September 2012

05 September 2012

Հալեպում մարտերը շարունակվում են

Article Details: Published on Wednesday, 05 September 2012 01:51; Written by

Aleppo 5 Սիրիայի մեծությամբ երկրորդ քաղաքում` Հալեպում մարտերն ավելի են ահագնանում: Սիրիական զորքերը զանգվածային հարվածներ են հասցնում այսպես կոչված Սիրիական ազատ բանկի գրոհայինների դիրքերին: Կիրառվում են հրետանի եւ ուղղաթիռներ: Քաղաքում բազմաթիվ շենքեր վնասված են: Իշխանությունները խոստացել են 10 օրում վերահսկողությունը վերցնել իրենց ձեռքը: Հազարավոր պահետսազորայիններ կրկին բանակ են զորակոչվել: Ընդդիմության տվյալներով, հիմնական մարտերն ընթանում են Հալեպի արվարձաններում, կողմերը լուրջ վնասներ են կրում, զոհվել են տասնյակ բնակիչներ: Քաղաքում պարենի սուր պակաս է զգացվում:

Հալեպում եւ Դամասկոսում մարտական գործողությունների սրումը հումանիտար աղետի կարող է վերճել: ՄԱԿ-ի տվյալներով, երկրից արդեն օգոստոսին 100 հազար մարդ է փախել, իսկ փախստականների ընդհանուր թիվը կազմում է 235 հազար:

Փախստականների թվի աճը քննարկվել է Կարմիր Խաչի միջազգային կոմիտեի նախագահ Պետեր Մաուրերի եւ Սիրիայի նախագահ Բաշար Ասադի հանդիպմանը: Մաուրերը մտադիր է կարմիր մահիկի հետ ծրագիր սկսել` ռազմական գործողություններից առավել տուժած շրջանների բնակիչներին օգնություն ցուցաբերելու հարցում: Read more

Դաժան սպանություն Նյու Ջերսիում

Article Details: Published on Wednesday, 05 September 2012 01:45; Written by

stab 4 Հանցագործը ներթափանցել է Նյու Ջըրզիի Քամդըն քաղաքի տներից մեկն ու դանակահարել 6-ամյա Դամինիկ եւ 12-ամյա Էմբըր Էնդուհարներին: Տղան մահացել է տեղում, ստացած վնասվածքներից, իսկ իսկ երորդ երխան ով 14 տարեկան է եւ ստանձնել էր քրոջ եւ եղբոր խնամքը մինչեւ իրենց մոր ետվիրահատական ապաքինումը մի կերպ հաջողվել է դուրս պրծնել եւ օգնություն կանչել հարեւաններից: Երեխային տեղափոխել հիվանդանոց, բժիշկները ներկայումս նրա վիճակը ծայրահեղ ծանր են գնահատում: Ոստիկանների հետ զրույցում Էմբըրը հայտնել է հանցագործի անունը, նա տեղական քահանայի 20-ամյա որդին է` Փապի մականունով, ով գումար էր վաստակում երեխաներին հետեւելով, եւ վայելել է ծնողների լիակատար վստահությունը: Հարեւաններն իրենց հերթին ոստիկաններին պատմել են, որ մոտ երկու ամիս առաջ Դամինիկի եւ Էմբըրի մայրն ու Փապին լուրջ բախում են ունեցել: Երեխաների մայրը դաժան դեպքի օրը գտնվել է հիվանդանոցում, իսկ երեխաներին հետեւում էր նրանց ավագ քույրը: Ոստիկանները դեպքից ժամեր անց ձերբակալել են գլխավոր կասկածյալին` Փապի մականունով Օսվալդո Ռիվերային եւ այժմ հարցաքննում են նրան: Պարզվել է, որ նա թմրանյութեր է օգտագործել` նախքան սպանություն կատարելը: Եթե դատարանը նրա մեղքը հաստատի, ապա Ռիվերային ցմահ ազատազրկում է սպառնում: Read more

