July 2012

11 July 2012

Ալիգատորը կտրել է դեռահասի ձեռքը

Article Details: Published on Wednesday, 11 July 2012 05:19; Written by

keleb 5 Ողբերգական ավարտ ունեցավ Քեյլըբ Լենգդեյլի համար Մուր Հեյվեն գետում լողանալը: Ֆլորիդայում դեռահասի վրա է հարձակվել երեք մետր երկարությամբ ալիգատորն ու կտրել նրա ձեռքի մի մասը: Տղայի ընկերների խոսքով, երբ կենդանին հարձակվել էր Լենգդեյլի վրա, նա առաջ է մեկնել ձեռքը` պաշտպանվելու նպատակով: Ալիգատորը բռնել էր ձեռքից եւ սկսեց ցած քաշել զոհին: Դեպքի վայր հասած փրկարարներին հաջողվել է գտնել եւ դուրս հանել ալիգատորին: Նրան սպանել են, իսկ ձեռքն ուղարկել Ֆորթ-Մայերս քաղաքի հիվանդանոց, ուր ավելի վաղ բերել էին Քեյլըբ Լենգդեյլին: Ցավոք բժիշկներին չի հաջողվել կպցնել ձեռքը, սակայն ազգականների խոսքով, դեռահասն ուրախ է, որ կենդանի է մնացել: Բնապահպանական ծառայության ներկայացուցչի խոսքով, ալիգատորները հազվադեպ են հարձակվում մարդկանց վրա, սակայն դեռահասի հետ միջադեպը տեղի է ունեցել նրանց բազմացման շրջանում, երբ արուներն առավել ագրեսիվ են դառնում: Անցած ամիս էլ գետում նման դեպք էր գրանցվել ,երբ ալիգատորը կծել էր լողացողներից մեկի ձեռքը: Read more

Կամրջի տակ պայթուցիկ են գտել

Article Details: Published on Wednesday, 11 July 2012 05:12; Written by

kamurj 4 Պլասենթիա եւ Էնըհայմ կամրջի տակ ուսապարկ են գտել, որում նռնակներ, դետոնատորներ եւ պայթուցիկ այլ սարքեր են եղել: Օրընջ շրջանի սակրավորների խումբը ժամանել է դեպքի վայր` պայթուցիկ սարքերը վնասազերծելու նպատակով: Հաղորդվում է, որ պայթուցիկ սարքը հայտնաբերել են բանվորները, որոնք աշխատում էին ջրատար խողովակի վերանորոգման վրա: Հետաքննությանը միացել է FBI_ը` պարզելու, թե ում են պատկանում պայթուցիկները: Օրընջ շրջանի շերիֆի գրասենյակի ներկայացուցիչ Ջիմ Ամորմինոն հայտնել է, որ իրավապահները շրջափակել են տարածքը, իսկ սակրավորները պայթեցման միջոցով վնասազերծել են նռնակները: Մասնագետները ներկայումս պարզում են` արյդոք կամրջին վնաս հասցվել է, թե ոչ: Նշվում է, որ ուսապարկը կարող էր պատկանել պայթուցիկներից լավ գլուխ հանող մեկին, ով կարող էր լուրջ ահաբեկչություն իրականացնել: Read more

