Չիլիում մեծ քանակությամբ թմրանյութ են հայտնաբերել

• 
• 

Article Details

Published on Thursday, 01 November 2012 02:37

Written by

 Չիլիի ոստիկանությունն առգրավել է երկրի պատմության մեջ թմրանյութերի խոշորագույն խմբաքանակը՝ 1,75 տոննա քաշով: Հարավային Ամերիկայի այս հանրապետության իրավապահ մարմինների փոխանցմամբ, Չիլիի մայրաքաղաք Սանտյագոյում իրականացված հատուկ գործողության ընթացքում օպերատիվ աշխատողներն առգրավել են մի բեռ՝ բաղկացած մարիխուանայից, քլորհիդրատից եւ կոկաինի հումքից, որը երկու բեռնատարներով տեղափոխվում էր սոխի պարկերի մեջ: Ոստիկանները թմրանյութերի ապօրինի շրջանառության կասկածանքով ձերբակալել են վեց մարդու: Նրանց ազգության մասին չի հաղորդվում: Հնարավոր է՝ խոսքը վերաբերում է կազմակերպված հանցավոր խմբավորմանը: Իրավապահ մարմինները հետքը գտել էին տակավին չորս ամիս առաջ: Հետաքննությունը ենթադրում է, որ թմրանյութերի բեռը սահմանն անցել է երկրի հյուսիսում: Read more

Հինգ հայերի դատել են մեքենայությունների համար

• 
• 

Article Details

Published on Thursday, 01 November 2012 02:34

Written by

Կալիֆոռնիայի 3 քաղաքների 5 բնակիչներ բանկային խարդախությունների սխեմայում մասնակցության հարցում իրենց մեղքը չեն ընդունել: Փասադինայի բնակիչ, 33-ամյա Ասատուր Ասատրյանը, Գլենդելի բնակիչներ, 53-ամյա Հիլդա Հախվերդյանը եւ 30-ամյա Արա Հարությունյանը, 24-ամյա Արթուր Հարությունյանը, 59-ամյա Սերյոժա Հարությունյանը ավելի քան 1 միլիոն դոլարի յուրացման մեջ մեղադրվող 14 անձանց շարքում են: Տուժող կողմ է հանդիսացել Citibank-ը: Սխեմայի ենթադրյալ կազմակերպիչը՝ Ֆիլմորի բնակիչ, 29-ամյա Արա Քեշիշյանը, դավադիրների խումբ է հավաքել՝ Citibank-ում իրենց անուններով հաշիվ բացելու համար: Համաձայն մեղադրական ակտի՝Քեշիշյանը նրանց փողի սերմեր է տվել, յուրաքանչյուրին՝ 9-10 հազար դոլար՝ իրենց բանկային հաշիվներում ներդնելու համար:  Միաժամանակ գումարը ներդնելով՝ նրանք այցելել են Հարավային Կալիֆոռնիայի եւ Նեւադայի խաղատներ եւ օգտագործել իրենց քարտերը՝դուրս բերելու գումարը խաղատների ոլորտում գործունեություն իրականացնող Global Cash Access-ից: Citibank-ի հաշիվների անվտանգության ապահովման ծառայությունում նրանք հրակնատ են գործի դրել՝ 60 վայրկյանում բազմաթիվ կանխիկացումներով: Սխեման գործել է 2009-ի մայիսից 2010-ի հունվար: Ասատրյանն ու Գլենդելի նրա մեղսակիցները դատապարտվել են 5 տարվա ազատազրկման եւ 250 հազար դոլար տուգանքի: Բըրբենքի բնակիչ, 37-ամյա Սարգիս Մուշիդյանը նույնպես մեղավոր է ճանաչվել սխեմային մասնակություն ունենալու մեջ: Նրան 20 հազար դոլար գրավի եւ անձնագրի հանձնման դիմաց ազատ են արձակել:

