December 2012
04 December 2012
Կոնգոյում հայ օդաչուներ են զոհվել
- Article Details
- Published on Tuesday, 04 December 2012 03:52
- Written by
Նոյեմբերի 30-ին Կոնգոյում վթարի ենթարկված ինքնաթիռի անձնակազմը հայեր են եղել: Հայկական Ռից էյրուեյս ընկերությանը պատկանող Իլ-76 բեռնատար ինքնաթիռը բախվել է Կոնգոյի մայրաքաղաք Բրազավիլի բնակելի թաղամասին. Զոհվել է 32 մարդ, մարմնական վնասվածքներ են ստացել 20-ը: Իլ-86 ինքնաթիռը Կոնգոյի մայրաքաղաք Բրազավիլ էր թռել երկրի մեծությամբ երկրորդ Պորտ Նուարա քաղաքից: Ուժեղ քամու եւ վատ եղանակի պատճառով մեքենաներ տեղափոխող ինքնաթիռը չի կարողացել վայրէջք կատարել մայրաքաղաքի օդանավակայանի թռիչքուղում եւ կայծակի հարվածից ընկել է ոչ այնքան հեռու գտնվող բնակելի տների վրա, այնուհետեւ ուժեղ հրդեհ է բռնկվել: Վայրէջքի ժամանակ Իլ-86-ը դուրս է եկել Մայա-Մայա օդանանավակայանի թռիչքավայրէջքային ուղուց, բախվել մի քանի բնակելի տների, այնուհետեւ ընկել եւ բռնկվել: Ինքնաթիռի անձնակազմում եղել է 7 մարդ, որոնցից հինգը Հայաստանի քաղաքացիներ, ովքեր պայմանագրով էին աշխատում Կոնգոյում: Բեռնատար ինքնաթիռն իրականացնում էր տեղական Աէրոսերվիս ընկերության բեռների տեղափոխումը: Վթարի արդյունքում զոհվել են օդանավի հրամանատար, 63-ամյա Վարազդատ Բալասանյանը, օդաչուներ Արա Թովմասյանը, Թադեւոս Հովհաննեսյանը, Անդրանիկ Գեւորգյանը եւ օպերատոր` 23 ամյա էդգար Ավետյանը: Վարազդատ Բալասանյանը Արցախյան ազատամարտի մասնակից էր եւ եղել է Ստեփանակերտի օդանավակայանի պետը: Վթարի պատճառները պարզելու նպատակով Կոնգոյի իշխանությունները քննություն են սկսել:
03 December 2012
Օբաման քննադատել է հանրապետականներին
- Article Details
- Published on Monday, 03 December 2012 22:19
- Written by
ԱՄՆ նախագահ Բարաք Օբաման հերթական անգամ քննադատել է օրենսդիրներին՝ բյուջետային քաղաքականության հարցում փոխհամաձայնության չգալու համար: Ամերիկյան քաղաքներով ուղեւորության ընթացքում նա հանրապետականներին կրկին նախազգուշացրել է այն մասին, որ ֆիսկալ անդունդը, որին կարող է հանգեցնել անհամաձայնությունը, կհարվածի յուրաքանչյուր ամերիկացու ընտանիքին: -Եթե Կոնգրեսը ոչ մի բան չձեռնարկի, ապա հաջորդ տարվա հունվարի 1-ից հարկերն ամեն ամերիկյան ընտանիքում կբարձրանան ինքնաբերաբար,- նկատել է Օբաման՝ հանդես գալով Փենսիլվանիայի խաղալիքների ֆաբրիկայի աշխատակիցների առաջ: Հիշեցնենք, որ դեմոկրատների ու հանրապետականների միջեւ տարաձայնությունները վերաբերում են երկրում հարկման կազմակերպմանը: ԱՄՆ նախագահը դեմոկրատների աջակցությամբ պնդում է չեղյալ հայտարարել դեռ Ջորջ Բուշ-Կրտսերի ժամանակ սահմանված հարկային արտոնությունները ու տարեկան 250 հազար դոլարից բարձր եկամուտ ունեցող քաղաքացիների համար դրույքների բարձրացումները: Սակայն հանրապետականները պնդում են, որ ծրագիրը պետք է շարունակվի, քանի որ այն գործոնն է, որը խթանում է ԱՄՆ-ում առանցքային խնդիրներից մեկի` գործազրկության դեմ պայքարը: Read more
03 December 2012
ԱՄՆ-ում կարող են փոխել մեկ դոլարանոցները
- Article Details
