May 2014
15 May 2014
Նյու Յորքում բացվեց ահաբեկչության զոհերի թանգարանը
- Article Details
- Published on Thursday, 15 May 2014 23:38
- Written by
Նյու Յորքում մայիսի 21-ին պաշտոնապես իր դռները կբացի 2001թ. սեպտեմբերի 11-ին Առեւտրի համաշխարհային կենտրոնի զույգ երկնաքերերի վրա իրականացված ահաբեկչության զոհերի հիշատակին նվիրված թանգարանը, իսկ պաշտոնական բացումը տեղի է ունեցել այսօր՝ մայիսի 15-ին, նախագահ Բարաք Օբամայի մասնակցությամբ: Թանգարանը գտնվում է այնտեղ, որտեղ 13 տարի առաջ կանգնած էին երկվորյակ շենքերը: 700 մլն դոլար արժողությամբ թանգարանն ու հուշահամալիրը կառուցվել են մի քանի տարի: Շինարարությանը խանգարում էին դիզայնի շուրջ վեճերը, հետաձգումներն ու մինչ օրս շարունակվող քննարկումները, արդյոք արժե այնտեղ թաղել զոհվածների մնացորդները: Թանգարանը գրեթե ամբողջությամբ գտնվում է գետնի տակ: Դրա ցուցանմուշների մեջ կան երկնաքերների մնացորդներ եւ ողբերգության մասին հիշոցնող այլ նյութեր, զովածների լուսանկաներ, եւ օգնության աղաղակների ձայնագրությունները: Նյու Յորքի նախկին քաղաքապետ Մայքլ Բլումբըրգը, ով 8 տարի առաջ մեկնարկած նախագծի ղեկավարն է եւ թանգարանի գլխավոր մենեջըրը, ասել է, որ քաղաքն այս թանգարանի կարիքն ուներ, ինչպես նաեւ երկիրն ու աշխարհը։ 2001-ի սեպտեմբերի 11-ին ահաբեկիչները երկու ուղեւորատար օդանավ էին ուղղել Նյու Յորքի համաշխարհային առեւտրային կենտրոնի զույգ աշտարակների վրա: Ահաբեկչության կազմակերպման համար Միացյալ Նահանգերի հատուկ ծառայությունները մեղադրել են Ալ-Կաիդա խմբավորմանն ու անձամբ նրա ղեկավար Ուսամա բին Լադընին: Read more
15 May 2014
Օբաման արդիականացման կոչ է անում
- Article Details
- Published on Thursday, 15 May 2014 23:30
- Written by
Միացյալ Նահանգների նախագահ Բարաք Օբաման հայտարարել է, որ եթե երկիրը չարդիականացնի ճանապարհները, նավահանգիստները, կամուրջները, գործարարներն այլ երկրներ կորոնեն իրենց միջոցները ներդնելու համար: Օբաման ելույթ է ունեցել Նյու Յորք նահանգի Թերիթաուն քաղաքում, Թափըն Զիի կամուրջի մոտ: Կամուրջը լուրջ վերանորոգվել է, եւ արժեցել 4 միլիարդ դոլար: Օբաման մեղադրել է հանրապետականներին՝ երկրի ենթակառուցվածքների արդիականացումն արգելակելու համար: Նրա խոսքով, կամուրջի վերանորոգման թույլտվությունը տեւել է հինգ տարի, իսկ վերանորոգումն ընդամենը մեկուկես: Նա նշել է, թե Միացյալ Նահանգների ողջ տարածքում ենթակառուցվածքները վերանորոգման եւ արդիականացման կարիք ունեն, օրենսդիրներին կոչ է արել արագ քննարկել այդ հարցը, քանի որ դա դրական կազդի նաեւ նոր աշխատատեղեր ստեղծելու համար: Read more
15 May 2014
Մասաչուսեթսում ցեղասպանության զոհերի նոր հուշարձան
- Article Details
- Published on Thursday, 15 May 2014 23:24
- Written by
