17 February 2016
Սիրիական բանակը նոր տարածքներ է գրավել
- Article Details
- Published on Wednesday, 17 February 2016 13:17
- Written by
Սիրիական բանակի մարտիկները եւ աշխարհազորայինների ջոկատները գրավել են Թելլեթ-Գազալյա բարձունքը եւ մոտենում են Քենսաբ քաղաքին՝ Լաթաքիայում ելուզակային խմբավորումների վերջին հենակետին: Այս ուղղությամբ մարտերը կատաղի բնույթ են կրում: Սիրիական բանակի սպաներից մեկը հայտնել է, որ հակառակորդը կենդանի ուժի եւ տեխնիկայի կորուստներ է կրում: Փետրվարի 16-ին զորքերն ազատագրել են Լաթաքիայի մերձակա երեք բնակավայր՝ Այն Բասուրան, Շելեֆը եւ Բիլլախը: Ճանապարհների ու տների ականազերծումից հետո այնտեղ կթույլատրվի վերադառնալ բնակիչներին: Կառավարական ուժերը կարեւոր հաջողության են հասել նաեւ Հալեպից արեւելք ընկած շրջանում: Սիրիացի զինծառայողներն ու աշխարհազորայինները Իսլամական պետություն խմբավորման ահաբեկիչներին դուրս են մղել Աբու Դանա բնակավայրից, որտեղ գտնվում է հյուսիսային մեգապոլիսին էլեկտրաէներգիա մատակարարող ջերմաէլեկտրակենտրոնը: Այստեղ են ուղարկվել նորոգման բրիգադներ: ԻՊ-ի ելուզակների հետ մարտեր են մղվում Հոմսից 85 կիլոմետր հեռավորության վրա՝ Թելյալ-Ռավաբի բարձունքների շրջանում: Այնտեղ զորքերին հաջողվել է հսկողության տակ առնել էլ Կարյատեյն օազիս-քաղաք տանող ճանապարհը: Read more
Կենցաղային խնդիրներ, որոնք կարելի է լուծել սուրճի շնորհիվ
- Article Details
- Published on Wednesday, 17 February 2016 13:11
- Written by
։ Անկասկած է, որ սուրճն օգնում է առավոտյան արթնանալ եւ օրը սկսել լավ եւ էներգետիկ տրամադրությամբ։ Սուրճը կարելի է օգտագործել որպես սառնարանի ու սառցախցիկի օդի թարմացուցիչ։ Այն պետք է լցնել մրգամանի կամ կարագի տուփի մեջ եւ կափարիչի վրա մի քանի անցք անել։ Սուրճը կներծծի տհաճ հոտերը։ Բացի դրանից՝ սուրճի մրուրը լեցուն է ամեն հնարավոր սննդարար տարրերով, օրինակ՝ ազոտով, ինչի համար էլ այն համարձակորեն կարելի է օգտագործել որպես պարարտանյութ բույսերի համար։ Սուրճը ծառայում է որպես բուրավետ օճառի անփոփոխ տարր։ Սուրճի մրուրն օգնության է հասնում խոհանոցում ժամեր անցկացրած տանտիրուհու ձեռքի վրայից տհաճ հոտերը վերացնելու համար։ Եվ վերջապես, սուրճի մրուրն օգնում է կեղտը հեռացնել սպասքի վրայից։ Read more
Մրջյունները կերել են չինացու փողերը
- Article Details
- Published on Wednesday, 17 February 2016 13:06
- Written by
Չինաստանի Սիչուան գավառում թերմիտները կերել են ֆերմերի թաքցրած 20 հազար յուանը: Գումարը հավասարազոր է 3 հազար դոլարի: 60-ամյա Ցի Շենլին չի հիշում, թե որքան վաղուց է նա փողերը թաքցրել իր ննջարանի անկյունում: Նա դիմել է այդ քայլին, քանի որ նրան հարմար չեն եղել բանկում գումար պահելու հետ կապված ձեւականությունները: Ցի Շենլին 200 թղթադրամ դրել է 2 փաթեթի մեջ, դրանք տեղավորել ննջասենյակում փորած 15 սմ խորությամբ փոսում եւ փակել աղյուսով: Չինացու պատմությունը համացանցի շատ օգտատերերի համար դարձել է ծաղրի առարկա: Read more
Powerd by Bloogie