համաձայն` Ռամնիի եւ Օբամայի օգտին պատրաստ է քվեարկել պոտենցիալ ընտրողների 49-ական տոկոսը: Հարցվածների 52 տոկոսը հայտարարել է, որ համակրանքով է վերաբերվում Օբամային, 51 տոկոսը` Ռամնիին: Հանգուցային հարցերում 51 տոկոսը համաձայն է Օբամայի, 50 տոկոսը` Ռամնիի հետ: Հարցումն անցկացվել է նոյեմբերի 2-4-ին, հարցերին պատասխանել են 1010 չափահաս ամերիկացիներ: Մյուս հարցումները մոտավորապես նույն արդյունքն են տալիս: Politico թերթի հարցման համաձայն` Օբամայի եւ Ռամնիի օգտին պատրաստ է ձայն տալ ընտրողների 48-ական տոկոսը, NBC News-ի հարցումը ցույց է տալիս, որ Օբամային մտադիր է աջակցել 48 տոկոսը, իսկ Ռամնիին` 47 տոկոսը, ըստ ABC News-ի հարցման տվյալների` Օբաման վայելում է ընտրողների 49 տոկոսի, իսկ Ռամնին` 48 տոկոսի աջակցությունը: Միայն Pew Research կենտրոնն է պնդում, որ թեկնածուների միջեւ տարբերությունը 3 տոկոսային կետ է` Օբամային աջակցում է ընտրողների 50 տոկոսը, Ռամնիին` 47 տոկոսը: Հաղթանակի հասնելու թեկնածուների հավասար հնարավորությունները խոսում են այն մասին, որ բացառված չէ այն իրադրությունը, երբ նախագահական մրցավազքի հաղթողը չի որոշվի ընտրություններից հետո բավական երկար ժամանակ` մինչեւ ձայների լրիվ վերահաշվարկը: ԱՄՆ-ի նախագահական ընտրությունները տեղի են ունենալու նոյեմբերի 6-ին: Read more
02 November 2012
Թմրավաճառների հնարամտությունն օգուտ չտվեց
- Article Details
- Published on Friday, 02 November 2012 02:50
- Written by
ԱՄՆ մաքսային եւ սահմանապահ ծառայության գործակալները Մեքսիկայի հետ սահմանին կանխել են թմրավաճառների կողմից սահմանային չորսմետրանոց պարիսպը մեքենայով անցնելու փորձը: Սահմանապահ ծառայության մամուլի քարտուղար Սփենսըր Թիփեթսը հայտնել է, որ ամենագնացը գտել են կոլորադո գետից 5 մղոն դեպի արեւմուտք, Արիզոնայի սահմանի մոտ: Նոյեմբերի 1-ի գիշերը Կալիֆոռնիայի հարավ-արեւելքում պարեկները պարսպի մոտ նկատել են ինքնաշեն հարթակներ եւ դրանց վրա բարձրացած արծաթագույն Ջիփ Չերոկի մակնիշի մեքենա: Ընդ որում մի քանի հոգի փորձել են մեքենան հրել առաջ, բայց ոչ մի կերպ չեն կարողացել այն տեղաշարժել: Նկատելով սահմանապահներին` նրանք թողել են մեքենան եւ հեռացել Մեքսիկա: Ոչ ոք չի ձերբակալվել: Մեքենան դատարկ է եղել, սակայն սահմանապահները կասկածներ ունեն, որ դրա տերերը տեղացի թմավաճառներ են, որոնց փորձել են թմրանյութերի խմբաքանակ տեղափոխել ԱՄՆ: Տվյալ հատվածը զուրկ է բուսականությունից եւ Յումայի մասնաճյուղի գործակալների համար հեշտ է գտնել թմրավաճառներին: 2011թ. ապրիլին ոստիկանները ձերբակալել էին այդ մեթոդի առաջին կիրառողներին, որոնք փիքափով արդեն հասցրել էին անցնել սահմանը հարթակների վրայով: Read more
Դատախազը հայ քահանայի համար 3 տարի է պահանջել
- Article Details
- Published on Friday, 02 November 2012 02:45
- Written by
