Թեքսըս նահանգի բնակչուհին նախկին ընկերոջը 3 ամիս հետապնդելուց հետո վրաերթի է ենթարկել նրա մորը եւ թաքնվել դեպքի վայրից: Դեպքը տեղի է ունեցել Ասթըն քաղաքում: Տուժածը, ում անունը Լորի է, տանից դուրս է եկել, հանդիպել իր որդու նախկին ընկերուհուն՝ 22-ամյա էլիզաբեթ Մաքքլեյնին: Մաքքլեյնին նկատելով` Լորին մոտեցել է նրա մեքենայի պետհամարանիշը նայելու՝ այդ մասին ոստիկաններին հայտնելու համար: Այդ պահին աղջիկը` լայն ժպիտը դեմքին, հետադարձ ուղղությամբ վրաերթի է ենթարկել կնոջը: Կնոջը վրաերթի ենթարկելուց հետո էլիզըբեթը նախկին ընկերոջը ժպիտով հաղորդագրություն է ուղարկել` Ինչպե՞ս է կյանքը բովանդակությամբ: Կինը չի մահացել, սակայն լուրջ վնասվածքներ է ստացել: Read more
Ոստիկանության աշխատակիցները Ֆլորիդայում 55 միլիոն դոլար արժողությամբ կոկաինի խմբաքանակ են հայտնաբերել: Առափնյա պաշտպանության ծառայության աշխատակիցները Կընավերալ հրվանդանի մոտ նավ են գտել, որում 5 հազար փաունդ քաշով կոկաին է եղել: Ծառայության ներկայացուցչի խոսքով, նավը խութի էր հանդիպել եւ մնացել անշարժ վիճակում: Մաքսանենգներին հաջողվել է հեռանալ մոտորանավակով, իսկ թմրանյութը առրգավվել է: Թամփայի ոստիկանության եւ աեափնյա պաշտպանության ուղղաիթնռր են կանչվել թմրանյութն ափ տեղափոխելու համար: Հայտնի է, որ նավը Ֆլորիդա էր ժամանել Պուերտո-Ռիկոյից: Read more
Գլենդորայում չորս դեռահասներ փրկվել են այսօր գիշերը, երբ նրանց մեքենան 200 ոտնաչափ բարձրությունից ընկել է ձորակը: Nissan Sentra մակնիշի մեքենան անցել է Glendora Mountain Road-ով մի քանի մղոն եւ գիշերը ժամը 00:30-ի սահմաններում գլորվել է ձորը: Մեքենայում գտնվողներից մեկին հաջողվել է դուրս գալ եւ օգնություն կանչել: Լոս Անջելեսի շրջանի հրշեջ ծառայության փոխանցմամբ, տուժածը եղել են 17-ից 19 տարեկան: Նրանք չորսն էլ լուրջ վնասվածքներ են ստացել եւ տեղափոխվել Antelope Valley Hospital, որտեցի երկուսին ավելի ուշ տարել են Foothill Community Hospital: Բժիշկների գնահատմամբ, չորսի վիճակն էլ կայուն ծանր է, սակայն նրանց կյանքին ոչինչ չի սպառնում: Առայժմ հայտնի չէ, թե որն է աղետի պատճառը, ոստիկանությունը հետաքննություն է սկսել: Read more
Վաշինգտըն նահանգում դեկտեմբերի 6-ից օրինականացվում է մարիխուանան՝ միայն սպառողների անձնական օգտագործման համար։ Համապատասխան օրենքն ընդունվել էր նոյեմբերին։ Մինչդեռ, հանրային վայրերում մարիխուանա ծխելը նահանգում նախկինի պես մնում է օրենքից դուրս: Բացի այդ՝ դեռ մեկ տարի մարիխուանան հնարավոր չի լինելու ձեռք բերել օրինական ճանապարհով, իսկ դրանից հետո կվաճառվեն մասնագիտացված խանութներում` առանց բժշկի բաղադրատոմսի: Համաձայն տնտեսագետների կանխատեսումների՝ թեթեւ թմրանյութի վաճառքից ստացվող հարկերը Վաշինգտոնին տարեկան մի քանի հարյուր միլիոն դոլար կապահովեն։ Միաժամանակ՝ դաշնային կառավարությունն ունի մարիխուանայի ազատ վաճառքը Վաշինգտոնի տարածքում արգելափակելու հնարավորություն։ Դեկտեմբերի 6-ին Վաշինգտոնում նաեւ ուժի մեջ է մտնում միասեռ ամուսնությունների օրինականացման մասին օրենքը։ Միասեռ ամուսնությունների օրինականացման մասին օրենքն անցյալ տարի ընդունվել էր նահանգի Օրենսդիր ժողովի կողմից, այնուհետեւ հարցը դրվել էր համընդհանուր հանրաքվեի: Միասեռ ամուսնություններն ընդունվում են Նյու Յորք, Կանեկտիկըտ, Այովա, Մասաչուսեթս, Նյու Հեմփշիր, Վերմանտ նահանգներում եւ Կոլումբիայի շրջանում: Read more
