Ջան Մաքըֆին խաբել էր իրավապահներին

Article Details

Published on Wednesday, 05 December 2012 00:32

Written by

McAfee հակավիրուսի ստեղծող Ջոն Մաքըֆին, որին իբրեւ թե ձերբակալել էին Մՙեքսիկայի եւ Բելիզի սահմանին՝ սպանության կասկածանքով, հայտարարել է, որ կարողացել է թաքնվել իրավապահ մարմիններից, իսկ ոստիկանության ձեռքում հայտնվել է իր անուն- անձնագրով մեկ ուրիշը: Բելիզի ոստիկանության փոխանցմամբ, Մաքըֆին նոյեմբերի կեսերին հակամարտության պատճառով կրակել է ամերիկացի շինարար Գրեգըրի Վիանտ Ֆոլի վրա, որը բնակվել է նրա հարեւանությամբ: Ավելի վաղ տեղեկություններ էին տարածվել Կենտրոնական Ամերիկայում թմրանյութերի ապօրինի առեւտրում Մաքըֆիի ներգրավվածության մասին: Վերջին մի քանի շաբաթներին նա թաքնվել է իշխանություններից: -Իմ անունով հյուսիսկորեական անձնագրով նմանակս իսկապես ձերբակալվել է Մեքսիկայում, սակայն ազատ է արձակվել,- իր բլոգում գրել է Մաքըֆին: Մաքըֆին հաստատում է, որ Բելիզից թաքնվել է, սակայն մտադիր է ավելի ուշ վերադառնալ այդ երկիր: Մաքըֆիի փաստաբանը հայտնել է, որ իր պաշտպանը հատել է Գվատեմալայի սահմանն այս հանգստյան օրերին: Ամենայն հավանականությամբ նա ապաստան է խնդրել։  Read more

Օբաման նախազգուշացրել է Սիրիայի նախագահին

Article Details

Published on Wednesday, 05 December 2012 00:00

Written by

 ԱՄՆ-ի նախագահ Բարաք Օբաման հանդես է եկել հայտարարությամբ` Սիրիային զգուշացնելով զերծ մնալ ժողովրդի դեմ քիմիական զենք օգտագործելուց: Նա նաեւ ավելացրել է, որ նախագահ Բաշար ալ Ասադի կողմից նման քայլ կատարելու դեպքում այն անհետեւանք չի մնա: Այս մասին Օբաման հայտարարել է Վաշինգտընում փորձագետների հետ հանդիպման ժամանակ` ավելացնելով, որ քիմիական զենք օգտագործելն անընդունելի է, նման քայլ կատարողները պատասխանատվության կենթարկվեն: -Ասադին եւ նրա հրամանատարությանը այսօր ցանկանում եմ նախազգուշացնել՝ աշխարհի աչքերը ձեր վրա են սեւեռված։ Քիմիական զենքի կիրառումն անընդունելի է,– ասել է նա եւ հավելել. -Եթե այդպիսի զենք կիրառելու նման ողբերգական սխալ թուլ տաք, դրա համար պատասխան կտաք։ Մենք թույլ չենք տա, որ 20-րդ դարում ստեղծված ամենաանխոհեմ զենքով մթագնեք 21-րդ դարը: Բարաք Օբաման նշել է, որ իրենք շարունակելու են մարդասիրական օգնություն ցուցաբերել Սիրիայի ժողովրդին, շարունակելու են բանակցությունները ընդդիմության հետ՝ ժողովրդի արդար պահանջների կատարման հարցում։ Օբաման, սակայն, չի մանրամասնել, թե ինչ հետեւանքների կամ պատժի մասին է խոսքը: Նա միայն նշել է, որ ամբողջ աշխարհը հետեւում է սիրիական ղեկավարության գործողություններին: Ավելի վաղ նման զգուշացում հնչել էր ԱՄՆ-ի պետքարտուղար Հիլըրի Քլինթընի կողմից: Ի պատասխան դրա` Սիրիայի արտաքին գործերի նախարարությունը հայտարարել էր, որ Սիրիան ցանկացած պարագայում իր ժողովրդի դեմ քիմիական զենք չի օգտագործի: Սիրիայում 20 ամիս շարունակվող բախումների հետեւանքով զոհվել է մոտավորապես 40 հազար մարդ: Read more

