June 2012

23 June 2012

Բոլիվիայի ոստիկաններն ապստամբել են

Article Details: Published on Saturday, 23 June 2012 01:23; Written by

bol 1 Բոլիվիայի ոստիկանության էլիտար ջոկատի շուրջ 40 աշխատակիցներ գրավել են նախագահական պալատից 100 մետր հեռավորության վրա գտնվող զորամասերը: Հատուկջոկատայինների հետ ապստամբությանը մասնակցում են նաեւ նրանց կանայք: Ոստիկաններն այսօր գրավել եւ բառացիորեն ավիրել են Լա-Պասում հետախուզության ծառայության շենքը: Ականատեսների վկայությամբ, ոստիկանները շենքից հանել եւ այրել են հետախուզության ծառայության ողջ թղթային արխիվը, նաեւ կոտրել են համակարգիչները: Այդ շենքում է գտնվում Ինտերպոլի գրասենյակն ու ոստիկանների կարգապահական տրիբունալը, որոնք եւս տուժել են: Այս ամենը տեղի է ունեցել նախագահական նստավայրից 100 մետր հեռավորության վրա: Խռովությունը բարձրացրել են ոստիկանության մարտավարական-օպերատիվ ջոկատի աշխատակիցները: Հատուկջոկատայինները բողոքում են, որ իրենց նվազագույն աշխատավարձը 178 դոլար է: Ընդ որում, զինվորականները, նրանց խոսքերով, երկու անգամ ավելի են ստանում: Ապստամբները փակել են նախագահական պալատ տանող ճանապարհը: Այս պահին երկրի նախագահ Էվո Մորալեսը գտնվում է Ռիո դե Ժանեյրոյում: Զորամասերի գրավումը չորեքշաբթի սկսված ոստիկանության համազգային բողոքի ակցիայի գագաթնակետն է: Բացի վարչական մայրաքաղաք Լա Պասից, խռովություններ են սկսվել նաեւ Սուկրեում, Օրուրոյում, Պոտոսիում, Կոչաբամբայում եւ Սանտա Կրուզում: Read more

Ձերբակալել են Էլ Չափոյի որդուն

Article Details: Published on Saturday, 23 June 2012 01:20; Written by

gus 1 Մեքսիկայի ծովային հետեւակը ձերբակալել է ամենահայտնի թմրաբարոնի` Խոակին Էլ Չափո Գուզմընի որդուն` Հեսուս Ալֆրեդո Գուզմըն Սալազրին: 26-ամյա Գուզմընը, ներկայումս գլխավորում էր Սինալոա թմրակարտելը: Նրա ձերբակալության ժամանակ մեծ քանակությամբ զենք, գումարներ, մի քանի ավտոմեքենաներ եւ անձը հաստատող բազմաթիվ փաստաթղթեր են հայտնաբերվել: Նրա հետ միասին ձերբակալվել է կարտելի անդամներից եւս մեկը: ԱՄՆ մի քանի նահանգներում Հեսուս Գուզմընին հետախուզում էին հայտարարել, նրան, ինչպես եւ հորը մեղսակից են համարում թմրանյութերի առաքման մեջ: 2011թ. դեկտեմբերից մեքսիկական իշխանությունները ոչնչացրել են Էլ Չափոյի կարտելի 12 ազդեցիկ դեմքերի: 1993թ. Խոակին Գուզմընը ձերբակալվել էր եւ դատապարտվել 20 տարվա ազատազրկման, սակայն կարողացել էր փախուստի դիմել 2001թ., երբ իմացել էր, որ իրեն հանձնելու են ԱՄՆ-ին: Էլ Չափոյի ունեցվածքը գնահատվում է մոտ 5 մլրդ դոլար: Մայիսին ԱՄՆ իշխանությունները պատժամիջոցներ էին մտցրել նրա երկու որդիների Իվանի եւ Օվիդիոյի դեմ: Գուզմընի որդիները պաշտոնապես մտցվել են ԱՄՆ թմրավաճառների ցանկում: Read more

