amga.tv

Switch to desktop Register Login

April 2013

26 April 2013

Բայդընը Ցարնաեւներին վախկոտներ է անվանել

zoher 5 ԱՄՆ փոխնախագահ Ջո Բայդընը դիմել է Բասթընում սպանված ոստիկանի քաղաքացիական հոգեհանգստի արարողությանը հավաքված հազարավոր մարդկանց: Բայդընը Ցարնաեւ եղբայրներին անվանել է վախկոտ, վերափոխված ջիհադիստներ՝ հավելելով, որ ԱՄՆ-ը սարսափի չի ենթարկվել: Հիշեցնենք, որ ոստիկան Շան Քոլիերը սպանվել էր անցած շաբաթ՝ եղբայրների ձերբակալության օպերացիայի ժամանակ: Նրան հուղարկավորել են ահաբեկչության զոհերից մեկի՝ 8-ամյա Մարտըն Ռիչըրդի կողքին: Հետաքննությանը մոտ աղբյուրների փոխանցմամբ, Բասթընի մարաթոնի ժամանակ գործարկված պայթուցիկ սարքերը եղել են ռադիոկառավարվող: Սարքի մեխանիզմը ռադիոկառավարվող խաղալիք է հիշեցնում: Քննիչները պայթյունների վայրում գտել են հեռակառավարման վահանակի բեկորներ: Ուսումնասիրության արդյունքում եզրակացություն է արվել, որ ռումբերի կառավարումն իրականացվել է ոչ մեծ հեռավորությունից: Ենթադրվում է, որ ռումբերը կարող էին կառավարվել բջջային հեռախոսի օգնությամբ: Գործի նյութերում նշվում է, որ պայթյունների մեկնարկից րոպեներ առաջ Ջոհարի ձեռքում բջջային է եղել: Նշենք, որ ամերիկացի քննիչների խումբը Դաղստանում է՝ զրուցելու Ցարնաեւ եղբայրների ծնողների հետ եւ փորձելու պարզել նրանց արարքի դրդապատճառները: Եղբայրների հայրը՝ Անզոր Ցարնաեւը, հայտնել է ԱՄՆ ուղեւորվելու եւ ավագ որդու՝ Թամերլանի դին Ռուսաստան տեղափոխելու մտադրության մասին:   Read more

Ջեբ Բուշը կարող է առաջադրվել որպես թեկնածու

jeb 7 ԱՄՆ նախկին նախագահ Ջորջ Բուշ-կրտսերը հայտարարել է, որ խորհուրդ է տալիս իր կրտսեր եղբորը՝ Ջեբ Բուշին, առաջադրվել 2016 թ. նախագահական ընրտություններում: Նա կլինի հիանալի թեկնածու, եթե որոշի դիմել այդ քայլին,- ասել է նախկին նախագահը: Ջորջ Բուշ-կրտսերն ասել է, որ Ջեբն ինքը կորոշի՝ առաջադրվել, թե ոչ: Դրա հետ մեկտեղ նա նշել է, որ եթե նախագահական աթոռի համար պայքարեն Հիլըրի Քլինթընը եւ Ջեբ Բուշը, դա «հիանալի լուսանկար կլինի իր թանգարանի համար»: Ջեբ Բուշը 1999-2007 թթ. եղել է Ֆլորիդայի նահանգապետը: Պաշտոնից հեռանալուց հետո նա չի առաջադրվել Սենատում եւ բաց է թողել 2012 թ. նախագահական ընտրությունները: Քաղաքագետները նշում են, որ Բուշ 3-րդը հանրապետական փրայմերիզում հաղթելու մեծ հնարավորություններ ունի։ Read more