- Published on Monday, 03 December 2012 22:16
- Written by
ԱՄՆ Կոնգրեսը դիտարկում է մեկ դոլարանոց թղթադրամները մետաղադրամներով փոխարինելու հնարավորությունը։ Associated Press-ի փոխանցմամբ, աուդիտորները կարծում են, որ դա ԱՄՆ իշխանություններին հնարավորություն կտա 30 տարվա ընթացքում խնայել 4.4 միլիարդ դոլար: Վերջին հինգ տարիների ընթացքում ԱՄՆ-ի դրամային պալատը թողարկել է 2.4 միլիարդ դոլար արժողությամբ 1 դոլարանոց մետաղադրամներ: Սակայն այդ մետաղադրամների մեծ մասը պահվում է ԱՄՆ ֆինանսների նախարարությունում, իսկ դրանց արտադրությունը դադարեցվել է մեկ տարի առաջ: Ենթադրվում է, որ այժմ մետաղադրամներ արտադրելիս կկիրառվեն ավելի էժան մետաղներ, ինչպես օրինակ՝ պողպատ, ալյումին, ցինկ: Բացի այդ, ԱՄՆ իշխանությունները դիտարկում են ամբողջությամբ մետաղադրամներին անցնելու հնարավորությունը: Սակայն դա եւս պահանջում է մեծ ծախսեր, քանի որ անհրաժեշտ է ձեռ բերել նոր սարքավորումներ: Թղթադրամն անհրաժեշտ է փոխել ամեն 4-5 տարին մեկ, իսկ մետաղադրամը շրջանառության մեջ կարող է գտնվել առնվազն 30 տարի: Read more
03 December 2012
Քննարկում են ֆինանսական փակուղին
- Article Details
- Published on Monday, 03 December 2012 22:11
- Written by
ԱՄՆ-ի նախագահ Բարաք Օբամայի բանագնացները հանդիպում են անցկացրել ԱՄՆ-ի Կոնգրեսի առաջնորդների հետ, որոնք նվիրված են եղել կառավարական ֆինանսական մեծածավալ խնդիրների լուծման համար սահմանված վերջնաժամկետին, սակայն բանակցությունները դեռեւս հնարավոր չի եղել դուրս բերել փակուղուց: ԱՄՆ-ի ֆինանսների նախարար Թիմոտի Գայթները զրույց է ունեցել Ներկայացուցիչների պալատի խոսնակ, հանրապետական մեծամասնության առաջնորդ Ջոն Բեյների հետ, որի ընթացքում քննարկվել է 2013 թվականի հունվարի 1-ին 600 միլիարդ դոլար ծավալով պետական ծախսերի կրճատման եւ հարկադրույքների ավելացմանն ուղղված միջոցառումների՝ ֆինանսական ժայռի վրա հասնելու հնարավորությունը: Բեյները որեւէ առաջընթաց գրանցելու մասին չի հայտնել՝ ասելով, որ Սպիտակ տան եւ Ներկայացուցիչների պալատի միջեւ վերջին երկու շաբաթվա ընթացքում անցկացված բանակցությունները շոշափելի որեւէ արդյունքի չեն բերել: Read more
03 December 2012
Պենտագոնը մտադիր է ստեղծել իր սեփական հետախուզական ծառայությունը
- Article Details
- Published on Monday, 03 December 2012 21:51
- Written by
Պենտագոնը սկսել է բարեփոխումներ իրականացնել ԱՄՆ ռազմական հետախուզությունում, այդ թվում՝ դիտարկելով արտերկրում աշխատակիցների թվի ընդլայնման հարցը: Աաջիկա 5 տարիներին պաշտպանության նախարարության հետախուզական վարչության օպերատիվ աշխատակիցների թիվը, որոնք կաշխատեն այլ երկրներում, ծրագրվում է հասցնել 1600-ի: Այժմ նրանք թիվը 500 է: Համաձայն հաստատված պլանների՝ 2018-ին նրանց թիվը կհասցվի 800-ից 1000-ի: Բացի այդ, Պենտագոնը պատրաստվում է ապահովել արտերկրի աշխատակիցների սերտ համագործակցությունը CIA-ի և ԱՄՆ զինուժի հատուկ օպերացիաների հրամանատարության հետ: Աշխատակիցները առաջիկա 5 տարիներին կզբաղվեն Աֆրիկայում զինված իսլամիստական խմբավորումներին հետևելով, Իրանի և Հյուսիսային Կորեայի կողմից այլ պետություններին զենքի մատակարարումների և Չինաստանի զինված ուժերի արդիականացման ուսումնասիրմամբ: Read more