Ֆրանսիայի Նիս քաղաքի դատախազը թղթադրամներ կեղծելու գործով անցնող Նիսի Հայ առաքելական եկեղեցու նախկին քահանա, այժմ Ստրասբուրգի թեմի հոգեւոր հովիվ տեր Վաչե Այրապետյանի համար պահանջել է 3 տարվա ազատազրկում: Իր խոսքում դատախազը նշել է, որ տեր Վաչեն խայտառակում է հայ համայնքը: Համաձայն Ֆրանսիայի իրավապահ մարմինների`տեր Վաչեն խմբավորման անդամ է: Խմբավորման ղեկավարներն են 49-ամյա Միհրդատ Ասատրյանը եւ 50-ամյա Ռոբերտ Մխիթարյանը, որոնց համար դատախազը 7 տարվա ազատազրկում է պահանջել: Թերթը տեղեկացնում է, որ 36-ամյա տեր Վաչեն նաեւ յուրացրել է 30 000 եվրո, որ եկեղեցու դուռ գնելու համար իրեն տրամադրել է հայազգի մի մաֆիոզ, ով հետապնդվում է ոստիկանության կողմից: Համայնքի անդամներից մեկը նշել է, որ Տեր Վաչեն եկեղեցու տարածքում կերուխում եւ այլասերվածություն էր տարածում եւ զարմանք հայտնել, ինչու է Գարեգին Բ-ն լռություն պահպանում հանցագործության մեջ մեղադրվող հոգեւորականի հարցում: Read more
Հրաձգություն Հալիվուդում
- Article Details
- Published on Friday, 02 November 2012 02:41
- Written by
2 դեռահաս ու 1 տղամարդ է տուժել Հոլիվուդում Հալլոուինի տոնակատարությունների ժամանակ: 1 մարդու վիճակը գնահատվում է ծայրահեղ ծանր: Լոս Անջելեսի ոստիկանության վարչության ներկայացուցիչները հայտարարել են, որ հոկտեմբերի 31-ի, նոյեմբերի 1-ի գիշերը Հալիվուդում տեղի է ունեցել փոխհրաձգություն: Դեպքը տեղի է ունեցել Հալլոուինին նվիրված տոնակատարության ժամանակ, երեկոյան ժամը 10-ի սահմաններում, Hollywood Boulevard-ի եւ Highland Avenue-ի խաչմերուկում: Հրաձգության հետեւանքով տուժել են 14-ամյա ու 17-ամյա դեռահասներ, ինչպես նաեւ 25-ամյա մի տղամարդ: Վերջին հրազենային վնասվածք էր ստացել կրծքի շրջանում եւ ծայրահեղ ծանր վիճակում տեղափոխվել է մոտակա հիվանդանոցներից մեկը: Ներկայում բժիշկները պայքարում են նրա կյանքի համար: Մյուս երկուսի առողջական վիճակի մասին առայժմ ոչինչ հայտնի չէ, սակայն նրանք էլ լուրջ վնասվածքներ են ստացել: Ոստիկանությունը հետաքննություն է սկսել եւ որոնում է կրակող անձին կամ անձանց: Մինչ հրաձգությունը հաղորդագրություն էր ստացվել, որ փողոցում հավաքված մի քանի հարյուր անձինք նշում են Բոլոր սրբերի տոնը եւ նրանցից մի քանիսը խախտում են հասարակական կարգը՝ վեճ հրահրելով: Անհայտ անձինք շշեր էին նետել հենց Whitley Avenue փողոցի վրա, հայտնել է ոստիկանությունը: Read more
Կրակոցներ Հալոուինի ժամանակ USC -ում
- Article Details
- Published on Friday, 02 November 2012 02:39
- Written by
Լոս Անջելեսում` Հարավային Քալիֆորնիայի Համալսարանի՛ USC տարածքում անհայտ անձը կրակ է բացել Հալոուինի կապակցությամբ կազմակերպված երեկույթի մասնակիցների ուղղությամբ: Համալսարանի կայքում զգուշացում է տեղադրվել, որտեղ ուսանողներին կոչ է արվում մնալ անվտանգ վայրերում: Վերջին տվյալներով երկու կասկածյալները ձերբակալվել են: Համալսարանի տարածքում կրակահերթը տեղի է ունեցել Յունիվերսիթի-Պարկի շրջանում` տեղական ժամանակով ժամը 23:30-ին: Միջադեպը տեղի է ունեցել Tutor Campus Center-ի մոտ գտնվող հրապարակում, որտեղ Հալոուինի կապակցությամբ մասնավոր երեկույթ էր կազմակերպվել՝մոտ 100 երիտասարդների մասնակցությամբ: Ըստ ականատեսների, հնչել է կրակոցի 4 ձայն: Վիրավորվել է 4 մարդ, որոնցից մեկը ծայրահեղ վիճակում է գտնվում: Կասկածյալը կրակել է այն մարդու վրա, ով ամենաշատն է տուժել, իսկ մնացած տուժածների վրա պատահաբար է կրակել: Նրանց վերքերը կյանքի համար վտանգավոր չեն: Նշվում է, որ վեճը կապ չունի համալսարանի հետ, իսկ կասկածյալն ուսանող չէ: Read more
Սենդին 72 մարդու կյանք է խլել
- Article Details
- Published on Friday, 02 November 2012 02:07
- Written by
ԱՄՆ արեւելյան ափի բնակիչները փորձում են վերադառնալ բնականոն կյանքի Սենդի ավերիչ փոթորկից հետո: Առաջիկա շաբաթները Նյու Յորքի եւ հարեւան նահանգների համար լինելու է փլատակներից ու կեղտից ազատվելու ժամանակաշրջան: Այսօր պարզվել է, որ ԱՄՆ-ին պատուհասած Սենդին խլել է 72 մարդու կյանք, թեեւ այս թիվն էլ վերջնական չէ: Ամենից շատ տուժել է Նյու Յորք նահանգն ու քաղաքը, Մերիլընդ եւ Նյու Ջըրզի նահանգները։ Նյու Յորք քաղաքում զոհվել է 22 մարդ, իսկ նույնանուն նահանգում՝ 8։ Մերիլընդում տարերքը խլել է 9, Նյու Ջըրզիում՝ 6 մարդու կյանք։ ԱՄՆ նախագահ Բարաք Օբաման, հետաձգելով քարոզարշավը, այցելում է երկրի առավել տուժած շրջաններ։ Առաջին խնդիրը, ըստ նախագահի, էլեկտրականության վերականգնումն է։ Ներկայում էներգամատակարարումը վերականգնվել է մայրաքաղաքի բոլոր սպառողների համար, սակայն Վաշինգտոնին մոտակա բնակավայրերում առանց հոսանքի է մնացել 25 000 բաժանորդ։ Նախագահական ընտրություններից 6 օր առաջ, Օբաման ուսումնասիրել է Նյու Ջըրզիի բնակավայրերը, որտեղ տասնյակ հազարավոր տներ ջրի տակ են մնացել, 2 միլիոն ընտանիք շարունակում է մնալ առանց էլեկտրականության: Ափի որոշ հատվածների բնակավայրեր ամբողջովին ավերակների են վերածվել: Ուղղաթիռով շրջայցից հետո, Օբաման այցելել է Ատլանտիկ սիթիից հյուսիս-արեւելք ընկած Բրիգենտին կղզի քաղաք, որտեղ հանդիպել է բնակիչներին եւ այնտեղ ժամանակավորապես ապաստանածների, բնակիչների կողմից արժանացել գովասանքի խոսքերի՝ աղետի հետեւանքների վերացման ուղղությամբ ջանքերի համար: Ըստ մասնագետների, փոթորկի ավերածությունների հետեւանքով նյութական վնասը կարող է կազմել 20 մլրդ դոլար, դա լավագույն դեպքում: Տնտեսական վնասը գնահատվում է 10-30 մլրդ դոլար: Փոթորկի պատճառով Նյու Յորքի տնտեսությունը ամեն օր կորցնում է 200 մլն դոլար: Read more
01 November 2012
Հրդեհ Փասադինայում, կա 2 զոհ
- Article Details
- Published on Thursday, 01 November 2012 23:53
- Written by
Երկու մարդ զոհվել, եւս մեկը ծանր վնասվածքներ է ստացել այս գիշեր Փասադինայում բռնկված հրդեհի հետեւանքով: Կրակը բռնկվել է գիշերը ժամը 2-ի սահմաններում, 1300 El Sereno Avenue հասցեում: Նախքան հրշեջների ժամանելը տանից 19 մարդ տարհանվել է: Հրշեջները տանը երկու տղամարդու դիակ են գտել: Ըստ տեղական իշխանությունների, վերաձեւված տունը եղել է ծերերի խնամքի կենտրոն: Փրկարարները տարհանել են հարակից մի քանի տներ, սակայն դրանք հրդեհի հետեւանքով չեն վնասվել: Ականատեսների վկայությամբ՝ նախ պայթյուն է որոտացել, ապա հրդեհ է բռնկվել: Վիրավորին տեղափոխել են հիվանդանոց, եւ նրա վիճակը ծայրահեղ ծանր է: Ամերիկյան Կարմիր խաչը տարհանվածների համար կացարան է տրամադրել, ոստիկանությունը հետաքննում է հրդեհի բռնկման Read more