Որքան է Օբամայի վարկանիշը

ommm 6Ամերիկացիների 49 տոկոսը դրական է գնահատում ԱՄՆ-ի նախկին նախագահ Ջորջ Բուշ-կրտսերին, իսկ 52 տոկոսը՝ գործող նախագահ Բարաք Օբամային: Այս մասին են վկայում սոցիոլոգիական հետազոտության արդյունքները, որն իրականացրել է Fox News հեռուստաալիքը Anderson Robbins Research եւ  Shaw& Company Research ընկերությունների հետ ապրիլի 20-22-ը: Հետազոտությունը ցույց է տվել, որ նախագահների ընկալումը մեծապես կախված է կուսակցական պատկանելությունից: Հանրապետականները երեք անգամ ավելի շատ են հակված դրական գնահատել Ջորջ Բուշին, քան դեմոկրատները: Եթե պահպանողականների կողմնակիցների շրջանում Ջորջ Բուշին աջակցում է հարցման մասնակիցների 79 տոկոսը, ապա դեմոկրատների շրջանում՝ միայն 24 տոկոսը: Միեւնույն ժամանակ դեմոկրատները հակված են բարձր գնահատել Օբամայի ձեռքբերումները՝ այն դեպքում, երբ հանրապետականների շրջանում միայն 17 տոկոսն է դրական կարծիք հայտնել ԱՄՆ-ի 44-րդ նախագահի մասին: Ջորջ Բուշ-կրտսերի միջին վարկանիշն իր նախագահության օրոք կազմել է 51 տոկոս: Ներկա պահին Օբամայի վարկանիշը կազմում է 48 տոկոս: ԱՄՆ նախկին նախագահների շրջանում ամենաբաձր վարկանիշն ունի դեմոկրատ Բիլ Քլինթոնը՝ 71 տոկոս: Դեմոկրատ Ջեյմս Քարտըրի եւ հանրապետական Ջորջ Բուշ-ավագի վարկանիշը կազմում է 59 տոկոս: Read more

ԱՄՆ-ում ընտանիքների մեծ մասն աղքատանում է

Ameee 5ԱՄՆ-ում ընտանիքների մեծ մասն աստիճանաբար աղքատանում է, ինչը հատկապես ակնհայտ է վերջին մի քանի տարիներին: Այս մասին են վկայում Pew Research կենտրոնի նոր հետազոտության տվյալները, որոնք հիմնված են Մարդահամարի բյուրոյի թարմ տվյալների վրա: Բնակչության 93 տոկոսի մոտ ակտիվների միջին արժեքը 2011թ. կրճատվել է մինչեւ 133,817 դոլար՝ 2009թ. 139,896 դոլարի համեմատ: Նոր տվյալները հատկանշական են առաջին հերթին նրանով, որ այն տարիները, ինչի մասին խոսվում է, ԱՄՆ-ում պաշտոնապես համարվում են Մեծ ռեցեսիայից հետո տնտեսական առողջացման շրջան: Թվերը հաստատում են, որ հասարակ ամերիկացիների համար այդ առողջացումը նշանավորվել է նվազմամբ, այլ ոչ թե ընտանեկան բարեկեցության աճով: Իսկ նրանք, ովքեր իսկապես հարստացել են, ամերիկյան հասարակության վերնախավն են: Առավել բարեկեցիկ ընտանիքների 7 տոկոսի մոտ ակտիվների միջին արժեքը նույն ժամանակահատվածում աճել է 28 տոկոսով՝ մինչեւ 3 միլիոն 173,895 դոլար: Եթե 2009թ. այդ ընտանիքներին է պատկանել ընդհանուր առմամբ երկրում սեփականության 56%, ապա 2011-ին՝ արդեն 63%: Read more

25 April 2013

Դիակ այրված մեքենայում

diak 5Սպանությունների քննության բաժնի դետեկտիվները հետաքննություն են սկսել` պարզելու, թե ում մնացորդներն են եղել Ռանչո Պալոս վերդեսում հայտնաբերված այրված մեքենայի մեջ: Դիակը հայտնաբերվել է երեկ ցերեկը, ժամը 2:30-ի սահմաններում 30100 Miraleste Drive հասցեի մերձակայքում: Զոհի տարիքն ու սեռը դեռ հայտնի չեն: Տարածքի սեփականատիրոջ խոսքով, իրենք տեղյակ չեն, թե ում մեքենան է կայանված եղել բասկետբոլային հրապարակում, եւ ով կարող է լինել մեքենայում հայտնաբերված անձը: Լոս Անջելես Քաունթիի շերիֆի ներկայացուցիչ Լեյտենանտ Հոլլի Ֆրանցիսկոյի խոսքով, դիակն ամբողջությամբ այրված է եղել, դեպքի կապակցությամբ հետաքննություն է ընթանում:   Read more

