August 2012

10 August 2012

Երկրաշարժը պայթյունի պատճառ

Article Details: Published on Friday, 10 August 2012 01:14; Written by

payt 6 Երկրաշարժի հետեւանքով Օնտարիոյի տներից մեկում պայթյուն է եղել, միջադեպի արդյունքում 70-ամյա մի տղամարդ է վիրավորվել: Դեպքը տեղի է ունեցել երեկ կեսօրին, պայթյունի հետեւանքով վնասվել են 400 block of West Carlton Street հասցեում գտնվող տան եւ ավտոտնակի պատուհանները, նաեւ հրդեհ է բռնկվել: Դեպքի վայր ժամանած հրշեջները 10 րոպեի ընթացքում մարել են կրակը, իսկ պարամեդիկները զննել են 70-ամյա տանտիրոջը: Նրան ավելի ուշ տեղափոխել են հիվանդանոց: Հրշեջ ծառայության տվյալներով երկրաշարժի պատճառով ավտոտնակում վնասվել է գազի փականը, ինչն էլ պայթյունի պատճառ է դարձել: Պայթյունն ու հրդեհը մոտ 200 հազար դոլարի վնաս են հասցրել տանը: Read more

Պատմության ամենաշոգ ամիսը

Article Details: Published on Friday, 10 August 2012 01:11; Written by

taaq 4 Միացյալ նահանգների կառավարությունը հաստատել է, որ այս տարվա հուլիսի ամիսը եղել է երկրի պատմության ընթացքում ամենաշոգ ամիսը: ԱՄՆ-ի օդերեւութաբանության ծառայությունը հայտնել է, որ երկրի սահմանակից 48 նահանգներում, բացառությամբ աշխարհագրական մեկուսացված դիրքում գտնվող Ալյասկայից եւ Հավայան կղզիներից, օդի միջին ջերմաստիճանը հասել էր 25,3 աստիճանի: Դա մի փոքր ավելի բարձր է, քան 1936թ. Փոշեմրրիկ անվանումը ստացած ամառը, որը մեծ վնասներ էր հասցրել երկրում: Պետական մարմինները հայտնել են նաեւ 1895 թվականին օդերեւութաբանական գրառումները սկսելու ժամանակից ամենատաք հունվարից մինչեւ հուլիս ամիս տեւած ժամանակաշրջանի, ինչպես նաեւ ամենատաք 12-ամսյա ժամանակահատվածի մասին: Ինչպես եւ 1930-ական թվականներին, Միացյալ Նահանգներում անգութ շոգը հսկա վնաս է պատճառել գյուղատնտեսությանը: Երկրի տարածքի մեծ մասում երաշտ էր հայտարարվել: Read more

Օբաման առաջ է անցել Ռոմնիից

Article Details: Published on Friday, 10 August 2012 01:06; Written by

obaro 6 ԱՄՆ-ի նախագահ Բարաք Օբաման առաջ է անցել իր հակառակորդից՝ հանրապետական կուսակցության հնարավոր թեկնածու Միթ Ռամնիից Վըրջինիա եւ Վիսկոնսըն կարեւոր նշանակություն ունեցող նահանգներում: Այս մասին են վկայում չորեքշաբթի օրը Նյու Յորք Թայմս, Սի-Բի-Էս հեռուստաընկերության եւ Քվինիփակի համալսարանի կողմից անցկացված հասարակական կարծիքի հարցման տվյալները: Հասարակական հարցումն անցկացնողները պարզել են, որ Վըրջինիայում նախագահ Օբամային համակրում է ընտրողների 49 տոկոսը, Ռամնիին՝ 45-ը: Վիսկոնսընում Օբամայի առաջնորդությունն ավելի մեծ է. նրան համակրում է ընտրողների 51 տոկոսը, իսկ Ռամնիին՝ 45-ը: Այսպես կոչված տատանվող մեկ այլ նահանգում՝ Կոլորադոյում սակայն առաջատար դիրքեր է զբաղեցնում Միթ Ռամնին: Նրան սատարում է ընտրողների 50 տոկոսը, իսկ Օբամային՝ 45-ը: Նախագահ Օբաման 2008 թվականի ընտրություններում հաղթանակ էր տարել այս երեք նահանգներում: 2008 թվականին նախագահ Օբաման կարողացել էր մի քանի տոկոսով առաջ անցնել իր հակառակորդ՝ հանրապետական թեկնածու Ջան ՄըքՔեյնից հիմնականում Միացյալ Նահանգների սպիտակամորթ բնակչության աջակցության շնորհիվ: Այժմ սակայն այդ ընտրողներն առավել հակված են հանրապետական թեկնածու ընտրելուն, սակայն Ռամնիի առավելությունը կազմում է ընդամենը երեք տոկոս: Օբաման այնուամենայնիվ մեծ ժողովրդականություն է վայելում աֆրո- եւ իսպանախոս ամերիկացիների շրջանում: Read more