Լոելում, Մասաչուսեթսի քաղաքապետարանի մոտ Հայոց ցեղասպանության զոհերի հիշատակը հավերժացնող հուշարձան է կանգնեցվել: Մոր Ձեռքերը Հուշարձանի նախագիծը հայ համայնքի անդամների եւ քաղաքապետ Ջեյմս Միլինազոյի օգնությամբ սկսեց իրագործվել 2011թ.-ից: Հետագայում նրանց միացան Մերիմակ Վյալիի Հայոց ցեղասպանության հուշարձանի կոմիտեի անդամները: Բրոնզից եւ գրանիտից պատրաստված հուշարձանի նախագծի հեղինակը Դանիել Վարուժան Հեջինյանն է: Հուշարձանի վերեւի հատվածում կան հյուսող եռաչափ ձեռքեր: Մեծ խաչը տեղակայված է ձեռքերի ներքեւում: Գործվածքի մի մասը, որը կախված է խաչի վրա, խորհրդանշում է հայկականության ուժն ու գեղեցկությունը: Խաչի ներքեւում մակագրություն կա. -Հանգույց առ հանգույց նրա ձեռքերը հյուսում են հայ ժողովրդի պատմությունը: Չնայած ցեղասպանության ցավին եւ սարսափին՝ հայ ժողովուրդը հանգույց առ հանգույց վերականգնում է իր հույսերը եւ երազանքները, քանի որ մենք ծաղկում եւ բարգավաճում ենք: Read more
14 May 2014
Ամենատարեց տղամարդը երկարակեցության մասին
- Article Details
- Published on Wednesday, 14 May 2014 00:58
- Written by
Նա 111 տարեկան է, իսկ Գինեսի ռեկորդների գիրքը ճանաչել է մոլորակում բնակվող ամենատարեց տղամարդը: Այդուհանդերձ, Ալեքսանդր Իմիչի համար դա ընդամենը թիվ է: 92 տարեկան նա գիրք է գրել, իսկ 96 տարեկանում ուսումնասիրել է դիետիկ թերապիա եւ շրջագայել Թուրքիայով: Հարցին, թե որն է իր երկարակեցության գաղտնիքը, նա պատասխանել է. –Լավ գեները: Իմ հայրը ապրել է 100 տարի, ուստի ես էլ լավ գեներ եմ ստացել, առողջ կենսակերպով ապրել: Նա նաեւ վստահ է, որ իրենց օգնում է համեստ սնունդն ու սերը կյանքի նկատմամբ: Այժմ նա հաշմանդամի սայլակին է գամված, թեեւ հարազատներն ասում են, որ ընկնելուց առաջ չափազանց շարժունակ է եղել: Իմիչը ծնվել է Լեհաստանում, 1903 թվականին: Երկրորդ աշխարհամարտը սկսվելուց հետո նա փախել է Խորհրդային միություն, որտեղ նրան աքսորել են գաղութ: 1951թ. նա կնոջ հետ հայտնվել է Միացյալ նահանգներում եւ հանգրվանել Նյու Յորքում: Այստեղ նա կնոջ հետ զբաղվել է հոգեբանությամբ: Զույգն այդպես էլ երեխաներ չի ունեցել, Իմչիը զարմիկ ունի, ով այժմ 84 տարեկան է: Չնայած տարիքին՝ ծերունին դեռ մտադիր չէ հանգստանալ, նա նոր ձեռքբերումների է ձգտում, ակտիվ սովորում ու կարդում: Read more
Ավստրալիայում երկու դեմք ունեցող երեխա է ծնվել
- Article Details
- Published on Wednesday, 14 May 2014 00:53
- Written by
Ավստրալիայի Սիդնեյ քաղաքում ծնվել են զույգեր, ովքեր ունեն մեկ մարմին, մեկ գլուխ, բայց երկու միանման դեմք: Աղջիկները ծնվել են անցյալ շաբաթ: Ունենալով ընդհանուր մարմին եւ ներքին օրգաններ՝ նրանք ունեն առանձին ուղեղներ՝ մեկ գլխում: Նրանց ծնողները հղիության սկզբնական շրջանում իմացել են, որ երկվորյակները ծնվելու են միմյանց կպած, եւ չնայած որոշ բժիշկների խորհրդին՝ նրանք որոշել են ունենալ երեխաներին: Երեխաների ապրելու հավանականությունը փոքր է: Այժմ աղջիկները 6 օրական են, եւ բժիշկները զարմացած են նրանց առաջընթացի վրա: Նրանց ծնողները, ովքեր արդեն 7 երեխա ունեն, փորձում են օգտվել երեխաների հետ ամեն օրից: Read more
Ըստ Օլանդի կա մեկ լուծում՝ ցեղասպանության ճանաչումը
