September 2012

19 September 2012

Ինքնասպան է եղել բռնաբարության մեջ կասկածվողը

Article Details: Published on Wednesday, 19 September 2012 01:16; Written by

kakh 3 Երեկ` սեպտեմբերի 17-ին, արտակարգ դեպք է տեղի ունեցել Երեւանում: Ոստիկանության Շենգավիթի բաժին ահազանգ է ստացվել, որ Նորագավիթի դաշտում մարդ կա կախված: Նշված վայր մեկնած խումբը պարզել է, որ կախվելու միջոցով ինքնասպան է եղել Նորագավիթի բնակիչ 45-ամյա Վ. Քալաշյանը: Ինչպես հայտնում է ֆոտալրագրող Գագիկ Շամշյանը, Նորագավիթում իրեն պատմել են, որ նույն օրը նրան 14-ամյա հաշմանդամ աղջկան բռնաբարելու կասկածանքով տարել էին Մասիսի բաժին եւ որոշ ժամանակ անց նա ստորագրությամբ ազատ էր արձակվել: Կատարվածի մասին ոստիկաններին հայտնել է աղջկա մայրը` Մ. Բաբայանը: Վերջինս նշել է, որ նախկին ամուսին` Վ. Քալաշյանը, օգտվելով իր բացակայությունից եկել է Մարմարաշենի իրենց տուն, որտեղ իրենք ապրում են վարձով, եւ բռնաբարել երեխային: Ըստ Մ. Բաբայանի անչափահաս որդին պատուհանից տեսել է այդ ամենը եւ զանգահարել իրեն: Կատարվածի մասին մայրը տեղեկացրել էր ոստիկանությանը: Read more

Ալիեւին ցույցերով են դիմավորել Փարիզում

Article Details: Published on Wednesday, 19 September 2012 01:14; Written by

alliev 4 Ադրբեջանի նախագահ Իլհամ Ալիեւին այսօր բողոքի լայնածավալ ցույցերով են դիմավորել Ֆրանսիայի մայրաքաղաք Փարիզում: Երեւանի ժամանակով ժամը 21.00–ին այսօր բազմաթիվ ֆրանսահայեր բողոքի են դուրս եկել Փարիզում Ադրբեջանի դեսպանատան դիմաց։ Ցուցարարներն այդ կերպ իրենց բողոքն են արտահայտել աշխատանքային այցով Փարիզում գտնվող Ադրբեջանի նախագահ Իլհամ Ալիեւի դեմ, ով ներում էր շնորհել եւ հերոսացրել հայ սպա Գուրգեն Մարգարյանին Հունգարիայում կացնահարելով սպանած եւ ցմահ դատապարտված Ռամիլ Սաֆարովին։ Ցուցարարներին են միացել նաեւ երեք սենատորներ։ Նրանք նաեւ նշել են, որ իրենք բողոքում են ընդդեմ Իլհամ Ալիեւի ներկայությանը Ֆրանսիայում։ Ցուցարարներ պարզել են հայկական եռագույնը, ինչպես նաեւ Սաֆարովին պատժելու կոչերով պաստառներ։ Ցույցը տեւել է մի քանի ժամ: Նշենք, որ Ալիեւը Ֆրանսիայի նախագահ Ֆրանսուա Օլանդի հետ քննարկելու է նաեւ ղարաբաղյան հակամարտությունը: Read more