Աֆղանական զորակազմը նոր հրամանատար ունի

Article Details

Published on Tuesday, 04 December 2012 23:51

Written by

ԱՄՆ-ի Կոնգրեսի Սենատը հաստատել է գեներալ Ջոզեֆ Դանֆըրդին Աֆղանստանում Միջազգային ուժերի անվտանգության համագործակցության հրամանատարի պաշտոնում: Նրա թեկնածությունն առաջադրվել է նախագահ Բարաք Օբամայի կողմից եւ հաստատվել է օրենսդիրների կողմից հեշտացված գործընթացով, առանց քվեարկության:  Դանֆըրդը, ով մինչ այժմ ԱՄՆ-ի ծովային հետեւակայինների կորպուսի հրամանատարի օգնական էր, այժմ կփոխարինի գեներալ Ջան Ալլընին: Ալլենի թեկնածության քննարկումները սենատում դադարեցվել են, քանի որ նա խառնված է եղել ԿՀՎ-ի գերենալ Դեյվիդ Պետրեըսի անվան շուրջ սկանդալին, ով հրաժարական է տվել արտամուսնական կապի պատճառով: Դանֆըրդը գլխավորելու է Միջազգային ուժերի անվտանգության համագործակցությունը, երբ որոշվում է Աֆղանստանից ՆԱՏՕ-ի զորքերը դուրս բերելու արագության հարցը:  Read more

Քլինթոնին առաջարկել են դառնալ Նյու Յորքի քաղաքապետ

Article Details

Published on Tuesday, 04 December 2012 22:42

Written by

Նյու Յորքի քաղաքապետ Մայքլ Բլումբըրգը ԱՄՆ-ի պետքարտուղար Հիլըրի Քլինթընին համոզում է մասնակցել քաղաքի ղեկավարի ընտրություններին: The New York Times թերթը, վկայակոչելով երեք աղբյուրի, նշում է, թե Բլումբըրգը պետքարտուղարին նման առաջարկ է արել գաղտնի հեռախոսազանգի միջոցով: Թերթը նշում է, որ Նյու Յորքի ներկայի քաղաքապետը, հավանաբար, գոհ չէ եղած թեկնածուներից: Հիլըրի Քլինթընը, սակայն, հրաժարվել է առաջադրվելու մտքից: Հիլըրի Քլինթընը հայտարարել է, որ հեռանալու է ԱՄՆ-ի արտաքին գերատեսչության ղեկավարի պաշտոնից Բարաք Օբամայի նախագահության առաջին ժամկետը լրանալուց հետո: Մինչ պետքարտուղարի պաշտոնը զբաղեցնելը նա ԱՄՆ Սենատում ներկայացրել է Նյու Յորքի նահանգը:  Read more

Իլյուզիոնիստին այրել են ուղիղ եթերում

Article Details

Published on Tuesday, 04 December 2012 19:01

Written by

Հայտնի իլյուզիոնիստ Ուեյն Հաուչինը հոսպիտալացվել է այն բանից հետո, երբ Դոմինիկյան Հանրապետության ազգային հեռուստատեսության հաղորդավարը վառել է նրան դյուրավառ հեղուկի օգնությամբ: Հարձակման դրդապատճառները հայտնի չեն: Դեմքի, գլխի եւ ձեռքերի այրվածք ստացած մոգը պատրաստվում է հայց ներկայացնել հաղորդավարի դեմ: Պատահարը տեղի է ունեցել նոյեմբերի 26-ին Աստղերին մոտ շոուի նկարահանումների ժամանակ: Զրույցի ընթացքում հաղորդավար Ֆրենկլին Բարազարտեն, անսպասելիորեն ձեռքի կտրուկ շարժում անելով, բռնել է մոգի գլուխը, որից հետո այն սկսել է այրվել: Հաղորդումից առաջ հաղորդավարը նշել է, որ ցանկանում է օրհնել մոգին: Տեսախցիկների առջեւ հայտնվելուց առաջ նա մեկ այլ իլյուզիոնիստի խնդրել է իրեն տալ դյուրավառվող օծանելիքով շիշը: Այնուհետ Բարազարտեն ոչինչ չկասկածող Հաուչինի կնոջը խնդրել է օծանելիքը ցանել իր ձեռքերի մեջ, իսկ իլյուզիոնիստ օգնականը պետք է օգներ վառել բաղադրությունը: Օգնականները կարծել են, թե հաղորդավարը որոշել է ինչ-որ հնարք ցուցադրել: Բայց նա անսպասելիորեն հարձակվել է Հաուչինի վրա եւ սկսել նրա դեմքին քսել այրվող լուծույթը: Պատահարի պատճառով հաղորդումը չի հեռարձակվել, սակայն մոգի օգնականներից մեկը iPhone-ով նկարել է այրվելու դրվագը:   Read more