Ոստիկանությունը հետաքննություն է սկսել իրավապահների կողմից կասկածյալին գնդակահարելու փաստով: Միջադեպը տեղի է ունեցել 1800 Whitley Avenue հասցեում, Հալիվուդ-բուլվարի եւ Ֆրենկլին-ավենյուի մերձակայքում, այսօր առավոտյան, ժամը 7:30-ի սահմաններում: Ոստիկաններն ահազանգ են ստացել, որ տան առաջին հարկում դանակով զինված անձ կա: Ոստիկանները ժամանել են դեպքի վայր եւ կրակոցներ են հնչել: Հարեւանները պատմել են 4 կամ 5 կրակոցի մասին: Կասկածյալը վիրավորվել է: Դեպքի վայր նաեւ փրկարարներն են ժամանել, սակայն հիվանդանոց ոչ ոքի չեն տեղափոխել, առայժմ հայտնի չեն դեպքի մանրամասները, բացի այն, որ ոստիկաններից որեւէ մեկը չի տուժել: Read more
Սանտա-Անայի ոստիկանությունը որոնում է վարորդին, ով իր մեքենայով վրաերթի է ենթարկել 7-ամյա աղջնակին եւ փապուստի դիմել դեպքի վայրից: Միջադեպը տեղի է ունեցել Բըրչ փողոցում, նախօրեին երեկոյան: Աղջիկը, ում անունը Էվելին Սանչես է, վազել է փողոցում, երբ մեքենան հարվածել է նրան: Մուգ Toyota 4Runner մակնիշի մեքենան հարվածել եւ մոտ 30 ոտնաչափ տարել է երեխային, ապա փախել է վթարի վայրից: Երեխային տեղափոխել են հիվանդանոց, բժիշկների գնահատմամբ նա լուրջ կոտրվածքներ է ստացել, սակայն այժմ գտնվում է կայուն վիճակում: Ոստիկանությունը դիմել է թաղամասի բնակչությանը` տեղեկություններ ունենալու դեպքում անպայման ոստիկանություն զանգելու խնդրանքով: Read more
ԱՄՆ նախկին նախագահներն ու նրանց կանայք պետք է օգտվեն Գաղտնի ծառայության կողմից ցմահ պաշտպանության իրավունքից: Այս մասին օրինագիծը չորեքշաբթի արժանացել է ԱՄՆ Կոնգրեսի Ներկայացուցիչների պալատի աջակցությանը:
Նման օրենք արդեն գոյություն ունեցել է ԱՄՆ-ում, սակայն այնուհետեւ որոշում է ընդունվել հրաժարվել դրանից: 1997թ. հունվարի մեկից հետո ընտրված պետության ղեկավարների վրա այն արդեն չի տարածվել, իսկ պաշտոնից հեռացած նախագահներն ապահովվել են 10 տարվա անվտանգությամբ: Արդյունքում առաջ է եկել անոմալ իրավիճակ, երբ Բարբրա Բուշին պահպանում են ցմահ, իսկ նրա որդու՝ Ջորջ Բուշ կրտսերի վրա դա արդեն չի տարածվում: -Մենք չպետք է սպասենք, թե երբ ողբերգություն տեղի կունենա՝ կասեցնելու գործող սահմանափակումները,- ասել է համահեղինակ դեմոկրատ Ռաբըրտ Սքաթը: Նրան աջակցել է հանրապետական Տրեյ Գաուդին, ով ասել է. -Երբ խոսքը երկրի շահերին ծառայած մարդկանց անվտանգությունը ցմահ ապահովելու մասին է, ապա դա մեծ շքեղություն չէ: Read more
