August 2012
03 August 2012
Կոլորադոյի հրաձիգի հոգեբանը զգուշացրել էր
- Article Details
- Published on Friday, 03 August 2012 00:56
- Written by
ԱՄՆ Կոլորադոյի նահանգի հոգեբան Լին Ֆենտըմը իր գործընկերներին զգուշացել է, որ անհանգստանում է Ջեյմս Հոլմսի պահվածքի համար, ով ավելի ուշ Բաթմենի նոր ֆիլմի շնորհանդեսի ընթացքում 12 մարդ էր սպանել: Տեղական լրատվամիջոցների փոխանցմամբ, Ֆենտըմը նշել էր, որ Հոլմսը կարող է վտանգավոր լինել հանրության համար: Թե կոնկրետ ինչն է անհանգստացրել Ֆենտըմին, չի հաղորդվում: -Նա, հավանաբար, հոգեբանին ասել էր, որ ինչ-որ քայլեր է նախապատրաստում հանցագործության համար»,-ասել է աղբյուրը: Ավելի վաղ լրատվամիջոցները տեղեկացրել էին, որ հանցագործությունից մի քանի օր առաջ Հոլմսը դեպքը մանրամասնորեն նկարագրող նախագիծ էր ուղարկել Կոլորադոյի համալսարանի հոգեբաններին: Տեղի ոստիկանությունը պնդում է, որ հնարավոր վտանգի մասին, որեւէ նախազգուշացում չի ստացել: Հոլսմը Աուրորա քաղաքի կինոթատրոնում Բաթմենի նոր ֆիլմի պրեմիերայի ժամանակ սպանել էր 12 եւ վիրավորել 58 մարդու: Մինչեւ հունիսի վերջ նա սովորել է Կոլորադոյի համալսարանի ասպիրանտուրայում: Read more
Սան Անտոնիոյի օդանավակայանը տարհանել էին
- Article Details
- Published on Friday, 03 August 2012 00:50
- Written by
Թեքսըս նահանգի Սան Անտոնիո քաղաքի ոստիկանությունը տարհանել է միջազգային օդանավակայանը, երբ ահազանգ էր ստացել ավտոկայաններից մեկում թաքցրած ռումբերի մասին: Երեկ կեսօրին, ժամը 3-ի սահմաններում անհայտ անձը զանգահարել է օդանավակայանի ղեկավարությանը եւ հայտնել, որ տերմինալի ավտոկայաններից մեկում պայթուցիկով երեք փաթեթ է թաքնված: Ըստ զանգահարողի, պայթուցիկ սարքերը թաքնված են եղել կայանված մեքենաների մեջ: Օդանավակայանի ղեկավարությունն ու անվտանգության փորձագետները վերլուծել են տեղեկատվությունը եւ եկել եզրակացության, որ սպառնալիքը իրական է: Սան Անտոնիոյի օդանավակայանը չեղյալ է հայտարարել բազմաթիվ չվերթներ, եւ իսկ անվտանգության ծառայությունը բոլոր տերմինալներից տարհանել էր ավելի քան հազար մարդու եւ ոստիկանություն կանչել: Օդանավակայան են ժամանել FBI-ի, ներքին անվտանգության նախարարության աշխատակիցներ եւ սակրավորներ: Իրավապահները վարժեցրած շների օգնությամբ որոնել են ռումբերը, սակայն այդպես էլ որեւէ բան չեն գտել: Անհայտ անձի զանգից մոտ 2 ժամ անց օդանավակայանը վերսկսել է աշխատանքը: Ներկայում հետաքննություն է անցկացվում` պարզելու կեղծ ահազանգի հեղինակի ինքնությունը: Կեղծ ահազանգի պատճառով 10-ից ավելի չվերթներ են հետաձգվել: Read more
Խոշոր հրդեհ Մըրիետայում
- Article Details
- Published on Friday, 03 August 2012 00:42
- Written by
