amga.tv

Switch to desktop Register Login

June 2013

12 June 2013

Մահացու վրաերթ Սան Ֆերնանդո Վյալիում

accid 6Սան Ֆերնանդո Վյալիում պատահական անցորդը մահացել է, եւս մեկը մարմնական վնասվածքներ է ստացել, Բաբ Հոփ օդանավակայանի մոտ տեղի ունեցած վրաերթի հետեւանքով: Այսօր առավոտյան, ժամը 6:09-ի սահմաններում լոս Անջելեսի ոստիկանական վարչությունում ահազանգ է ստացվել, որ 7300 Clybourne Avenue հասցեռում անհայտ մեքենայի վարորդը վրաերթի է ենթարկել երկու անցորդների: 30-ամյա տղամարդու մահն արձանագրել են տեղում, մյուսին տեղափոխել են հիվանդանոց, եւ նրա առողջական վիճակի մասին ոչինչ հայտնի չէ:Ոստիկանները գտել են վարորդին եւ հարցաքննել, սակայն առայժմ հայտնի չէ, թե ինչ ընթացք կունենա քննությունը: Տուժածների եւ վարորդի անունը չի հաղորդվում:   Read more

Տարեց կանանց տեղափոխող լիմուզինն այրվել է

limo 5Տաս տարեց ամերիկուհիներին չի հաջողվել ժամանակին հասնել իրենց ընկերուհու ծննդյան օրվան, քանի որ նրանց տեղափոխող լիմուզինը այրվել է ճանապարհին: Միջադեպը տեղի է ունեցել Քալիֆորնիայի Սըմոնա քաղաքում: Միջադեպի հետեւանքով տարեց կանայք չեն տուժելՈստիկանությունը չի կարծում, թե մեքենայում բռնկված հրդեհը միտումնավոր է եղել: Լիմուզինի սեփականատերը հրդեհի պատճառը տեխնիկական անսարքությունն է համարում: Կանայք (որոնց տարիքը մոտ 90 տարեկան է) իրենց ընկերուհու 96-ամյակին ուղեւորվել են այլ մեքենաներով, դայակների ուղեկցությամբ: Հենց վերջիններս էին զգացել ծխի հոտը, եւ կանանց դուրս էին բերել այրվող մեքենայից: Մեքենան լրջորեն վնասվել էRead more

Նոր կրակոցներ Սանտա Մոնիկայում

santa 4Սանտա Մոնիկայում այսօր կրկին կրակոցներ են հնչել:Մեկ մարդ մահացել է մեկը վիրավորվել, երբ անհայտ անձը կրակ է բացել: Դեպքը տեղի է ունեցել քոլեջից ոչ հեռու, որտեղ օրեր առաջ Ջան Զըուարին հինգ մարդ էր սպանել, ինքն էլ սպանվել ոստիկանների հետ փոխհրաձգության հետեւանքով: Ականատեսների վկայությամբ, այսօր հանցագործը մեքենայով մոտեցել է տուժածներին եւ կրակ բացել: Վիրավորվել են 20-ից 30 տարեկան երկու տղամարդիկ, որոնց տեղափոխել են հիվանդանոց: Նրանց վիճակը ծայրահեղ ծանր է եղել սակայն նրանցից մեկի կյանքը բժիշկները չեն կարողացել փրկել: Նրանք հրազենային վնասվածքներ են ստացել որովայնի եւ ձեռքերի շրջանում: Վկաները հայտնել են, որ տուժածներից մեկը փողոցում իր մեքենան էր նորոգում, երբ տեղի է ունեցել հարձակումը: Ոստիկանությունը պարզել է մեքենայի համարանիշները եւ ակտիվորեն որոնում է չարագործին:   Read more

