August 2012

22 August 2012

Բախումներ Լիբանանում

Article Details: Published on Wednesday, 22 August 2012 03:44; Written by

libanan 5 7 մարդ զոհվել, եւ ավելի քան 100-ը վիրավորվել են Լիբանանի Տրիպոլի քաղաքում սուննիների եւ ալավիների միջեւ արդեն երկրորդ օրը տեղի ունեցող զինված բախումների ընթացքում : Փողոցային մարտերում ավտոմատներ, գնդացիրներ եւ անգամ նռնականետեր են օգտագործվել: Նման բախումներն ավելի հաճախ են դառնում Հարեւան Սիրիայում պատերազմի ֆոնին, որտեղ սուննիները արդեն մեկուկես տարի պայքարում են ալավի նախագահ Բաշար Ասադի բանակի եւ կողմնակիցների դեմ: -Մենք պարտավոր ենք պայքարել, որ պաշտպանենք մեր երեխաներին, եղբայրներին ու մեր պատիվը, մենք պատասխանում ենք մյուս կողմի հարձակումներից,- հայտարարել է Տրիպոլիի սուննի համայնքի ներկայացուցիչը: Լիբանանի կառավարությունը, որին աջակցում է շիա Հըզբոլլահ շարժումը, չեզոք դիրք է գրավել սիրիական ճգնաժամում, իսկ սուննիական ալ-Մուսթաքբալ շարժումն ամեն կերպ օգնում է ընդդիմադիր խմբավորումներին: Read more

Հալեպում մարտեր են ընթանում հայկական թաղամասերում

Article Details: Published on Wednesday, 22 August 2012 03:39; Written by

haykakan 4 Հալեպի հայկական թաղամասը, ըստ պաշտոնապես չհաստատված տվյալների, անցել է Սիրիայի ապստամբ գրոհայինների վերահսկողության տակ: Հալեպից հակասական տեղեկություններ են ստացվում, քանի որ Սիրիայի կառավարական բանակը փորձում է դիմակայել գրոհայիններին: Որոշ տեղեկություններով, հայկական թաղամասերում վերահսկողությունը ձեռքից ձեռք է անցնում: Այս պահին Հալեպում դժվար են գործում ինտերնետային եւ հեռախոսային կապը, եւ բարդ է կապ հաստատել Հալեպում գտնվող մեր հայրենակիցների հետ: Մեր աղբյուրի փոխանցմամբ, հայերը փակվել են տներում եւ դուրս չեն գալիս փողոց: Կավառարական բանակի եւ ապստամբների միջեւ մարտեր են ընթանում Ջդեյդե հայաշատ թաղամասում, Սուլեյմանիյեի, Միդանի եւ այլ շրջաններում։ Սահակյան ազգային վարժարանին հարող տարածքում, ուր սպանվել է մեկ ճապոնացի լրագրող, եւս երեք լրագրողների ճակատագիր անհայտ է։ Read more

ԱՄՆ-ում ամենագողացվող մեքենան

Article Details: Published on Wednesday, 22 August 2012 03:32; Written by

gorr 3 Միայն նոր կամ թանկարժեք մեքենաները չէ, որ գողանում են: 2011 թվականին ԱՄՆ-ում ամենագողացված մեքենան եղել է 1994 թվականի արտադրության Honda Accord մակնիշի ավոտմեքենան: Այն ամենագողացված մեքենաների վարկանշային աղյուսակը գլխավորում է 4-րդ տարին անընդմեջ: 1998 թվականի արտադրության Honda Civic-ը վարկանշային աղյուսակում զբաղեցնում է երկրորդ հորիզոնականը: 3-րդ տեղում 2006թ. արտադրության Ֆորդ Փիքափն է, իսկ նրան հաջորդում են Տոյոտա Քեմրի եւ Դաջ Քարավան մեքենաները: Hot Wheels զեկույցը հրապարակել է Հանցագործությունից ապահովագրման ազգային բյուրոն: Զեկույցի համաձայն` 2011-ին մեքենաների գողությունների թիվը 2010-ի համեմատ 3,3 տոկոսով նվազել է: Բյուրոն հին ավտոմեքենաների գողության միտում է նկատում, այս տարվա վեց ամիսներին գողացվել է 300 հին մեքենա: Նշենք, որ 2011թ. ԱՄՆ-ում 700 000 ավտոմեքենա է գողացվել: Read more