Բրիտանական արքայադուստրը հղի է

Article Details

Published on Tuesday, 04 December 2012 18:58

Written by

Քեմբրիջի դքսուհի Քեյթ Միդլթընը հարկադրված է որոշ ժամանակ անցկացնել Լոնդընի հիվանդանոցներից մեկում թունավոր հղիության խիստ արտահայտված ախտանշանների պատճառով: Դքսուհին, ենթադրաբար, ստանում է կաթիլային ներարկում: Ստացիոնարում բուժման եւ ինֆուզիոն բուժում կիրառելու անհրաժեշտությունը պայմանավորված է հղիների փսխման ծանր ձեւով, որը հանգեցնում է օրգանիզմի ջրազրկման եւ քաշի կտրուկ կորստի: -Քանի որ դքսուհին հղիության վաղ ժամկետում է, նորին արքայական մեծությունն, ինչպես սպասվում է, մի քանի օր կանցկացնի հիվանդանոցում, ինչից հետո նա լրացուցիչ հանգստի կարիք կունենա,- ասված է բրիտանական արքունիքի հայտարարության մեջ: Այն մասին, որ Քեյթ Միդլթընը եւ նրա ամուսինը՝ արքայազն Ուիլյըմը, Մեծ Բրիտանիայի գահի ժառանգորդի են սպասում, հայտնի է դարձել դեկտեմբերի 3-ին: Բժիշկները նշել են, թե դեռ վաղ է ասել, սակայն չի բացառվում, որ Քեյթը երկվորյակ ունենա:   Read more

Հային դատում են Իրանի հետ ապօրինի առեւտրի մեղադրանքով

Article Details

Published on Tuesday, 04 December 2012 18:54

Written by

Հարավային Քերոլայնա նահանգի Չարլսթըն քաղաքի դաշնային դատարանում հայ քաղաքացու նկատմամբ դատական գործընթաց է սկսվել, որին ի թիվս այլոց, մեղադրում են Իրանի հետ առեւտրի էմբարգոն խախտելու համար: Delfin Group USA-ը սինթետիկ յուղ արտադրող ընկերության նախկին նախագահ Մարկոս Բաղդասարյանը մեղադրվում է նրանում, որ իր ընկերության արտադրանքը արտահանել է Իրան մասնավորապես Pars oil ընկերություն։ նավթային ընկերությունը պատկանում է Իրանի կառավարությանը։ Դատավարության առաջին օրը Չարլսթընում դատախազները Բաղդասարյանին բնութագրել են որպես խորամանկ եւ հնարամիտ գործարար, ով շատ բաների է գնացել, որպեսզի իր արտադրանքը վաճառի ԱՄՆ-ի բիզնեսի համար փակ երկրում: Իսկ ահա Բաղդասարյանի դատապաշտպանը նրան համարել է մի մարդ, ով իր գործերը վարում է բոլոր կանոնների համաձայն եւ ով բարեխղճության մարմնացում է: Հայ գործարարին սպառնում է 25 տարվա ազատազրկում եւ 1,2 մլն դոլար տուգանք: Բաղդասարյանը մեղադրվում է երեք հոդվածներով՝ հանցավոր համաձայնություն՝ Իրանի հետ առեւտրի էմբարգոն խախտելու նպատակով, ապրանքների ապօրինի արտահանում իրան եւ դաշնային փաստաթղթերում կեղծ տեղեկությունների հաղորդում:  Read more

