06 February 2016

Նյու Յորքում կռունկը շրջվել է

Article Details: Published on Saturday, 06 February 2016 00:17; Written by

kru 5 Նյու Յորքում` Մանհաթնի ստորին հատվածում շինարարական կռունկը շրջվել է հետիոտնի համար նախատեսված մասում։ Նյու Յորքի ոստիկանության հաղորդմամբ՝ 1 մարդ զոհվել է, 15-ը՝ վիրավորվել: Ընդ որում, այս թվերը դեռևս նախնական են: Շինարարական կռունկն ընկել է՝ փակելով փողոցը, ինչի արդյունքում վնասվել են նաև տեղում կայանված ավտոմեքենաները: Մեկ մարդ փակված է մնացել մեքենայի ներսում, փրկարարներին հաջողվել է դուրս հանել նրան: Կռունկը ոչ աշխատանքային վիճակում է եղել: Դեպքի վայրում աշխատում են ոստիկանության և փրկարար ծառայության աշխատակիցները: Տեղի ունեցածի հանգամանքները պարզվում են: Read more

Լոս Անջելեսի մետրոյում հնարավոր կլինի խոսել բջջայինով

Article Details: Published on Saturday, 06 February 2016 00:13; Written by

met 5 Մինչ օրս Լոս Անջելեսի մետրոյում բջջային հեռախոսները կարելի էր օգտագործել միայն երաժշտություն լսելու եւ խաղեր խաղալու համար, սակայն մարտի վերջից իրավիճակը կփոխվի, մետրոյի ստորգենտյա կայարաններում բջջային կապ եւ ինտերնետ է հայտնվելու։ Մետրոպոլիտենի ներկայացուցիչ Դեյվ Սոթերոն հայտարարել է, թե մարտի վերջին բջջային կապ կհայտնվի կարմիր եւ մանուշակագույն գծերում, որոնք երթեւեկում են Union եւ 7th Street/Metro Center կայարանների ուղղությամբ։ Ուղղեւորները կկարողանան զանգեր կատարել եւ շփվել ինտերնետով։ Իսկ արդեն տարեվերջին ողջ մետրոպոլիտենը միացած կլինի ցանցին։ Տրանսպորտի վարչությունը նաեւ ծրագրում է մինչեւ տարեվերջ ուայֆայով ապահովել քաղաքամերձ ավտոբուսային բոլոր ուղերթները։ Read more

Տեսախցիկները նպաստում են վթարների աճին

Article Details: Published on Saturday, 06 February 2016 00:10; Written by

tes 4 Սենսացիոն վիճակագրություն է ներկայացրել Նահանգներում լուսացուցների վրա տեղադրված այն տեսախցիկների արդյունքների ուսումնասիրությունը, որոնք արձանագրում են ավտոմեքենաների` արգելիչ գծերի գերազանցումը: Ճանապարհային անվտանգության ապահովագրման ինստիտուտի տեղեկություններով, նման տեսախցիկների տեղադրումը Ֆլորիդայի նահանգում 14,6 տոկոսով մեծացրել է վթարայնությունը: Այսպես, Տամպայում, շրջանի ամենաբնակեցված քաղաքներից մեկում, 23 խաչմերուկում տեսախցիկների հայտնվելուց հետո վթարների թիվը մեծացել է 51 տոկոսով: Արդյունքում տեղի պատգամավորները նախագիծն անհաջող են համարել եւ որոշել են ապամոնտաժել բոլոր սարքավորումները: Պարզվել է, որ նման տեսախցիկները հնարավորություն են տվել կրճատել ճանապարհների` 90 աստիճան անկյան տակ հատման կետում բախումների թիվը: Սակայն ձգտելով խուսափել արգելիչ գիծը գերազանցելու համար տուգանքից` վարորդները հաճախ կտրուկ կանգ են առնում լուսացույցի դիմաց, ինչը հանգեցրել է հանդիպակաց ուղղությամբ եկող մեքենաների մասնակցությամբ վթարների թվի էական աճի: Իմիջիայլոց, Նահանգներում ընդամենը 439 տեսախցիկ կա, որոնք արձանագրում են հոծ գծի հատումը։ Read more

Անօդաչուն բախվել է Empire State Building-ին

Article Details: Published on Saturday, 06 February 2016 00:05; Written by

emp 3 Երեկ երեկոյան ոչ մեծ անօդաչու թռչող սարք է բախվել Նյու Յորքի ամենահայտնի երկնաքերին՝ 102-հարկանի Empire State Building-ին: Մեգապոլիսի ոստիկանության ներկայացուցչի խոսքով՝ անօդաչուի գործարկուն՝ Նյու Յորքի երիտասարդ բնակիչը, կալանավորված է: Նա, ենթադրաբար, փորձել է ապարատի միջոցով մի քանի լուսանկար անել, բայց կորցրել է դրա նկատմամբ վերահսկողությունը: Տղամարդը մեղադրվում է այն բանում, որ անօդաչուն կառավարելիս թույլ է տվել գործողություններ, որոնք սպառնացել են շրջապատողների անվտանգությանը: Թռչող ապարատը շենքին է բախվել 40-րդ հարկի բարձրության վրա, իսկ այնուհետեւ 35-րդ հարկում ընկել երկնաքերի հարթակներից մեկը: Empire State Building-ը բարձրությամբ Ամերիկայի խոշորագույն մեգապոլիսի երրորդ շենքն է։ Read more

Պետդեպարտամենտը հանձնարարական է հրապարակել

Article Details: Published on Saturday, 06 February 2016 00:01; Written by

2 2 Միացյալ Նահանգների Պետդեպարտամենտը հանձնարարական է հրապարակել իր երկրի քաղաքացիների համար, որում նախազգուշացնում է Թուրքիայի հարավարեւելյան շրջաններ, մասնավորապես, Սիրիայի հետ սահմանամերձ տարածք ուղեւորությունների մասին: Դրա պատճառ է նշվել միջազգային եւ տեղական ահաբեկչական խմբավորումների կողմից աճող սպառնալիքը: Նախազգուշացվել է, որ ահաբեկիչների թիրախներ կարող են դառնալ ժողովրդականություն վայելող տուրիստական օբյեկտները ամերիկյան կառավարությանը պատկանող շենքերը, ոստիկանությունը եւ Թուրքիայի իշխանության այլ տեղական մարմիններ: Բացի այդ, առկա է մարդկանց առեւանգումների սպառնալիք, հատկապես հարավ-արեւելքում: Այստեղ վտանգ են ներկայացնում նաեւ Սիրիայի տարածքից գնդակոծումները: Read more