14 December 2012
Կաղամարների զանգվածային ինքնասպանություն
- Article Details
- Published on Friday, 14 December 2012 03:59
- Written by
Հազարավոր սատանայական կաղամարներ զանգվածային ինքնասպանություն են գործել: Մոնտերեյի ծովածոցի լողափերից մեկում նախօրեին առավոտյան զարմանալի տեսարան է եղել: Ինչ-ինչ պատճառներով ավազի մեջ նետված հազարավոր Համբըլդի կաղամարներ են գտել: Բնակիչներին ապահովության համար զգուշացրել են, որ ուտելու նպատակով ծովամթերքը չհավաքեն: Սա վերջին վեց շաբաթում կաղամարների զանգվածային ինքնասպանության արդեն երրորդ դեպքն է: Մարդիկ դեռ ողջ մնացած կենդանիներին ջուրն են գցել, սակայն վերջիններս կրկին վերադարձել են: Ափում երիտասարդ կաղամարներ են եղել՝ մի քանի ոտնաչափ երկարությամբ: Սովորաբար Հումբոլդտի կաղամարների երկարությունը կարող է հասնել 2 մետրի: Մասնագետները ենթադրում են, որ պատճառը կարող են թունավոր նյութերը լինել: Օրինակ, որոշ ջրիմուռներ թունանյութերի աղբյուր են: Հետաքրքիրն այն է, որ համբըլդի կաղամարներ այդ ջրերում արդեն մի քանի տարի չէին տեսել: 1997թ.-ից նրանք չէին երեւում այդ կողմերում: Ենթադրվում էր, որ ջրի ջերմաստիճանի բարձրացման պատճառով դրանք տեղափոխվել են հյուսիս: Read more
Կրծքերի իմպլանտներում թմրանյութ
- Article Details
- Published on Friday, 14 December 2012 03:51
- Written by
Պանամայի քաղաքացին ձերբակալվել է Բարսելոնի օդանավակայանում՝ կրծքերի իմպլանտների միջոցով թմրանյութ տեղափոխելու մեղադրանքով: Սիլիկոնի փոխարեն կնոջ կրծքերում հայտնաբերվել է կոկայինով լի երկու տոպրակ: Հայտնաբերված թմրանյութի ընդհանուր քաշը կազմել է մոտ երկու կիլոգրամ: Ոստիկանության ուշադրությունը գրավել է աղջկա տարօրինակ պահվածքը: Ավելի ուշ զննման ժամանակ ոստիկանությանը տարօրինակ են թվացել նրա կրծքերի տակ եղած վիրակապերը: Աղջիկը բացատրել է, որ երկու ամիս առաջ է կրծքի վիրահատություն արել, սակայն վերքերը ամբողջությամբ չեն ապաքինվել: Նրան տեղափոխել են հիվանդանոց, որտեղ եւ սուտը բացահայտվել է: Իրավապահ մարմինների վարկածով՝ հնարավոր է աղջիկը կոլումբիական թմրավաճառներից մեկի զոհն է դարձել, այսինքն` թմրավաճառը ստիպողաբար պարտադրել է աղջկան նման ձեւով կոկային տեղափոխել: Բժիշկների խոսքով, կոկայինի հանումը փրկել է աղջկա կյանքը, քանի որ այդ չափի թմրանյութի ներթափանցումը արյան մեջ մահացու կլիներ: Read more
Ծեծկռտուք Ուկրաինայի խորհրդարանում
- Article Details
- Published on Friday, 14 December 2012 03:46
- Written by
Ուկրաինայի Գերագույն Ռադայի խորհրդարանական երկրորդ օրը, սկսվել է ձեռնամարտով։ Վեճը կրկին նախաձեռնել էր ընդդիմությունը՝ Սվոբոդա-ի գլխավորությամբ։ Նրանք դեմ են հանդես եկել Տարածաշրջանների կուսակցության դեմ այն ժամանակ,երբ խորհրդարանը պետք է քննարկեր խորհրդարանի նախագահի թեկնածության հարցը։ Այդ հարցի քննարկումը սկսելուն կողմ էին քվեարկել 242 պատգամավոր։ Դա ցույց է տվել, որ Տարածաշրջանների կուսակցությունը մեծամասնություն է կազմել, որը կօգնի՝ ընդունել իր որոշումները։ Ընդդիմադիրները նիստին ներկայացել էին Ազատությանը չես կանգնեցնի գրությամբ շապիկներով։ Նրանք սկսել են անպատվել իրենց գործընկերներին, եւ անցել են ձեռնամարտի: Ընդդիմադիրները գրոհել են նախագահության ամբիոնը, բայց իշխանամետներին հաջողվել է խանգարել նրանց, իսկ ոմանց նույնիսկ դռներից դուրս հրելով։ Նիստին ներկա է եղել նաեւ բռնցքամարտի ախարհի չեմպիոն Վլադիմիր Կլիչկոն, ով, սակայն ծեծկռտուքին չի մասնակցել: Ի վերջո իշխանությունը խորհրդարանի նախագահ է ընտրել Վլադիմիր Ռիբակին, իսկ վարչապետ` Նիկոլայ Ազարովին: Read more