Լոս Անջելեսում չորս հայ է ձերբակալվել

Article Details: Published on Wednesday, 22 August 2012 03:29; Written by

gazzz 3 Լոս Անջելեսում չորս հայ է ձերբակալվել` անձնական տվյալների գողացման սխեմային մասնակցելու համար: FBI-ի փոխանցմամբ, խոսքն ավտոլցակայաններում կրեդիտային քարտերի տվյալների գողացման եւ օգտագործման մասին է: Ձերբակալվել են 42-ամյա Վարդան Մկրյանը Թըլուկա Լեյքից, 28-ամյա Վահե Հարությունյանը` Նորթ Հոլիվուդից, 58-ամյա Խաչիկ Քարաբաջաքյանը եւ 24-ամյա Սեդրակ Քարաբաջաքյանը` Օքսնարդից: Երկարատեւ հետաքննությունից հետո, որի արդյունքում հանցախմբի տասնյակ անդամների կամ գործընկերների մեղադրանք էր առաջադրվել, իրավապահները պարզել էին, որ Վարդան Մկրյանը ներգրավված է հանցավոր գործունեության մեջ : Մկրյանը մի քանի ավտոլցակայաններ է տնօրինել Լոս Անջելեսի շրջանում եւ 8 ամիս տեված գաղտնի Հետաքննության ընթացքում իրավապահները նկատել են, թե ինչպես են մեղադրյալները վառելիք գնել մի քանի լցակայաններից` օգտագործելով կրեդիտ քարտերի համարներ, որոնք խարդախությամբ են ձեռք բերել: Սխեման ներառել է 50 զոհի տվյալների գողություն եւ պատճառել է 50 հազ. դոլարի վնաս: Ամբաստանյալները սկզբում կանգնելու են Լոս Անջելեսի շրջանային դատարանի առջեւ: Եթե նրանք մեղավոր ճանաչվեն, նրանց սպառնում է մինչեւ 10 տարվա ազատազրկում: Read more

Տատանվող 12 նահանգներում առաջատարը Օբաման է

Article Details: Published on Wednesday, 22 August 2012 03:26; Written by

Obamaa 4 12 տատանվող նահանգներում հարցումները ցույց են տվել, որ թեեւ ընտրողները համարում են, որ իրենց կենսամակարդակը վերջին չորս տարում նվազել է, սակայն նախագահի պաշտոնում ցանկանում են տեսնել Բարաք Օբամային, այլ ոչ Ռամնիին: USA Today թերթի եւ Gallup կենտրոնի կողմից հարցվածների 56 տոկոսը հայտարարել է, թե չորս տարի առաջ ավելի լավ էին ապրում: Հարցվածների 44 տոկոսը տնտեսության վիճակը բավարար է գնահատել, 41-ն` անբավարար, իսկ 14 տոկոսը` լավ: Ընդ որում նախագահ Օբաման այս նահանգներում ստացել է 47 տոկոս ձայն, մինչդեռ նրա մրցակից Միթ Ռամնին` 44 տոկոս: Մյուս նահանգներում Օբաման ստացել է 47, Ռոմնին 45 տոկոս: Նշենք, որ հետազոտությունն անցկացվել է 12 նահանգներում` Կոլորադոյում, Ֆլորիդայում, Այովայում, Միչիգանում, Նեւադայում, Նյու-Հեմփշիրում, Նյու Մեքսիկոյում, Հյուսիսային Կարոլայնայում, Օհայոյում, Փենսիլվենիայում, Վըրջինիայում եւ Վիսկանսընում: Read more

