amga.tv

Switch to desktop Register Login

11 January 2013

Հայտնի են Օսկարին հավականողները

Oscar 5Ամերիկյան կինոակադեմիան հրապարակեց Օսկարի 85-րդ մրցանակաբաշխության հավակնորդների ցուցակը: Միջոցառումը կայացել է Սեմյուել Գոլդուին կինոթատրոնում, այն վարել են Սեթ ՄաքՖարլեյնն ու դերասանուհի Էմա Սթոունը: Ամենաշատ՝ 12 անվանակարգերում պայքարում է Ստիվըն Սփիլբըրգի «Լինքըլն» դրաման, որին հաջորդում է Էնգ Լիի Պիի կյանքը՝ 11 նոմինացիայով: Այս ֆիլմերի հետ Լավագույն ֆիլմ անվանակարգում պայքարում են եւս 7-ը՝ Միկաել Հանեկեի «Սեր», Քեթրին Բիգելոուի «Նպատակ թիվ մեկ», Բեն Աֆլեկի «Արգո», Թոմ Հուպերի «Թշվառները», Դեւիդ Օ.Ռասըլի «Իմ տղամարդը խելագար է», Բեն Զայտլինի Վայրի Հարավի գազանները եւ Քուենտին Տարանտինոյի «Ազատ արձակված Ջանգոն» ժապավենները: Լավագույն դերասան անվանակարգում մրցանակի են հավակնում Հյու Ջեքմընը, Դենզել Վաշինգթընը, Հոաքին Ֆինիքսը, Դենիել Դեյ-Լյուիսն ու Բրադլի Քուփըրը։ Լավագույն դերասանուհի անվանակարգում մրցանակի թեկնածու են Նեոմի Ուաթսը, Ջեսիկա Չեսթեյնը, Ջենիֆըր Լորընսը, Էմանուել Ռիվան, Քըվենզընե Ուոլիսը՝ Օսկարի հավակնորդ ամենաերիտասարդ դերասանուհին (նա ընդամենը 9 տարեկան է)։ Տղամարդու երկրորդ պլանի լավագույն դերի մրցանակի համար կպայքարեն Հալիվուդի այնպիսի տիտաններ, ինչպիսիք են Ռաբըրտ դե Նիրոն ու Թոմի Լի Ջանսը։ Ինչպես եւ սպասվում էր Լավագույն երգ անվանակարգում գլխավոր հավակնորդը բրիտանացի երգչուհի Ադելի Skyfall ստեղծագործությունն է՝ ռեժիսոր Սեմ Մենդեսի համանուն ֆիլմից: Իսկ Օսկարի մրցանակաբաշխության հոբելյանական արարողությունը տեղի կունենա 2013 թվականի փետրվարի 24-ին  

Read more

Քուրդ ակտիվիստուհիներ են գնդակահարվել Փարիզում

pariss 6Փարիզում գնդակահարվել է 3 կին, ովքեր ենթադրաբար կապված էին քրդական ազգայնական կազմակերպությունների հետ: Նրանց մարմինները հայտնաբերվել են Փարիզում Քրդական ինստիտուտի շենքի մոտ: Սպանվածներից մեկը՝ Սաքինե Չանսըզը, եղել է Քրդական բանվորական կուսակցության համահիմնադիրներից մեկը: Մյուս կինը՝ Ֆիդան Դողանը, Բրյուսելում գտնվող Քրդական ազգային կոնգրեսի ներկայցուցիչն է եղել: Սպանված երրորդ կնոջ անունն է Լեյլա Սոյլեմեզ: Սպանությունը կատարվել է չորեքշաբթի ցերեկը, սակայն նրանց մարմինները հայտնաբերվել են միայն հունվարի 10-ին: Հիշեցնենք, որ Թուրքիայում արդեն 25 տարի շարունակ Քրդական բանվորական կուսակցությունը պայքար է մղում իշխանությունների հետ: Քրդերը ձգտում են իրենց առանձին պետությունը ստեղծել երկրի հարավարեւելյան շրջաններում: Վերջին ժամանակներս Թուրքիայի իշխանությունները փորձում են 1999-ից ազատազրկված Քրդական բանվորական կուսակցության առաջնորդ Աբդուլլահ Օջալանի միջոցով համոզել քուրդ գրոհայիններին վայր դնել զենքը: Read more