Երուսաղեմում պղծել են հայկական գերեզմանները
- Article Details
- Published on Friday, 14 December 2012 03:41
- Written by
Երուսաղեմում վանդալները հակաքրիստոնեական գրություններ են կատարել Սուրբ Խաչ ուղղափառ եկեղեցու պատերի եւ հայկական գերեզմանատան դարպասների վրա: Agence-France-Presse-ի փոխանցմամբ, ականատեսների խոսքով` առաջին գրությունը նկատվել է երեկ առավոտյան ժամը 4:30-ի սահմաններում: Եկեղեցու պատերին եբրայերենով գրվել են մի շարք կարգախոսներ, օրինակ` Մահ քրիստոնեությանը: Բացի այդ` անհայտ անձինք վանքի ծառայողների մեքենաների անվադողերն են վնասել, իսկ մեքենաների վրա գրություններ թողել: Իսրայելի վարչապետ Բենյամին Նեթանյահուն վանդալներին անվանել է անբարոյականներ: Ենթադրվում է, որ տեղի ունեցածի հետեւում կանգնած են հրեա աջ արմատականները: Ոստիկանությունը վանդալիզմի փաստի առթիվ հետաքննություն է սկսել: Նշենք, որ Իսրայելում բնակվում է 155 հազար քրիստոնեա, ինչը կազմում է երկրի բնակչության մոտ 2 տոկոսը: Read more
ՀԱԿ-ի վիճակը վատ է
- Article Details
- Published on Friday, 14 December 2012 03:36
- Written by
ԲՀԿ առաջնորդ Գագիկ Ծառուկյանի հրաժարումը` նախագահական ընտրություններին առաջադրումից լուրջ իրավիճակ է ստեղծել ԲՀԿ-ում եւ նրա դաշնակից Հայ ազգային կոնգրեսում: Մինչ այսօր լուրեր էին շրջանառվում, թե ԲՀԿ-ից դուրս է գալու եւ առաջադրվելու է նախկին արտգործնախարար Վարդան Օսկանյանը, սակայն վերջինս հայտարարություն է տարածել եւ նշել, թե հարգում եւ ընդունում է Ծառուկյանի որոշումը: Բավական ծանր վիճակում է հայտնվել Հայ ազգային կոնգրեսը, որը օլիգարխի կուսակցության հետ համագործակցության արդյունքում արդեն կորցրել է իր ընտրազանգվածի մեծ մասը: ՀԱԿ-ը վերջին երկու օրում երկու քաղխորհրդի նիստ է գումարել, սակայն որեւէ որոշում չի հրապարակել: Ընդ որում, հայաստանյան մամուլի տվյալներով, Լեւոն Տեր-Պետրոսյանն այս անգամ չի առաջադրվելու, եւ ՀԱԿ-ը կարող է առաջադրել Լեւոն Զուրաբյանին, այն էլ միայն մասնակցություն ապահովելու, այլ ոչ իրական գործընթացների համար: Երեկ ՀԱԿ գրասենյակում զավեշտալի իրադարձություն է եղել: Նախկին քաղբանտարկյալ, ՀԱԿ-ի համար բազմիցս ակցիաներ արած Վարդգես Գասպարին պառկել է գրասենյակի դռան առջեւ` իր բողոքի ձայնը բարձրացնելով ՀԱԿ-ում տիրող անառողջ մթնոլորտի դեմ: Read more
22 աշակերտների ձերբակալել են թմրանյութերի համար
- Article Details
- Published on Friday, 14 December 2012 03:30
- Written by
Թըմեքուլա Վյալիի դպրոցական օկրուգի 22 աշակերտների նկատմամբ քրեական գործ է հարուցվել թմրանյութերի դեմ պայքարի շրջանակներում: Ռիվըրսայդ շրջանի շերիֆ գրասենյակը աշակերտներին տարել է հենց երեք դպրոցների դասարաններից: 15 աշակերտ ձերբակալվել են Թըմեքուլա Վյալիի ավագ դպրոցից, 5-ը` Չեփըրել դպրոցից, եւս երկուսը` Rancho Vista Continuation ավագ դպրոցից: Ոստիկաններն աշակերտների մոտից առգրավել են թմրանյութի մեծ քանակություն` այդ թվում` մարիխուանա, կոկաին, մետամֆետամին, էքսթըզի, հերոին, LSD: Նրանցից երկուսին ձերբակալել են որպես չափահասների, իսկ մյուսներին հանձնել ծնողներին, նրանց անունները չեն հաղորդվում: Read more
