Ըստ Հալեպից ստացված վերջին տեղեկությունների, զինյալ խմբավորումները Հալեպի տարբեր շրջաններում արկեր են նետել։ Հայաշատ Նոր Գյուղ թաղամասում բազմաթիվ հայազգի վիրավորներ եւ զոհեր կան։ Ըստ ճշտված տեղեկությունների՝ ազգությամբ հայ զոհերն են՝ Սագո Աշնալըքյանն ու Լևոն Գևորգյանը։ Վիրավոր հայերն են՝ Վրեժ Եագուպյանը, Ժագ Տեկիրմենճյանը, Հարութ Աբիկյանը, Արաքսի Օրուլյանը, Հասմիկ Մանուել-Թութունճյանը եւ Կարո Քարակյուլլեյանը։Հալեպի «Գանձասար» շաբաթաթերթը կոչ է անում զգույշ լինել, հեռու մնալ պատուհաններից և պատշգամներից, իսկ պայթյունների ձայն լսելու դեպքում դուրս չգալ: Հալեպի Հայաշատ թաղամասում՝ մարդկային և նյութական լուրջ վնասներէ հասցվել բնակչությանը: Read more
Լոս Անջելեսի շերիֆի օգնականները խոստովանել են, որ սխալմամբ գնդակահարել են հեռուստատեսային պրոդյուսեր 30-ամյա Ջոն Ուինքլերին՝ նրան շփոթելով երեք մարդու պատանդ վերցրած անձի հետ: Միջադեպը տեղի էր ունեցել երկուշաբթի երեկոյան: Շերիֆի ներկայացուցիչները հայտնել են, որ Ուինքլերին եւ եւս երկու տղամարդու Նորթ Հալիվուդի բնակարաններից մեկում պատանդ էր վերցրել դանակով զինված 27-ամյա Ալեքսանդեր ՄակԴոնալդը: Պրոդյուսերին հաջողվել է երկրորդ պատանդի հետ դուրս վազել տնից, որից հետո բախվել էր իրավապահներին: Երեք սպաներ Ուինքլերին շփոթել են հանցագործի հետ եւ միաժամանակ մի քանի կրակոց արձակել: Տուժածը հիվանդանոցում մահացել էր: Ինքը՝ ՄակԴոնալդը, ձերբակալվել է, նրան մեղադրանք է առաջադրվել: Ոստիկանության ներկայացուցիչների խոսքով՝ ՄակԴոնալդը գտնվել է ոչ ադեկվատ վիճակում: -Անմեղ մարդուն կյանքից զրկելը մեծագույն մղձավանջ է ոստիկանության աշխատակցի համար,-հայտարարել է ժամանակավոր շերիֆ Ջոն Սքոթը մամուլի ասուլիսի ժամանակ: Read more
Powerd by Bloogie