Գեներալ Ալենը եւս ներքաշված է սիրային սկանդալում

Article Details

Published on Wednesday, 14 November 2012 02:31

Written by

Աֆղանստանում ԱՄՆ զորքերի գլխավոր հրամանատար, գեներալ Ջան Ալենը դարձել է CIA-ի նախկին ղեկավար Դեւիդ Պետրեըսի գործով նոր մասնակից, որը անցած շաբաթ հրաժարական էր տվել սեքսուալ սկանդալի պատճառով: Պենտագոնի պաշտոնական հայտարարության համաձայն, `ռազմական գերատեսչությունում ներքին հետաքննություն է սկսվել Ալընի դեմ: Նա կասկածվում է Ջիլ Քելիի հետ անթույլատրելի կապեր ունենալու մեջ: Հետաքննության վարկածով՝ Ջիլ Քելին այն կինն է, որը սպառնալից նամակներ էր ստանում Պաուլա Բրոդուելից՝ Պետրեըսի անձնական կենսագրից: Պենտագոնի բարձրաստիճան աղբյուրը հաղորդել է, որ քննիչներն ուսումնասիրում են 2010-2012 թթ. ընթացքում Ալընի եւ Քելիի միջեւ գրությունները, որոնք բաղկացած են ավելի քան 20 հազար էջից: Նա չի հստակեցրել, թե ինչն է հետախուզության նպատակը՝ սեքսուալ բնույթի հաղորդագրություննե՞րը, թե՞ գաղտնի տեղեկատվության բացահայտումը: ԱՄՆ պաշտպանության նախարար Լիոն Պանետան հայտարարել է, որ FBI-ի գործի քննությունը հանձնել է գերատեսչությանը: Դա նշանակում է, որ Ալընին կասկածում են կանոնադրության խախտման, այլ ոչ թե դաշնային օրենսդրության հանցագործության մեջ: Ի դեպ, FBI-ը, երեկ երեկոյան Կենտրոնական հետախուզական վարչության նախկին տնօրեն Դեվիդ Պետրեըսի սիրուհու` Փոլա Բրենդուելի տանը խուզարկություն է անցկացրել: Առայժմ չի հաղորդվում, թե ինչ են նրանք որոնել գեներալի տանը: Սեփական հետաքննություն է նախաձեռնելու նաեւ Կոնգրեսը, որը լուրջ վերապահումներ ունի FBI-ի աշխատանքից, որը օգոստոսին սկսված հետաքննության մասին չի հայտնել օրենսդիրներին:   Read more

Սպասվում են կադրային փոփոխություններ

Article Details

Published on Wednesday, 14 November 2012 02:25

Written by

ԱՄՆ նախագահ Բարաք Օբաման մտածում է այն մասին, որ դեմոկրատ սենատոր Ջան Քերիին առաջարկի պաշտպանության նախարարի պաշտոնը,- հաղորդել է Washington Post թերթը՝ հղում անելով Սպիտակ տան իր աղբյուրին: Ավելի վաղ տեղեկություն էր հայտնվել, որ միջազգային կոմիտեի ղեկավար սենատոր Քերիին կառաջարկեն ԱՄՆ-ի պետքարտուղարի պաշտոնը, սակայն ըստ թերթի աղբյուրի՝ այդ պաշտոնը կարող է զբաղեցնել ՄԱԿ-ում ԱՄՆ-ի ներկայիս դեսպան Սյուզըն Ռայսը: Համաձայն թերթի հաղորդագրության՝ ազգային անվտանգության հարցերով Օբամայի ներկայիս խորհրդական Ջան Բրեննընը կդառնա CIA-ի նոր ղեկավարը: Ներկայումս CIA-ի ղեկավարի պարտականությունները կատարող Մայքլ Մորըլը կդառնա ազգային անվտանգության հարցերով նախագահի խորհրդական: ԱՄՆ-ի կառավարության ձեւավորման խորհրդակցությունները շարունակվում են:  Read more