Կալիֆոռնիայում շարունակվում են անտառային հրդեհները, որոնք տարածվել են գրեթե 400 ակր տարածքի վրա: Կրակն ընդհուպ մոտեցել է Ռիվըրսայդ շրջանի Մըրիետա բնակավայրին եւ մի քանի տներ է այրել, ընդ որում դրանցից մեկը մի քանի միլիոն դոլար արժեր: Կրակը տարածվել է Clinton Keith-ից մինչեւ Թընայա հատվածը: Հրշեջներին հաջողվել է տեղայնացնել հրդեհի 80 տոկոսը: Շրջանի պաշտոնյաների փոխանցմամբ, կրակի դեմ պայքարում են 6 օդային տանկերներ, 39 հրշեջ մեքենա եւ չորս ուղղաթիռ, նաեւ 327 հրշեջ: Այդուհանդերձ, նրանց չի հաջողվել զերծ պահել տները հրդեհից: Առանձնատունը փլուզվել է, եւ երեք հրշեջներ վիրավորվել են: Նրանցից մեկին տեղափոխել են հիվանդանոց: Նախքան կրակի մոտենալն իշխանություններին հաջողվել էր տարհանել բոլոր բնակիչներին: Ի դեպ, անտառային խոշոր հրդեհներ են նաեւ Օկլահոմայում: HollyFrontier ընկերությանը պատկանող նավթագործարանը հրդեհի պատճառով ամբողջությամբ այրվել է: Read more
Կոլորադոյում փլվել էր դպրոցի տանիքը
- Article Details
- Published on Friday, 03 August 2012 00:24
- Written by
Կոլորադոյի Օրի քաղաքում տեղի ունեցած արտակարգ միջադեպի հետեւանքով փլվել է ուսումնական հաստատության տանիքը: Պայթյունն ու դրան հետեւած հրդեհը հարուցել են դպրոցի մարզադահլիճի տանիքի մասնակի փլուզումը: Միջադեպի ժամանակ դպրոցում միայն շինարարներն են եղել, որոնցից երեքը լրջորեն վիրավորվել են: Բանվորներից մեկին ուղղաթիռով տեղափոխել են հիվանդանոց, նրա վիճակը ծայրահեղ ծանր է: Մյուս երկուսը գտնվում են կայուն ծանր վիճակում: Միջադեպի հանգամանքները պարզվում են: St.Vrain Valley դպրոցական շրջանի մամուլի քարտուղար Ջան Փոյթընը նշել է, թե միջադեպի պատճառներից մեկը ջրատաքացուցիչի պայթյունը կարող է լինել: Դպրոցը վերանորոգման մեջ էր եւ ավելացնում էր իր տարածքն ու հնարավորությունները: Read more
ԴՊՀ-ն զերծ է մնում ագրեսիվ միջոցներից
- Article Details
- Published on Friday, 03 August 2012 00:00
- Written by
ԱՄՆ դաշնային պահուստային համակարգը պատրաստ է պաշտպանել թուլացող ամերիկյան տնտեսությունն անհրաժեշտության դեպքում, բայց առայժմ զերծ է մնում ագրեսիվ միջոցներ կիրառելուց: Բաց շուկաների հանձնաժողովի երկօրյա նիստի արդյունքում որոշում է կայացվել, որ քանակակակն մեղմացման երրորդ փուլ հայտարարելու անհրաժեշտությունը չկա, ուստի տնտեսության մեջ նոր գումարային ներհոսք չի արվի: Դաշնային պահուստային համակարգը նաեւ ռեկորդային ցածր մակարդակում է թողել միջբանկային վարկի հաշվադրույքը: Երկօրյա նիստի արդյունքներին նվիրված հայտարարության մեջ ասված է կոպարը 0-ից մինչեւ 0,25 տոկոսի մակարդակում թողնելու նպատակահարմարության մասին, որտեղ այն գտնվում է վերջին տարիների ընթացքում: Նաեւ պահպանվում է այն ենթադրությունը, թե այս ցուցանիշն անփոփոխ կմնա «ընդհուպ մինչեւ 2014 թվականի վերջը», ինչի մասին համակարգի ներկայացուցիչները նախազգուշացնում էին վերջին մի քանի ամսվա ընթացքում: -Կոմիտեի կողմից ստացված տեղեկատվությունը թույլ է տալիս ենթադրել, որ այս տարվա առաջին կեսին տնտեսական ակտիվությունը որոշ չափով դանդաղել է»,- ասված է ԴՊՀ տարածած հայտարարության մեջ: Մասնավորապես, «վերջին ամիսներին դանդաղել են նոր աշխատատեղերի ստեղծման տեմպերը, մինչդեռ գործազրկության մակարդակը մնում է բարձր»: Նաեւ նշված է, որ «բնակարանային շուկան զարգանում է ավելի դանդաղ, քան ավելի վաղ պլանավորվել էր»: Read more