Հարբածին կապել են ինքնաթիռում

kapkep 4Ինքնաթիռում հարբածների չարաճճիությունները կարող են խիստ միջոցների կիրառմամբ ավարտվել եւ ոչ թե ինքնաթիռի սպասարկող անձնակազմի, այլ հենց ուղեւորների կողմից: Դրանում համոզվել է ԱՄՆ մի քաղաքացի: Ռեյկյավիկից Նյու Յորք վերադարձի ժամանակ տղամարդը հայտնվել է ինքնաթիռում՝ մեծ չափաբաժնով շնափս եւ վիսկի օգտագործած: Ուղեւորի հարեւանությամբ գտնվողների համար, մեղմ ասած, հեշտ չի եղել: Սկզբում նա սկսել է բղավել, որ ինքնաթիռն ընկնում է օվկիանոսը, այնուհետեւ սկսել է հարձակվել մյուս ուղեւորների վրա: Վերջապես որոշել են նրա հետ հարցերը լուծել կտրուկ ձեւով. նրան կապել են նստատեղին մի ամբողջ փաթեթ կպչուն ժապավենով: Նման խիստ միջոցառում ձեռնարկել են այն բանից հետո, երբ հարբածը հարձակվել եւ փորձել է խեղդել մի կնոջ: Ուղեւորները նաեւ հոգացել են սրահում լռություն ապահովելու մասին` ուղեւորի բերանը եւս փակելով։ Սթափվելուց հետո տղամարդը չի բողոքել, հակառակը՝ ուրախացել է, որ ամեն բան կարգավորվել է առանց վարչական գործի հարուցման: Սա առաջին անգամ չէ, երբ ստիպված են լինում ուղեւորներից կամ սպասարկող անձնակազմի անդամներից որեւէ մեկին թռիչքի ընթացքում չեզոքացնել: 2012 թ. մարտին Նյու Յորք-Լաս Վեգաս թռիչքը կասեցվել էր նման արարքի պատճառով: Թռիչքից անմիջապես հետո օդաչուն սկսել էր անհեթեթ արտահայտություններ անել: Ուղեւորների մեջ գտնվող նախկին ոստիկանը ստիպված էր եղել խելագար օդաչուին տապալել եւ կապել: Read more

Նյու Յորքում շինարարական կռունկ է ընկել

craine 6Նյու Յորքում շինարարական վերամբարձ կռունկը վայր է ընկել, որի հետեւանքով տուժել է 7 շինարար: 380 ոտնաչափ բարձրություն ունեցող վերամբարձ կռունկն ընկել է Քուինսի շինհրապարակում` Լոնգ Այլընդի տարածքում: Միջադեպի հանգամանքները պարզվում են: Վիրավորներին տեղափոխել են հիվանդանոց, նրանցից երեքի վիճակը ծայրահեղ ծանր է: Նյու Յորքի հրշեջ ծառայության ներկայացուցիչ Մարկ Ֆերրընի խոսքով, երեք բանվորներին բառացիորեն դուրս են բերել կռունկի փլատակների տակից: Կռունկը սկսել է ընկել բեռ բարձրացնելու ժամանակ: Մինչ այդ չորս օր շինարարական աշխատանքներ են իրականացվել, եւ, ըստ բանվորների, սարքավորումը որեւէ անգամ խնդիրներ չի հարուցել: Շինարարությունն իրականացրել է TF Cornerstone ընկերությունը, որը բնակելի համալիր էր կառուցում: Իսկ վայր ընկած վերամբարձ կռունկը պատկանում է New York Crane ընկերությանը, որի սեփականատեր Ջեյմս Լոման 2008թ. անցել է հանցավոր անփութության գործով, որը հանգեցրել է մարդկանց մահվան: Այն ժամանակ վերամբարձ կռունկի վայր ընկնելու հետեւանքով վերին Իսթ-Սայդում զոհվել էր երկու մարդ: Լոման արդարացվել էր: Read more

Սպանել էր ընկերոջ երեխային

ponpol 421-ամյա կինը կանգնելու է դատարանի առջեւ` ընկերոջ երկու տարեկան աղջնակին կծու պղպեղով թունավորելու մեղադրանքով: 21-ամյա Ամենդա Սորենսընը ձերբակալվել է ծանրացուցիչ հանգամանքներում կատարված սպանության եւ երեխաների նկատմամբ դաժան վերաբերմունքի մեղադրանքով: Ջոյլին Գարսիան անցած շաբաթ մահացել էր Էփփլ-Վյալիի իրենց տանը: Դատաբժշկական փորձաքննության արդյունքում որը կտեւի մի քանի շաբաթ կպարզվի երեխայի մահվան իրական պատճառը: Սորենսընի համար դատարանը 500 հազար դոլար գրավ է նշանակել:  Read more

