September 2012
20 September 2012
Խոշոր գողություն Սանտա-Մոնիկայում
- Article Details
- Published on Thursday, 20 September 2012 22:55
- Written by
Սանտա Մոնիկա թաղամասի առանձնատներից մեկից կատարվել է երբեւէ արված ամենախոշոր գողություններից մեկը: Հանցագործներին հաջողվել է 500 block of 12th Street հասցեում գտնվող տանից 10 մլն դոլարի արվեստի 12 նմուշ, էքսկլյուզիվ զարդեր, թանկարժեք ժամացույցներ, կանխիկ գումար, թանկարժեք գինիներ դուրս բերել, ինչպես նաեւ գողանալ Porsche Carrera 4S մեքենան: Հանցագործները տուն են մտել, երբ տանտերը` DoubleLine Capital ընկերության հիմնադիր Ջեֆրի Գանդլակը տանը չի եղել: Գողացված նկարները պատկանել են հայտնի իմպրեսիոնիստների վրձնին: Հանցագործությունը տեղի է ունեցել ենթադրաբար սեպտեմբերի 12-ից 14-ն ընկած հատվածում, սակայն այդ մասին միայն այժմ է հայտնի դարձել: Լոս Անջելեսի ոստիկանությունն արդեն պարգեւավճար է խոստացել նրան, ով որեւէ տեղեկություն կհայտնի հանցագործների մասին: Read more
20 September 2012
Կալիֆոռնիայում կանգնել էր ատրակցիոնը
- Article Details
- Published on Thursday, 20 September 2012 22:24
- Written by
Կալիֆոռնիայի Բուենա-Վիստա քաղաքում գտնվող Knott's Berry Farm հանգստյան գոտու ատրակցիոններից մեկը երեկ երեկոյան շարքից դուրս է եկել, եւ մոտ երկու տասնյակ մարդ ավելի քան երեք ժամ կախված են մնացել 90 մետր բարձրությամբ վրա: Բուենա-Վիստայի ոստիկանությունը հայտնել է, որ ատրակցիոնից օգտվողներից ոչ ոք չի տուժել, եթե չհաշվենք վախը, որ այդ մարդիկ ապրել են տեւական ժամանակ օդում կախված մնալու հետեւանքով: Անսարքությունը տեղի է ունեցել երեկ ժամը 16:45-ին, իսկ երեք ժամ անց ուղղաթիռներով ժամանած օպերատորները դեռ նույն տեսարանն են արձանագրել: Միջադեպի հետեւանքով անմիջապես տարհանվել է զբոսայգին, իսկ այգու ղեկավարությունը հայտնել է, թե անսարքության պատճառը հանկարծակի միացած անվտանգության համակարգն է եղել, որն էլ անջատել է էլեկտրամատակարարումը: Այցելուների կյանքի համար սպառնալիք ստեղծած ատրակցիոնի անսարքության փաստով հետաքննություն է սկսվել: Knott's Berry Farm այգու պաշտոնական կայքում ասվում է, որ տվյալ ատրակցիոնը կարող է միաժամանակ սպասարկել 64 մարդու, բարեբախտաբար տեղերի մեծ մասը միջադեպի պահին ազատ են եղել: Read more
20 September 2012
Նեղոսի տենդը նոր կյանքեր է խլում
- Article Details
- Published on Thursday, 20 September 2012 21:55
- Written by
ԱՄՆ-ում շարունակում է աճել հյուսիսամերիկյան մայրցամաքի համար վտանգավոր եւ հազվադեպ Արեւմտյան Նեղոսի տենդի զոհերի թիվը: Ինչպես հայտնել են Հիվանդությունների վերահսկման եւ կանխարգելման Ազգային կենտրոնների ներկայացուցիչները` ներկայումս արդեն 134 մարդ է մահացել: Մասնագետների խոսքով` տենդի ներկայիս բռնկումն ամենալուրջն է ԱՄՆ-ի պատմության մեջ: Վերջին մի քանի շաբաթների ընթացքում արձանագրվել է հիվանդության 3 142 դեպք ԱՄՆ-ի բոլոր նահանգներում, բացառությամբ` Ալյասկայի եւ Հավայիի, վարակվածների մոտ 40 տոկոսը Թեքսըսում է: Միայն վերջին շաբաթում վարակվածների թիվն ավելացել է 19%-ով: Բժիշկները նշում են, որ վերջին օրերին հիվանդության տարածման տեմպը փոքր-ինչ թուլացել է: 2011 թվականի ընթացքում ԱՄՆ-ի տարածքում գրանցվել էր հիվանդության 712 դեպք, մահացել է 43 մարդ: 2003 թվականին ԱՄՆ-ում Արեւմտյան Նեղոսի տենդով հիվանդացել էր 10 հազար մարդ, դեպքերից 264-ը մահացու ելք էին ունեցել: Read more