21 August 2012

ԱՄՆ-ը Deutsche Bank-ին կասկածում է

Article Details: Published on Tuesday, 21 August 2012 03:59; Written by

Bannk 8 Ամերիկյան ֆինանսական կարգավորող մարմինը ԱՄՆ տարածքում սկսել է ստուգել Deutsche Bank-ի գործունեությունը` կասկածելով Իրանի նկատմամբ կիրառվող տնտեսական պատժամիջոցները խախտելու մեջ: Կասկածներ կան, որ Deutsche Bank-ը մինչեւ 2008 թ-ը Իրանի գործընկերների հանձնարարությամբ ֆինանսական գործողություններ է իրականացրել ԱՄՆ տարածքում: Բանկի ներկայացուցիչը չի մեկնաբանել իրավիճակը, սակայն հաղորդել է, որ 2007 թ-ին Deutsche Bank-ը որոշել է հրաժարվել Իրանում, Սուդանում, Սիրիայում եւ Հյուսիսային Կորեայում գործընկերների հետ համագործակցությունից: Ներկայումս նմանատիպ կասկածանքով ստուգումներ են իրականացվում եւս հինգ եվրոպական խոշոր բանկերում` ABN Amro-ում, Barclays-ում, Credit Suisse-ում, Lloyds-ում եւ ING-ում: Read more

Զենքի կրումը սահմանադրական իրավունք են համարում

Article Details: Published on Tuesday, 21 August 2012 03:47; Written by

zenq 7 Ամերիկացիների մոտավորապես 70 տոկոսը զենք կրելու իրավունքը համարում է Սահմանադրության անքակտելի բաղադրիչը: Այդ մասին ասված է Կրոնի հասարակական հետազոտական ինստիտուտի կողմից անցկացված հարցման արդյունքներում: Հարցման հեղինակները նշում են, որ ԱՄՆ-ի բնակիչների 68 տոկոսը երկրորդ ուղղումը, որտեղ խոսվում է զենք կրելու իրավունքի մասին, Սահմանադրության նույնքան կարեւոր բաղադրիչ է համարում, որքան եւ խոսքի եւ մամուլի ազատությունը: Սպիտակամորթ բնակչության շրջանում այդ կարծիքին է հարցվածների 75 տոկոսը, իսկ սեւամորթների ու դեղնամորթների շրջանում՝ 56 տոկոսը: ԱՄՆ-ի բնակիչների 52 տոկոսը հանդես է գալիս զենքի նկատմամբ առավել խիստ հսկողություն սահմանելու օգտին, ընդ որում դա անհրաժեշտ է համարում կաթոլիկների շուրջ 60 տոկոսը եւ բողոքականների միայն 35 տոկոսը: Զենքի նկատմամբ առավել խիստ հսկողության օգտին հանդես է եկել սպիտակամորթներ բնակչության 45 տոկոսը, իսկ սեւամորթ եւ լատինամերիկյան բնակչության շրջանում 66 տոկոսը: Read more