ԱՄՆ-ում զենքի վաճառքի ծավալներն աճել են

Article Details

Published on Wednesday, 14 November 2012 02:10

Written by

ԱՄՆ-ում զենքի վաճառքի կտրուկ աճ է գրանցվել: Smith & Wesson ընկերությունն իր եռամսյակային հաշվետվությունում հայտարարել է, որ նախորդ տարվա երրորդ եռամսյակի համեմատ զենքի վաճառքն ավելացել է 48 տոկոսով: Sturm, Ruger & Co ընկերությունը իր մեկ միլիոներորդ արտադրանքը տվել է օգոստոսին: Սպառազինման նման մրցարշավի պատճառը եղել է նախագահի պաշտոնում երկրորդ ժամկետում Բարաք Օբամայի սպասվող վերընտրությունը: Մտավախություն է եղել, որ դեմոկրատ նախագահը կխստացնի մարտական զենքի վաճառքի կանոնները: Միայն հոկտեմբերին զենքի գնման համար դիմած անձնանց թիվն ավելացել է 18.4 տոկոսով: Զենքի վաճառքի այսպիսի աճ է գրանցվել այն ժամանակ, երբ Օբաման առաջին անգամ նախագահի պաշտոնում ընտրվել է 2008 թվականին: Օբամայի վերընտրվելու ֆոնին զենք արտադրողների բաժնետոմսերի արժեքը եւս բարձրացել է: Read more

Լոս Անջելեսի խորհուրդը բուսակերության օր է սահմանել

Article Details

Published on Wednesday, 14 November 2012 02:06

Written by

Լոս Անջելեսի քաղաքային խորհուրդը նոյեմբերի 12-ին հայտարարել է երկուշաբթին բուսակերության օր: Քաղխորհրդի պատգամավորներն այս առնչությամբ դիմել են քաղաքացիներին՝ նրանց կոչ անելով երկուշաբթի օրերին զերծ մնալ մսի օգտագործումից: Այսպիսով՝ քաղաքը դարձել է մոլորակի խոշորագույն բնակավայրը՝ առողջության պահպանման եւ աշխարհում էկոլոգիական վիճակի բարելավման համար մսի օգտագործումը նվազեցնելու գլոբալ արշավում: Արշավը կրում է կամավորական բնույթ. ո՛չ իշխանությունները, ո՛չ էլ ոստիկանությունն այդ օրերին մսակերներին չեն հետապնդի: Քաղաքային խոհուրդը միայն հույս է հայտնել, որ իր որոշումը շաբաթական գոնե մեկ անգամ մսից հրաժարվելու ավանդույթի սկիզբ կդնի: Վիճակագրության համաձայն՝ ԱՄՆ-ն ճարպակալությամբ տառապող բնակիչների թվով աշխարհի երկրների շարքում առաջատար է: Read more

Սիրիայում վնասվել է հայկական եկեղեցին

Article Details

Published on Tuesday, 13 November 2012 01:25

Written by

Սիրիայում կառավարական զորքերի եւ զինյալ ընդդիմության միջեւ շարունակվող բախումների հետեւանքով էական վնաս է կրել Դեյր էզ Զորի Սրբոց Նահատակաց եկեղեցին։ Բերիո թեմի Ազգային առաջնորդարանի փոխանցմամբ, եկեղեցին եւ Մեծ եղեռնի նահատակների հուշահամալիրը վնասվել է հարակից շենքերի մոտ տեղի ունեցած կրակոցների եւ պայթյունների հետեւանքով։ Այս եկեղեցի-հուշահամալիրում են ամփոփված Հայոց ցեղասպանության ընթացքում Դեյր էզ Զորի անապատներում զոհված բազմաթիվ հայերի մասունքները, իսկ ցեղասպանության թանգարանում Հայոց Մեծ եղեռնը հավաստող բազմաթիվ վավերագրեր կան։ Հիշեցնենք, որ օրեր առաջ Հալեպում հրկիզվել էր Սուրբ Գեւորգ հայկական եկեղեցին։Այն դարձյալ բախումների կիզակետում էր հայտնվել, սակայն ավելի ուշ վանդալիզմի զոհ էր դարձել։ Հրկիզված եկեղեցին գրեթե մոխրացել էր, էապես վնասվել էր նաեւ եկեղեցու հարակից Մեսրոպյան վարժարանը: Դեյր էզ Զորի Սրբոց Նահատակաց եկեղեցին, ենթադրաբար, դարձյալ բախումների կիզակետում է հայտնվել եւ վնասվել է փոխհրաձգության եւ ռմբակոծությունների հետեւանքով։   Read more