Սահմանապահին սպանողների համար գլխագին է խոստացվել

Article Details: Published on Wednesday, 11 July 2012 05:04; Written by

imgs 2 արությունը խոստացել է 1 մլն դոլար վճարել այն 4 ավազակների գտնվելու վայրի մասին տեղեկություն հայտնողին, որոնք 2010թ. գնդակահանել էին արիզոնացի սահմանապահ Բրայան Տերրիին: FBI-ի ներկայացուցիչները եզակի քայլի են գնացել` հրապարակելով կասկածյալների անունները: Նշվում է, որ հետախուզվում են 31-ամյա Խեսուս Ռոսարիո Ֆավելա-Աստորգան, 34-ամյա Իվան Սոտո-Բարազան, 34-ամյա Էրակլիո Օսորիո-Արելյանեսն ու Լիոնել Պորտիլլո-Մեսան: Հինգերորդ կասկածյալին ձերբակալել էին հանցագործության վայրում: -Այսօր FBI-ը դիմում է հանրությանը օգնության խնդրանքով` այս վտանգավոր մարդկանց որոնելու համար: Մենք մեր աջակցությունն ենք հայտնում Բրայըն Թերրիի ընտանիքին եւ բոլոր սահմանապահներին,- ասել է դաշնային դատախազ Լորա Դաֆին: Սպանությունը տեղի էր ունեցել Fast and Furious աղմկահարույց գործողության ժամանակ, 2010թ. դեկտեմբերին, երբ դաշնային գործակալները թույլ էին տվել զենքի վերահսկելի վաճառք մեքսիկական թմրակարտելներին, սակայն զենքի մի զգալի մասը` 2000 միավորից մոտ 1400-ն անհետ կորել էին: Սահմանն անցկացնելու ժամանակ էլ հանցագործները սպանել էին սահմանապահին, ով փորձել էր կանխել նրանց: Հունիսին ԱՄՆ Ներկայացուցիչների պալատը քվեարկել էր գլխավոր դատախազ Էրիկ Հոլդերին` Կոնգրեսի նկատմամբ անհարգալից վերաբերմունքի փաստով պատասխանատվության ենթարկելու օգտին: Հոլդերը Կոնգրեսին տեղյակ չէր պահել գործողության իրականացման մասին: Read more

Օբամայի դիրքերը թուլանում են

Article Details: Published on Wednesday, 11 July 2012 04:56; Written by

0bb 5 Ամերիկացիների մեծամասնությունը կարծում է, որ ԱՄՆ նախագահ Բարաք Օբամայի օրոք ամեն ինչ զարգացել է բացասական ուղղությամբ։ Այս մասին են վկայում Hill թերթի կողմից անցկացված հարցումները։ Դրանց համաձայն՝ ամերիկացիների 56 տոկոսը կարծում է, որ իրավիճակը երկրում Օբամայի օրոք վատթարացել է, եւ միայն 35 տոկոսն է համարում, որ Օբամային հաջողվել է դրական զարգացումներ ապահովել։ Հաղորդվում է, որ ներկայիս նախագահի գործունեության նկատմամբ բացասաբար է տրամադրված ոչ միայն հանրապետական ընտրազանգվածը, այլ նաեւ դեմոկրատները։ Յուրաքանչյուր 5-րդ դեմոկրատը բացասական պատասխան է տվել: Այն, որ Օբամայի հիմնական ընդդիմախոս Միթ Ռամնին կարող է երկրում շեշտակի փոփոխություններ մտցնել, հավատում է հարցվածների կեսը։ Ավելի վաղ USA Today-ի կողմից անցկացված հարցման համաձայն` Օբամային աջակցում է հարցվածների 47 տոկոսը, իսկ Ռոմնիին՝ 45 տոկոսը։ Read more

10 July 2012

Մոմավառությունն ընթացել է ծեծկռտուքով

Article Details: Published on Tuesday, 10 July 2012 04:34; Written by

harssss 5 Երեկ Հարսնաքար» ռեստորանային համալիրի մոտ սպա Վահե Ավետյանի հիշատակին նվիրված մոմավառության արարողությունն ուղեկցվել է ցուցարարների նկատմամբ ոստիկանների կողմից ուժի գործադրմամբ: Ոստիկանությունն արգելել է հավաքվածներին մոտենալ «Հարսնաքար» ռեստորանին, ինչից հետո մարդիկ ի նշան բողոքի փակել են Աճառյան փողոցը: Կարմիրբերետավորներն ու վահաններով եւ մահակներով զինված ոստիկանները` Երեւանի փոխգնդապետ Ռոբերտ Մելքոնյանի ցուցումով, ուժ են կիրառել, հրել եւ քաշքշել մարդկանց, հայհոյել ու հարվածել կանանց, աղջիկների, լրագրողների: Ի դեպ, «Հարսնաքար» ռեստորանում է եղել նաեւ պատգամավոր, Նեմեց Ռուբոն` Ռուբեն Հայրապետյանը, ով հարվածել է Հելսինկյան ասոցիացիայի իրավապաշտպան Արման Վեզիրյանին` նրան գետին տապալելով: Վերջինս լուսանկարելիս է եղել տվյալ տարածքում կանգնած ոստիկաններին, երբ Հայրապետյանը մոտեցել եւ հարվածել է նրան: Չկարողանալով մոտենալ ռեստորանին, հավաքվածները երթ են արել Ավանով` դեպի Հայրապետյանի առանձնատուն, որը եւս շրջապատված է եղել ոստիկանական մեծ ուժերով: Հավաքվածները վանկարկել են Նեմեց-մարդասպան եւ այլ կարգախոսներ: Հայրապետյանի տան մոտ կանգնել են թիկունքով եւ լռությամբ հարգել են Վահե Ավետյանի հիշատակն ու երթով վերադարձել: Ի դեպ, Հայրապետյանի թիկնապահները ամենավերջին բառերով հայհոյել են Ռոբերտ Մելքոնյանին, սակայն նա որեւէ բառ չի պատասխանել: Read more