01 December 2012
Զինվորականները փորձարկել են մարտական թռչող ռոբոտ
- Article Details
- Published on Saturday, 01 December 2012 02:08
- Written by
ԱՄՆ-ի զինվորականները նոր ռազմական տեխնիկայի մշակման ոլորտում հպարտացել են իրենց հաջողությամբ. Նորֆոլկում սկսվում են X-47B անձայն անօդաչու թռչող օդանավի փորձարկումները, որն առաջին անգամ է թռչել տախտակամածից: Անտեսանելի ինքնաթիռին արդեն հաջողվել էր հեռահար կերպով օդ բարձրանալ գոլորշու կատապուլտի միջոցով: Այդ թռիչքն ամերիկացի զինվորականներն անվանում են ծովային ավիացիայի նոր դարաշրջանի սկիզբ: Ռմբակոծիչ ռոբոտի գործարկումը երկրից ապացուցում է, որ X-47B-ն ի վիճակի է թռչել անգամ ավիակիրների համար խիստ կլիմայական պայմաններում: -Մենք աշխատում ենք ապագա անօդաչու թռչող սարքերի՝ տախտակամածային ավիակիրների համատեղելիության վրա: Դա այն է, ինչի մասին մենք գլխի չենք ընկել 60 տարի առաջ, երբ այստեղ կառուցվելց գոլորշու կատապուլտը,- պատմել է Մերիլընդ նահանգում ծառայող փոխծովակալ Դեյվիդ Դանաուեյը: Սկսած նոյեմբերի 26-ից, երբ անտեսանելի ինքնաթիռը հասցրին ավիակրին, զինվորականները պատրաստվում են դրա առաջին գործարկմանը: Զորավարժանքները ավիակրում կշարունակվեն 3 շաբաթ: Օդանավի մանեւրները ինժեներներն ու նավաստիները կկարողանան կատարել հեռակառավարվող վահանակի օգնությամբ: Read more
Գործադուլ Լոս Անջելեսի նավահանգստում
- Article Details
- Published on Saturday, 01 December 2012 02:05
- Written by
Այսօր աշխատակիցների գործադուլը կաթվածահար է արել Լոս Անջելեսի նավահանգստի տերմինալներից մեկի աշխատանքը: Այդ մասին հայտնել է նավահանգստի տնօրեն Ջերալդին Կացը: Այդ պատճառով Լոս Անջելես բեռնարկղեր տեղափոխող նավերը ստիպված են եղել ուղեւորվել Կալիֆոռնիայի այլ նավահանգիստներ: United Press International-ի փոխանցմամբ, ԱՄՆ մանրածախ առեւտրի ազգային դաշնային ծառայությունը իշխանություններին կոչ է արել միջոցառումներ ձեռնարկել նավահանգստի աշխատակիցների ու նրանց գործատուների միջեւ կոնֆլիկտը հարթելու համար: Լոս Անջելեսի նավահանգիստը աշխարհի 7-րդ խոշորագույն ծովային նավահանգիստն է: Read more
Դոմինիկ Ստրոս-Կանը հաշտվել է սպասուհու հետ
- Article Details
- Published on Saturday, 01 December 2012 02:01
- Written by
Արժույթի միջազգային հիմնադրամի նախկին ղեկավար Դոմինիկ Ստրոս-Կանը եւ սպասուհի Նաֆիսատու Դիալլոն համաձայնության են եկել փոխադարձ հավակնությունների կարգավորման հարցով: Համաձայնագրի մանրամասները, մասնավորապես՝ Ստրոս-Կանի կողմից սպասուհուն հնարավոր վճարումներին վերաբերող, ներկայումս անհայտ են, թեպետ ֆրանսիական լրատվամիջոցները նշում են 6 միլիոն դոլարի մասին: Դրանից 3 միլիոնը նա պետք է պարտք վերցնի կնոջից, եւս երեքը` բանկից, քանի որ անձնական միջոցներ չունի: Նյու Յորքի Sofitel հյուրանոցի սպասուհին Ստրոս-Կանին մեղադրում էր սեռական բնույթի հանցագործության