20 September 2012
Էրիկ Հոլդըրին արդարացրին
- Article Details
- Published on Thursday, 20 September 2012 21:52
- Written by
ԱՄՆ արդարադատության նախարար էրիկ Հոլդըրը, որը նաեւ երկրի գլխավոր դատախազն է, արդարացվել է՝ զենքի մաքսանենգության գործի շրջանակում: Ավելի վաղ նա մեղադրվել է Կոնգրեսի նկատմամբ անհարգալից վերաբերմունքի համար՝ հրաժարվելով օրենսդիրներին ներկայացնել այս գործով փաստաթղթերը: Associated Press-ի փոխանցմամբ, ԱՄՆ արդարադատության դեպարտամենտը հայտարարել է, որ 14 այլ անձինք կարող են ենթարկվել հնարավոր կարգապահական տույժերիի զենքի մաքսանենգության օպերացիայում խաղացած դերի համար: Մեղադրանքները ծագել էին՝ կապված ԱՄՆ անօրինական զենքի մատակարարման օպերացիան ձախողելու շրջանակում: Արդարադատության նախարարությունն այսօր հայտնել է,որ տեղեկություններ այն մասին, որ Հոլդերն իմացել է այդ մասին, չի հայտնաբերվել: Հանրապետականները Հոլդերի՝ Կոնգրեսին Fast and Furious (ֆյուրիըս) օպերացիայի մասին փաստաթղթեր չտրամադրելու վերաբերյալ որոշումը գնահատել էին որպես վիրավորանք խորհրդարանի հասցեին: Read more
20 September 2012
Ռամնին փորձում է արդարանալ
- Article Details
- Published on Thursday, 20 September 2012 21:49
- Written by
Միացյալ Նահանգների նախագահի հանրապետական թեկնածու Միթ Ռամնին փորձել է հարթել իր իսկ կողմից ստեղծված անհարմար դրությունը, երբ նա ամերիկացիների գրեթե կեսին՝ Օբամայի կողմնակիցներին, անվանել էր աղքատ: Այս նախընտրական մրցապայքարի կենտրոնական հարցը ոչ թե նրանում է, թե ով է հոգ տանում երկրի աղքատ ու միջին խավի մարդկանց մասին, այլ այն, թե ով կարող է նրանց օգնել: Ես կարող եմ, նա (Օբաման) չի կարող: Եվ նա դա ապացուցել է վերջին 4 տարում,- ասել է Ռամնին՝ Ատլանտա քաղաքում անցկացված նախընտրական միջոցառման ժամանակ: Հիշեցնենք, որ Միթ Ռամնին օրերս կայացած մասնավոր հովանավորների հետ ընթրիքի ժամանակ վատ էր արտահայտվել Բարաք Օբամայի կողմնակիցների մասին: Թաքնված տեսախցիկով արված տեսագրության մեջ հանրապետական թեկնածուն ասել էր, որ ամերիկացի ընտրողների 47 %-ը, ովքեր աջակցում են Օբամային, չեն վճարում եկամտահարկեր եւ ձրիակեր են: Read more
20 September 2012
Ֆրանսիական ծաղրանկարը նոր կրքեր է հարուցել
- Article Details
- Published on Thursday, 20 September 2012 03:08
- Written by