Խոշոր հրդեհ Հյուսիսային Կալիֆոռնիայում

Article Details: Published on Tuesday, 21 August 2012 03:36; Written by

fireee 5 Հյուսիսային Կալիֆոռնիայի իշխանությունները որոշում են կայացրել տարհանել երեք հազար բնակիչների անտառային հրդեհների պատճառով, որոնք հասել են նրանց տներին: Հրդեհման պատճառ է դարձել ուժեղ որոտը, արձանագրվել է կայծակի ավելի քան 900 հարված: Կրակը ոչնչացրել է մոտ 5 հազար ակր տարածք: Հրշեջ ծառայության տվյալներով կրակը տարածվել է Թեհամա շրջանում, Մենթըն քաղաքի մոտ որտեղ էլ կատարվել է հիմնական տարհանումը: Բարեբախտաբար, տարերքի հետեւանքով ոչ ոք չի տուժել, սակայն կրակը յոթ շինություն է ոչնչացրել եւ այժմ էլ սպառնում է եւս երեք հազար տան: Անտառային հրդեհների դեմ պայքարում են մոտ հազար փրկարարներ, 20 հրշեջ մեքենա եւ երեք ուղղաթիռ: Խոշոր հրդեհներ են նաեւ Այդահոյում, որոնք սպառնում են Ֆեդըրվիլլ քաղաքում: Վաշինգտոն, Օրեգոն, Այդահո, Կալիֆոռնիա եւ Նեւադա նահանգներում արդեն հարյուրավոր մարդիկ ստիպված են եղել լքել իրենց տները հրդեհի պատճառով: Read more

Ռոմնիին մեղադրում են հարկերը թաքցնելու մեջ

Article Details: Published on Tuesday, 21 August 2012 03:30; Written by

taxx 4 Բարաք Օբամայի նախընտրական շտաբը շարունակում է ուշադրություն հրավիրել հանրապետական թեկնածու Միթ Ռամնիի հարկային պատմության վրա: Օբամայի շտաբի ղեկավար Ջիմ Մեսսինան կոչ է արել Ռամնիին հրապարակել վերջին հինգ տարիների հարկային վճարումների տվյալները` խոստանալով, որ այդ դեպքում Օբաման կդադարեցնի քննադատել հանրապետականին եւ մեղադրել հարկերը թաքցնելու մեջ: Ռամնին հայտարարել էր, թե վերջին 10 տարում 13 տոկոսից պակաս հարկ չի վճարել: Հունվարին նա հրապարակել էր 2010 եւ 2011 թվականների հարկային պատմությունը, սակայն հրաժարվել էր հրապարակել նախորդ տարիների տվյալները: Իսկ Ռամնիի շտաբի ղեկավար Մեթթ Ռոադսը մերժել է Մեսինայի առաջարկը: Նշենք, որ սենատըր Հերրի Ռիդն ավելի վաղ նշել էր, թե Ռամնին խուսափել է հարկերի վճարումից` օգտվելով օրենքի սողանքներից: Read more

Մարիխուանայի վաճառքի կետերը փակելու որոշումը բողոքարկել են

Article Details: Published on Tuesday, 21 August 2012 03:19; Written by

ԱՄՆ-ում բժշկական նպատակներով մարիխուանայի տարածմամբ զբաղվող կազմակերպությունը դատարանում կվիճարկի Լոս Անջելեսի քաղաքային իշխանությունների` norehua 3 տերը փակելու մասին որոշումը: Patient Care Alliance-ի ներկայացուցչի կարծիքով` այն հիվանդների իրավունքները, որոնց ցուցված է մարիխուանայի պարբերական օգտագործումը, պաշտպանված են Կալիֆորնիա նահանգի հատուկ օրենքով, որը կարգավորում է թմրանյութի այդ թեթեւ տեսակի օգտագործումը բժշկական նպատակներով: Patient Care Alliance-ը ներկայացնող Մարկ Օ’Հարան քաղաքային իշխանությունների որոշումն անվանել է չմտածված, անողոք ու հիմար: Հուլիսի վերջին Լոս Անջելեսի քաղաքային խորհուրդը միաձայն որոշել է փակել մարիխուանայի վաճառքի կետերը` հենվելով քաղաքում հանցագործության աճի վրա: Խորհրդի անդամների կարծիքով` մարիխուանան չափազանց հասանելի է երիտասարդներին, եւ նրանք այն բժշկական նպատակով չէ, որ օգտագործում են: Մարիխուանայի վաճառքի կետերը, իրենց հերթին, ստորագրահավաք են սկսել քաղաքային իշխանությունների որոշման հետ կապված հանրաքվե անցկացնելու համար: Read more