Ստամբուլ մեկնող ավտոբուսը շրջվել է

Article Details

Published on Tuesday, 13 November 2012 01:21

Written by

 Երեւանից Ստամբուլ մեկնող Մերսեդես Բենս մակնիշի ավտոբուսը Երեւան-Բավրա ավտոճանապարհի 166-րդ կմ-ի մոտ դուրս է եկել ճանապարհի երթեւեկելի մասից եւ կողաշրջվել: Ավտովթարի հետեւանքով զոհվել է 45-ամյա Արաքսի Վրեժի Ղազարյանը: Եւս 36 մարդ տարբեր աստիճանի մարմնական վնասվածքներ են ստացել: Նրանցից 25-ին տեղափոխել են Գյումրիի եւ Աշոցքի բժշկական կենտրոններ: Հիվանդներից մեկի վիճակը մասնագետները գնահատում են կայուն ծանր։ Նրա մոտ ախտորոշվել են գանգուղեղային վնասվածք, գլխի եւ ականջի բաց վերքեր, ինչպես նաեւ կոտրվածք։ Հիվանդը դուրս է բերվել շոկային վիճակից։ Տուժածներից հինգի վիճակն այս պահի դրությամբ գնահատվում է միջին ծանրության՝ լավացման դինամիկայով։ Մյուսների վիճակն ավելի թեթեւ է։ Հայտնի է, որ ավտոբուսը փորձել է շրջանցել թուրքական ավտոբուսին, սակայն կորցրել է կառավարումը եւ շրջվել: Դեպքի վայրում աշխատել են փրկարարները, որոնք հանել են տուժածներին: Read more

ՀԱԿ-ն ու ԲՀԿ-ն պայմանավորվեցին

Article Details

Published on Tuesday, 13 November 2012 01:14

Written by

Հայ ազգային կոնգրեսը չի բացառել, որ նախագահական ընտրություններին միասնական թեկնածու ներկայացնեն Բարգավաճ Հայաստան կուսակցության հետ: Նման հայտարարություն արել է Հայ ազգային կոնգրեսի համակարգող Լեւոն Զուրաբյանը: Այսօր Ստեփան Դեմիրճյանի գլխավորած Հայաստանի Ժողովրդական կուսակցության գրասենյակում տեղի է ունեցել ՀԱԿ եւ ԲՀԿ ներկայացուցիչների հանդիպումը, որին ՀԱԿ-ի կողմից մասնակցել են Լեւոն Զուրաբյանն ու Տեր-Պետրոսյանի գրասենյակի վարիչ Ավետիս Ավագյանը, իսկ ԲՀԿ-ից պատգամավորներ Նաիրա Զոհրաբյանն ու Վարդան Օսկանյանը: Հանդիպումից հետո հարցին, թե հնարավոր համարո՞ւմ է, որ ՀԱԿ-ԲՀԿ համագործակցության արդյունքում ունենան նախագահի միասնական թեկնածու, Լեւոն Զուրաբյանը, մասնավորապես, ասաց. - Ես կարծում եմ, որ դա չի կարելի բացառել։ Նշենք, որ ՀԱԿ-ից հեռացած գործիչները պնդում են, թե չի կարելի համագործակցել Մարտի 1-ին հիմնական դերակատարում ունեցած եւ Ռոբերտ Քոչարյանի կողմից ստեղծված քաղաքական ուժի հետ, մինչդեռ Լեւոն Տեր-Պետրոսյանն ու մյուսները համառորեն շարունակում են համագործակցել: Ինչպես այդ կապակցությամբ արձանագրել է Առաջին լրատվական կայքը, Հայ ազգային կոնգրեսն ու Բարգավաճ Հայաստանն ամուսացան ՀԺԿ-ի գրասենյակում:   Read more

Պայթյուն Ինդիանապոլիսում

Article Details

Published on Tuesday, 13 November 2012 01:06

Written by

Ինդիանա նահանգի Ինդիանապըլիս քաղաքում հզոր պայթյուն է որոտացել, որի հետեւանքով, նախնական տվյալների համաձայն, 2 մարդ է զոհվել: Պայթյունը որոտացել է շաբաթ օրը՝ ժամը 23.00-ին, South Stop 11 Road եւ South Sherman Drive փողոցների խաչմերուկում։ Այն այնքան ուժգին է եղել, որ լսվել է մի քամի մղոն հեռավորության վրա։ Պայթյունից հետո հրդեհ է բռնկվել։ Դեպքի վայր ժամանած հրշեջները տեսել են, որ 2 երկհարկանի բնակելի տուն ամբողջովին ավերվել է, հարեւանությամբ գտնվող մոտ 10-ն էլ վնասվել են։ Հրշեջ ծառայությունը հաստատել է դեպքի վայրում 2 մարդու մահվան լուր, 7 մարդ, մարմնական տարբեր աստիճանի վնասվածքներով, տեղափոխվել է հիվանդանոց: Փրկարարները տարհանել են տարածքի մոտ 200 բանկիչների:  Հրդեհաշիջման աշխատանքներին մանսակցել է 75 հրշեջ: Նախապես լուրեր էին տարածվել, թե պայթյունը որոտացել է ինքնաթիռի պատճառով, սակայն քաղաքապետ Գրեգ Բոլըրդը հերքել է այն լուրերը, թե տան վրա օդանավ է ընկել։ Ըստ հրշեջ ծառայության ղեկավարի տեղակալ Քեննի Բեյկընի՝ այս ողբերգության զոհերի թիվը կարող է աճել, քանի որ տների փլատակաների վրա աշխատանքները դեռ շարունակվում են եւ չի բացառվում, որ դրանցում կարող են մարդիկ լինել: Ոստիկանությունը հետաքննություն է սկսել:  Read more