01 November 2012
Թեքսըսում հերթական մահապատիժը
- Article Details
- Published on Thursday, 01 November 2012 23:46
- Written by
Թեքսըս նահանգում մահապատժի են ենթարկել տղամարդու, որը դատապարտված էր բանտարակության 2003թ. իր ընկերուհուն սպանելու համար: Associated Press-ի փոխանցմամբ, 41-ամյա Դաննի Լի Ռաբըրթսին մահացու ներարկում է կատարվել: Ավելի վաղ այս շաբաթ ԱՄՆ Գերագույն դատարանը հրաժարվել էր վերանայել դատավճիռը: Ռաբըրթսը դատապարտվել էր պատժի գերագույն աստիճանի՝ ընկերուհուն սպանելու համար: Հետաքննության տվյալով՝ նա 2003թ. սպանել էր ընկերուհուն՝ 44-ամյա Վիկի Բոենին, ապա նրա տնից գողացել արժեքավոր իրերը, որպեսզի ստացված միջոցներով թմրադեղեր ձեռք բերի:Ավելի վաղ տղամարդը նահանգից փախել էր Լուիզիանա, որտեղ բուժվում էր թմրակախվածությունից: Դատախազի խոսքով՝ Ռաբըրթսը ընդունել է իր մեղքն ու ասել է, թե ցանկանում է մահապատժի ենթարկվել: Բացի այդ՝ տղամարդը խոստովանել է նախկինում գործած 9 այլ սպանության մասին եւս: Սա 2012-ի սկզբից ի վեր արդեն 120-րդ մահապատիժն է Թեքսըսում: Read more
01 November 2012
Քարոզարշավը շարունակվում է
- Article Details
- Published on Thursday, 01 November 2012 23:42
- Written by
ԱՄՆ նախագահի հանրապետական թեկնածու Միթ Ռամնին շարունակել է նախընտրական քարոզարշավը՝ խուսափելով մրցակից Բարաք Օբամայի դեմ ուղիղ հարձակումներից: Ռամնին նախընտրական միջոցառումները դադարեցրել էր երկուշաբթի՝ կապված ԱՄՆ-ի արեւելյան ափին պատուհասած Սենդի փոթորկի հետ: Քաղաքական գործչի շտաբը նրան անհապաղ ուղարկել էր աղետի հարվածին սպասող Վըրջինիայից խաղաղ Օհայո, որտեղ Ռամնին, հետեւելով դեմկոկրատ մրցակցի օրինակին, հայտարարել էր ընտրապայքարը ժամանակավորապես դադարեցնելու մասին: Իսկ երեկ նա մեկնել է Ֆլորիդա եւ Տամպայում ունեցել ելույթը նրա առաջին խոշոր հրապարակային միջոցառումն էր ընտրություններին նախորդող վերջին շաբաթում: Բնությունը կարծես թե Օբամային նախընտրական նվեր է մատուցել: Նա ողջ օրը հեռուստաէկրաններին է, վերադարձել է ղեկավարի իր դերին՝ հեռանալով երկրի տնտեսության վերականգնմանն առնչվող տեւական քննարկումներից: Նույնիսկ հանրապետական կուսակցության կարկառուն դեմքերից շատերը հայտնել են, որ Օբաման՝ որպես նախագահ, նման իրավիճակներում իրենց դրսեւորել է պրոֆեսիոնալ եւ ճիշտ: Այդ դերում է իրեն փորձել նաեւ Ռամնին: Ֆլորիդայի այցի ընթացքում նա խոսել է աղետի հետեւանքների վերացման ահրաժեշտության մասին: Սպիտակ տան մամուլի ծառայությունը հաղորդել է, որ Օբաման այսօրվանից կսկսի իր քարոզարշավը եւ կայցելի Վիսկանսըն, Կոլորադո եւ Նեւադա: Read more
Powerd by Bloogie