Գյումրիում կատարված սպանությունը բացահայտվել է

Sooot 7Գյումրիում կատարված սպանությունը բացահայտվել է: Այսօր ոստիկանությունէ  ներկայացել նախկին քաղաքապետ Վարդան Ղուկասյանի եղբորորդին` 23-ամյա Վահե Ղուկասյանը, որին ոստիկանության օպերները որոնում էին: Վահե Ղուկասյանը ցուցմունք է տվել, որ հանցագործությունը ինքն է կատարելՆրան տեղափոխել են հիվանդանոց, քանի որ եւս վիրավոր է եղել: Իսկ Վարդան Ղուկասյանին, նրա որդուն, մտերիմներին եւ նախօրեին Բագրատաշենի անցակետից բերման ենթարկված Կոլյա Ղուկասյանին ազատ են արձակել: Հիշեցնենք, որ երեկ, Ժամը 13.00-ի սահմաններում, ահազանգ է ստացվել, որ Շիրակացի 54բ շենքի մոտից հրազենային վնասվածքներով հիվանդանոց են տեղափոխվել Հարություն Խաչատրյանը (Քավոր Հարութ) եւ Արտյոմ Կարապետյանը (Շեկո): Վերջինս հիվանդանոցում մահացել է: Գյումրիում խոսում են, որ սա վենդետայի դրսեւորում է, քանի որ Քավոր Հարութը եւ Շեկոն նախկինում խնդիրներ են ունեցել Վարդան Ղուկասյանի հարազատների հետ: Read more

