Ուկրաինայում ծեծել են սադրիչ թեկնածուներին

Article Details

Published on Wednesday, 16 April 2014 13:35

Written by

Ուկրաինայում ծեծի են ենթարկել ռուսամետ թեկնածուներին: Ննախագահի թեկնածու, պատգամավոր Օլեգ Ցարեւի վիճակը ծանր է: Ուկրաինական ICTV հեռուստաալիքի շենքում, ուր նա եկել էր Խոսքի ազատություն հաղորդման ուղիղ եթերին մասնակցելու համար, Ցարեւն արգելափակվել եւ դաժան ծեծի է ենթարկվել իր թիմակիցների հետ: Ամբոխը պահանջել է, որ նա հանի իր թեկնածությունը նախագահական ընտրություններից: Հաղորդվում է, որ Ցարեւին այնուհետ տարել են Ուկրաինայի Գլխավոր դատախազություն: Պատգամավորը հայտարարել է, որ ոչ մի դեպքում, այդ թվում՝ ֆիզիկական սպառնալիքների, չի հանի իր թեկնածությունը: -Այժմ ճնշման տակ՝ ես վայր չեմ դնի իմ լիազորություներն ու հայտարարություն գրի, - մասնավորապես հայտնել է նա: Ավելի վաղ՝ ապրիլի 9-ին, Ցարեւը հարձակման էր ենթարկվել նաեւ Նիկոլաեւում: Պատասխանատվությունը ստանձնել էր Պրավիյ սեկտորը: Ի դեպ, արմատական տրամադրություններով անհայտ անձինք ջարդել են Ուկրաինայի նախագահի թեկնածու Միխայիլ Դոբկինի ավտոմեքենան եւ վնասվածքներ հասցրել նրա օգնականին: Այս մասին ասել է Դոբկինը Ազատության խոսք հեռուստածրագրի հեռախոսային միացման ժամանակ: -Ես գրեթե հասել էր ձեր ստուդիա: Իմ մեքենան արգելափակեցին, կտրեցին անվադողերը, ջարդեցին ավտոմեքենան: Երբ մենք սկսեցինք պարզաբանել, թե ով է դա անում, զրույցը չստացվեց: Իմ մի քանի օգնականներ վնասվածքներ են ստացել, սակայն կարծում եմ՝ հաջորդ անգամ անպայման կգամ ձեզ մոտ,- ասել է Դոբկինը, ով համարվում է տապալված Յանուկովիչի մտերեւիմներից մեկը եւ Ռուսաստանի ամենահայտնի սադրիչներից է: Հարձակման ժամանակ նախագահի թեկնածուի վրա կանաչ ներկ եւ ալյուր են լցրել: Read more

Սիրիայում հայ զինվոր է զոհվել

Article Details

Published on Wednesday, 16 April 2014 13:29

Written by

Այսօր` ապրիլի 16-ի վաղ առավոտյան Հալեպի Ռամուսիե շրջանում տեղի ունեցած մարտերի ընթացքում հայ զինծառայող է զոհվել: Սպանվածը Գոգո Աշնագըլյանն է: Հալեպի լրատվական գրասենյակի փոխանցմամբ, սպանված զինծառայողը դեռ 20 տարեկան չկար: Նրա հուղարկավորությունը տեղի է ունեցել այսօր, Սուրբ Երրորդություն եկեղեցում:Հիշեցնենք, որ Դամասկոսում երեկ հրթիռակոծման արդյունքում 5 հայեր էին վիրավորվել, որոնցից 2-ը՝ երեխա: Բաբ-Թումա ու Ալ-Դուեյլյա թաղամասերի ռմբակոծման արդյունքում զոհվել էր մեկ, վիրավորվել՝ 41 մարդ: Տուժածները հիմնականում երեխաներ են:  Դամասկոսի ոստիկանության աղբյուրները հայտնում են, որ ահաբեկիչների արձակած արկերից մեկն ընկել է Ալ Մանար դպրոցի վրա: Զոհվել է 1 աշակերտ, 36-ն էլ վիրավորվել են: Երկրորդ ռումբն ընկել է դպրոցի հարեւանությամբ` Ալ Դուեյլիա թաղամասի Սուրբ Իլյա եկեղեցու մոտ, որտեղ հինգ խաղաղ բնակիչ է վիրավորվել:

Read more

Սիրիայում շարունակվում են մարտերը ահաբեկիչների դեմ

Article Details

Published on Wednesday, 16 April 2014 13:19

Written by

Սիրիական բանակի եւ զինված խմբավորումների միջեւ շարունակվում են բախումները Քեսաբում, մասնավորապես՝ 45 բարձունքի շրջակայքում: Բանակը շարունակում է իր ռազմական գործողությունները՝ օդային հարձակումներ իրականացնելով զինյալների հավաքատեղիների վրա: Բախումների հետեւանքով տասնյակ զինյալներ են սպանվել: Սիրիական բանակի գործողությունները վերջին մի քանի օրերին կենտրոնացել են Սլտրան գագաթի ուղղությամբ, որը ճանապարհ է բացում դեպի Չալմայի գագաթ, ինչպես նաեւ դեպի Էքիզօլուք եւ Սամրայի շրջաններ: Տեղեկություններ կան, որ Քեսաբի մերձակայքում 23 զինյալ են սպանվել, եւս 38-ը վիրավորվել են: Լիբանանյան լրատվամիջոցները հայտնում են, թե սիրիական բանակն այժմ ռմբակոծում է Քեսաբ գյուղաքաղաքում զինյալների հավաքատեղիները: Մեկ այլ աղբյուրի տեղեկացմամբ , Քեսաբից 3 կմ հեռավորության վրա գտնվող Չալմայի լեռան մոտ բախումների ժամանակ տասնյակ զոհեր եւ վիրավորներ են գրանցվել: Սիրիական օդաուժը ռմբակոծում է Լաթաքիայի Մաշրիֆա եւ Կարդահա գյուղերում զինյալների հավաքատեղիները: Նշենք, որ Սիրիական ուժերը գրոհայիններից ետ են խլել քրիստոնյաների համար սրբազան Մալուլյա քաղաքը: Հիշեցնենք, որ Քեսաբի շրջանի վրա հարձակումն սկսվել է մարտի 21-ին Թուրքիայի սահմանի ութ կետերից:  Հարձակումն իրականացրել են Ջաբհա ան Նուսրա եւ Ջեյշ ալ Իսլամ խմբավորումները Թուրքիայի կառավարության անմիջական աջակցությամբ: Քեսաբահայերի մի մասը ապաստան է գտել Լաթաքիայի Ս. Աստվածածին եկեղեցու երկու սրահներում, մյուսները տներ են վարձել կամ բնակվում են իրենց ազգականների մոտ:  Read more

Դատարանը որոշում կկայացնի հայերի գործով

Article Details

Published on Wednesday, 16 April 2014 13:07

Written by

Լոս Անջելեսի գերագույն դատարանի երդվյալ ատենակալները սկսել են խորհրդակցությունները Գլենդեյլի հայ բնակիչ Ռաֆայել Փարսադանյանի գործի շուրջ։ Ռաֆայել Փարսադանյանն ու Գլենդեյլի երկու այլ հայազգի բնակիչներ Մհեր Դարբինյանն ու Արման Շարոպետրոսյանը մեղադրվում են խարդախության մեջ։ Փարսադանյանին մեղադրանք է ներկայացված բանկային խարդախության եւ անձնական տվյալների յուրացման մեջ։ Նրա փաստաբան Էնդրյու Ֆլայերը, սակայն, պնդում է, որ իր պաշտպանյալը, ով բջջային հեռախոսների խանութի սեփականատեր է, հանցախմբի հետ որեւէ կապ չունի։ -Դուք գիտեք՝ որքան սարսափելի է անմեղ մարդուն պաշտպանելը,- իր եզրափակիչ խոսքում դիմելով ատենակալներին՝ ասել է Ֆլայերը։ Դատախազների ներկայացրած մեղադրանքի համաձայն՝ Դարբինյանն ու Փարսադանյանը 99 սենթ խանութների ցանցում բանկային տվյալները կրկնօրինակող սարքավորումներ էին տեղադրել եւ ստացված տվյալները փոխանցել հանցախմբի անդամներին։ Վերջիններս դրանք օգտագործելով՝ խանութի հաճախորդներից ավելի քան 2 միլիոն դոլար են հափշտակել։ Ֆլայերի պնդմամբ՝ իր պաշտպանյալին ու մյուս ամբաստանյալներին կապող միակ ապացույցն ընդամենը մի քանի հեռախոսազանգեր են, որոնք, նրա խոսքով, համոզիչ չեն ու անորոշ են։ Ամբաստանյալները Հայկական ուժ հանցավոր խմբավորման գործի շրջանակներում ձերբակալվածներից են: Read more