Ֆրանսիայի արտաքին գործերի նախարարությունը բարձրացրել է տարբեր երկրներում դեսպանատների անվտանգության մակարդակը: Պատճառը երգիծական Շառլի Էբդո հանդեսում Մուհամեդի ծաղրանկարի հրապարակումն էր, որը կրկին հարուցել է մահմեդականների բուռն դժգոհությունը: Առավոտվանից կրպակներից արդեն վաճառվել են ամսագրի բոլոր օրինակները. կրպակների վաճառողների տվյալներով` ամսագրի համարները վաճառվում են չտեսնված արագությամբ, ընդ որում այն գնում են մարդիկ, ովքեր սովորաբար չեն կարդում տվյալ պարբերականը: Շարլի էբդո ամսագրի կազմի վրա պատկերվել է հաշմանդամի սայլակ նստած իմամը, իսկ սայլակը վարում է ուղղադավան հրեան: Միեւնույն ժամանակ իմամը ասում է Ծիծաղելի ոչինչ չկա, իսկ կողքին կա Անձեռնմխելիները 2 գրությունը, որը ֆրանսիական Անձեռնմխելիները ֆիլմի ծաղրերգությունն է` հաշմանդամի եւ նրա սեւամորթ օգնականի մասին: Ահաբեկչական մի շարք խմբավորումներ արդեն կոչ են արել սրբազան ջիհադ սկսել ֆրանսիացիների դեմ եւ պայթեցնել դեսպանատները: Ֆրանսիայի կառավարությունն ամեն կերպ աջակցում է իր քաղաքացիներին եւ ազատ արտահայտվելու նրանց իրավունքը:
Բռնվել է ամենափնտրվող թմրաբարոնը
- Article Details
- Published on Thursday, 20 September 2012 03:04
- Written by
Վենեսուելայի տարածքում ձերբակալվել է կոլումբիացի ամենափնտրվող թմրաբարոն Դանիել Խելագար Բարերան: Բարերայի ձերբակալության մասին հայտնել է Կոլումբիայի նախագահ Մանուել Սանթոսը: Կոլումբիացի նախագահը շնորհակալություն է հայտնել ԱՄՆ-ի եւ Մեծ Բրիտանիայի հատուկ ծառայություններին, ինչպես նաեւ Վենեսուելայի կառավարությանը Բարերայի ձերբակալման գործում ցուցաբերած աջակցության համար: Գործողությունը Վաշինգթոնից կառավարել է Կոլումբիայի ոստիկանության գեներալը: Հատուկ գործողությունների մանրամասները Կոլումբիայի իշխանությունները խոստանում են բացահայտել հատուկ հրավիրված ասուլիսի ժամանակ: Բարերային ձերբակալման համար Կոլումբիան խոստացել էր 2,7 միլիոն դոլար պարգեւ, եւս 5 միլիոն խոստացել էր ԱՄՆ-ն: Read more
Վրաստանի բանտում ծեծել եւ նվաստացրել են դատապարտյալներին
- Article Details
- Published on Thursday, 20 September 2012 03:01
- Written by
Վրաստանի մայրաքաղաք Թբիլիսիում երեկ գիշեր եւ այսօր բողոքի լայնածավալ ակցիաներ են ընթանում: Պատճառը Գլդանի բանտում կալանավորների նկատմամբ անմարդկային վերաբերմունքն էր, որի տեսագրությունը հանրությանը հասանելի էր դարձել: Վրաստանի ՆԳՆ-ն հայտնել է, որ բանտում բացահայտվել են բանտարկյալների հետ անմարդկային վերաբերմունքի փաստեր, ձերբակալվել են պատիժների իրականացման 10 աշխատակիցներ, այդ թվում բանտապետն ու նրա տեղակալը: ՆԳՆ-ն կարճ տեսագրություն էր դրել իր կայքում, սակայն ավելի ուշ ընդդիմադիր համարվող Մաեստրո եւ Իմեդի հեռուստաընկերությունները բանտում դաժան ծեծի եւ բռնաբարության ցնցող կադրեր են ցուցադրել` հայտարարելով, որ իրենց տրամադրության տակ ունեն Գլդանսկի բանտում տեղի ունեցած դեպքերի ողջ նյութերը: Հեռուստաալիքները հաղորդել են, որ կադրերն իրենց է փոխանցել բանտի նախկին աշխատակիցը, ով ներկայումս Բելգիայում է գտնվում: Մասնավորապես, դատապարտյալներին, դաժանաբար ծեծելու, մահակներով եւ ավելներով բռնաբարելու մասին է հաղորդվել: Դրանից անմիջապես հետո բանտի մոտ 15 հազար մարդ է հավաքվել, այդ թվում՝ բանտարկյալների հարազատներ: Կադրերից մեկում հայազգի դատապարտյալ է, ով հայհոյում էր իրեն կտտանքների ենթարկողներին: Վրաստանի նախագահ Միխայիլ Սահակաշվիլին կատարվածի կապակցությամբ ասել է. -Այն, ինչ կատարվել է Գլդանի