- Article Details
- Published on Wednesday, 14 May 2014 00:49
- Written by
Կա մեկ լուծում, եւ դա ցեղասպանության ճանաչումն է, -այսօր Երեւանում Սերժ Սարգսյանի հետ համատեղ ասուլիսում հայտարարել է Ֆրանսիայի նախագահ Ֆրանսուա Օլանդը` պատասխանելով Հայաստան-Թուրքիա հարաբերությունների վերաբերյալ հարցին: Նա նշել է, թե փորձում է դրական բաներ գտնել Թուրքիայի վարչապետի հայտարարության մեջ: -Բայց իհարկե, ես կենտրոնական հարցն համարում էի այն, որ այդ ջարդերը որակվեն իբրեւ ցեղասպանություն: Կա մեկ լուծում, եւ դա ցեղասպանության ճանաչումն է, -եզրափակել է Ֆրանսիայի ղեկավարը: Նշենք, որ Ֆրանսիայի նախագահը երեկ այցելել էր Ծիծեռնակաբերդի հուշահամալիր, ծաղկեպսակ դրել Հայոց մեծ եղեռնի զոհերի հուշարձանին, ծաղիկներ խոնարհել Հայոց ցեղասպանության զոհերի հիշատակը հավերժացնող անմար կրակի մոտ: Ֆրանսիայի նախագահը նաեւ եղեւնի է տնկել հուշահամալիրի Հիշողության պուրակում: Read more
Porsche-ին դատի են տվել
- Article Details
- Published on Wednesday, 14 May 2014 00:43
- Written by
Porsche ավտոկոնցեռնի դեմ դատական հայց է ներկայացվել դերասան Փոլ Ուոքըրի մահվան առնչությամբ: Դա արել է վթարի ժամանակ Porsche մեքենայի ղեկին եղած Ուոքըրի ընկերոջ՝ Ռաջըր Ռոդասի այրին։ Հայցվորը պնդում է, որ մեքենայի կառուցվածքում առկա թերություններն են անցած տարվա նոյեմբերին վթարի պատճառ դարձել, որի հետեւանքով Ռոդասն ու Ուոքըրը մահացել են Սանտա Կլարիտա քաղաքում: Քրիստին Ռոդասը համոզված է նաեւ, որ նրա մահացած ամուսինը՝ պրոֆեսիոնալ ավտոարշավորդը, չի խախտել արագության ռեժիմը: Հետաքննությունը ցույց է տվել, որ տղամարդը գերազանցել է թույլատրելի արագությունը գրեթե երկու անգամ, բայց հայցվորը պնդում է, որ նա ընթացել է ժամում 55 մղոն արագությամբ, իսկ դա ճանապարհային երթեւեկության կանոններով չի արգելվում: Քրիստին Ռոդասն իր հայցում նշում է, որ մեքենան սարքին չի եղել: Նրա կարծիքով՝ վարորդը եւ ուղեւորը կարող էին ողջ մնալ, եթե ավտոմեքենան զինված լիներ պաշտպանական համակարգերով, որոնք կկանխեին վթարի դեպքում վառելիքի բռնկումը: Նշենք, որ մեքենան այրվել էր ծառի հետ բախումից։ Read more
Կեղծ գրքի հեղինակին կտուգանեն
- Article Details
- Published on Wednesday, 14 May 2014 00:38
- Written by
Հոլոքոստի մասին կեղծ հուշագրությունների հեղինակ Միշա Դիֆոնսեկան տուգանվել է 22.5 մլն դոլարով: Համապատասխան որոշումը կայացրել է Մասաչուսեթսի դատարանը: Միշա. Հիշողություններ Հոլոքոստի տարիների մասին գիրքը լույս է տեսել 1997 թվականին եւ դարձել բեսթսելլըր: Դիֆոնսեկան խոստովանել էր, որ այդ ստեղծագործությունում նկարագրված դեպքերը մտացածին են: Մինչ ճշմարտության բացահայտումը՝ Դիֆոնսեկան եւ Վերա Լին 32.4 մլն դոլար էին շահել Mt. Ivy Press հրատարակչատան եւ նրա հիմնադիր Ջեյն Դենիելի դեմ գործով: Դատարանը հրատարակողներին մեղավոր էր ճանաչել պայմանագրի խախտման եւ հեղինակից եկամուտները թաքցնելու մեջ: Այդ գործով Դիֆոնսեկային տրամադրված գումարը գնահատվում է 22.5 մլն դոլար, եւ հենց այդ գումարը պետք է հեղինակը վճարի այժմ: Գիրքը հրատարակվել է 18 լեզուներով, դրա մոտիվներով Ֆրանսիայում նկարահանվել է ֆիլմ: Read more