ԱՄՆ-ի Կոնգրեսի Ներկայացուցիչների պալատը կողմ է քվեարկել Green Card ամենամյա վիճակախաղի վերացմանը։ Տվյալ միգրացիոն վիզաները կտրամադրեն ԱՄՆ-ի բուհերում բնական, ճշգրիտ եւ տեխնիկական գիտությունների ոլորտներում բակալավրի աստիճան ստացած արտասահմանցի ուսանողներին։ Օրինագիծն ընդունվել է 245 կողմ ձայնով: Green Card-ի վերացման հիմնական պատճառը տվյալ վիզայի աննպատակահարմարությունն է՝ պետության սոցիալական ընդհանուր լարվածության ֆոնին: Միգրանտներն ամերիկյան հինգ նահանգներում լուրջ խնդիրներ են հարուցել: Այդուհանդերձ, փորձագետները կարծում են, որ Սենատը չի ընդունի օրինագիծը, քանի որ դեմոկրատներն ավանդաբար ավելի բարյացկամ են ներգաղթյալների նկատմամբ: Green Card-ը անձի ինքնությունը հաստատող վկայական է կամ այսպես կոչված նույնականացման քարտ, որը հաստատում է ԱՄՆ-ի քաղաքացի չհանդիսացող, սակայն ԱՄՆ-ի տարածքոմ ապրող մարդու կեցություն իրավունքը: Read more
ՆԱՏՕ-ն Բրյուսելում կայացած խորհրդի նիստի արդյունքներով ընդունել է թուրք-սիրիական սահմանին Patriot հրթիռային համալիրներ տեղակայելու Թուրքիայի պահանջը: Հյուսիսատլանտյան դաշինքի գլխավոր քարտուղար Անդերս Ֆոգ Ռասմուսենը հայտարարել է, որ հրթիռները չեն օգտագործվելու ոչ թռիչքային գոտի ստեղծելու կամ հարձակողական գործողություններ իրականացնելու նպատակով: Հրթիռային համալիրը Թուրքիային կտրամադրեն ԱՄՆ-ն, Գերմանիան եւ Նիդեռլանդները: Գերմանիայի արտաքին գործերի նախարար Գիդո Վեստերվելեի խոսքով` Սիրիայի սահմանին հրթիռային համակարգերի տեղակայումը նպատակ ունի պաշտպանել դաշինքի անդամ երկրներին: Ռասմուսենի խոսքով` ՆԱՏՕ-ին անհանգստացնում է, որ Սիրիան կարող է միջուկային զենք կիրառել: Հատկապես վերջին օրերին թե´ թուրքական, թե´ միջազգային մամուլում շրջանառվում է այն լուրը, թե Սիրիան հնարավոր է` քիմիական զենք օգտագործի: Ռասմուսենը հստակեցրել է նաեւ հրթիռային համակարգերի տեղակայման ժամկետը` նշելով, որ առաջիկա շաբաթների ընթացքում այն արդեն իսկ տեղակայված կլինի թուրք-սիրիական սահմանին: Anadolu գործակալությունը, վկայակոչելով Թուրքիայի դիվանագիտական աղբյուրներին, հաղորդում է, որ հրթիռները կտեղակայվեն 3-5 շաբաթվա ընթացքում: Read more
Լոս Անջելեսի ոստիկանական վարչության աշխատակիցները ձերբակալել են չորս կասկածյալների, որոնք Նորթրիջում սպանել էին երկու կնոջ եւ երկու տղամարդու: Նրանց դիակները հայտնաբերվել էր 17400 Devonshire Street հասցեում, կիրակի առավոտյան: Տանտերերը իրենց սենյակները վարձով էին տալիս եւ ոստիկանները կասկածներ ունեին, որ մարդասպանները հենց վարձակալներից են եղել: Լոս Անջելեսի ոստիկանության ղեկավար Չառլի Բեքն այսօր հայտնել է, որ մարդասպանության կասկածանքով ձերբակալվել են Լոս Անջելեսի 31-ամյա բնակիչ Կա Փասասուկը, Գլենդելի 30-ամյա բնակիչ Հավըրդ Ալկանտարան, 30-ամյա Դաննա Ռաբուլանն ու Քրիստինա Նիլը Լոս Անջելեսից: Փասասուքին ձերբակալել են անմիջական սպանության համար, մյուս երեքին` հանցագործին աջակցելու: Ալկանտարային նաեւ գողության մեղադրանք է առաջադրվել: Հանցագործներին ձերբակալելու գործին աջակցել են նաեւ Նեւադայի Լաս Վեգըս եւ Հենդերսըն քաղաքների ոստիկանները: Չորս հանցագործներն էլ գտնվում են Քլարկ շրջանի բանտում եւ առաջիկայում կարտաքսվեն Լոս Անջելես: Read more
Powerd by Bloogie