Վաշինգթոնի ռազմական հիվանդանոցը տարհանել էին

Article Details: Published on Friday, 10 August 2012 01:01; Written by

hivandanc 5 Վաշինգտոնի արվարձաններում գտնվող Ուոլթեր Ռիդի անվան ԱՄՆ ազգային ռազմական բժշկական կենտրոնի մասնաշենքերից մեկի անձնակազմն ու հիվանդները տարհանվել են, քանի որ ռումբի ահազանգ է ստացվել: Դեպքի վայր ժամանած սակրավորները հատուկ վարժեցված շների հետ կենտրոնի մասնաշենքերից մեկում փնտրել են պայթուցիկ սարքը։ Շենքում պայթուցիկի գտնվելու մասին ավելի վաղ հայտնել էին հեռախոսազանգի միջոցով։ Մասնաշենքում գտնվող բոլոր մարդիկ տարհանվել են: Դեպքից ժամեր անց բժշկական հաստատությունը վերսկսել է իր նորմալ աշխատանքը, քանի որ իրավապահներին չի հաջողվել որեւէ կասկածելի իր գտնել: Ոստիկանները որոնում են անհայտ հեռախոսային ահաբեկչին: Նշենք, որ ԱՄՆ մայրաքաղաքի մոտակայքում գտնվող բուժկենտրոնը ԱՄՆ զինված ուժերի ամենագլխավոր բուժհաստատություններից մեկն է։ Այստեղ է իրականացվում երկրի նախագահի պարբերական բուժհետազոտությունը: Read more

Ամերիկացիները իրանցի ծովագնացների են փրկել

Article Details: Published on Friday, 10 August 2012 00:54; Written by

naaav 3 Ամերիկյան Ջեյմս Ուիլյամս ականակիր նավի անձնակազմի անդամները Հորմուզի նեղուցում փրկել են իրանցի 10 ծովագնացների կյանքը, որոնց նավում հրդեհ էր բռնկվել: Այս մասին հայտնել է ԱՄՆ Ռազմածովային ուժերի պաշտոնական ներկայացուցիչ, կապիտան Ջեյսըն Սալաթան: Իրանցիներից բացի, հրդեհված նավում եղել են նաեւ Պակիստանի 2 քաղաքացիներ, որոնց նույնպես հաջողվել է փրկել: -Նրանք ստանում են անհրաժեշտ բուժօգնություն եւ շուտով կտեղափոխվեն Էնթերփրայզ ավիակրի վրա,- ասել է Սալաթան` ընդգծելով, որ այնտեղից էլ ծովագնացները կտեղափոխվեն հայրենիք: ԱՄՆ-ի ու Իրանի միջեւ լարված հարաբերությունների ֆոնին Հորմուզի նեղուցում գտնվող ամերիկյան նավերն առաջին անգամ չէ, որ փրկում են իրանցի ծովագնացների կյանքը: Հունվարին ամերիկյան Կիդ ականակիր նավն ազատ էր արձակել սոմալեցի ծովահենների կողմից առեւանգված իրանցի ձկնորսների նավը: Read more