Վաշինգթոնում բացվել է հսկա հուշարձանը
- Article Details
- Published on Wednesday, 14 May 2014 00:33
- Written by
Գրեթե երեք տարի տեւած վերականգնումից հետո բացվել է Միացյալ Նահանգների մայրաքաղաքի գլխավոր տեսարժան վայրերից մեկը՝ Ջորջ Վաշինգտընի հուշարձանը: 2011թ. օգոստոսին տեղի ունեցած երկրաշարժի ժամանակ 170 մետր բարձրություն ունեցող, սպիտակ օբելիսկ քարով երեսպատված հուշարձանը հսկա ճաքերով էր պատվել, եւ այն ստիպված էին եղել փակել, քանի որ մայրաքաղաքի խորհրդանիշներից մեկին փլուզման վտանգ էր սպառնում: Հուշակոթողն իրենից ներկայացնում էր ամենամեծ շինությունը քարից եւ համարվում էր ամերիկյան արժեքների խորհրդանիշը: Նվագախմբերի եւ երգչախմբերի հայրենասիրական կատարումներից հետո ներքին գործերի նախարար Սելլի Ջուելն ու միլիարդատեր Դեւիդ Ռուբինսթայնը բացել են հուշարձանը: Նշենք, որ հուշարձանի վերականգնումը 15 միլիոն դոլար է արժեցել, որի կեսը վճարել է գործարար եւ բարեգործ Դեւիդ Ռուբինսթայնը: 1884թ. կառուցված հուշարձանը տարեկան 600 հազար զբոսաշրջիկներ են այցելում: Հուշարձանի գագաթին կարելի է հասնել աստիճաններով կամ վերելակով:2011թ. երկրաշարժից հետո ահաբեկված զբոսաշրջիկները ստիպված էին լքել բարձր դիտարանը, իսկ կառույցի մեջ մեծ ճաքեր էին առաջացել, որոնց միջով անգամ լույս էր անցնում: Ամիսներ շարունակ Վաշինգթընի հուշակոթողը պարուրված էր վերանորոգման փայտանյութերով: Այժմ զբոսաշրջիկները կրկին կարող են բարձրանալ հուշակոթողի վերին դիտարան: Բացումից հետո մեկ ժամվա ընթացքում գնվել է 600-ից ավելի տոմս: Read more
Բողոքում են մահապատժի դեմ
- Article Details
- Published on Wednesday, 14 May 2014 00:30
- Written by
Մահապատժի դատապարտված երեք մարդ բողոք է ներկայացրել դատարան՝ ապրիլի 29-ին Օկլահոմա նահանգում մահապատժի անհաջող կիրառումից հետո: Մահաբեր ներարկումից հետո 38-ամյա Քլեյթըն Լաքեթը, որը մեղադրվում էր սպանության եւ բռնաբարության համար, մահացել էր ոչ թե միանգամից, այլ 43 րոպե անց։ Սովորաբար, այդ գործընթացը տեւում է 12 րոպե։ Ամերիկյան նահանգները մահաբեր ներարկման մեջ օգտագործվող նյութերի խրոնիկ դեֆիցիտ ունեն. եվրոպական ընկերությունները դադարել են պենտոբարբիտալ նյութ արտահանել։ Այդ պատճառով նահանգները ստիպված են լինում այլընտրանքային միջոցներ օգտագործել, այդ թվում՝ չփորձարկված։ Ռաբըրտ Ջեյմս Քեմբըլը, որին պետք է մահապատժի ենթարկեին այսօր՝ Թեքսըսում, բողոք է ներկայացրել, որ դատավճռի իրականացումը հետաձգվի։ Նրա փաստաբան Մորի Լեւինը հայտարարել է, որ Սահմանադրությունն արգելում է դաժան եւ անսովոր պատիժը եւ երաշխիքներ են պետք, որ մահապատիժը մարդասիրական կլինի։ Բողոք են ներկայացրել նաեւ Ռասըլ Բաքլոն՝ Միզուրիից եւ Ռիչըրդ Պոպլավսկին՝ Փենսիլվենիայից: Read more
Powerd by Bloogie