All articles
24 July 2014
Apple-ի ավելի քան 20,000 աշխատակից հավաքական հայց է ներկայացրե
- Article Details
- Published on Thursday, 24 July 2014 23:53
- Category Economy
Apple-ի ավելի քան 20,000 աշխատակից հավաքական հայց է ներկայացրել, որով իրենց գործատուին մեղադրում են աշխատանքային օրենսգրքի խախտման մեջ: Մասնավորապես, խոսքը ընդմիջումները ժամանակին չտրամադրելու, այդ թվում նաեւ` ճաշի ընդմիջումը, ինչպես նաեւ՝ աշխատավարձերն ուշացնելու մասին է: Հայցում նշվում են ինչպես տեխնոլոգիական հսկայի ներկայիս, այնպես էլ՝ արդեն ազատված աշխատակիցների անունները: Նշվում է, որ դեռեւս 2011թ. Քյալիֆորնիայում հայցը նախապես ներկայացրել էր 4 աշխատակից, սակայն օրեր առաջ դատարանն այն միավորել է հավաքական հայցի հետ, որը հնարավորություն է տվել ավելացնել հայցվորների թիվը: Ներկայացված փաստաթղթերում օրինակ է բերվում, որ ընկերության աշխատակիցներից մեկն ստիպված է եղել 5 ժամ աշխատել առանց ընդմիջման, իսկ ճաշն ընդհանրապես չի մատուցվել ողջ օրվա ընթացքում: Դեռեւս հայտնի չէ փոխհատուցման չափը, սակայն փաստաբանի խոսքով` մնում է միայն որոշել փոխհատուցվող գումարի չափը: Read more
22 July 2014
հիվանդանոցը 190 միլիոն դոլար կվճարի
- Article Details
- Published on Tuesday, 22 July 2014 01:00
- Category Health
Մերիլընդ նահանգի Ջանս Հափքինսի անվան հիվանդանոցը 190 միլիոն դոլար կվճարի գինեկոլոգի այն հիվանդներին, ովքեր բողոքում են, իբր բժիշկը նրանց այցելությունները գաղտնի տեսագրել է: Բողոքներ են ներկայացրել գրեթե 8 հազար կանայք:Հաղորդվում է, որ բժիշկ Նիկիտա Լիվին, ով անցած տարի ինքնասպան է եղել, գրիչների և բանալիների ամրակների մեջ տեսախցիկներ է տեղադրել:Այս համաձայնագիրը ամերիկայի պատմության մեջ ամենախոշորն է:Առաջին անգամ Լևիի այս գործողությունների մասին հայտնի է դարձել այն ժամանակ, երբ նրա գործընկերը գինեկոլոգի մոտ տեսագրող գրիչ է նկատել: Ավելի ուշ իշխանությունները նրա տանը կոշտ դիսկերի վրա տեսագրված հիվանդների լուսանկարներ և տեսագրություններ են հայտնաբերել: Բժիշկին հեռացրել են աշխատանքից 2013թ. փետրվար ամսին, որից տասն օր անց նա մահացած է հայտնաբերվել: Read more
18 April 2014
Ութ միլիոն ամերիկացիներ բուժապահովագրություն են ստացել
- Article Details
- Published on Friday, 18 April 2014 23:59
- Category Health
Առողջապահության բարեփոխման ներդրումից հետք 8 միլիոն ամերիկացիներ բժշկական ապահովագրություն են ստացել: Այդ մասին հայտարարել է նախագահ Բարաք Օբաման Վաշինգթոնում կայացած մամուլի ասուլիսում: Սպիտակ տան տվյալներով, գրանցվածների 28 տոկոսը 18-ից 34 տարեկան անձինք են: Օբամայի խոսքով, դա նախագծի հաջողության երաշխիքն է: Նախագահը նաեւ քննադատել է հանրապետականներին, որոնք փորձում էին կասեցնել բարեփոխման ընթացքը: -Ես արդեն նախկինում ասել եմ, որ այդ օրենքը չի լուծի մեր առողջապահական համակարգի բոլոր խնդիրները, մենք գիտենք, որ դեռ շատ բան պիտի անենք: Բայց մենք հստակ գիտենք, որ մատչելի առողջապահության մասին օրենքի չեղարկումը կարող է ավելացնել դեֆիցիտը, միլիոնավոր մարդկանց զրկել ապահովագրությունից,- ասել է Օբաման: Նրա խոսքով, հանրապետականները մինչ օրս չեն կարողանում խոստովանել, որ օրենքը գործում է: Բարեփոխման ակտիվ փուլը մեկնարկեց 2013թ. հոկտեմբերին, երբ կառավարությունը բացեց բորսաների համակարգը, որտեղից կարելի էր ապահովագրություն գնել: Բարեփոխման էությունը կայանում է բնակչության որոշ դասերի համար պալըսիների մասնակի սուբսիդավորումը: Մյուսների համար ծրագրվում է բարձրացնել մրցակցությունն ապահովագրական ընկերությունների միջեւ, որ նվազեցնեն գները: Obamacare-ի ներդրումից հետո էլ ավելի քան 40 միլիոն ամերիկացիներ առայժմ բժշկական ապահովագրություն չունեն: Read more
17 April 2014
Բջջայինների գողությունը կբարդանա
- Article Details
- Published on Thursday, 17 April 2014 00:36
- Category Economy
Միացյալ Նահանգներում բջջային կապի օպերատորներն ու սմարթֆոնների առաջատար արտադրողները համաձայնության են հասել գողացված ապարատների աշխատանքը հեռակառավարմամբ արգելափակելու շուրջ՝ պաշտպանելու օգտատերերի անձնական տվյալներն ու խուսափելու շարժական սարքերի գողություններից: Սկսած 2015թ. հուլիսից Նահանգներում վաճառքի համար նախատեսված բոլոր սմարթֆոնները կթողարկվեն հատուկ ծրագրային ապահովմամբ կամ կունենան այն ներբեռնելու հնարավորություն: Սարքի գողության կամ կորստի դեպքում օգտատերը կարող է դիմել կապի գործարկուին, որը հեռավորության վրա հեռախոսից կհանի ամբողջ անձնական տեղեկատվությունը եւ կարգելափակի դրա աշխատանքը: Հեռախոսների գողության դեմ պայքարի ծրագրին մասնակցում են Verizon-ը, AT&T-ն, ինչպես նաեւ Sprint-ը եւ T-Mobile-ը: Ըստ վիճակագրության, շարժական սարքերի գողությունների թվի աճը նույնիսկ ավելի մեծ է, քան կանխիկ փողի գողության դեպքերինը: 2012 թվականին ձեռքի հեռախոսների հափշտակման գործում մասնագիտացած գողերի զոհ է դարձել 1,6 միլիոն ամերիկացի: Read more
16 April 2014
Սերիական մոլագարներին բռնել են
- Article Details
- Published on Wednesday, 16 April 2014 12:44
- Category Press Review
Հարավային Կալիֆորնիայի երկու բնակիչների կալանավորել են վերջին վեց ամսում չորս կանանց սերիական սպանության մեղադրանքով, այն բանից հետո, երբ զոհերից մեկի դին հայտնաբերվել էր Էնահայմում, վերամշակման գործարանի թափոնների մեջ: 27-ամյա Ֆրենկ Կանոն ու 45-ամյա Սթեւեն Դին Գորդոնը գրանցված սեռական հգանցագործներ են եղել, նրանց տեղափոխել են բանտ եւ դատարանը որոշել է նրանց նկատմամբ գրավ չկիրառել: Էնահայմի ոստիկանապետ Ռաուլ Քուեզեդայի խոսքով, երկուսին էլ սերիական սպանությունների մեղադրանք է առաջադրվել: Ոստիկանի խոսքով, հետաքննությունը սկսվել է, երբ հայտնաբերվել է Օկլահոմայի մի բնակչուհու դին: Տղամարդկանց ձերբակալել եւ շաբաթ օրը, իսկ երկուշաբթի կալանավորել են: Պարզվել է, որ նրանք նախորդ աշնանը սպանել են նաեւ 28-ամյա Մարթա Անայային, 34-ամյա Ջոզեֆին