Ռոմնիի հերթական սայթաքումը

Article Details: Published on Friday, 10 August 2012 00:46; Written by

rommmm 4 ԱՄՆ-ի Հանրապետական կուսակցությունից երկրի նախագահի թեկնածու Միթ Ռամնին Այովա նահանգում ընտրողների հետ հանդիպմանը զավեշտալի սխալ է թույլ տվել. նա շփոթել է սիկհերին եւ շեյխերին: Ելույթի ժամանակ նա իր ցավակցությունն է հայտնել Վիսկոնսինում սիկհերի տաճարում տեղի ունեցած հրաձգության զոհերի հարազատներին, սակայն 2 անգամ վրիպակ է թույլ տվել՝ սիկհերին անվանելով շեյխեր: Այս սխալը Ռամնիին չի խանգարել հաջող հանդիպում անցկացնել. նա երեկոյի ընթացքում 2 մլն դոլար է հավաքել իր նախընտրական արշավի համար: Վերջերս Մերձավոր Արեւելք իր այցի ժամանակ էլ Ռամնին Իսրայելի մայրաքաղաք էր անվանել Երուսաղեմը: Read more

09 August 2012

Standard Chartered բանկը մեծ տուգանքներ կվճարի

Article Details: Published on Thursday, 09 August 2012 01:44; Written by

chartered 7 Բրիտանական Standard Chartered բանկը, որ Միացյալ Նահանգների կողմից կասկածվում է Իրանի հետ գործառությունների մեջ, կարող է վճարել 700 միլիոն դոլար` ամերիկյան իշխանությունների հետ հակամարտությունը կարգավորելու համար: Նույնքան գումար ավելի վաղ վճարել էր HSBC բանկը, որին ԱՄՆ Սենատը մեղադրում էր թմրավաճառներին ու ահաբեկիչներին ամերիկյան շուկա մտցնելու մեջ: Միեւնույն ժամանակ Նյու Յորք նահանգի ֆինանսների վարչության մեղադրանքներից Standard Chartered-ի կապիտալիզացիան նվազել է 17 մլրդ դոլարով: Ներդրումային մենեջեր Ջեյմս Բիվենն ասում է. –Այժմ շուկաները հանգում են այն կարծիքին, որ բանկը ամենայն հավանականությամբ կպրծնի տուգանքով: Թեպետ մինչեւ օգոստոսի 15-ը, երբ Standard Chartered-ի ղեկավարությունը հանդիպելու է Նյու Յորքի իշխանություններին, հստակ որեւէ բանի մասին խոսելը վաղ է: Պարզվել է, որ ԱՄՆ իշխանությունները հայտնաբերել են Նյու Յորքի գրասենյակի եւ բանկի բրիտանական կենտրոնակայանի նամակագրությունը: Հրապարակված նամակներից մեկում Standard Chartered-ի ամերիկյան մասնաճյուղը նախազգուշացնում է Լոնդոնում նստող ղեկավարությանը` Իրանի հետ գործարքների ապօրինության մասին: Բրիտանացիները պատասխանել էին. -Ո՞վ եք դուք, հիմար ամերիկացիներ, որ մեզ ու ամբողջ աշխարհին ասեք, թե մենք չենք կարող աշխատել Իրանի հետ: Read more