Կալիֆոռնիայում մոլեգնում են հրդեհները

Article Details: Published on Wednesday, 05 September 2012 01:41; Written by

lafires 4 Կալիֆոռնիայի փրկարարական ծառայությունները շարունակում են պայքարը Սան Գեբրիել լեռներում բռնկված խոշոր անտառային հրդեհի դեմ, որըն այրել է շուրջ 4 հազար ակր տարածք: Այս պահի դրությամբ, հրշեջներին հաջողվել է տեղայնացնել ընդամենը 5 տոկոսը: ԱՄՆ անտառների պահպանության ծառայության ներկայացուցիչ Ջան Վեգնըրի խոսքով, Angeles National Forest-ում բռնկված հրդեհը հնարավոր կլինի մարել եկող շաբաթվանից ոչ շուտ: Կրակը տարածվել էր Լոս Անջելեսից հյուսիս-արեւելք եւ ծխի թանձր քուլաները երեւում են քաղաքից: Տեղական իշխանությունների վերջնական տվյալներով, տարհանվել է 12 հազար զբոսաշրջիկ եւ տեղի 50 բնակիչ, որոնք երեկ նշում էին Աշխատանքի օրը: Ներկայումս հրդեհաշիջման աշխատանքներին մասնակցում են 700-ից ավելի բրանդմայստերներ, վեց ուղղաթիռ, ինքնաթիռներ, հատուկ բուլդոզերներ: Չորս մարդ, այդ թվում` երկու հրշեջ մարմնական վնասվածքներ են ստացել, սակայն այրվածքները ծանր չեն եղել եւ նրանց հոսպիտալացում չի պահանջվել: Ոստիկանությունը փորձում է պարզել հրդեհի առաջացման պատճառները: Դեպքի վայրում աշխատողները ամբողջությամբ այրված մեքենա են գտել, սակայն դեռ պարզ չէ` դա է եղել հրդեհի պատճառը, թե ոչ: Համենայն դեպս, չի բացառվում նաեւ միտումնավոր հրդեհման վարկածը:

Article Details: Published on Wednesday, 05 September 2012 01:35; Written by

kammm 6 Մաշտոցի պողոտայում միկրոավտոբուսի վթարից 4 մարդ է տուժել: Այսօր, ժամը 13.32-ին ահազանգ է ստացվել, որ Երեւանի Մաշտոցի պողոտայում, փակ շուկայի մոտ գտնվող թունելում 100 համարի միկրոավտոբուսը բախվել է պատնեշին: Դեպքի վայր է մեկնել մեկ մարտական հաշվարկ: Պարզվել է, որ 100 համարի Գազել մակնիշի երթուղային միկրոավտոբուսը Մաշտոցի պողոտայի ստորգետնյա անցուղում բախվել է պատին: Վթարի հետեւանքով ուղեւորներ՝ 53-ամյա Ա. Գալստյանը, 80-ամյա Ն.Միքայելյանը, 52-ամյա Գ. Գալստյանը, 63-ամյա Ա. Սողոմոնյանը ստացել են մարմնական վնասվածքներ եւ տեղափոխվել Մարգարյանի անվան հիվանդանոց: Բախումը տեղի է ունեցել այն բանից հետո, երբ երթուղային տաքսու վարորդը փորձել է փախցնել մեքենան, որպեսզի չբախվի դիմացից ընթացող մեքենային: Բժիշկների գնահատմամբ, վիրավորների կյանքին ոչինչ չի սպառնում: Read more