վարգասին եւ 20-ամյա Քիանա Ջեքսոնին, որոնց դիակները դեռ չեն հայտնաբերվելհայտնաբերել: Ապացույցները հայտնի են դարձել, երբ ստուգվել են երկու տղամարդկանց ամրացված GPS-սարքավորումների տվյալները: Այժմ դրանք օգտագործվում են՝ դիակների որոնումների համար: Օրենջ քաունթիի դատախազ Թոնի Ռակաուցկասի խոսքով, Ֆրենկ Կանոն ու Սթիվըն Դին Գորդոնը նվազագույնը կդատապարտվեն ցմահ ազատազրկման՝ առանց վաղաժամ ազատման իրավունքի, սակայն չի բացառվում, որ դատախազությունը նրանց համար մահապատիժ պահանջի: Read more
08 April 2014
Ինդիանայում փակվել է պողպատի գործարանը
- Article Details
- Published on Tuesday, 08 April 2014 00:23
- Category Economy
Ինդիանա նահանգի Գերի քաղաքում պողպատի խոշորագույն գործարանը դադարեցրել է աշխատանքը՝ կապված Մեծ լճերից լաստանավերով երկաթի հանքաքար բերելու դադարեցման հետ: Associated Press-ի փոխանցմամբ, երկարատեւ ձմռան պատճառով լճերը սառցակալել են, ինչն էլ խանգարում է նավագնացությանը: US Steel ընկերությունը, որին է պատկանում գործարանը, հայտարարել է, որ Մեծ լճերում աննախադեպ սառցապատման պատճառով ժամանակավորապես դադարեցվել է պողպատի արտադրությունը: Ընկերությունը նշում է, որ վերջին 35 տարիների ընթացքում սառույցն առաջին անգամ ծածկել է լճերի մակերեւույթի ավելի քան 90 տոկոսը, ինչն անհնար է դարձնում Մինեսոտա նահանգից Գերի հանքաքար մատակարարելը: Read more
16 January 2014
Բյուջեն հավելուրդային է եղել
- Article Details
- Published on Thursday, 16 January 2014 00:48
- Category Economy
2013 թվականի դեկտեմբերին Միացյալ Նահանգների բյուջեն եղել է հավելուրդային՝ եկամուտները գերազանցել են ծախսերը: Ընդ որում, հավելուրդը եղել է ռեկորդային: Ֆինանսների նախարարությունից հայտնում են, որ հավելուրդի նման բարձր ցուցանիշը պայմանավորված է եղել հարկերի ավելացմամբ, ինչպես նաեւ Fannie Mae եւ Freddie Mac ընկերությունների կոմից բյուջե վճարված գումարների աճով: Ըստ ներկայացված տվյալների՝ 2013 թվականի դեկտեմբերին Նահանգների բյուջեի հավելուրդը կազմել է 53,2 մլրդ դոլար: Նշենք, որ 2012 թվականին բյուջեն եղել էր պակասուրդային՝ 1,19 մլրդ դոլարով: Հաշվետու ամսում երկրի բյուջեի եկամուտները կազմել են 283,2 մլրդ դոլար, իսկ ծախսերը՝ 230 մլրդ դոլար: Ընթացիկ ֆինանսական տարվա առաջին երեք ամսվա արդյունքներով բյուջեի պակասուրդը կազմել է 176,3 մլրդ դոլար: Նահանգներում 2013-2014 ֆինանսական տարին մեկնարկել է 2012թ. հոկտեմբերի 1-ին: Read more
04 December 2013
Դեթրոյթը սնանկ ճանաչվեց
- Article Details
- Published on Wednesday, 04 December 2013 15:24
- Category Economy