Հայտնաբերվել են Կարավաջիոյի անհայտ նկարները

Article Details: Published on Tuesday, 10 July 2012 03:56; Written by

carav 4 Իտալացի արվեստաբանները հայտնաբերել են Միքելանջելո Կարավաջիոյի շուրջ հարյուր ուրվանկարներ ու մի քանի կտավներ, որոնք մինչ այժմ անհայտ են եղել: Ինչպես տեղեկացրել է ԱՆՍԱ գործակալությունը, գործերն ստեղծվել են 1584-1588թթ.-ին, երբ պատանի նկարիչը նկարչություն էր սովորում Միլանում: Երիտասարդ Կարավաջիոյի ուրվանկարներն ու կտավները գտել են նկարիչ Սիմոնե Պետերցանոյի աշակերտների աշխատանքների թվում, որի արվեստանոցում ապագա վարպետը ուսանել է 13 տարեկանից: Հայտնաբերված ստեղծագործությունների արժեքը գնահատվում է 700 մլն եվրո: Read more

Պամպլոնայում մարդիկ են տուժել ցլերից

Article Details: Published on Tuesday, 10 July 2012 03:53; Written by

pamp 4 Իսպանիայի Պամպլոնա քաղաքում նշում են Սան-Ֆերմին փառատոնը, եւ արդեն չորրորդ օրն է` ընթանում է ամենամյա էնսիերո՝ ցլավազքը, որի ընթացքում ցլերին դուրս են թողնում փարախներից, որպեսզի վերջիններս վազելով հասնեն ցլամարտի արենա: 850-մետրանոց ճանապարհը ցլերը անցնում են 3-4 րոպեում: Ամենավտանգավոր հատվածը արենային մոտ բաց տարածքն է, որտեղ մարդիկ պատսպարվելու տեղ չունեն: Էնսիերոյի կանոնների համաձայն ցլերից կարելի է պաշտպանվել միայն ծալված թերթերով: Իսպանական բժիշկները հայտնել են, որ 4 օրվա ընթացքում բուժօգնության է դիմել մոտ 400 մարդ: Հիմնական վնասվածքները հասցրել է ցլերի խմբի առաջնորդը` մոտ 545 կգ քաշով, որը կատաղաբար այս ու այն կողմ է նետել զբոսաշրջիկներին: Պամպլոնացիները տոնը նշում են արդեն 8 դար: Տոնը նվիրված է քաղաքի հովանավոր՝ Սուրբ Ֆերմինին: Ցլերի հետ վազքը հաճախ ավարտվում է վնասվածքներով ու մահվան դեպքերով: 1924 թվականից ցլերի հետ վազքում 15 մարդ է մահացել, մահվան վերջին դեպքը գրանցվել է 2009-ին: Անցած տարի էնսիերոյի ընթացքում զոհեր չեն եղել, սակայն 42 մարդ վնասվածքներ էր ստացել: Read more