Ինքնաթիռը վայրէջք է կատարել ահազանգի պատճառով

kerts 4Southwest Airlines ավիաընկերության ինքնաթիռը, որԼոս Անջելեսից մեկնում էր Թեքսըսի Ասթըն քաղաքի օդանավակայան, հարկադիր վայրէջք է կատարել Արիզոնայի Ֆինիքս քաղաքում ռումբի ահազանգի հետեւանքով: Լոս Անջելեսի ոստիկանությունը երեկ, ժամը 3:30-ի սահմաններում Ֆինիքսի իրավապահներին հայտնել է թիվ 2675 չվերթի ինքնաթիռը խուզարկելու անհրաժեշտության մասին: Անհայտ անձը զանգահարել եւ հայտնել է տեղադրված ռումբի մասին: Օդանավը սովորական ռեժիմով վայրէջք է կատարել, սակայն տեղափոխվել է տերմինալներից անվտանգ հեռավորության վրա: Բոլոր 143 ուղեւորներին խնդրել են լքել օդանավը, որ այն ստուգեն մասնագետներըՀյուսիսային Ամերիկայի Օդատիեզերական պաշտպանության հրամանատարության տվյալներով, վայրէջքի վայր օդանավին ուղեկցել են երկու F-16 կործանիչներ: Օդանավը դիմավորել են ոստիկանության եւ Հետաքննությունների դաշնային բյուրոյի բազմաթիվ աշխատակիցներ, ինչպես նաեւ սակրավորներ։ Վայրէջքից հետո ինքնաթիռի բոլոր ուղեւորները տարհանվել եւ հարցաքննվել են։ Դեպքի վայր ժամանած սակրավորները խուզարկել են ինքնաթիռը, եւ կասկածելի ոչինչ չեն հայտնաբերել: Դաշնային իշխանությունները հետաքննություն են սկսել` պարզելու կեղծ ահազանգի հեղինակի ինքնությունըRead more

Կրակոցներ Թեքսասի ռազմակայանում

ZINV 4Ամերիկացի պաշտոնաթող զինվորականը կրակ է բացել Թեքսըս նահանգի Սան Անտոնիոյի Ֆորտ Սեմ Հյուսթըն ռազմակայանում: Կրակոցների հետեւանքով առնվազն մեկ հոգի հրազենային վնասվածք է ստացել: Տուժած կինը հիվանդանոց է տեղափոխվել կայուն վիճակում: Հրաձիգը հանձնվել է եւ ձերբակալվել: Ըստ նախնական տվյալների` կրակողը ցամաքային զորքերի պաշտոնաթող սերժանտ-մայոր Ալվին Րաունդթրին է: Տղամարդը եւ նրա գործողություններից տուժած կինը մի ժամանակ ռոմանտիկ հարաբերություններ են ունեցել, եւ կրակոցը հնչել է հարաբերություններ պարզելու ժամանակ: United Press-ի փոխանցմամբ, նախկին սիրեցյալը ոստիկանությանը կամավոր է հանձնվել: Դաշնային դատախազները նրան ընտանեկան բռնության մեղադրանք են ներկայացրել։ Նրա գործը քննվելու է դաշնային դատարանում իսկ գործը քննելու է FBI-ը քանի որ կրակոցները տեղի են ունեցել ռազմական բազայի ներսում, եթե նրա մեղքը ապացուցվի նրան կաորղ են դատապարտել 20 տարվա ազատազրկման եւ նա 250 հազար դոլար տուգանք կվճարի։   Read more

11 June 2013

Ամերիկացիները դեմ չեն, որ իրենց հետեւեն

beee 5Ամերիկացիների մեծ մասը դեմ չէ, որպեսզի ԱՄՆ հատուկ ծառայությունները տեղեկություն հավաքեն իրենց հեռախոսազրույցների վերաբերյալ, եթե դա կօգնի կանխարգելել ահաբեկչությունը: Ինչպես վկայում են Washington Post թերթի եւ Վաշինգտընում գտնվող Pew Research Center-ի հարցման տվյալները, բնակիչների 62 տոկոսը վստահ է, որ դաշնային կառավարությունը պետք է զբաղվի հնարավոր ահաբեկչական սպառնալիքի հետաքննությամբ, եթե նույնիսկ այն իրենից ենթադրում է միջամտություն այլոց անձնական կյանքին: Հունիսի 9-ին իրականացված հարցմանը մասնակցել է ավելի քան 1000 մարդ:   Read more