Դաշնային դատավոր Սթիվեն Ռոուդսն ընդունել է, որ Դեթրոյթ քաղաքը, որի պարտքը գերանզոցում է 18 միլիարդ դոլարը, կարող է պաշտոնապես սնանկ ճանաչվել՝ պնդելով, որ երբեմնի հզոր արդյունաբերական կենտրոնը տակավին հուլիսին դրսեւորել է ֆինանսական անվճարունակության բոլոր նշանները:Հիշեցնենք, որ այս տարվա հուլիսին ամերիկյան ավտոարտադրության մայրաքաղաքի ղեկավարությունը հայց էր ներկայացրել քաղաքը սնանկ ճանաչելու մասին: Այդ պահին Դեթրոյթ քաղաքի բյուջեի պակասուրդը հասնում էր 380 մլն դոլարի: Վերջին 30 տարվա ընթացքում քաղաքի բնակչությունը 2 մլն-ից նվազել եւ հասել է 700 հազարի: Սպասվում է, որ քաղաքի ողջ ունեցվածքը կներկայացվի վաճառքի: Ներգրավված միջոցներով էլ կմարվի քաղաքի պարտքը: Քաղաքի տնտեսական խնդիրներն ի հայտ էին եկել 1970-1980-ականններին, երբ ամերիկյան ավտոարտադրության ոլորտը հայտնվել էր ճգնաժամում: Արհմիությունները եւ վարկատուներն իրենց դժգոհությունն են հայտնել դատարանի լեփ-լեցուն դահլիճում՝ ենթադրելով, որ քաղաքի իշխանություններն անազնիվ են եղել: Վճռից կարող են տուժել կենսաթոշակառուները եւ աշխարհահռչակ Արվեստների ինստիտուտը, որի հավաքածուն կարող է վաճառվել աճուրդով: Սպասվում է, որ Ռոուդսի վճիռը հիմք կդառնա վճռափոխության գանգատի համար: Դատական գործին հետեւում են Միացյալ Նահանգների այն բոլոր քաղաքները, որոնք անկայուն բյուջետային հաշվեկշիռ ունեն: Read more
30 November 2013
Washington Post թերթի գլխավոր գրասենյակը վաճառվել է
- Article Details
- Published on Saturday, 30 November 2013 22:15
- Category Economy
Grahm Holdings ընկերությունը ամերիկյան Washington Post թերթի գլխավոր գրասենյակը 159 մլն դոլարով վաճառելու պայմանավորվածություն է ձեռք բերել։ Վաշինգտոնի կենտրոնում՝ Սպիտակ տնից ոչ հեռու գտնվող շենքի նոր սեփականատեր կդառնա Carr Properties ընկերությունը։ Թերթը, որն այս տարվա օգոստոսին ձեռք էր բերել Amazon.com-ի ղեկավար միլիարդատեր Ջեֆ Բեյզոսը, կշարունակի տարածքներ վարձակալել շենքում, քանի դեռ նոր վայր ձեռք չի բերել իր գլխավոր գրասենյակի համար: Washington Post-ը Նահանգներում ամենախոշոր եւ ամենահեղինակավոր թերթերից մեկն է: Այն առաջինն է տեղեկացրել Ուոթերգեյթսյան սկանդալի մասին, որը հանգեցրել էր նախագահ Ռիչըրդ Նիքսընի պաշտոնանկությանը, ինչպես նաեւ էդվրդ Սնոուդընի բացահայտած Ազգային Անվտանգության Գործակալության գաղտնալսման ծրագրերի մասին: Read more
30 November 2013
Նպաստառուների թիվը նվազում է
- Article Details
- Published on Saturday, 30 November 2013 22:11
- Category Economy
Գործազրկության նպաստների համար դիմած ամերիկացիների թիվը նվազում է, ինչը վկայում է ամերիկյան աշխատաշուկայում իրավիճակի բարելավման մասին: Աշխատանքի նախարարության պաշտոնական տվյալներով, այս շաբաթ նպաստի համար դիմել են 316 հազար ամերիկացիներ, ինչը 10 հազարով պակաս է նոյեմբերի երկրորդ շաբաթվա տվյալներից եւ ամենացածր ցուցանիշն է վերջին երկու ամսվա ընթացքում: Գործազրկության ցուցանիշները բարելավվում են վերջին վեց ամիսների ընթացքում, իսկ դա նշանակում է, որ աշխատակիցների կրճատումը պակասել է: Դաշնային պահուստային համակարգի վերջին տվյալներով, գործազրկության մակարդակը 7,3 տոկոս է, սակայն վերլուծաբանները կարծում են, որ նոր տվյալներով, այդ ցուցանիշը կնվազի: Read more
Powerd by Bloogie