Ամբաստանյալները Սան Դիեգոյի շրջանային դատարան կվերադառնան հաջորդ ամիս: Read more

Թունավոր նյութի արտահոսք Նյու Մեքսիկոյում

• 
• 

Article Details

Published on Thursday, 01 November 2012 02:16

Written by

Նյու Մեքսիկո նահանգի Սանտա-Թերեզա քաղաքում թունավոր նյութի արտահոսքի պատճառով առոջղական լուրջ խնդիրներ են ունեցել մոտ 200 մարդ: Միջադեպը տեղի է ունեցել երեկ առավոտյան, Թեքսըսի սահմանամերձ քաղաքում, Էլ-Պասոյից ոչ հեռու, FoamEx ընկերության պատկանող FXI քիմիկական գործարանում: Երբ տեղի է ունեցել արտահոսքը, աշխատակիցները սրտխառնող, գլխապտույտ եւ թուլություն են զգացել: Որոշների մոտ նաեւ մաշկի այրվածքներ են նկատվել: Դեպքի վայր փրկարարներ եւ ազգային գվարդիայի զինծառայողներ են ժամանել: Ազգային գվարդիայի զինծառայողները նախ տարհանել են գործարանի աշխատակիցներին, ապա փակել են Դոնա Անա շրջանի օդանավակայանն ու դպրոցները: Սանտա-Թերեզայում արդյունաբերական համալիր է գտնվում, որտեղ տեղակայված է նաեւ FXI գործարանը: Տարհանումն իրականացվել է մեկ մղոն շառավղով, քանի որ թունավոր անհայտ ծագման նյութը տարածվել է օդում: Մասնագետները օդի փորձանմուշներ են վերցրել եւ փորձաքննություն իրականացրել: Միայն այսօր առավոտյան, ժամը 6-ի սահմաններում իրավապահները չեղյալ են հայտարարել տարհանումը եւ բնակիչներին ու բանվորներին թույլատրել վերադառնալ: Բացվել է նաեւ օդանավակայանը:   Read more

Պուերտո-Ռիկոյում ձերբակալել են թմրավաճառների

• 
• 

Article Details

Published on Thursday, 01 November 2012 02:12

Written by

Պուերտո-Ռիկոյի ոստիկանությունը ձերբակալել է թմրամիջոցների անօրինական շրջանառությամբ զբաղվող մի խումբ հանցագործների, որոնք հերոինի եւ կոկաինի պատրաստման, կիրառման, ինչպես նաեւ տարածման մասին պատմող 20 էջից բաղկացած ուսուցողական ձեռնարկ էին ստեղծել: Associated Press-ի փոխանցմամբ, իրավապահ մարմինների հաղորդած տեղեկատվության համաձայն՝ հանցագործները թմրամիջոցների պատրաստմամբ զբաղվող լաբորատորիաների ցանց են ունեցել, որտեղ աշխատել են անօրինական ներգաղթյալներ՝ տարբեր երկրներից: Առայժմ հանցավոր խմբի ձերբակալված անդամների ճշգրիտ թիվը հայտնի չէ, սակայն ոստիկանության տրամադրած տեղեկատվության համաձայն՝ իրավապահ մարմինները նախատեսում էին ձերբակալել առնվազն 50 մարդու: Read more

Ալպինիստը մահացել է մեղուների պատճառով

• 
• 

Article Details

Published on Thursday, 01 November 2012 02:07

Written by

Արիզոնայում մեկ ալպինիստ է զոհվել, եւս երկուսը լուրջ վնասվածքներ են ստացել ժայռի վրա, երբ փորձում էին մագլցել: Դեպքը տեղի է ունեցել Ֆինիքսից ոչ հեռու, Էքո կենյընում, Քյամըլբեք լեռան վրա: 150 ոտնաչափ բարձրության վրա ալպինիստների վրա մեղուներ են հարձակվել եւ սկսել կծոտել նրանց: 19-ամյա Ջաշուա Ռոզսան ընկել է այդ բարձրությունից եւ մահացել ստացած վնասվածքներից: Նրա երկու ընկերները, որոնց անունները չի հաղորդվում, կարողացել են դիմադրել, մինչեւ նրանց օգնության են հասել փրկարարները եւ ուղղաթիռների միջոցով իջեցրել ժայռից: Դեռահասները պատսպարվել են ժայռի ճեղքի մեջ եւ մինչեւ ուղղաթիռի ժամանելը փաթավել շորերով: Այդուհանդերձ, նրանցից մեկի վրա 300, իսկ մյուսի վրա մեղվի հազար խայթոց է եղել: Դեռահասներին տեղափոխել են հիվանդանոց եւ նրանք գտնվում են վերակենդանացման բաժանմունքում: Ըստ բժիշկների, նրանց վիճակը ծանր է, սակայն կայուն: Ջաշուան ծովային հետեւակի ռեկրուտ էր եւ պատրաստվում էր զինվորական դառնալ: Փրկարարները նաեւ թմրեցրել են մեղուներին եւ փակել ճեղքը, որտեղից դուրս էին եկել վայրի միջատները:   Read more