11 June 2013

Սնոուդենը փախել է Հոնգկոնգի հյուրանոցից

tokiooo 4ԱՄՆ-ում գաղտնալսման սկանդալային գործի մասին տեղեկություններ հաղորդող էդվըրդ Սնոուդենը փախել է Հոնկոնգի հյուրանոցից: Հյուրանոցում հաստատել են, որ ԱՄՆ-ի քաղաքացին իրենց մոտ է բնակվել, սակայն հունիսի 10-ին նա մեկնել է: Ենթադրվում է, որ Սնոուդենը դեռ չի լքել Հոնկոնգը: ԱՄՆ-ի քաղաքացիների համար վիզան ուժի մեջ է 90 օրվա ընթացքում: Լրագրողները կարծում են, որ Սնոուդընը Հոնկոնգ էր ժամանել մայիսի 20-ին: ԱՄՆ-ի եւ Հոնկոնգի միջեւ արտահանձնման վերաբերյալ պայմանագիր գործում է, սակայն Սնոուդընի դեպքում դրա կիրառումը կարող է արգելափակվել Չինաստանի իշխանությունների կողմից: Սպիտակ տան կայքում Սնոուդըենին ներելու հայցադիմումն ավելի քան 37 հազար ստորագրություն է հավաքել: -էդվըրդ Սնոուդընն ազգային հերոս է, եւ նրան պետք է անհապաղ ներում շնորհվի, - ասվում է հայցադիմումում: Քվեարկությունը սկսվել է հունիսի 9-ին: ԱՄՆ-ի նախագահի պաշտոնական պատասխանը ստանալու համար հայցադիմումը պետք է հավաքի 100 հազար ստորագրություն՝ 30 օրվա ընթացքում: Հիշեցնենք, The Guardian-ի եւ The Washington Post-ի հաղորդմամբ՝ ամերիկյան իշխանությունների՝ տվյալներ հավաքագրելու մասին հայտնել էր CIA-ի տեխնիկական մասնագետ էդվըրդ Սնոուդեընը: 29-ամյա Սնոուդենը հայտնել էր, որ ԱՄՆ-ի Ազգային անվտանգության գործակալությունը տվյալներ է հավաքում բջջային կապի բաժանորդների մասին եւ հասանելիություն ունի խոշորագույն IT-ընկերությունների ծառայություններին: Ներկայումս Սնոուդընը քաղաքական ապաստան է փնտրում:   Read more

11 June 2013

Օբաման նոր խորհրդարական կունենա

korhr 4Ջեյսըն Ֆըրմընն առաջադրվել է ԱՄՆ նախագահի տնտեսական խորհրդակցությունների խորհրդի նախագահի պաշտոնում: Associated Press-ի փոխանցմամբ, նա կփոխարինի Ալըն Քրյուգըրին: Նախագահ Օբաման 42-ամյա Ֆըրմընին անվանել է իր սերնդի ամենափայլուն տնտեսական ուղեղներից մեկը: -Չնայած մեր տնտեսությունն աճում է, դեռեւս միջին դասին պատկանող շատ ընտանիքներ զգում են, որ ավելի ու ավելի շատ են աշխատում, սակայն, միեւնույն է, չեն հասցնում: Տնտեսական անհավասարությունը դեռ աճում է մեր հասարակությունում: Շատ երեխաներ են ապրում աղքատության մեջ,- ասել է Օբաման:  Read more

11 June 2013

Գերագույն դատարանը հակահայկական վճիռ է կայացրել


GERAG 4ԱՄՆ Գերագույն դատարանը հայտարարել է, թե չի քննի իններորդ շրջանային դատարանի որոշումը, որով չեղյալ է համարվել Հայոց ցեղասպանության ժառանգներին փոխհատուցելու մասին օրենքը: Գործը քննելուց հրաժարվելու մասին Գերագույն դատարանի որոշումը թույլ է տալիս պաշտպանել ստորին ատյանի դատարանի որոշումը, որի շնորհիվ բավականին արդյունավետ արգելափակվել են ԱՄՆ քաղաքացիների կողմից փոխհատուցում ստանալու վերաբերյալ հայտերը: Հայցվորների փաստաբանները, ինչպես նաեւ հայկական կազմակերպությունները մտահոգություն են հայտնել Գերագույն դաարանի վճռի կապակցությամբ եւ պատրաստակամություն հայտնել շարունակելու Հայոց ցեղասպանության զոհերի նկատմամբ արդարադատության հաստատմանն ուղղված ջանքերը: Հիշեցնենք, որ 2012թ փետրվարին 12 դաշնային դատավորներ միաձայն որոշել են, որ փոխհատուցման վճարման մասին Քալիֆոռնիայի օրենքը հակասահմանադրական է:   Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version