Հային չորս անգամ կրակած անձն իրեն մեղավոր չի ճանաչում

krak 4Գլենդելի 48-ամյա բնակիչ Իրա Գերագոսը դատարնում իրեն մեղավոր չի ճանաչել հունվարի 7-ին ասեղնաբույժ Արամ Հակոբյանի դեմ մահափորձի մեջ: Դատարանը նրան կալանավորել է, իսկ նախնական լսումները մեկնարկելու են հունվարի 30-ին

Գերագոսը ձերբակալվել էր սպանության փորձ կատարելու եւ հրազենով հարձակում գործելու մեղադրանքով։ Արա Հակոբյանին հրազենային չորս վնասվածքներով տեղափոխել էին հիվանդանոց: Հրաձգությունը կապված է եղել սիրային եռանկյունու հետ։ Պաշտոնական դեմքերը հաղորդել են, որ Գերագոսի նախկին կինը  հանդիպել է Հակոբյանի հետ։ Գերագոսն ոստիկանության բաժանմունքի աշխատակիցների կողմից հետապնդվելուց հետո փորձել էր թաքնվել իր մեքենայով, ապա փորձել է խոյահարել ոստիկաններին։ Արդյունքում բախվել է ծառին ու ձերբակալվել։ Դետեկտիվները մեքենայի մեջ հայտնաբերել են երկու ատրճանակ ու զինամթերք։ Գերագոսը կալանքի տակ է, գրավի գումարը կազմում է մեկ միլիոն դոլար։ Read more

Գրիպի համաճարակ ԱՄՆ-ում

grip 5ԱՄՆ-ում գրիպի ուժեղ համաճարակ է. հիվանդության բռնկումներ են գրանցվել 41 նահանգներում: Համաճարակի հետեւանքով արդեն 18 երեխա է մահացել:

Բասթըն քաղաքի` Մասաչուսեթսի նահանգի վարչական կենտրոնի իշխանությունները հունվարի 9-ին արտակարգ դրության ռեժիմ են հայտարարել գրիպի համաճարակի կապակցությամբ, որի պատճառով այդ նահանգում արդեն 18 մարդ է մահացել:

Ինչպես նշել է Բասթընի քաղաքագլուխ Թամըս Մենինոն, ընթացիկ համաճարակային սեզոնում, որի սկիզբը համարվում է 2012 թվականի հոկտեմբերի 1-ը, քաղաքում վարակման արդեն շուրջ 700 դեպք է գրանցվել, ինչը տասն անգամ ավելի է, քան 2011-2012 թվականների համաճարակային սեզոնում: -Սա գրիպի ամենածանր սեզոնն է 2009 թվականից ի վեր, քաղաքացիները պետք է լրջորեն վերաբերվեն հիվանդանալու սպառնալիքին... Ես կոչ եմ անում Բասթընի բնակիչներին պատվաստում անցնել, եթե նրանք դեռեւս դա չեն արել,- ասել է Մենինոն: Հիվանդությունների վերահսկողության եւ կանխարգելման կենտրոնի տեղեկատվության համաձայն` այս սեզոնում գրիպի եւ համանման հիվանդությունների մեծ թվով դեպքեր են գրանցվել 29 նահանգներում: Գրիպի ախտանշաններով ԱՄՆ-ի բուժհաստատություններ է դիմել արդեն երկրի բնակչության 5,6 տոկոսը այն դեպքում, երբ մեկ տարի առաջ այդ ցուցանիշը կազմում էր ընդամենը 2,2 տոկոս: Բժիշկները բոլորին խորհուրդ են տալիս պատվաստվել: Ըստ նրանց՝ պատվաստումն առաջին հերթին անհրաժեշտ  է տարեցներին եւ երեխաներին: Որոշ քաղաքներում պատվաստանյութն անվճար են տրամադրում