Օլիմպիական չեմպիոնին ձերբակալել են

Article Details: Published on Wednesday, 19 September 2012 01:12; Written by

CHEMP 8 Սնոուբորդի օլիմպիական կրկնակի չեմպիոն Շան Ուայթին ձերբակալել են հյուրանոցում հրահրած կռվի համար, որը նա արել է ալկոհոլի ազդեցության ներքո: Associated Press-ի փոխանցմամբ, 26-ամյա մարզիկը վեճի է բռնվել Թեննեսի նահանգի Նեշվիլլ քաղաքի Loews Vanderbilt Hotel-ում, սեպտեմբերի 16-ի գիշերը: Նա միացրել է հրդեհային ազդանշանային համակարգը, ինչի արդյունքում հոթելի բոլոր բնակիչները տարհանվել են: Բացի այդ, ականատեսի խոսքով, Ուայթը ջարդել է հյուրանոցային հեռախոսը: Այն բանից հետո, երբ կանչվել է ոստիկանությունը, մարզիկը փորձել է փախչել տաքսիով, սակայն նրան կասեցրել է հոթելի բնակիչներից մեկը: Հաղորդվում է, որ մարզիկը դուրս է թռչել եւ փորձել փախչել, իսկ փախուստի ընթացքում ընկել է եւ գլխով հարվածել դարպասին: Մարզիկին տեղափոխել են հիվանդանոց: Նրան դուրս են գրել երեկ, ինչպես նաեւ նույն օրը ձերբակալել են: Ուայթը մեղադրվում է վանդալիզմի եւ հասարակական վայրում ալկոհոլային վիճակում գտնվելու մեջ: Նրան բաց են թողել հոկտեմբերի 10-ին անպայման դատարան ներկայանալու խոստման պայմանով: Շան Ուայթը ոսկե մեդալներ է նվաճել 2006 թ. Թուրինում եւ 2010թ. Վանկուվերում կայացած Օլիմպիադաներում՝ հաֆ-փայփի մրցույթներում: Մարզիկը հանդիսանում է հագուստի արտադրության սեփականատեր, ինչպես նաեւ թողարկում է սնոուբորդինգի մասին տեսախաղեր եւ ֆիլմեր: Ուայթը նաեւ բավականին հաջողակ սքեյթբորդիստ է: Read more

Թահանգայի հայ բնակչին ձերբակալել են

Article Details: Published on Wednesday, 19 September 2012 01:09; Written by

heta 4 Թահանգայի 20-ամյա բնակչին ձերբակալել են ոստիկանական հետապնդումից մեծ արագությամբ փախչելու համար: Նա 80 մղոն/ժամ արագությամբ սլանում էր Նորթ Գլենդելի բնակելի թաղամասով: Ռայմընդ Ղարիբյանին ձերբակալել են շաբաթ կեսգիշերին մոտ, երբ նրան հայտնաբերել են ոստիկանական ուղղաթիռով: Նրան ավելի վաղ կանգնեցրել էին Գլենոկս-բուլվարդում, սակայն Ղարիբյանը փախուստի էր դիմել, եւ ոստիկանական ազդանշանների ուղեկցությամբ անցել Գլենվուդ-Ռոադը: Ուղղաթիռը BMW մակնիշի մեքենան գտել է Pleasant View Terrace-ում, Virginia Avenue-ի մոտ կայանված վիճակում: Ղարիբյանը խոստովանել է, թե փախել է ոստիկաններից, քանի որ վարելու վկայականը ժամկետանց է եղել: Read more

Ոստիկանը սպանել է կասկածյալին

Article Details: Published on Wednesday, 19 September 2012 01:08; Written by

parama 3 Լոս Անջելես շրջանի շերիֆի գրասենյակը որոշ մանրամասներ է հայտնել Փարամաունթում տեղի ունեցած միջադեպի մասին, որի ընթացքում ոստիկանության աշխատակիցը կրակել եւ սպանել էր կասկածյալին: Սպանության բաժնի դետեկտիվները ահազանգը ստացել են երեկ երեկոյան՝ ժամը 8-ի սահմաններում, 16600 Downey Avenue հասցեից: Հասնելով դեպքի վայր նրանք տեսել են կասկածյալին, ով արդեն մահացած է եղել: Ոստիկանին կյանքի համար ոչ վտանգավոր վնասվածքներով տեղափոխել են հիվանդանոց: Նախնական տեղեկություններով, նրա վնասվածքը հրազենային չէ: Ոստիկանությունը ներքին հետաքննություն է սկսել: Read more