02 August 2012
Կոնգրեսն ընդունեց Իրանի դեմ պատժամիջոցները
- Article Details
- Published on Thursday, 02 August 2012 23:16
- Written by
ԱՄՆ Կոնգրեսն ընդունել է Իրանի նկատմամբ պատժամիջոցների խստացման օրինագիծը: Սենատը` միաձայն, իսկ Ներկայացուցիչների պալատը ճնշող մեծամասնությամբ` 421 կողմ, 6 դեմ հարաբերակցությամբ, ընդունել է օրինագիծը, որով պատիժ է սահմանվում այն ֆինանսական ինստիտուտների, բեռնափոխադրող եւ այլ ընկերությունների նկատմամբ, որոնք Իրանի հետ կհամագործակցեն էներգետիկ, ֆինանսական եւ տրանսպորտային ոլորտներոմ: Պատժամիջոցի նպատակն է խստացնել Իրանից նավթի եւ նավթամթերքի արտահանման արգելքը: Փաստաթուղթն ուղարկվել է նախագահի վավերացմանը, որն այս շաբաթ արդեն իսկ համաձայնել էր Իրանի նկատմամբ պատժամիջոցներն ընդլայնել: Չնայած այն բանին, որ Իրանը պնդում է, թե ուրանի հարստացման ծրագիրը բացառապես խաղաղ բնույթ է կրում, սակայն ԱՄՆ-ը եւ նրա դաշնակիցները Իրանին կասկածում են միջուկային զենք ստեղծելու փորձերի մեջ: Read more
02 August 2012
Սան Բեռնարդինո քաղաքը դատարան է դիմել
- Article Details
- Published on Thursday, 02 August 2012 23:10
- Written by
Կալիֆոռնիա նահանգի Սան Բեռնարդինո քաղաքը դատարան է դիմել վարկատուներից պաշտպանվելու համար: Դիմումը ներկայացվել է օգոստոսի 1-ին: Քաղաքային իշխանությունները գրեթե մեկ միլիարդ դոլարի պարտք ունեն, ինչը գրեթե հավասար է նրանց բոլոր բաժնետոմսերին: Reuters-ի փոխանցմամբ, ընթացիկ ֆինանսական տարում քաղաքի բյուջեի պակասորդը կկազմի 45 մլն դոլար: Համաձայն արտահերթ եռամսյա ծրագրի, որը հավանության է արժանացել քաղաքային իշխանությունների կողմից, հուլիսի վերջին քաղաքը դադարեցնում է պարտքերի վճարումը եւ ժամանակավորապես ընդհատում որոշ սոցիալական ծրագրերի ֆինանսավորումը: Միաժամանակ, տեղի դատախազությունը պնդում է, որ վերջին 13 տարվա ընթացքում պաշտոնյաները քաղաքապետին եւ քաղաքային խորհրդին կեղծ տվյալներ են ներկայացրել բյուջեի վերաբերյալ` թաքցնելով պարտքի իրական չափերն ու պակասորդը: Սան Բեռնարդինոն Կալիֆոռնիայի երրորդ քաղաքն է, որ դիմել է սնանկությունից իրեն պաշտպանելու խնդրանքով: Read more
02 August 2012
Գլենդելի զբոսայգիների նոր նախագծերը
- Article Details
- Published on Thursday, 02 August 2012 23:06
- Written by
