January 2015

19 January 2015

Գյումրեցի փոքրիկը մահացավ

Article Details: Published on Monday, 19 January 2015 12:50; Written by

10923393 10152717495223165 1207793368831708339 n Այսօր ժամը 17-ին Սուրբ Աստվածամայր բժշկական կենտրոնում մահացել է 6 ամսական Սերյոժա Ավետիսյանը։ Փոքրիկի կյանքը փրկել չհաջողվեց։ Սուրբ Աստվածամայր բժշկական կենտրոնի տնօրեն Նիկոլայ Դալլաքյանի փոխանցմամբ, երեխայի մոտ մի քանի անգամ գրանցվել է սրտի կանգ, իրենք անընդհատ փորձել են վերակենդանացնել, բայց մի քանի փորձից հետո երեխան մահացել է։ -Երեխան գերադասեց միանալ ծնողներին, - ասաց Դալլաքյանը։ Ըստ առողջապահության նախարարության, չնայած տեղի եւ արտերկրի առաջատար մասնագետների կողմից ձեռնարկված վերակենդանացման շարունակական, երկարատեւ, անընդմեջ միջոցառումներին` ցուցանիշները բարելավել չհաջողվեց, զարգացավ սրտանոթային, թոքային, երիկամային անբավարարություն. անդառնալի փոփոխություններ տեղի ունեցան, որը հանգեցրեց մահվան։ Երեկ երեկոյան երեխայի առողջական վիճակը կտրուկ վատացել էր: Արդեն 7-րդ օրը կյանքի համար պայքարող երեխայի մոտ խորացել էր երիկամային եւ սրտանոթային անբավարարությունը: Նշենք՝ հունվարի 12-ին Գյումրիում ռուս զինվորական Վալերի Պերմյակովի ձեռամբ սպանվել էին Ավետիսյան ընտանիքի վեց անդամները: Ավետիսյանների ընտանիքից կենդանի էր մնացել միայն 6 ամսական Սերյոժա Ավետիսյանը, ում իրավապահները հայտնաբերել էին վիրավոր՝ կրծքի շրջանում կտրող, ծակող գործիքով ծանր վնասված: Փոքրիկը վիրահատվել էր նախ Գյումրիում, ապա Երեւանում։ Read more

17 January 2015

Էրդողանի հերթական լպիրշությունը

Article Details: Published on Saturday, 17 January 2015 02:05; Written by

erd 5 Հայաստանի իշխանություններն այնքան են իջեցրել երկրի հեղինակությունը, որ Թուրքիայի նախագահ Ռեջեփ Թայիփ Էրդողանը հերթական լկտի հայտարարությամբ ծաղրում է Սերժ Սարգսյանին։ Հիշեցնենք, որ երեկ նա Ալիեւի հետ հանդիպմանը ասել էր, թե ապրիլի 24-ին Թուրքիայում նշելու են Գալիպոլիի ճակատամարտի 100-ամյակը։ Իսկ այսօր Էրդողանը Սերժ Սարգսյանին հրավիրել է մասնակցել արարողություններին, որոնք կայանալու են Հայոց ցեղասպանության 100-րդ տարելիցի օրը։ Սերժ Սարգսյանը պատասխան նամակ է ուղարկել Էրդողանին եւ ասել. -Մինչեւ հիշատակի միջոցառում նախաձեռնելը, Թուրքիան շատ ավելի կարեւոր պարտականություն ուներ սեփական ժողովրդի եւ ողջ մարդկության հանդեպ, այն է՝ Հայոց ցեղասպանության ճանաչումն ու դատապարտումը:Խորհուրդ կտայի համաշխարհային խաղաղությանն ուղղված Ձեր կոչերում չմոռանալ Հայոց ցեղասպանության ճանաչման ուղերձ հղել աշխարհին՝ ոգեկոչելով մեկուկես միլիոն անմեղ զոհերի հիշատակը: Read more

Վարդան Պետրոսյանի գործով դատախազը վեց տարի վեց ամիս է բահանջել

Article Details: Published on Saturday, 17 January 2015 01:59; Written by

vardan 4 Կոտայքի մարզի ընդհանուր իրավասության դատարանում Վարդան Պետրոսյանի գործով դատի ժամանակ դատախազ Արթուր Սարգսյանը դերասանի համար պահանջել է 6 տարի 6 ամիս ազատազրկում: Այսօր նաեւ ելույթ են ունեցել տուժող կողմի փաստաբանն ու տուժածների հարազատները, որոնք դերասանի փաստաբաններին եւ լրագրողներին մեղադրել են դատավարությունը շոու դարձնելու մեջ։ Վարդան Պետրոսյանի փաստաբան Նիկոլայ Բաղդասարյանը դատարանին միջնորդել է հետաձգել նիստը` հաջորդ դատական նիստին Վարդան Պետրոսյանի ֆրանսիացի փաստաբանի ներկայությունն ապահովելու համար: Դատական հաջորդ նիստը նշանակվեց հունվարի 23-ին: Այդ օրը դատարանը կլսի Վարդան Պետրոսյանի փաստաբանների պաշտպանական ճառերն ու մեղադրյալի վերջին խոսքը: Ամենայն հավանականությամբ, հենց այդ օրն էլ կհրապարակվի վճիռը։ Read more