Ռասսել Քրոուին փրկել են խորտակվելուց

Article Details: Published on Wednesday, 05 September 2012 01:32; Written by

russel 5 Աշխարհահռչակ օսկարակիր դերասան Ռասսըլ Քրոն փրկվել է ԱՄՆ առափնյա պահպանության ծառայության աշխատակիցների կողմից Լոնգ-Այլընդ նեղուցում: Նախօրեին 48-ամյա ավստրալացի դերասանը իր ընկերոջ հետ մեկնել է նավակներով զբոսանքի, եւ երկուսով կորել են: Երեկոյան ԱՄՆ ափային պահպանության ծառայության աշխատակիցները, ովքեր այդ հատվածում պարեկություն էին իրականացնում, օգնության կոչեր են լսել, իսկ քիչ անց նրանց նավակը Քրոի մակույկը քաշելով տեղափոխել է դեպի մոտակա ափ:Նրանք պարզապես մոլորվել էին, քանի որ արդեն մութ էր: Այս միջադեպը չի կարելի փրկարարական գործողություն անվանել, ես դա, ավելի շուտ, օգնության տրամադրում կանվանեի: Ոչ ոք 911 կամ մեկ այլ նման ծառայության չի դիմել: Աշխատակիցները պարզապես մոտակայքում են հայտնվել դժվար պահին, - ասել է ափային պահպանության աշխատակից էնթընի Կոզակը` նշելով, որ դժվար պահին Քրոն իրեն շատ լավ է դրսեւորել: Read more

Ինքնասպանություն Երեւանում

Article Details: Published on Wednesday, 05 September 2012 01:07; Written by

shamsh 6 Այսօր` սեպտեմբերի 4-ին, Ոստիկանության էրեբունու բաժին է դիմել Նարդոսի 2-րդ նրբանցքի բնակիչ եւ հայտնել, որ իր տղան` 33-ամյա Գեւորգ Հարությունյանը, երեկվանից տանից դուրս է եկել եւ չի վերադարձել: Մինչ ոստիկանները քննություն կկատարեին, ահազանգ է ստացվել, որ Քրիստափորի փողոցի վրա գտնվող Ջրմուղի հարեւանությամբ գտնվող ծառերի մեջ մի երիտասարդ է կախվել: Ինչպես հայտնել է ֆոտոլրագրող Գագիկ Շամշյանը, պարզվել է, որ այդ երիտասարդը Գեւորգ Հարությունյանն է: Նրա հարազատները հայտնել են, որ երիտասարդն օրեր առաջ, ինքնասպանության նպատակով, կտրել է իր ձեռքի երակները, ինչի առթիվ Ոստիկանության էրեբունու բաժնում նյութեր են նախապատրաստվել: Ոստիկանությունը պարզում է ինքնասպանության հանգամանքները: Read more

01 September 2012

Citigroup-ը իր բաժնետերերին կփոխհատուցի շուրջ 600 մլն դոլար

Article Details: Published on Saturday, 01 September 2012 03:58; Written by

city 4 Citigroup բանկը որոշել է իր բաժնետերերին փոխհատուցել շուրջ 600 մլն դոլար եւ դրա շնորհիվ փակել բանկի դեմ հարուցված դատական գործը: Citigroup-ի բաժնետերերը բանկին մեղադրում են ֆինանսական ճգնաժամի պայմաններում կրած վնասների իրական մասշտաբները թաքցնելու մեջ: 2012 թվականի երկրորդ եռամսյակի արդյունքներով, նախորդ տարվա նույն ժամանակահատվածի համեմատությամբ, Citigroup բանկի ապահոված զուտ շահույթը նվազել է 12 տոկոսով եւ կազմել 2,95 մլրդ դոլար: Միեւնույն ժամանակ, բանկի հասույթը կազմել է 18,6 մլրդ դոլար: Citigroup բանկային խումբը հիմնադրվել է 1812 թվականին: Վերջինիս գրասենյակները տեղաբաշխված են աշխարհի շուրջ 100 երկրներում: Citigroup-ը մեծ հեղինակություն ունի ԱՄՆ ֆինասական համակարգում եւ բանկային հատվածում: Read more