Հայուհուն դատապարտել են խարդախության համար

Article Details

Published on Wednesday, 16 April 2014 13:02

Written by

Նորթ Հալիվուդի բնակչուհուն դատապարտել են վեց տարի եւ 4 ամսվա ազատազրկման դաշնային բանտում, առողջապահության ոլորտում խարդախության համար: Դատավոր Մարգարեթ Մորրոուն վճիռ է կայացել 46-ամյա Սուսաննա Արծրունու նկատմամբ, որին պատկանող եւ Վան Նայսում գրանցված Midvalley Medical Supply ընկերությունը Medicare-ին 25 մլն դոլարի կեղծ պահանջագրեր էր ներկայացրել: Սուսաննա Արծրունին իրեն մեղավոր էր ճանաչել խարդախության մեկ, եւ գումարների լվացման երկու կետերով: Նա պետք է 76 ամիս անցկացնի բանտում եւ 10 մլն դոլար տուգանք վճարի Medicare-ին: Գործով երկրորդ ամբաստանյալ, բժշկի օգնական Էրասմըզ Քոթին նույնպես իրեն մեղավոր է ճանաչել, եւ նրա վճիռը կայացվելու է սեպտեմբերի 8-ին: Մեղադրանք է առաջադրվել եւս երեք անձանց, որոնք իրենց մեղավոր չեն ճանաչել, նրանց դատաքննությունը սկսվելու է հաջորդ տարի:   Read more

Սերիական մոլագարներին բռնել են

Article Details

Published on Wednesday, 16 April 2014 12:44

Written by

Հարավային Կալիֆորնիայի երկու բնակիչների կալանավորել են վերջին վեց ամսում չորս կանանց սերիական սպանության մեղադրանքով, այն բանից հետո, երբ զոհերից մեկի դին հայտնաբերվել էր Էնահայմում, վերամշակման գործարանի թափոնների մեջ: 27-ամյա Ֆրենկ Կանոն ու 45-ամյա Սթեւեն Դին Գորդոնը գրանցված սեռական հգանցագործներ են եղել, նրանց տեղափոխել են բանտ եւ դատարանը որոշել է նրանց նկատմամբ գրավ չկիրառել: Էնահայմի ոստիկանապետ Ռաուլ Քուեզեդայի խոսքով, երկուսին էլ սերիական սպանությունների մեղադրանք է առաջադրվել: Ոստիկանի խոսքով, հետաքննությունը սկսվել է, երբ հայտնաբերվել է Օկլահոմայի մի բնակչուհու դին: Տղամարդկանց ձերբակալել եւ շաբաթ օրը, իսկ երկուշաբթի կալանավորել են: Պարզվել է, որ նրանք նախորդ աշնանը սպանել են նաեւ 28-ամյա Մարթա Անայային, 34-ամյա Ջոզեֆին վարգասին եւ 20-ամյա Քիանա Ջեքսոնին, որոնց դիակները դեռ չեն հայտնաբերվելհայտնաբերել: Ապացույցները հայտնի են դարձել, երբ ստուգվել են երկու տղամարդկանց ամրացված GPS-սարքավորումների տվյալները: Այժմ դրանք օգտագործվում են՝ դիակների որոնումների համար: Օրենջ քաունթիի դատախազ Թոնի Ռակաուցկասի խոսքով,  Ֆրենկ Կանոն ու Սթիվըն Դին Գորդոնը նվազագույնը կդատապարտվեն ցմահ ազատազրկման՝ առանց վաղաժամ ազատման իրավունքի, սակայն չի բացառվում, որ դատախազությունը նրանց համար մահապատիժ պահանջի:  Read more