Հայոց ցեղասպանության 98-րդ տարելիցը

genoc 4Առաջադեմ մարդկությունն այսօր նշում է Հայոց ցեղասպանության 1,5 միլիոնից ավելի զոհերի հիշատակը: Վաղ առավոտից տասնյակ հազարավոր մարդիկ այցելել են Ծիծեռնակաբերդի բարձունք` հուշահամալիրում իրենց հարգանքի տուրքը մատուցելու Ցեղասպանության զոհերին: Ընդդիմադիր կուսակցությունները երթ են արել քաղաքի կենտրոնից դեպի հուշահամալիր: Հիշատակի եւ ոգեկոչման արարողություններ են եղել աշխարհի հայաշատ բոլոր քաղաքներում: *Ապրիլի 23-ին ներկայիս Թուրքիայի Դիարբեքիր քաղաքում տեղի է ունեցել ցեղասպանությանը նվիրված խորհրդաժողով: Կոնֆերանսի մասնակիցներն ավելի ուշ Դիարբեքիրի կամրջից մեխակներ են նետել Տիգրիս գետի մեջ` այդ վայրերում սպանված հայերի հիշատակին: * Խոշոր ցույց է եղել Ստամբուլի Թաքսիմ հրապարակում` հայոց ցեղասպանությունը ճանաչելու պահանջով, որին մանսակցել են թուրք առաջադեմ մտավորականության ներկայացուցիչները: *Արցախում երթը շարժվել է Սբ. Հակոբ եկեղեցուց դեպի ցեղասպանության զոհերի հուշահամալիր։ *Բրյուսելում մոմավառություն է կայացել, նաեւ ցույց Թուրքիայի դեսպանատան եւ Եվրամիության շենքերի մոտ: *Փարիզում Կոմիտասի արձանի մոտից մեկնարկել է բողոքի քայլերթ դեպի Շանզ Էլիզե պողոտա, ակցիաներ են եղել նաեւ Մարսելում: * Իլինոյս նահանգի Հոլոքոսթի թանգարանում նշվել է Հայոց ցեղասպանության 98-րդ տարելիցը և Սկոկիում Հոլոքոստի թանգարանի բացման 4-ամյակը: *Հարյուրից ավելի մարդ է մասնակցել Բըրբենքի քաղաքապետարանում, իսկ այսօր բազմաթիվ անձինք են այցելել Մոնթեբելլոյում տեղադրված հուշարձանի տարածքում: *ԱՄՆ դեմոկրատ կոնգրեսական Ադամ Շիֆը այսօր` ապրիլի 24-ին ելույթ է ունեցել Ներկայացուցիչների պալատում: Նա իր ելույթն ունեցել է հայերենով: -Սիրելի հայ բարեկամներս հոս են աշխարհի չորս կողմերէ: Այսօր` Հայոց ցեղասպանության 98-րդ տարելիցի օրը, խոսքս կուղղեմ ձեզ Ներկայացուցիչների պալատի ամբիոնից ձեր մեծ հայրերի լեզվով: Լեզու, որով իրենք կարտահայտեին իրենց հույզերը, կյանքը, եռանդները եւ սերը 1915-ից առաջ,- նշել է Շիֆը եւ հավելել. -Ձեզ հետ կխոսեմ այն լեզվով, որով խոսողները Օսմանյան կայսրության տարածքում տասնյակ հազարներով ջարդվեցին, երեխաների, որոնք մի կաթիլ ջուր էին աղերսում, կանանց, որոնք բռնաբարվեցին, մայրերի, որոնք մահացան նորածիններն իրենց գրկում, վերապրողների, որոնք Ամերիկա եկան ազատությունը վայելելու եւ նոր կյանք հյուսելու համար: Ըստ Շիֆի, Թուրքիան մեկ դար հերքում է ցեղասպանությունը` ժխտելով այն: -Այսօր բոլորս հայ ենք,- ասել է նա եւ նշել, որ ամերիկյան ժողովուրդը քաջորեն է խոսել բոլոր սարսափների մասին եւ դրանք կոչել իրենց անունով: Նա վստահություն է հայտնել, որ օրը գալու է, եւ Հայոց ցեղասպանությունը ճանաչվելու է: * Խոշոր երթ է տեղի ունեցել նաեւ Հալիվուդում Little Armenia-ում, մի քանի հազար հայեր եւ պարզապես առաջադեմ մարդիկ երթով անցել են Հոլիվուդի փողոցներով, իսկ նահանգապետ Ջերրի Բրաունը ապրիլի 24-ը հռչակել է Հայոց ցեղասպանության զոհերի հիշատակի օր: *Լիբանանում մեծ երթ է եղել, իսկ փաստացի քաղաքացիական պատերազմում գտնվող *Սիրիայի Հալեպ քաղաքում, սիրիահայերը գետնին են փռել թուրքական դրոշ, իսկ մեքենաները եւ մարդիկ ամբողջ օրվա ընթացքում անցել են դրա վրայով: Սիրիայի հյուսիս-արեւելյան Քամիշլի քաղաքում Թուրքիային դատապարտող պաստառներ բարձրացրել: *Թեհրանում հազարավոր հայեր ին հավաքվել Թուրքական դեսպանատան առջեւ։ * Հունական Սալոնիկի քաղաքի ոստիկանությունը արցունքաբեր գազ է օգտագործել տեղի մոտ 250 հայերին ցրելու համար, որոնք հավաքվել էին Թուրքիայի հյուպատոսության առջեւ: Միջադեպը տեղի է ունեցել, երբ ցուցարարները փորձել են ճեղքել ոստիկանական արգելափակոցը` պահանջելով թույլ տալ դիմումը հանձնել հյուպատոսարանի աշխատակիցներին: Read more