Լոս Անջելեսում կնոջ այրված դիակ են գտել

Article Details: Published on Wednesday, 19 September 2012 01:06; Written by

burnedb 3 Հարավային Լոս Անջելեսում՝ հենց փողոցի կենտրոնում այս գիշեր կնոջ այրված դիակ են գտել : Միջադեպը տեղի է ունեցել West 94th Street հասցեում, Բրոդվեյի մերձակայքում: Հրշեջ-փրկարարներն ու ոստիկանները տեղում արձանագրել են կնոջ մահը: Կնոջ ինքնությունն առայժմ պարզված չէ, եւ ըստ իրավապահների՝ բավական ժամանակ է անհրաժեշտ դատաբժշկական փորձաքննություն իրականացնելու եւ կնոջ ինքնությունը պարզելու համար: Ոստիկանությունն ահազանգ էր ստացել, որ կինը նետվել է կրակի մեջ: Լոս Անջելեսի ոստիկանական վարչության ներկայացուցիչ Ջերըլդ Վուդյարդի խոսքով, ներկայումս հետաքննություն է ընթանում՝ պարզելու ողբերգության բոլոր հանգամանքները: Read more

Վրաերթ Վեն Նայսում

Article Details: Published on Wednesday, 19 September 2012 01:04; Written by

VRAAAA 7 13 եւ 14 տարեկան երկու դեռահասներ քայլում էին մայթով, երբ նրանց վրաերթի է ենթարկել փիքափի վարորդը: Վերջինս, դեպքից անմիջապես հետո փախուստի է դիմել: Միջադեպը տեղի է ունեցել Վեն Նայսում, Vanowen Street-ում, առավոտյան ժամը 7:02-ի սահմաններում: Տղային եւ աղջկան տեղափոխել են Northridge Hospital Medical Center: Ոստիկանության փոխանցմամբ, տղան մի շարք կոտրվածքներ ունի, իսկ աղջիկն ուղեղի ցնցում, սակայն նրանց կյանքին առաջյժմ ոչինչ չի սպառնում: Ոստիկանությունը հայտնել է, որ կասկածյալը հին, կանաչ փիքափով է եղել, որի ձախ հատվածը վնասված է: Read more

Հրդեհ Կորեաթաունում

Article Details: Published on Wednesday, 19 September 2012 01:02; Written by

koreata 4 Մեկ մարդ լրջորեն այրվել է, եւս երեքը մարմնական վնասվածքներ են ստացել երեկ ուշ երեկոյան Կորեաթաունում, չորսհարկանի շենքում բռնկված հրդեհի հետեւանքով: Ահազանգը ստացվել է ժամը 8:15-ի սահմաններում, 500 Normandie Avenue հասցեից: Ավելի քան 70 հրշեջներ են մասնակցել կրակի մարման աշխատանքներին: 28-ամյա տղամարդը մնացել է կրակե թակարդի մեջ եւ լրջորեն այրվել: Նրան ծայրահեղ ծանր վիճակում՝ մարմնի մակերեսի 85 տոկոս այրվածքներով, տեղափոխել են հիվանդանոց: Լոս Անջելեսի հրշեջ ծառայության ներկայացուցիչ Բրայըն Համֆրիի խոսքով, 58-ամյա մի կին ծխահարվել է եւ գտնվում է ծանր վիճակում: 45-ամյա տղամարդն ու 14-ամյա աղջիկը ավելի նվազ ծանրության վնասվածքներ են ստացել: Շենքի 63 այլ բնակիչների տարհանել են եւ նրանց այժմ ապաստան են տվել Կարմիր խաչի կենտրոնում: Read more