Ամուսինը սպանել է կնոջը

Article Details

Published on Tuesday, 04 December 2012 18:52

Written by

Դեկտեմբերի 4-ին, գիշերը ժամը 4.50-ին, ոստիկանության Արարատի բաժնում ահազանգ է ստացվել, որ Արարատ քաղաքի Աղբյուր Սերոբի փողոցի 15 շենքի բնակարաններից մեկում 51-ամյա Վոլոդյա Մուրադյանը դանակահարել է կնոջը՝ 35-ամյա Դիանա Նահապետյանին: Ոստիկանները պարզել են, որ Մուրադյանը վիճաբանության ժամանակ, խոհանոցային դանակով եւ ծաղկամանով հարվածներ է հասցրել կնոջը, սպանել նրան, այնուհետեւ դիմել փախուստի: Նույն օրն առավոտյան, ժամը 07.00-ի սահմաններում, Վոլոդյա Մուրադյանն ինքնակամ ներկայացել է ոստիկանության Շենգավիթի բաժին եւ խոստովանել կատարածը: Ի դեպ, հարեւանները պատմել են, որ Վոլոդյա Մուրադյանը պարսկահայ է եւ երկար տարիներ բնակվել է Միացյալ Նահանգներում, իսկ վերադառնալով Հայաստան` Դիանա Նահապետյանի հետ բնակվել է փաստացի:   Read more

ՀԱԿ-ում հակասությունները գնալով խորանում են

Article Details

Published on Tuesday, 04 December 2012 18:49

Written by

Հայ ազգային կոնգրեսը ընդհանուր հայտարարի է եկել իշխող հանրապետական կուսակցության հետ` մարտի 1-ի դեպքերն ուսումնասիրող հանձնաժողովի նախագծի շուրջ: Մասնավորապես, իշխանությունները համաձայնվել են օրինագիծը ներառել օրակարգում, սակայն քվեարկությունը մինչեւ մեկ տարի հետաձգելու պայմանով: Ինչպես պարզաբանել է պատգամավոր, նախկին զինդատախազ Գագիկ Ջհանգիրյանը, իրենք օրինագիծը կներկայացնեն նախագահկան ընտրություններից հետո: Շատ վերլուծաբաններ անլուրջ են համարում այս մոտեցումը` նշելով, որ նախագահական ընտրություններից հետո առավել եւս իշխանությունները չեն գնա հանձնաժողովի ստեղծման, եւ սա ընդամենը ինչ-ինչ շահերի շուրջ գործարք էր հանրապետականների եւ ընդդիմադիր համարվող կոնգրեսի միջեւ: Ի դեպ, այսօր միջադեպ է տեղի ունեցել Լեւոն Զուրաբյանի եւ Հայկական ժամանակ օրաթերթի լրագրողի միջեւ: Երբ վերջինս Զուրաբյանին հարցրել է` արդյոք Գագիկ Ծառուկյանը պատասխանատու չէ մարտի 1-ի համար, վերջինս զայրացել եւ ասել է, թե բոլոր փաստերը դեռ պարզված չեն:   Read more

Օբաման Շոլցին կոչ է արել մնալ պաշտոնում

Article Details

Published on Tuesday, 04 December 2012 18:46

Written by

ԱՄՆ նախագահ Բարաք Օբաման Դեմոկրատական կուսակցության ազգային կոմիտեի ղեկավարի Դեբի Վաշըրմըն Շոլցին կոչ է արել մնալ իր պաշտոնում: Ինչպես հայտնում է Reuters-ը, նման քայլը կոչված է արտահայտելու նախագահի երախտագիտությունը Շոլցին՝ ընտրարշավի ժամանակ ներդրած ջանքերի համար: Հիշեցնենք, որ ընտրություններում դեմոկրատներին հաջողվել է մեծացնել վերահսկողությունը Սենատի նկատմամբ, ընդլայնել ներկայացուցչությունը Ներկայացուցիչների պալատում եւ հաղթել նախագահի ընտրություններում: Դեմոկրատական կուսակցության ազգային կոմիտեի հանդիպումը տեղի կունենա 2013 թվականի հունվար 22-ին, Վաշինգտոնում: Փորձագետները կարծում են, որ կուսակիցները աջակցություն կհայտնեն Օբամայի խնդրանքին՝ թողնելու Շոլցին կուսակցության ղեկավարի պաշտոնում եւս 4 տարի:

Շոլցի հայրենի նահանգը Ֆլորիդան է: Նախագահական ընտրություններում Ֆլորիդան տատանվող նահանգ էր, սակայն արդյունքում հաղթանակը բաժին հասավ Օբամային: Read more