Ռուսաստանում քրեական հանցագործների են ձերբակալել

Article Details: Published on Saturday, 01 September 2012 03:52; Written by

russ 4 Ռուսաստանում՝ Խակասիայում, կանխվել է տարածքային քրեական հեղինակությունների հավաքը։ 12 մարդ ձերբակալվել է Աբականի կայարանում։ Ոստիկանությանը նախապես հայտնի էր դարձել, որ նշված վայրում պատրաստվում են հանդիպել Խակասիայի եւ Կրասնոյարսկի երկրամասի հանցագործ աշխարհի առաջնորդները։ Հանդիպմանը նախատեսվում էր քննարկել ֆինանսական վիճելի հարցեր՝ ձեռքի տակ եղած փաստարկների օգտագործմամբ։ Հանդիպման վայրի մոտ քրեական հետախուզության եւ Արագ արձագանքման հատուկ բաժնի աշխատակիցներ են հավաքվել։ Հեղինակությունները հանդիպման են ժամանել Mercedes ML-500, Nissan եւ Toyota Сamry ավտոմեքենաներով՝ հակամարտող յուրաքանչյուր կողմից վեցական մարդ: Ձերբակալման ընթացքում կրասնոյարսկցիները փորձել են փախչել, ինչի արդյունքում նրանց դեմ վարչական արձանագրություն է կազմվել ոստիկանության աշխատակիցներին չենթարկվելու համար։ Մեքենաներից առգրավվել են որսորդական երեք դանակ, GSM ազդանշանի խլացուցիչ, տրավմատիկ չորս ատրճանակ եւ բիտեր։ Ձերբակալվածների թվում տարածաշրջանում հայտնի օրենքով գողեր կան՝ Դմիտրի Գեսը, Ալեքսանդր Մարտինովը, Սերգեյ Մատվեեւը եւ Դմիտրի Շմակովը։ Read more

Ռուսաստանում հայ երիտասարդի են ձերբակալել

Article Details: Published on Saturday, 01 September 2012 03:50; Written by

novo 5 Ռուսաստանի Դաշնության Նովոսիբիրսկ քաղաքում 26-ամյա Վանո Մարգարյանը դարձել է օգոստոսի 11-ին տեղի ունեցած մահվան ելքով ճանապարհային պատահարի պատճառ: Ներքին գործերի նախարարությունը կես ամիս շարունակ փնտրել է 26-ամյա հային, ով փախուստի էր դիմել ոստիկաններից, երբ նրան տանում էին բուժզննման: Օգոստոսի 11-ին Մարգարյանի BMW մակնիշի մեքենան դուրս էր եկել հանդիպակաց հատված եւ բախվել միանգամից 2 մեքենայի: Պատահարի հետեւանքով մահացել են հայ երիտասարդի ուղեւորուհիները`16-ամյա Էլվիրա Լոմովան եւ նրա մայրը: Վարորդն ու նրա ընկերուհի Յուլյան ստացել էին թեթեւ վնասվածքներ: Երբ ոստիկանները Վանոյին ուղեկցել էին զննության՝ պարզելու՝ սթափ է, թե ոչ, նա փախուստի էր դիմել: Այժմ ճշտվում է, թե նա որտեղ է թաքնվել այսքան ժամանակ: Մարգարյանն ինքն է ներկայացել ոստիկանություն եւ հանձնվել: Նա ձերբակալվել է: Ի դեպ, հայ երիտասարդն իր մեքենան Հայաստանից վարելով բերել էր Ռուսաստան: Read more

Blue Line-ի գնացքը բախվել է մեքենային

Article Details: Published on Saturday, 01 September 2012 03:44; Written by

bbbbb 4 Մեկ մարդ զոհվել է, եւս չորսը վիրավորվել են Լոնգ Բիչում, երբ Blue Line-ի գնացքը բախվել է մեքենային: 26-ամյա տղամարդը մահացել է դեպքի վայրում, Long Beach Boulevard-ի եւ 19-րդ փողոցի խաչմերուկում, երբ նրա չորսդռնանի սեդանին է բախվել հյուսիս ընթացող գնացքը: Լոնգ Բիչի հրշեջ ծառայության փոխանցմամբ, վիրավորվել են գնացքի չորս ուղեւորներ: Երեք տղամարդու տեղափոխել են մերձակա հիվանդանոց, իսկ մի կնոջ բուժօգնություն են ցուցաբերել տեղում: Հրշեջ ծառայության ներկայացուցիչ Մեթթ Դոբերփուլի խոսքով, վիրավորները գտնվում են կայուն վիճակում:

Դժբախտ դեպքի պատճառով մետրոյի գծերը տեւական ժամանակ փակ է եղել: Ոստիկանությունը հետաքննություն է սկսել դեպքի կապակցությամբ, այլ մանրամասներ չեն հաղորդվում: Read more