Խոշոր վթար Մեքսիկայում

Article Details

Published on Tuesday, 15 April 2014 02:30

Written by

Առնվազն 36 մարդ է զոհվել, եւս չորսը՝ մարմնական տարբեր աստիճանի վնասվածքներ են ստացել Մեքսիկայում տեղի ունեցած խոշոր վթարի հետեւանքով: Ճանապարհով ընթացող ուղեւորատար ավտոբուսի վարորդը կորցրել է ղեկի կառավարումը, դուրս է եկել հանդիպակաց ուղեգոտի եւ բախվել բեռնատարին: Բեռնատարը այդ պահին խափանված է եղել ե կայանված է եղել ճանապարհին՝ առանց կանգառի համապատասխան նշանների: Բախման հետեւանքով ավտոբուսը հրդեհվել է, եւ փրկարարների ժամանման պահին այն ամբողջությամբ մոխրացած է եղել: Ավտոբուսում գործարարներ են եղել, որոնք գործնական համաժողովի մասնակցելու համար Տաբասկո նահանգի մայրաքաղաք Վիլյահերմոսայից ուղեւորվում էին  երկրի մայրաքաղաք Մեխիկո: Ոստիկանության կոմիսար Խորխե Բրավո Ֆլորեսը հայտարարել է. – Մենք շատ ենք մտածում այդ մասին: Պատրաստվում ենք վճռական միջոցներ ձեռնարկել ուղեւորափոխադրման այդ տեսակի հարցով: Մեքսիկայում մահացու ելքով ճանապարհային վթարները հաճախ են լինում: 2012թ. Վերակրուսում բեռնատարի եւ ավտոբուսի բախման հետեւանքով զոհվել էր 43 մարդ, իսկ մի քանի ամիս անց 30 մարդ էր զոհվել Գերերո նահանգում: Read more

Յուտայում յոթ նորածնի դիակ են գտել եւ ձերբակալել մորը

Article Details

Published on Tuesday, 15 April 2014 02:24

Written by

 Յութա նահանգի Սոլթ լեյք սիթիի մերձակայքում, Փլեսընթ-Գրով քաղաքի ոստիկանությունը բնակելի տան նկուղում 7 նորածնի դի է հայտնաբերել: Դեպքի առթիվ ձերբակալվել է Մեյգըն Հանթսմենը, որն ավելի վաղ բնակվել է այդ տանը։ Նա հայտնել է, որ նա երեխաներին լույս աշխարհ է բերել 1996-ից 2006 թվականներին: Հանթսմընը, ով 3 տարի առաջ այդ տանից տեղափոխվել է նոր տուն, մեղադրվում է սպանության մեջ: Ոստիկանության ներկայացուցիչ Մայքլ Ռաբըրթսը հայտնել է, թե կնոջ նախկին ամուսինն ավտոտնակը մաքրելիս կասկածելի տուփ է գտել։ Երբ բացել է այն, հայտնաբերել է երեխայի մարմին: Նա դիմել է ոստիկանություն, ովքեր էլ խուզարկել են տունն ու ընդհանուր առմամբ 7 տուփ են գտել, որոնց մեջ նորածնի մարմիններ են եղել։ Հայտնի է դարձել, որ կինը 6 երեխա ունի: Նա այդ տունը լքել է այն ժամանակ, երբ բաժանվել է ամուսնուց: Ներկայումս ուսումնասիրվում է նորածինների գենետիկան, պարզելու համար, թե արդյոք կինն իսկապես նրանց մայրն է: Ոստիկանության ներկայացուցիչը տեղեկացրել է, որ քննիչների համար այս գործը դժվարին է եղել, քանի որ նրանց հոգեբանական վիճակն ամեն բացվող տուփի հետ գնալով վատացել է: Մեյգըն Հանթսմենը տեղափոխվել է Յուտայի բանտ եւ նրան սպանության մեղադրանք է առաջադրվել: Read more