Մինեսոտայում հեղեղներ են

Article Details: Published on Saturday, 23 June 2012 00:50; Written by

flo 3 Մինեսոտայում վերջին օրերին մոլեգնում է տարերքը, նահանգի զգալի հատվածը հայտնվել է ջրի տակ: Տարերքից ամենաշատը տուժել է Դըլութ քաղաքը, որ գտնվում է Վերին լճի ափին: Հորդառատ անձրեւները հանգեցրել են սողանքների տասնյակ տների բնակիչների տարհանել են: Պաշտոնյաների խոսքով, վերջին անգամ քաղաքը նման տարերքի բախվել էր 1972թ.: Միայն վերջին մեկ օրում քաղաքի վրա մինչեւ 23 սմ տեղումներ են գրանցվել: Փողոցները բառացիորեն վերածվել են գետակների: Ջրի տակ է մնացել տեղական հայտնի կենդանաբանական այգու մեծ մասը: Տարերքի պատճառով սատկել են գազանանոցի տասնյակից ավելի կենդանիներ, որոնք անտեր էին մնացել: Ջրհեղեղից հետո գազանանոցից փախել են մի սպիտակ արջ եւ երկու ծովարջեր, որոնց սակայն բռնել եւ տեղափոխել են գազանանոց: Ոստիկանությունն առայժմ տեղեկություններ չունի տարերքի պատճառով տուժածների մասին: Տարհանվածներին տեղափոխել են հատուկ ստեղծված ապաստարաններ: Դըլութի քաղաքապետը արտակարգ դրություն է մտցրել, իսկ Մինեսոտայի նահանգապետ Մարկ Դեյթընի խոսքով, ջրհեղեղները նահանգին արդեն մոտ 80 մլն դոլարի վնաս են հասցրել: Read more

Թունավորում Ինդիանապոլիսում

Article Details: Published on Saturday, 23 June 2012 00:45; Written by

pul 3 Ինդիանապոլիս քաղաքում ավելի քան 70 մարդ, այդ թվում` երեխաներ են հոսպիտալացվել հասարակական Garfiled Park Aquatic Center լողավազանում թունավորվելու հետեւանքով: United Press-ի Ինչպես հաղորդել են քաղաքի փրկարար ծառայությունից, լողավազանում քլորի պարունակությունը զգալիորեն գերազանցել է սահմանված նորման: Քիմիական թունավորման հետեւանքով մարդկանց մոտ սկսվել է սրտխառնոց, ուժեղ հազ, աչքերում ցավ ու ծակծկոց: Միջադեպի հետեւանքով շատ մարդկանց, հատկապես երեխաների մոտ ալերգիա է առաջացել: 14 մարդու տեղափոխել են հիվանդանոց, այդ թվում` 9 երեխաների` Riley մանկակակն հիվանդանոց եւ 5 չափահասների Wishard Memorial Hospital: Լողավազանի տարածքում գտնվող բոլոր անձանց տարհանել են: Բժիշկների խոսքով` ներկայումս տուժածների վիճակը կայուն է, նրանց կյանքին վտանգ չի սպառնում: Ոստիկանությունը պարզել է, որ քիմիական արտահոսքի պատճառը աշխատակիցների անփութությունն է եղել: Read more

Նոր հայց Տրավոլտայի դեմ

Article Details: Published on Saturday, 23 June 2012 00:38; Written by

tra 1 Read more

Հայ երիտասարդներ մեղադրվում են

Article Details: Published on Saturday, 23 June 2012 00:35; Written by

pol 1 Գլենդելի եւ Բերբենքի ոստիկանությունը հունիսի 20-ին երեք հայ երիտասարդների է ձերբակալել` տուն թալանելու կասկածանքով: Գողությունը տեղի է ունեցել 3700 block of Mayfair Drive հասցեում, չորեքշաբթի առավոտյան: Փասադինայի ոստիկանության հաղորդմամբ, թալանից հետո 28-ամյա Գուրգեն Մարտիրոսյանը Արլետայից, 23-ամյա Անդրանիկ Սեֆյանը Գլենդելից եւ եւ 23-ամյա Նարեկ Սաֆարյանը Լա Կրսենտայից, դեպքի վայրից դիմել են փախուստի BMW եւ Mercedes մակնիշի մեքենաներով: Սակայն ականատեսները ոստիկաններին են ներկայացրել տեղեկություններ, որն օգնել է նրանց դուրս գալ հանցագործների հետքի վրա: Հետապնդումից հետո իրավապահներին հաջողվել է ձերբակալել մեքենաներից մեկը: Գողացված իրերի մի մասը հայտնաբերվել է Mercedes-ի մեջ, իսկ BMW-ն հետախուզվում է: Read more

22 June 2012

Պատահական մահերի համար մեկ պատճառը

Article Details: Published on Friday, 22 June 2012 04:27; Written by

derrr 1 The Daily Mail-ը հայտնում է, որ Գիտնականների նոր զեկույցի համաձայն՝ դեղատոմսով նշանակված ցավազրկողները առաջ են անցել ավտովթարներից ` դառնալով ԱՄՆ-ում պատահական մահերի համար մեկ պատճառը: Առողջապահության վիճակագրության ազգային կենտրոնի նոր հետազոտության համաձայն՝ դեղերի թունավորումից ավելի շատ մարդ է մահանում, քան ավտովթարներից: Հետազոտությունն արվել է այն բանից հետո, երբ նման դեղերի պատճառով մահացան այնպիսի հայտնի անձինք, ինչպիսիք են Մայքլ Ջաքսընը, Անա Նիքոլ Սմիթը: Read more