Ռամնին հայտնվել է սկանդալի մեջ

Article Details: Published on Wednesday, 19 September 2012 01:00; Written by

rrrrom 5 ԱՄՆ նախագահի հանրապետական թեկնածու Միթ Ռամնին հայտնվել է հերթական, սակայն այս անգամ ծանր սկանդալի մեջ: Ռամնին Օբամայի օգտին քվեարկողներին ձրիակեր է անվանել, ովքեր ապրում են պետության հաշվին: Նկարահանումն իրականացվել է թաքնված տեսախցիկով փակ միջոցառման ժամանակ, երբ թեկնածուն ելույթ էր ունենում պոտենցիալ հովանավորների առաջ: Այն հայտնվել է Mother Jones ամսագրի կայքում: -Նրա կողմից են մարդկանց 47 տոկոսը, ովքեր կախված են կառավարությունից եւ զոհ են ձեւանում ` հավատալով, որ կառավարությունը պարտավոր է հոգալ նրանց մասին: Ինձ երբեք չի հաջողվի համոզել նրանց այն հարցում, որ իրենք պետք է անձնական պատասխանատվություն կրեն եւ հոգ տանեն իրենց մասին,-ասում է Ռամնին տեսագրության մեջ: Նա նաեւ ընդգծել է, որ այդ մարդիկ հարկեր չեն վճարում: Ռամնին նշել է, որ իրեն մտահոգում է, թե ինչպես կքվեարկեն լատինաամերիկյան ծագումով ամերիկացիները: Եթե նրանք աջակցեն դեմոկրատներին, այնպես, ինչպես անցյալ անգամ աֆրոամերիկացիներն էին աջակցել, ապա մենք խնդիր կունենանք ոչ միայն որպես կուսակցություն, այլ նաեւ որպես ազգություն,-հայտնել է հանրապետականը: Ի դեպ, նա նաեւ նշել է, թե իր քարոզիչները լուրջ աշխատանք են տանում, ողջ աշխարհով մեկ, քարոզարշավ անում՝ Հայաստանում, Աֆրիկայում, Իսրայելում։ Ռամնիի այս հայտարարությանը կտրուկ է արձագանքել նախագահ Օբամայի շտաբը՝ արտահայտությունը վրդովեցուցիչ անվանելով: -Դժվար է ԱՄՆ-ի նախագահի պաշտոնում պատկերացնել մեկին, ով նման ատելությամբ է արտահայտվում ժողովրդի կեսի մասին,- նշել են Օբամայի շտաբից: Իսկ Միթ Ռամնին հայտարարել է, թե իր խոսքերն այնքան էլ նրբագեղ չէին, սակայն այդպես էլ ներողություն չի խնդրել ընտրողներից: Read more

Օբաման առաջատար է

Article Details: Published on Wednesday, 19 September 2012 00:56; Written by

obarom 3 ԱՄՆ գործող նախագահ, վերընտրվել պատրաստվող Բարաք Օբաման շարունակում է իր ժողովրդականությամբ առաջ անցնել մրցակից` հանրապետական Միթ Ռամնիից: Այս մասին են վկայում Reuters գործակալության եւ Ipsos սոցիոլոգիական ծառայության համատեղ հարցումների տվյալները: Ըստ տվյալների` եթե հենց այսօր անցկացվեին ընտրություները, ապա Օբամային իրենց աջակցությունը կհայտներ ընտրողների 48 տոկոսը, իսկ Ռամնիին` 43 տոկոսը: Անցած հինգշաբթի դեմոկրատ եւ հանրապետական թեկնածուներին աջակցող ընտրազանգվածը կազմել է համապատասխանաբար 48 եւ 41 տոկոս: Մասնագետները նաեւ պարզել են, որ գրանցված ընտրողների 37 տոկոսը երկրի տնտեսության վերականգնման Օբամայի ծրագիրը համարում է ավելի լավը, քան Ռամնիինը: Ռամնիի տնտեսական ծրագրին հավանություն տվողները կազմում են 34 տոկոս: Հարցվածների 40 տոկոսը աջակցություն է հայտնել Սպիտակ տան ներկայիս ղեկավարի տնտեսական քաղաքականությանը: Այդ հարցում Ռամնիին աջակցում է ընտրողների 36 տոկոսը: Read more