Wig out Bandit-ը ձերբակալվել է

• 
• 

Article Details

Published on Thursday, 01 November 2012 02:03

Written by

Վենտուրայի ոստիկանությունը դիմել էր ազգաբնակչությանը` խնդրելով օգնել գտնելու քաղաքում երեք կողոպուտների մեջ կասկածվողին: Ըստ ոստիկանության, կասկածյալը 50-ամյա Դենիել Լոպես կրտսերն է, ով ավելի հայտնի է Wig out Bandit մականունով: Նա օգոստոսին եւ սեպտեմբերին երեք բանկ է կողոպտել, նաեւ կարող է կապված լինել այլ աղմկոտ հանցագործությունների հետ: Օգոստոսի 1-ին նա կողոպտել էր 1776 Victoria Avenue հասցեում գտնվող US Bank-ի մասնաճյուղը: Օգոստոսի 23-ին ավազակը կողոպտել էր Chase Bank-ի մասնայուղը 2075 S. Victoria Avenue հասցեում, իսկ սեպտեմբերի 28-ին` RaboBank-ը` 300 S. Mills Road հասցեում: ոստիկանների նախապես հայտարարել եին որ Լոպեսը կարող է զինված  լինել, հայտնի է, որ նա այցելել էր Վենտուրայի, Օքսնըրդի եւ Սանտա-Բարբարայի հյուրանոցներ:  Քիչ առաջ տեղեկացանք որ Wig out Bandit-ը այսօր ձերբակալվել է Սանտա Բարբըրայում երեկոյան ժամը 8ին։  Read more

Մաքսանենգների են ձերբակալել

• 
• 

Article Details

Published on Thursday, 01 November 2012 01:59

Written by

Պալոս Վերդեսի նավահանգստում երեք մարդ է ձերբակալվել, երբ փորձում էին մաքսանենք ապրանք անցկացնել ափ իրենց մոտորանավակով: Առափնյա պաշտպանության ծառայության ուղղաթիռը սկսել է հետեւել փոքրիկ, կասկածելի նավակը, որը մեծ արագությամբ մոտենալիս է եղել ափին: Գործողությանը միացել են ծառայության երկու նավեր: Երեկ երեկոյան, ժամը 5-ի սահմաններում, երբ նրանք հասել է Մալագա պարկի մոտ, մաքսանենգներին ձերբակալել են: Առափնյա պաշտպանության ծառայությունը չի հայտնում մաքսանենգների անուններն ու նրանց տեղափոխած բեռան պարունակությունը: Կասկածյալներին հանձնել են դաշնային իշխանություններին:  Read more

ԱՄՆ արեւելյան ափը «Սենդիից» հետո

• 
• 

Article Details

Published on Thursday, 01 November 2012 01:56

Written by

 ԱՄՆ արեւելյան ափը ավերիչ Սենդի փոթորկից հետո պատերազմի դաշտ է հիշեցնում: Արդեն այսօր մասնագետները փոթորկի հասցրած վնասը համեմատում են Կատրինայի հասցրած վնասի հետ, ընդ որում, այժմ իշխանություններն ավելի քան լավ էին նախապատրաստվել փոթորկին: Այդուհանդերձ, զոհերից խուսափել չի հաջողվել: Պաշտոնապես հաստատվել է 59 մարդու մահ, ընդ որում, նրանց մեծ մասը Նյու Յորք նահանգում, որն իր վրա է կրել աղետի ամենուժգին հարվածը: Վերջին տվյալներով` ԱՄՆ-ում առանց էլեկտրականության է մնացել 6,5 մլն մարդ, միայն Նյու Յորքում կես միլիոն: Փոթորկի պատճառով Քուինսում բռնկված հրդեհը 111 տուն է ոչնչացրել, եւս 20 տուն մեծապես տուժել է: Հեղեղված եւ միեւնույն ժամանակ այրվող տներում արգելափակված 25 մարդկանց փրկարարները տարհանել են նավակներով: Բարեբախտաբար, զոհեր չկան: Թեպետ փոթորիկն արդեն հեռացել է դեպի Կանադա, սակայն, իշխանություններից առնվազն շաբաթներ կպահանջվեն ավերածությունների հետքերը մաքրելու համար: Արդեն այսօր բացվել են Նյու Յորքի Ջան Քենեդու անվան միջազգային օդանավակայանը եւ հարեւան Նյու Ջըրզի նահանգի Նյուարք միջազգային օդանավակայանը, սակայն Լա Գարդիա օդանավակայանը դեռ փակ կմնա.: Աշխատանքներն է վերսկսել Նյու Յորքի ֆոնդային բորսան եւ հասարակական տրանսպորտի մի մասը, թեպետ հարյուրավոր տաքսներ մնացել են ջրի տակ եւ վերանորոգման կարիք ունեն: Սենդի փոթորիկը կարող է լուրջ ազդեցություն ունենալ ԱՄՆ-ի տնտեսության աճի վրա, քանի որ այն կաթվածահար է արել ԱՄՆ-ի արեւելյան ափի արտադրական հզորությունները: Փոթորիկը կարող է հանգեցնել չորրորդ եռամսյակում 25 միլիարդ դոլարի արտադրական կորուստների, նաեւ ԱՄՆ համախառն ներքին արդյունքի աճի կրճատման 0,6 տոկոսով: Փոթորիկը նաեւ լուրջ քաղաքական դիվիդենտներ է բերել նախագահ Օբամային, ով հանրապետական նահանգապետ Քրիս Քրիսթիի խոստովանմամբ, իրեն պահել է իրական առաջնորդին վայել կերպով: Օբաման այսօր մեկնել է Նյու Ջըրզի՝ տեղում ծանոթանալու իրավիճակին: Read more