մեջ: Դեպքը տեղի էր ունեցել 2011-ի մայիսի կեսերին: Ստրոս-Կանին Նյու Յորքի օդանավակայանում ձերբակալել էին, որից հետո նրա դեմ քրեական հետապնդում էր սկսվել:Մի քանի ամիս անց գործը փակվել էր՝ սպասուհու խոսքերի արդարացիության վերաբերյալ դատախազության կասկածանքների պատճառով: Դրամական փոխահատուցման պահանջով հայցը քաղաքացիական դատարան Դիալլոյի փաստաբանները ներկայացրին քրեական գործի փակումից հետո: Լսումները սկսվել են 2012-ի մարտի վերջից: Ստրոս Կանն իր հերթին 1 միլիոն դոլարի հակընդդեմ հայց ներկայացրեց՝ հայտարարելով, որ սպասուհու գործողությունները խորտակել են իր քաղաքական կարիերան: Նա հավակնում էր Ֆրանսիայի նախագահի պաշտոնին: Սկանդալից հետո նա լքեց նաեւ ԱՄՀ-ի ղեկավարի պաշտոնը: Read more
Հոնդուրասում շուրջ 15 տոննա թմրանյութ է հայտնաբերվել
- Article Details
- Published on Saturday, 01 December 2012 01:55
- Written by
Հոնդուրասում շուրջ 15 տոննա թմրանյութ է հայտնաբերվել ընդհատակյա լաբորատորիայում, որը գործում էր Յորոյի հյուսիսային դեպարտամենտի տարածքում: Այդ խմբաքանակը ռեկորդային է եղել այն բոլոր խմբաքանակների համեմատ, որոնք երկրում բռնագրավվել են նրա ողջ պատմության ընթացքում: Հոնդուրասի ուժային կառույցների իրականացրած գործողության արդյունքում մասնավոր կալվածքներից մեկի տարածքում հայտնաբերվել է 344 հակ՝ յուրաքանչյուրը 45 կիլոգրամ քաշով, որոնց մեջ եղել է կոկաին, ինչպես նաեւ սինթետիկ թմրադեղեր: Լաբորատորայում գտնվել են քիմիական պատրաստուկներ, որոնք օգտագործվում են թմրեցնող թունախառնուրդի արտադրության համար: Ոստիկանությանը չի հաջողվել կալանավորել ընդհատակյա արտադրությամբ զբաղվող հանցագործներին: Հոնդուրասի կարիբյան ափը եւ երկրի հյուսիսային շրջանները մաքսանենգները հաճախ են օգտագործում Հարավային Ամերիկայից ԱՄՆ թմրանյութերի տեղափոխման համար: Անցյալ տարի Կենտրոնական Ամերիկայի այս հանրապետությունում առգրավվել է ավելի քան 22 տոննա կոկաին: Read more
Ֆրանսիական դատարանն արդարացրել է հայերին
- Article Details
- Published on Saturday, 01 December 2012 01:43
- Written by
Ֆրանսիական Նանտեր քաղաքի դատարանն արդարացրել է երկու ֆրանսահայերին, որոնց թուրքական կազմակերպությունը մեղադրում էր իրենց սպառնալու մեջ: 2012թ. Ֆրանսիայի խորհրդարանում Հայոց ցեղասպանության ժխտումը քրեականացնող օրինագծի քվերակության ժամանակ թուրքական երեք խոշոր ֆեդերացիաներ համատեղ ոչ պաշտոնական մարմին էին ստեղծել`Ֆրանսիայի ֆրանս-թուրքական ասոցիացիաների համակարգող կոմիտե, որը բողոքի ակցիաներ էր կազմակերպում ընդդեմ օրինագծի ընդունման: Կոմիտեի միակ կին անդամ, փաստաբան էմինե Չեթին Բոզկուրտը հայտարարել էր, թե հայերն իրեն հեռախոսային հետապնդումների եւ մահվան սպառնալիքների են ենթարկում: Ֆրանսիայի ոստիկանությունը սկզբում ձերբակալել, իսկ հետո բաց էր թողել հայազգի 40 եւ 45 տարեկան կասկածյալներին: Նախօրեին Նանտերի դատարանը արդարացրել է մեղադրյալներին, որոնց համար դատախազը երեք ամսվա ազատազրկում եւ 500 եվրոյի չափով տուգանք էր պահանջել: Read more
Powerd by Bloogie