բանտում, վրդովեցուցիչ է` ուղղված մարդու արժանիքների եւ իրավունքների դեմ: Դա կազմակերպողները, կատարողները եւ թույլ տվողները արժանի են ամենախիստ պատժին, եւ նրանք բոլորը կկրեն այդ պատիժը, իսկ Պատիժների կրման եւ իրավաբանական աջակցության նախարար Խաթունա Կալմախելիձեն հրաժարական է տվել: Ոստիկանությունը այսօր հայ-վրացական սահմանին ձերբակալել է Դաթո Ակոբիային, ով նկարահանողներից մեկն է եղել: Ակոբիան փորձել է հատել սահմանը Սադախլոյի կողմից եւ անցնել Հայաստան: Read more
Endeavour-ը մեկնում է Լոս Անջելես
- Article Details
- Published on Thursday, 20 September 2012 02:56
- Written by
Շահագործումից հանված Endeavour տիեզերանավն այսօր մեկնարկել է իր եռօրյա ուղին Ֆլորիդայից դեպի Լոս Անջելես: Այսօր հատուկ սարքավորված Boeing 747 ինքնաթիռը տիեզերական շաթլը բարձրացրել է օդ: Endeavour-ն արդեն վայրէջք է կատարել իր առաջին կանգառում՝ Թեքսըսի Հյուսթըն քաղաքի միջազգային օդանավակայանում: Ուրբաթ օրը տիեզերանավը կհասնի իր վերջնակետին, եւ նրան փողոցներով կտեղափոխեն Կալիֆոռնիական գիտական կենտրոն: Նման գործողություն պատմության ընթացքում առաջին անգամ է կատարվում, տիեզերական մաքոքն ունի 24 մետր երկարություն, եւ հինգ հարկանի շենքի բարձրություն, ուստի ճանապարհին 12 մղոն երկարությամբ կտրվելու են մոտ 400 ծառեր: NASA-ի շաթլները շահագործումից դուրս գալուց հետո դարձել են հանրության սեփականությունը եւ որպես ցուցանմուշ հանգրվանել ամերիկյան քաղաքներում: Atlantis-ը մնալու է Ֆլորիդայում՝ Քենեդու անվան կենտրոնում, Discovery-ն ցուցադրվելու է Վաշինգթոնում, իսկ Enterprise-ն արդեն տեղափոխել են Նյու Յորք: Endeavour –ը NASA-ի բազմակի օգտագործման, Space Shuttle ծրագրի 5-րդ շաթլն է: Endeavour-ն առաջին անգամ բաց տիեզերք է դուրս եկել 1992թ. մայիսին եւ բազմաթիվ առաքելություններ իրականցրել տիզերքում: Read more
Չիկագոյի գործադուլը դադարեցվեց
- Article Details
- Published on Thursday, 20 September 2012 02:52
- Written by
Սեպտեմբերի 18-ին տեղի ունեցած Չիկագոյի դպրոցների պատվիրակների համագումարում որոշում է ընդունվել դադարեցնել 8 օր տեւած գործադուլը: Կրթության ոլորտի աշխատակիցները բողոքում էին աշխատաժամերի երկարացման եւ մանկավարժների աշխատանքի որակի գնահատման նոր համակարգի ներդրման դեմ: Ուսուցիչներն արդեն այսօր վերադարձել են աշխատանքի: Այսօր, գործատուների հայցով, նշանակված էր գործադուլի օրինականության հարցի դիտարկումը: Տեղի օրենքներով` ոչ տնտեսական պատճառներով գործադուլներն արգելված են: Գործադուլը դադարեցնելու որոշումը կայացվել է պատվիրակների ձայների ճնշող մեծամասնությամբ: Ժողովին մասնակցել է ավելի քան 800 մարդ: Ներկայումս Չիկագոյում շուրջ 29 հազար ուսուցիչ դեռ նոր աշխատանքային պայմանագիր չի կնքել: Համաձայն նոր պայմանների` ուսուցիչները զրկվում են մի շարք փոխհատուցման վճարներից, սառեցվում է կրթության ոլորտի աշխատակիցների ապահովագրության ծրագիրը, երկարացվում է աշխատանքային օրը: Նշենք, որ Չիկագոյում ուսուցիչների բազային աշխատավարձը բարձր չէ` տարեկան 68 հազար դոլար: Read more
Powerd by Bloogie