Վարգես Գասպարիի նկատմամբ բռնություն են գործադրել

Article Details: Published on Friday, 22 June 2012 04:23; Written by

Gaspari1 2 Ընդդիմադիր ակտիվիստ Վարգես Գասպարին հունիսի 20-ին բողոքի ակցիա է իրականացրել Հայաստանի Ազգային ժողովի դիմաց, կապված Հարսնաքարի հայտնի միջադեպի հետ: Գասպարին պարզել է պաստառ, որի վրա գրված է եղել Ռուբեն Հայրապետյան, մարդասպան Նեմեց: Երբ ակտիվիստը իր պաստառով միայնակ կանգնած է եղել ԱԺ Դեմիրճյան փողոցի մուտքի մոտ, որտեղից ներս են մտնում պատգամավորները, նրան է մոտեցել օլիգարխ Սամվել Ալեքսանյանը եւ խլել պաստառը Գասպարիի ձեռքից: Դրանից հետո Վարդգես Գասպարին սկսել է բղավել Ալեքսանյան խուլիգան, ինչից հետո էլ Գասպարիին մոտեցել է հաստամարմին մի երիտասարդ եւ նրան տապալել գետին: Վարդգես Գասպարին նույն պահին, ԱԺ մուտքի մոտ ծառայություն իրականացնող ոստիկաններից մեկին հաղորդում է տվել, նշելով, որ ԱԺ մուտքի մոտ Սամվել Ալեքսանյանը խլել է իր ձեռքի պաստառը, իսկ նրա թիկնապահը հրել եւ վայր է գցել իրեն: Ոստիկանությունը նյութեր է նախապատրաստում: Read more

Քոչարյանը Հայաստանը վաճառեց Ռուսաստանին

Article Details: Published on Friday, 22 June 2012 04:18; Written by

Բրիտանական Chatha chh 2 m House հայտնի վերլուծական կենտրոնը զեկույց է հրապարակել Հարավային Կովկասի եւ Կենտրոնական Ասիայի երկրներում Ռուսաստանի թուլացող ազդեցության մասին, որում անդրադարձ կա նաեւ Հայաստանին։ Զեկույցում նշվում է, որ Հայաստանը տնտեսապես արդեն հանձնվել է Ռուսաստանին, ինչը սպառնում է նաեւ Հայաստանի ինքնիշխանությանը։ -Հայաստանում Ռուսաստանի ազդեցությունը այնքան մեծ է, որ Հայաստանի թիվ մեկ մտահոգությունը պետք է լինի իր ինքնիշխանությունը: Սակայն Հայաստանը այդպիսի մտահոգություն չի ցուցաբերում, համենայն դեպս՝ հրապարակայնորեն,- շեշտադրված է զեկույցում: Վերլուծաբանը նշում է, որ 2003 թվականին Ռուսաստանը տոտալ վերահսկողություն ձեռք բերեց Հայաստանի էներգետիկ շուկայի վրա: -Ռոբերտ Քոչարյանը, 1998-2008 թվականներին Հայաստանի նախագահը, փաստացի վաճառեց Հայաստանը ռուսական միասնական էներգահամակարգին, Անատոլի Չուբայսին ու ռուսական այլ առեւտրային ու քաղաքական շահերին, – ասված է զեկույցում։ Read more

Կրկնակի սպանություն Միդ-Սիթիում

Article Details: Published on Friday, 22 June 2012 03:57; Written by

mdd 1 Երեկ կեսօրին երկու մարդու սպանած կասկածյալը ձերբակալվել է: Ոստիկանության փոխանցմամբ, Mid-City փողոցում կատարված սպանության մեջ կասկածվում է 18-ամյա Ալբերտո Մեհիան: Նա ձերբակալվել է երեկ, 6-րդ պողոտայի եւ 5-րդ փողոցի խաչմերուկում գտնվող իր տանը: Մեհիան մեղադրվում է 19-ամյա Միգել Մարտինեսի եւ 18-ամյա Դենիել Ռեգալադոյի սպանության մեջ: Նրանք երկուսն էլ մահացել էին հիվանդանոցում: Դեպքի մասին ոստիկաններին հայտնել էին ականատեսները, որոնք էլ նկարագրել էին հանցագործին: Ոստիկանության կարծիքով, սպանությունը փողոցային ավազակախմբերի ընդհարման արդյունք է, սակայն հետաքննությունը շարունակվում է: Read more