Կալանավորները փորձել են փախչել աղբի պարկերով

Article Details: Published on Thursday, 09 August 2012 01:32; Written by

parker 3 Բրազիլիայի Delegacia de Furtos բանտից երկու դատապարտյալ փորձել են փախչել աղբի համար նախատեսված պարկերով, սակայն նրանց փորձն անհաջողության է մատնվել: Իրավապահների փոխանցմամբ, 24-ամյա Սինդի դա Կրուզը եւ 18-ամյա Կառլոս Բարբոսան բանտային ընթրիքից հետո կարողացել են աննկատ մտնել աղբի պարկերի մեջ: Նրանց բացահայտել է անվտանգության աշխատակիցը` նկատելով, որ աղբի տոպրակները շարժվում են: Նախ նա մտածել է, որ պարկերում առնետ կա, ցանկացել է համոզվել եւ բացել է դրանք: Տեղի ոստիկանապետը հայտարարել է, որ Delegacia de Furtos բանտից, որտեղ մանր հանցագործներ են պահվում, մշտապես դատապարտյալները փորձում են փախուստի դիմել եւ դա տեղի է ունենում այն պատճառով, որ բանտը գերծանրաբեռնված է: Այժմ հետաքննություն է անցկացվում` պարզելու համար, թե ով է օգնել նրանց մտնել աղբի պարկերը: Read more

Կողոպուտն ավարտվեց մահով

Article Details: Published on Thursday, 09 August 2012 01:22; Written by

riteaide 6 Լոնգ Բիչում Rite Aid խանութի կողոպուտն ավարտվել է հրաձգությամբ : Կասկածյալներից մեկը սպանվել է, երկրորդը ծանր վիրավորվել, իսկ երրորդին հաջողվել է փախուստի դիմել: Միջադեպը տեղի է ունեցել San Antonio Drive-ում գտնվող խանութում, Atlantic Avenue-ի մերձակայքում: Երեք կասկածյալներ գիշերը ժամը 1-ի սահմաններում, զինված եւ դիմակավորված մտել են Rite Aid խանութ: Նրանք կողոպտել են խանութը, ապա դուրս գալիս կողոպտել փողոցով պատահաբար անցնող մի կնոջ եւ փախուստի դիմել: Ոստիկանությունը հետապնդել է կասկածյալներին: Լոնգ Բիչի ոստիկանապաետ Ջիմ ՄքԴոննելի խոսքով, 4500 block of Cerritos Avenue հասցեի մոտ կասկածյալները կրակ են բացել ոստիկանների ուղղությամբ, եւ պատասխան ստացել: Վիրավորին տեղափոխել են հիվանդանոց, իսկ ոստիկանությունը որոնում է երրորդ անձին, ով սեւամորթ, միջահասակ տղամարդ է: Կասկածյալների անունները չեն հաղորդվում: Read more

Մահապատժի է ենթարկվել մտավոր հետամնացը

Article Details: Published on Thursday, 09 August 2012 01:05; Written by

Marvin 5 Թեքսասում մահապատժի է ենթարկվել մտավոր հետամնաց մի տղամարդ: Մահապատիժն իրականացվել է այն բանից հետո, երբ ԱՄՆ Գերագույն դատարանը հրաժարվել է բավարարել դատավճռի վերաբերյալ վերջին բողոքարկումը: 54-ամյա Մարվին Ուիլսընը սպանվել է մահացու ներարկման միջոցով: Ուիլսընին դատապարտել են 1992թ. ոստիկանության ինֆորմատոր Ջերի Ուիլյամսի սպանության համար: Այդ ժամանակ Ուիլսընին ձերբակալել էին կոկաին պահելու մեղադրանքով: Գրավի դիմաց դուրս գալով` իր ձերբակալության համար նա մեղադրել էր Ուիլյամսին ու մեղսակցի հետ հարձակվել նրա վրա: Ինֆորմատորին ծեծել էին, այնուհետեւ սպանել: Հաջորդը օրը Ուիլսընին ձերբակալել էին: 2004-ին հոգեբանական թեստը հաստատել է, որ Ուիլսընի IQ-ն կազմում է 61 բալ` անհրաժեշտ 70-ի փոխարեն: Թեստի արդյունքներով փաստաբանները փորձել են հասնել մահապատժի կասեցմանը: Read more