171 մարդ է զոհվել. Երեքը հայեր են

Article Details: Published on Tuesday, 10 July 2012 03:47; Written by

jrher 3 Ռուսաստանի քննչական կոմիտեն քրեական գործ է հարուցել Կուբանում ջրհեղեղներից մարդկանց զանգվածային մահվան փաստով: Վերջին տվյալներով, հեղեղների պատճառով զոհվել է 171 մարդ, նրանցից 139-ը` Կրիմսկ քաղաքում: Բուժօգնության է դիմել 479 մարդ, հիվանդանոց են տեղափոխել 137-ին: Տարածաշրջանային իշխանությունները հայտնում են 24 հազար տուժածների մասին: Տարերքը վնասել է Կրիմսկ, Գելենջիկ եւ Նովոռոսիյսկ քաղաքներին: Կրիմսկում հեղեղումը սկսվել է ուշ գիշերին: Բնապահպանները կարծում են, թե ճեղքվել է Նաբերջաեւի ջրամբարը` թույլ թողունակության պատճառով: Մարդիկ դժգոհում են, որ մարդկանց ոչ ոք չի նախազգուշացրել, որ հնարավոր է հեղեղում լինի: Իշխանություններն աշխատանքից ազատել են Կրիմսկի վարչակազմի ղեկավարներին: Այսօր նաեւ հայտնի է դարձել, որ զոհերի մեջ առնվազն երեք հայեր կան, 19-ամյա Շումիտա Գալստյանը, Լիդիա եւ Հովհաննես Շահբազյանները, անհետ կորած են համարվում Թեւոս Դավթյանը, նրա որդին` Զավենը եւ 3-ամյա թոռը` Արտյոմը: Read more

Նեւադան ամենաթանկ ընտրական նահանգն է

Article Details: Published on Tuesday, 10 July 2012 00:06; Written by

obama romney 5 ԱՄՆ նախընտրական քարոզարշավն ամենաթանկն արժեցել է Նեւադա նահանգում: 6 ընտրողից յուրաքանչյուրի ձայնի համար դեմոկրատ Բարաք Օբաման ու հանրապետական Միթ Ռոմնին ընդհանուր առմամբ արդեն ծախսել են 1.4 մլն դոլար` հեռուստատեսային գովազդի համար, առանց հաշվի առնելու մալուխային ցանցը: Հեռուստագովազդի վրա ծախսված նախընտրական գումարների թվով երկրորդ տեղում Այովան է, երրորդ տեղում` Օհայոն: Այնտեղ թեկնածուները ծախսել են 1.18 մլն դոլար` յուրաքանչյուր 6-րդ ընտրողի համար: Վերոնշյալ երեք նահանգները, ինչպես նաեւ Կոլորադոն, Նյու Հեմփշիրը, Վիրջինիան ու Ֆլորիդան ավանդաբար պատկանում են, այսպես կոչված, սուինգ-սթեյթս կատեգորիային, այսինքն` նահանգներ, որտեղ հանրապետականներն ու դեմոկրատները ունեն հավասարաչափ ձայներ: Քանի որ ԱՄՆ-ում նախագահի ընտրություններին քվեարկությունը երկաստիճան է, հենց չկողմնորոշված նահանգներում է ծավալվում դաժան նախընտրական քարոզարշավը Read more

09 July 2012

Շահումյան փողոցում ամուսինը սպանել է կնոջը

Article Details: Published on Monday, 09 July 2012 23:54; Written by

zenq 3 Այսօր` հուլիսի 9-ին սպանություն է կատարվել Երեւանի Շահումյան 4-րդ փողոցի 66 տանը: Տանտիրուհին հրազենային վնասվածքներ է ստացել եւ հիվանդանոց տեղափոխելու ճանապարհին մահացել: Պարզվել է, որ նրան հրազենային վնասվածքներ է հասցրել ամուսինը: Բնակիչները հայտնել են, որ նրանց տանը հաճախ են վիճաբանություններ եղել: Տարիներ առաջ ամուսինը կնոջը դանակահարել էր խանդի հողի վրա, կինը վերջին տարիներին ստիպված տեղափոխվել էր Եվրոպա երեխաների մոտ: Նա օրերս էր վերադարձել Հայաստան: Սպանության գործով հարուցվել է քրգործ՝ Քրեական օրենսգրքի 104 հոդվածի (Սպանություն) հատկանիշներով: Ձերբակալվել է 74-ամյա Ռոբերտ Թադեւոսյանը, ով իրեն պատկանող 12 տրամաչափի մեկփողանի հարթափող հրացանից կրակել է կնոջ` 70-ամյա Սիրանուշ Հաջաթյանի գոտկատեղին, ինչի հետեւանքով նա մահացել է: Read more