Երեւանում վիրահատել են վեց ամսական փոքրիկին

Article Details: Published on Saturday, 17 January 2015 01:53; Written by

seryoja 5 Read more

05 January 2015

Մահացել է Ռուդիկ Հովսեփյանը

Article Details: Published on Monday, 05 January 2015 14:31; Written by

RUDO 5 Սարսափելի եւ ծանր լուր ունենք հայտնելու, այլեւս մեզ հետ չէ քաղաքական հայտնի մեկնաբան, ճանաչված լրագրող, հրաշալի մարդ եւ ընկեր Ռուդիկ Հովսեփյանը: Մեր հեռուստատեսության անձնակամը, բոլոր հեռուստադիտողները սգում են հրաշալ այդ մարդու անժամանակ մահը: Ռուդիկ Հովսեփյանը ծնվել է 1946 թ. հունվարի 28-ին: Նա 18 տարեկանից իր առաջին քայլերն է արել պրոֆեսիոնալ բեմում։ 1964 թ աշխատանքի է անցել երգի-պարի պետական անսամբլում, որպես պարախմբի քոնցերտմեյստեր։1968թ. որպես բաս կիթառահար ընդունվել է պարի պետական անսամբլ։ 1971թ. նշանակվել է Թատերական ընկերության ստեղծագործական բաժնի վարիչ, Ճանաչված ռեժիսոր Հրաչյա Ղափլանյանի օգնական։ 1973թ. ընդունվում է Երեւանի դրամատիկական թատրոն, որպես դերասան, իսկ 1975թ. նշանակվում է Դրամատիկական թատրոնի երաժշտական բաժնի վարիչ: Ռուդիկ Հովսեփյանը 1991թ. մշտական բնակության է տեղափոխվում Միացյալ Նահանգներ, որտեղ հենց առաջին օրերից հիմնում է Վարագույր հեռուստաժամը, որով մինչ վերջերս եթեր էր հեռարձակվում՝ անկողմնապահ ներկայացնելով քաղաքական մեկնաբանությունները: Նա 1995թ. Լոս Անջելեսում բեմադրեց Լլոյդ Վեբըրի Հիսուս Քրիստոս Ռոք օպերան, որից հետո 1997 թ այն բեմադրեց Երեւանում: Ռուդիկ Հովսեփյանի հոգեհանստյան արարողությունը կայանալու է հինգշաբթի հունվարի 8-ին, երեկոյան ժամը 7-ին, Առաջնորդարանին կից սրբոց Ղեւոնդյաց եկեղեցում, իսկ հուղարկավորությունը՝ հունվարի 9-ին, ժամը 11:15-ին, Հոլիվուդ հիլզի Forest Loan գերեզմանատանը: Read more

Բենզինի գինը հասել է վեց տարվա նվազագույնին

Article Details: Published on Monday, 05 January 2015 14:15; Written by

gaz 5 Ամերիկյան բոլոր լցակայանների գրեթե 40 տոկոսում բենզինի գինը նվազել է մեկ գալլոնի համար 2 դոլարից: Առաջին անգամ բենզինի գալոնը երկու դոլար էր դարձել մեկ ամիս առաջ Օկլահոմա սիթիի բենզալցակայաններից մեկում, իսկ այսօր արդեն, ըստ վառելիքի գների տեղեկատվական ծառայության, 48 հազար լցակայաններ բենզին են վաճառում 2 դոլարից էլ պակաս գնով: Համաամերիկյան միջին գինը կազմում է 2, դոլար 20 սենթ, ինչը ամենացածր ցուցանիշն է վերջին վեց տարվա ընթացքում: Յոթ նահանգներում բենզինի գներն ամբողջությամբ նվազել են երկու դոլարից: Վերլուծաբանները, սակայն, լրջորեն կասկածում են, որ բոլոր 130 հազար լցակայաններում բենզինի գինը կնվազի երկու դոլարից: Արեւմտյան եւ հյուսիս-արեւելյան նահանգներում գործում է մեկ գալլոնի համար 40 սենթ հարկը, ինչը չի նպաստում բենզինի գների հավելյալ նվազմանը: Read more

Սարսափելի հանցագործություն Լոնգ Բիչում

Article Details: Published on Monday, 05 January 2015 13:55; Written by

mex 4 Քյալիֆոռնիայում նահանգում անհայտ անձինք վիրավորել են երեք մարդու եւ նորածնի առեւանգել: Մեկ կին եւ երկու տղամարդ վիրավորվել են Լոնգ Բիչի տներից մեկում՝ հրաձգության ընթացքում: Նրանք տեղափոխվել են հիվանդանոց: Ըստ ոստիկանության՝ տնից առեւանգել են նորածին աղջնակի: Ավելի ուշ Լոնգ Բիչի ոստիկանությունը հայտնել է, որ 3 շաբաթական Էլիզա Դելակրուսին մեռած են գտել: Դին հայտնաբերել են տանից 100 մղոն հեռավորության վրա, Imperial Beach առեւտրի կենտրոնի մերձակայքում: Երեխայի մայրն ու քեռին հիվանդանոցում են, ծայրահեղ ծանր վիճակում: Ոստիկանության լեյտենանտի խոսքով, երեխայի հորը դուրս են գրել հիվանդանոցից: Կասկածյալի մասին առայժմ չի հաղորդվում, ընթանում են նրա որոնումները: Իրավապահները չեն բացառել, որ ընտանիքը ճանաչել է նրան: Read more