Ավստրալիայում բռնել են հաքերների ղեկավարին

lolz 5 Ավստրալիայի ոստիկանությունը ձերբակալել է համակարգչային կազմակերպության աշխատակցի, որը եղել է Lulz Security միջազգային հաքերական խմբի ինքնահռչակ ղեկավարը։ Այս մասին հայտարարել է Ավստրալիայի ոստիկանության Կիբեռհանցագործությունների դեմ պայքարի բաժնի ղեկավարը։Նա չի ցանկացել բացահայտել ձերբակալվածի անունը, սակայն նշել է, որ նա ապրել է Գասֆըրդ քաղաքում եւ 24 տարեկան է։ Հանցագործը բարձր պաշտոն է զբաղեցրել միջազգային հայտնի համակարգչային կազմակերպության ավստրալական մասնաճյուղում։ Հաքըրների շրջանում նա հայտնի է Aushok անվամբ։ -Ձերբակալվածը պրոֆեսիոնալ է, ով կարող է օգտագործել իր ստացած ինֆորմացիան պետության բարձրաստիճան այրերի մասին։ Ավստրալացուն սպասում է 12 տարի ազատազրկում։ Read more

Ձերբակալվել է բելգորոդյան հրաձիգը

 

belg 4Ոստիկանները ձերբակալել են Բելգըրըդ քաղաքի կենտրոնում 6 մարդու գնդակահարության մեջ կասկածվողին: Սերգեյ Պոմազունը հայտնաբերվել է Բելգըրըդ կայարանի բեռնատար շարժակազմում, երբ փորձել է լքել շրջափակման վայրը: Ոստիկանության աշխատակիցները ճանաչել են կասկածյալին եւ միջոցներ ձեռնարկել նրան ձերբակալելու համար: Պոմազունը դիմադրություն է ցույց տվել եւ դանակով վիրավորել ոստիկանության մայոր Յուրի Սեդիխին՝ աչքի եւ ուսի մասում: Ոստիկանին տեղափոխել են հիվանդանոց եւ վիրահատել, երկրորդ ոստիկանը չի տուժել: Ավելի ուշ համացանցում տեսանյութ է տեղադրվել, որտեղ ձեռքերը ոլորած Պոմազունը հայտարարում է, որ ինքը երեխաների վրա չի կրակել: -Իսկ որտե՞ղ եք կրակել, հարցին, նա պատասխանում է -Դժոխքի վրա: Քաղաքի կայարանում Պոմազունի ձերբակալության մասին տեղեկության տարածումից անմիջապես հետո քաղաքի շուրջ 200 բնակիչներ շարժվել են կայարանի կողմը եւ պահանջել իրենց հանձնել նրան: Ցուցմունքներ տալուց հետո, Պոմազունին կտեղափոխեն հոգեբուժարան՝ փորձաքննության: Քանի որ ձերբակալության պահին նրա ձեռքին միայն դանակ է եղել, քննչական մարմինները որոնում են կարաբինը, որով Պոմազունը գնդակահարել է մարդկանց: Նա հայտարարել է, որ թաքցրել է զենքը: Պոմազունը հրաժարվել է ցուցմունք տալ եւ նշել, որ դա կանի միայն դատարանում: Նշենք, որ ապրիլի 22-ին, 31-ամյա Սերգեյ Պոմազունը Բելգըրըդի այգիներից մեկում կրակ էր բացել, ապա դիմել փախուստի: Կրակոցների հետեւանքով զոհվել էր 6 մարդ: Read more

Երեւանում մահացել է ամենահին օրենքով գողերից մեկը՝ Խոյը

khow 5Երեւանում ապրիլի 23-ին, 77 տարեկան հասակում, քաղցկեղից մահացել է ամենատարեց հայ օրենքով գողերից մեկը՝ Ռաֆիկ Խոյեցյանը, ով հայտնի է Խոյ մականունով: Բնիկ երեւանցի Ռաֆիկ Խոյեցյանը համարվում էր հին սերնդի ամենաազդեցիկ ու հայտնի հայ օրենքով գողերից մեկը: Վերջին տարիներին նա հեռացել էր քրեական կյանքից՝ առողջական խնդիրների պատճառով, իսկ իր լիազորությունները հանձնել էր որդուն՝ Ռաֆայելին: Օրենքով գողի հուղարկավորությունը տեղի կունենա ապրիլի 25-ին եւ այդ կապակցությամբ, սպասվում է, որ Երեւան կժամանեն հետխորհրդային ողջ տարածքում գտնվող քրեական աշխարհի ներկայացուցիչներ:   Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version