Պետրեըսը հրաժարական տվեց

Article Details

Published on Tuesday, 13 November 2012 00:57

Written by

 ԱՄՆ-ի CIA-ի ղեկավար Դեւիդ Պետրեըսը հրաժարական է տվել կնոջը դավաճանելու համար: Նոյեմբերի 10-ին Պետրեուսը հայտարարել է, որ ԱՄՆ-ի նախագահ Բարաք Օբաման ընդունել է իր հրաժարականը: CIA-ի աշխատակիցներին ուղղված նամակում Պետրեըսը նշել է իր քայլի դրդապատճառները: 37 տարվա համատեղ կյանքից հետո ես սիրավեպ եմ ունեցել: Նա նշել է, որ նման պահվածքն անընդունելի է ոչ միայն ամուսնու, այլեւ նման կազմակերպության ղեկավարի համար: Պետրեըսի հրաժարականի վերաբերյալ իր հայտարարության մեջ Օբաման ընդգծել է, որ նա տասնամյակների ընթացքում ԱՄՆ-ին անգնահատելի ծառայություններ է մատուցել` երկիրն ավելի անվտանգ եւ ուժեղ դարձնելով: CIA-ի ղեկավարի պաշտոնակատար է նշանակվել Պետրեըսի տեղակալ Մայքլ Մորելը: Պարզվում է՝ ԱՄՆ Կենտրոնական հետախուզական վարչության ղեկավար Դեւիդ Պետրեըսի հրաժարականի պատճառ դարձած սիրային կապի բացահայտումը պատահական սկիզբ է ունեցել: FBI-ն պարզել էր, որ Պետրեուսը արտաամուսնական կապի մեջ է իր մասին կենսագրական գրքի հեղինակ Փոլա Բրադուելի հետ: FBI-ի ուշադրությունը Բրադուելը գրավել է այն պահից, երբ փորձել է ջարդել Պետրեըսի անձնական էլեկտրոնային փոստը՝ պարզելու համար, թե ո՞ւմ հետ է նամակագրական կապի մեջ գտնվում CIA ղեկավարը: Հենց այդ բանից հետո էլ ԱՄՆ հատուկ ծառայությունները սկսել են հետեւել 40-ամյա լրագրողուհուն: FBI-ն փորձում է պարզել, թե արդյոք CIA-ի նախկին ղեկավարի հետ շփման ընթացքում նրան հասանելի եղել են վարչության գաղտնի նյութերը եւ գեներալի էլեկտրոնային փոստը: 59-ամյա Դ. Պետրեըսը ԱՄՆ CIA-ի ղեկավար էր դարձել 2011 թվականին: Մինչ այդ նա զբաղեցրել է գլխավոր պաշտոններ ՆԱՏՕ-ում: Նրա կին Հալին գլխավորում է զինծառայողների ընտանիքներին աջակցող հանձնաժողովներից մեկը: Read more

Մահացել են թունավոր սնկի պատճառով

Article Details

Published on Tuesday, 13 November 2012 00:34

Written by

Տարեց երկու անձինք մահացել են թունավոր սունկ ուտելու պատճառով: Փլեսյ շրջանի ոստիկանության սերժանտ Քերըլ Ուոլշի խոսքով, դժբախտ միջադեպը տեղի է ունեցել Լումըս քաղաքում, ծերանոցում: Երկու կանայք, որոնք բնակվում էին Golden Age Villa-ում, առողջական խնդիրներ են ունեցել եւ տեղափոխվել հիվանդանոց: ԲԺիշկներին չի հաջողվել փրկել 86-ամյա Բարբըրա Լոպեսի եւ 73-ամյա Թերեսա Օլեսնեւիչի կյանքը: 

Ծերանոցի աշխատակցուհին, ով պատրաստել էր սունկը, եւ եւս երեք հիվանդներ այժմ գտնվում են հիվանդանոցում: Ոստիկանությունը հետաքննություն է սկսել, սակայն որեւէ հանցակազմ չի հայտնաբերվել, դեպքը որակվել է որպես դժբախտ պատահար:  Read more