Ռուսաստանը շարունակում է իր սադրանքը

Article Details

Published on Tuesday, 15 April 2014 02:18

Written by

Ռուսական հատուկ ծառայությունները շարունակում են իրենց սադրիչ գործողությունները Ուկրաինայի Հարավում եւ Արեւելքում: Լավ զինված դիվերսանտները, հիմնականում ռուսաստանից, տեղական սադրիչների աջակցությամբ, գրավում են վարչական շենքերը Դոնեցկում, Լուգանսկում, Խարկովում եւ Սլավյանսկում՝ ծեծի ենթարկելով Ուկրաինայի ամբողջականության կողմնակիցներին եւ ոստիկաններին: Ուկրաինայի իշխանությունները ազգային գվարդիայի ուժեր են մտցրել Սլավյանսկ: Ռուսամետները շարունակում են արգելափակված պահել քաղաքի մատույցները: Փոխհրաձգություններ են եղել ցուցարարների եւ ուկրաինական ուժերի միջեւ: Ներքին գործերի նախարար Արսեն Ավակովի խոսքով, զոհեր կան երկու կողմից էլ, զոհվել է անվտանգության մի սպա: Լուգանսկ եւ Դոնեցկ մարզերի հոգեւոր հովիվ Տեր Հուսիկ քահանա Նուրիջանյանը հայտնել է, որ Սլավյանսկ քաղաքի մուտքի մոտ ակտիվացած մի խումբ անհայտ զինյալների եւ քաղաքաբնակների միջեւ բախումների եւ լարված իրավիճակի հետեւանքով մահացել է հայ երիտասարդ Ռուբեն Ավանեսյանը: Խարկովում բախումների հետեւանքով տուժել է 50 մարդ, նրանցից 10-ին տեղափոխել են հիվանդանոց: Կիեւում արդեն իսկ հայտարարում են, որ ռուսաստանը բացահայտ ռազմական գործողություններ է սկսել: Եվրամայդանի ակտիվիստները բողոքի ակցիաներ են արել քաղաքում՝ պահանջելով ավելի ակտիվ հակազդել զավթիչներին:   Read more

Յուտայում յոթ նորածնի դիակ են գտել եւ ձերբակալել մորը

Article Details

Published on Tuesday, 15 April 2014 02:13

Written by

Յութա նահանգի Սոլթ լեյք սիթիի մերձակայքում, Փլեսընթ-Գրով քաղաքի ոստիկանությունը բնակելի տան նկուղում 7 նորածնի դի է հայտնաբերել: Դեպքի առթիվ ձերբակալվել է Մեյգըն Հանթսմենը, որն ավելի վաղ բնակվել է այդ տանը։ Նա հայտնել է, որ նա երեխաներին լույս աշխարհ է բերել 1996-ից 2006 թվականներին: Հանթսմընը, ով 3 տարի առաջ այդ տանից տեղափոխվել է նոր տուն, մեղադրվում է սպանության մեջ: Ոստիկանության ներկայացուցիչ Մայքլ Ռաբըրթսը հայտնել է, թե կնոջ նախկին ամուսինն ավտոտնակը մաքրելիս կասկածելի տուփ է գտել։ Երբ բացել է այն, հայտնաբերել է երեխայի մարմին: Նա դիմել է ոստիկանություն, ովքեր էլ խուզարկել են տունն ու ընդհանուր առմամբ 7 տուփ են գտել, որոնց մեջ նորածնի մարմիններ են եղել։ Հայտնի է դարձել, որ կինը 6 երեխա ունի: Նա այդ տունը լքել է այն ժամանակ, երբ բաժանվել է ամուսնուց: Ներկայումս ուսումնասիրվում է նորածինների գենետիկան, պարզելու համար, թե արդյոք կինն իսկապես նրանց մայրն է: Ոստիկանության ներկայացուցիչը տեղեկացրել է, որ քննիչների համար այս գործը դժվարին է եղել, քանի որ նրանց հոգեբանական վիճակն ամեն բացվող տուփի հետ գնալով վատացել է: Մեյգըն Հանթսմենը տեղափոխվել է Յուտայի բանտ եւ նրան սպանության մեղադրանք է առաջադրվել:   Read more