Մամուլը Օբամայի կողմից է

• 
• 

Article Details

Published on Thursday, 01 November 2012 01:28

Written by

Չորրորդ իշխանությունը ԱՄՆ-ում շարունակում է լիբերալ հայացքներ դրսեւորել եւ նախընտրությունը տալիս է Դեմոկրատական կուսակցության առաջադրած թեկնածուին: Կալիֆոռնիա նահանգի համալսարանի հետազոտողների հաշվարկով` ներկայումս 100 ամերիկյան խոշորագույն թերթից 34-ն աջակցում է երկրի ներկայիս նախագահ Օբամային, 28-ը` նրա հակառակորդ Ռամնիին: 15 օրաթերթից, որոնք մեծ սպառում ունեն եւ չեն թաքցնում իրենց քաղաքական հայացքները, 9-ը ընթերցողներին կոչ է արել քվեարկել դեմոկրատի օգտին, միայն 4-ը` հանրապետականի: 2-ը դեռ չեն կողմնորոշվել: Օբամային աջակցում են New York Times, Washington Post, Los Angeles Times, Chicago Tribune, Philadelphia Inquirer, The Boston Globe, Denver Post թերթերը, իսկ Ռամնիին աջակցում են` Dallas Morning News, Houston Chronicle, Արիզոնայի Ripablik եւ Նեբրասկայի Omaha World-Herald պարբերականները: The Wall Street Journal-ը չեզոքություն է պահում։ Հարցման արդյունքներով` ամերիկացիների մեկ տոկոսի համար կարեւոր է տեղական թերթի կարծիքը: Fox հեռուստաընկերությունն աջակցում է հանրապետականներին: CNN եւ MSNBC հեռուստաընկերությունները դեմոկրատների կողմից են: Read more

Թրամփը մեկ օրով հետաձգել է վերջնաժամկետը

• 
• 

Article Details

Published on Thursday, 01 November 2012 01:26

Written by

Մեդիամագնատ եւ միլիարդատեր Դանըլդ Թրամփը, կապված Սենդի փոթորիկի հետ, մոտ մեկ օրով հետաձգել է վերջնաժամկետը, որը սահմանվել էր նրա կողմից՝ Բարաք Օբամայի համար: Թրամփը խոստացել է 5 մլն դոլարի չեկ տրամադրել այն բարեգործական կազմակերպությանը, որին Օբաման կնշի, միայն եթե պետության ղեկավարը հրապարակի Կոլումբիական համալսարանում իր սովորելու վերաբերյալ փաստաթղթերը, ինչպես նաեւ՝ անձնագիր ստանալու հայտը: Թե ինչ է ուզում Թրամփը պարզել, հայտնի չէ: Իր հերթին Սպիտակ տան ավագ խորհրդական Դեյվիդ Պլաֆն ավելի վաղ լրագրողներին ասել էր. -Հարցեր տվեք Թրամփին, ով միթ Ռամնիի գլխավոր հովանավորն է։ Այն ամենի համար, ինչ Թրամփն ասում է, պատասխանատու է Ռամնին: Թրամփը, ով ավելի վաղ չէր բացառում իր մասնակցությունը նախագահական ընտրություններում, 2012 թ. փետրվարին հայտարարել է, որ այդ ընտրություններում աջակցելու է Օբամայի մրցակից, նախկին նահանգապետ Միթ Ռամնիին: Read more