Read more

Կրակոցներ Թաֆթ դպրոցում

taft 4Կալիֆորնիայի Թաֆթ ավագ դպրոցում կրակոցներ են հնչել: Կասկածյալը, ով դպրոցի աշակերտ է, առավոտյան ժամը 9-ին կրակ է բացել` վիրավորելով երկու անձի: Դպրոցը գտնվում է Լոս Անջելեսից 120 կմ հեռավորության վրա, Բեյքըրսֆիլդ քաղաքում: Ոստիկանությունը ձերբակալել է կրակողին, սակայն նրա անունն առայժմ չի հաղորդվոմ: Քըրն շրջանի շերիֆի ներկայացուցչի խոսքով, մի աշակերտ ծանր վիրավորվել է եւ ուղղաթիռով տեղափոխվել է հիվանդանոց, իսկ ուսուցիչը աննշան վնասվածք է ստացել եւ հրաժարվել է հիվանդանոց տեղափոխվելուց: Միջադեպի հետեւանքով տարհանվել էին ուսումնական հաստատության աշակերտները: Ոստիկանությունը հետաքննություն է սկսել, հանցագործության դրդապատճառների մասին ոչինչ հայտնի չէRead more

Բայդենը սկսել է հանդիպումները զենքի օրենքի շուրջ

bayyy 4ԱՄՆ-ի նախագահ Բարաք Օբաման պատրաստ է ուղղակի կարգադրությունների միջոցով լուծել հրազենի կիրառմամբ բռնությունների հետ կապված խնդիրները, այլ ոչ թե գործողությունների սպասել Կոնգրեսից: Այդ մասին հայտարարել է երկրի փոխնախագահ Ջոզեֆ Բայդընը: Փոխնախագահը Օբամայի կարգադրությամբ վերջերս գլխավորել է բռնության հակազդման միջգերատեսչական հանձնաժողովը եւ սկսել է տարբեր խմբերի հետ բանակցությունների եռօրյա փուլը եւ այդ ընթացքում քննարկելու է հրազենի հետ կապված խնդիրները: -Նախագահը մտադիր է գործել: Կա ուղղակի հրամանների, կարգադրությունների միջոցը, եւ այն կարող է օգտագործվել: Մենք դեռեւս վերջնական որոշում չենք կայացրել, բայց այն մշակում ենք,- ասել է Բայդենը զենքի տարածման վերահսկողության հիմնախնդիրներին նվիրված հերթական հանդիպումից հետո: Այս հանդիպումները փոխնախագահը շաբաթվա սկզբից ի վեր անցակացնում է ամեն օր, դրանց մասնակցում են իրավապաշտպաններ, իրավապահ մարմինների աշխատակիցներ, իրավաբաններ եւ հասարակական եւ մարզական միավորումների անդամներ: Փոխնախագահի խոսքով՝ Նյութաունում տեղի ունեցած ողբերգությունը, որտեղ չարագործը դպրոցում գնդակահարեց 20 երեխաների, ապացուցում է, որ իրադրությունը պահանջում է անհետաձգելի գործողություններ:  

Read more

Դանըլդ Թրամփը օրանգուտան չէ

Trump 5Միլիարդատեր Դանըլդ Թրամփը ներկայացրել է իր ծննդյան վկայականը՝ ապացուցելու համար, որ ինքը օրանգուտանի որդի չէ: Նա իր ծննդյան վկայականի պատճենը ուղարկել է հայտնի կատակերգու Բիլ Մարին, որը խոստացել էր 5 մլն դոլար նվիրաբերել Թրամփի ընտրած ցանկացած բարեգործական կազմակերպության, եթե նա կարողանա ապացուցել, որ ինքը չի հանդիսանում օրանգուտանի որդի:

Մարին ուղղված՝ Թրամփի փաստաբանի նամակում ասվում է, որ ուղարկված պատճենը վկայում է այն մասին, որ միլիարդատերն ու հեռուստահաղորդավարը հանդիսանում է Ֆրեդ Թրամփի որդին, այլ ո՛չ օրանգուտանի: Փաստաբանը նաեւ խնդրել էր անհապաղ ուղարկել խոստացված գումարը, որը Թրամփը կկիսի 5 բարեգործական ընկերությունների միջեւ: Վկայականից պարզ է դառնում, որ Թրամփը ծնվել է 1946 թվականի հունիսի 14-ին Նյու-Յորքի Քուինս շրջանում: Նրա ծնողներն են Ֆրեդ Թրամփն ու Մերի Մաքլեոդը: Նշենք, որ Մարը նման հայտարարությամբ էր հանդես եկել երկուշաբթի՝ հեռուստահաղորդումներից մեկի ժամանակ: Read more

Powerd by Bloogie

Copyright © 2012 | Amga.TV | Armenian Media Group Of America.

Top Desktop version