Գլենդելի քաղաքային խորհուրդը մի քանի նախագծեր է հաստատել, որոնք վերաբերում են զբոսայգիների կառուցմանը եւ նոր զբոսայգու ձեւավորմանը։ Սույն նախագծերը վերաբերում են նաեւ երկու բաց տեղանքում անվտանգության խստացմանը: Քաղաքային խորհուրդը հաստատել է կես ակր տարածքով Maryland Avenue Park-ի շինարարությունը, որը կարժենա 1,7 մլն դոլար եւ կավարտվի հաջորդ տարի ապրիլին: Հաստատվել է նաեւ, որ անվտանգության դարպասներ կտեղադրվեն Brand եւ Carr զբոսայգիներում՝ մինչեւ տարվա վերջ, ինչը մոտ 510 հազար դոլար կարժենա. նախորդ տարիներին Գլենդելի բնակիչները բողոքել են այդ տեղանքների անվտանգության խնդիրներից: Ըստ նրանց՝ այդ զբոսայգիների տարածքը թմրանյութերի վաճառքի եւ ավազակային հանդիպումների կետեր են: Խորհրդի անդամ Արա Նաջարյանը հույս է հայտնել, որ այդ կերպ կլուծվեն Carr զբոսայգու խնդիրները եւ խոստովանել, որ դա խնդրահարույց զբոսայգի է իրենց համար: Read more
02 August 2012
Բըրբենքում գտել են կորած գործակալի դին
- Article Details
- Published on Thursday, 02 August 2012 03:06
- Written by
Բըրբենքում նախօրեին հայտնաբերված դին FBI-ի անհետ կորած գործակալ Ստեֆըն Այվընսն է: Ոստիկանությունը դիակի դատաբժշկական փորձաքննություն է իրականացրել եւ այսօր հայտարարել, որ մահացածը հենց Այվընսն է: Նրա դին գտել էին նախօրեին գիշերը, երբ երկու հեծանվորդներ անցնում էին այն տարածքով, որի մերձակայքում բնակվում է Այվենսը: Ըստ քննիչների, բոլոր հիմքերը կան կարծելու, թե դիակն այդտեղ եղել է կորելու առաջին օրվանից: Նշենք, որ Այվենսն անհետ կորել էր մայիսի սկզբին: 35-ամյա գործակալը, ըստ ազգականների, եղել է դեպրեսիայի մեջ եւ կարող էր ինքնասպանություն գործել: Ոստիկանությունը տեւական ժամանակ որոնել էր, նրան, սակայն միայն երկուսուկես ամիս անց գտել են: հայտնի է, որ Ստեֆըն Այվընսը կին եւ մեկ տարեկան երեխա ունի, 8 տարի աշխատում էր Հետաքննությունների դաշնային բյուրոյում եւ լավ ոստիկանի համարում ուներ: Read more
Պանետան այցելել է Իսրայել
- Article Details
- Published on Thursday, 02 August 2012 02:58
- Written by
Պաշտպանության նախարար Լիոն Պանետան պաշտոնական այցով ժամանել է Իսրայել: Երեկ նա եղել է Եգիպտոսում եւ պաշտոնական բանակցություններ վարել, իսկ այսօր ժամանել է Իսրայել: Պանետան Իսրայելի վարչապետ Բենյամին Նեթանյահուի, նախագահ Շիմոն Պերեսի եւ պաշտպանության նախարար Էհուդ Բարաքի հետ կքննարկի Իրանի միջուկային ծրագիրը: Բացի այդ, Պենտագոնի ղեկավարը Իսրայելի ղեակավարության հետ կքննարկի Սիրիայում տիրող իրավիճակը եւ կդիտի Երկաթե գմբեթ հակահրթիռային համակարգը: Իսրայելում նա հայտարարել է, թե Իրանի միջուկային օբյեկտների վրա հարված առաջիկայում չի լինելու: -Մենք քննարկելու ենք դեպքերի զարգացման տարբեր պայմաններ եւ մեր հավանական պատասխանները դրանց,- ասել է Պենտագոնի ղեկավարը: Պանետան կրկին ընդգծել է, որ ԱՄՆ-ի եւ Իսրայելի իշխանություններն ամեն ինչ անելու են, որ Իրանը միջուկային զենք չստանա: Read more
Powerd by Bloogie