Ինքնասպանություն Գլենդելում
- Article Details
- Published on Friday, 14 December 2012 03:27
- Written by
Նախօրեին Գլենդելի թիվ 2 մայրուղուց, Չեւի Չեյզ քենյընի մոտ ինքնասպանություն գործած անձը գրություն է թողել: Տղամարդը, ում անունը չի հաղորդվում, նախօրեին վաղ առավոտյան նետվել է երկու մայրուղիների վրայի անցումից: Սերժանտ Թամ Լորընցի խոսքով, ականատեսները միան նկատել են, թե ինչպես է տղամարդը ցատկում: Ոստիկանները դիակի մոտից գրություն են գտել, նաեւ մայրուղու վրա թողած նրա մեքենան: Ոստիկաններն առայժմ տեղեկություններ չեն հայտնել զոհվածի արարքի դրդապատճառների մասին: Նշվում է, որ նետվելուց առաջ ոստիկանները ահազանգ չեն ստացել: Դեպքից հետո Չեւի Չեյզը մոտ երեք ժամով փակ է եղել, մինչ ոստիկանները հետաքննություն են իրականացրել: Read more
Զինված կողոպուտ Մորենո Վյալիում
- Article Details
- Published on Friday, 14 December 2012 03:17
- Written by
Ֆուլըրթընում` Կալիֆոռնիայի համալսարանում վերսկսվել են պարապմունքները` ավելի քան 8 ժամ տեւած մեկուսացումից հետո, երբ ոստիկանները որոնում էին երկու կասկածյալների: Միջադեպն ավարտվել է երեկ կեսգիշերին մոտ, եւ ուսանողներին թույլատրվել է վերադառնալ իրենց սենյակները: Երեկ ցերեկը, ժամը 3-ի սահմաններում Մորենո Վյալիի Empire Jewelry եւ Pawn Shop խանութներում զինված կողոպուտ էր եղել: Դրանից հետո ուսանողները հայտնել էին, որ առնվազն երկու զինված մարդու են տեսել: Հատուկ նշանակության ուժերը մինչեւ երեկոյան ժամը 11-ը սենյակ առ սենյակ որոնումներ են իրականացրել, սակայն որեւէ կասկածելի բան այդպես էլ չեն հայտնաբերել: Ոստիկանությունը հայտնել է, որ խանութի աշխատակիցը ծանր հրազենային վնասվածք է ստացել: Մոտ 20 տարեկան տուժածին տեղափոխել են հիվանդանոց, որտեղ նրան վիրահատել են: Ներկայումս տուժածի վիճակը ծանր, բայց կայուն է: Կասկածյալները դեպքի վայրից փախել էին Լեքսըս մակնիշով մեքենայով եւ կանգ առել համալսարանի մերձակայքում: Ոստիկաններին հաջողվել էր ձերբակալել կասկածյալներից մեկին դեռ ճանապարհին, եւ այժմ նրան հարցաքննում են: Մյուսներին չեն կարողացել գտնել Ֆուլերթընի համալսարանի տարածքում: Սակայան ավելի ուշ ոստիկանությանը հաջողվեց ձերբակալել նրանց։ Read more
Լոհանին կարող են ձերբակալել
- Article Details
- Published on Friday, 14 December 2012 03:14
- Written by
Հորիվուդյան սկանդալային դերասանուհի Լինդսի Լոհանին կարող են բանտարկել, քանի որ սկսվում է հունիսին տեղի ունեցած վթարի գործի քննությունը, որի հարցում Լինդսին խաբել է ոստիկանությանը: Դերասանուհին ասել է, որ այդ ժամանակ ինքը չի եղել մեքենայի ղեկին: Այդ ստի համար Լոհանը կարող է ճաղերի հետեւում անցկացնել 8 ամիս: Լինդսիի փաստաբանը մտադիր չէ հանձնվել եւ պատրաստվում է աստղի համար պայմանական ազատազրկումը վերականգնելու խնդրանքով փաստաթղթեր ներկայացնել: Լինդսին պայմանականորեն ազատ է արձակվել այն բանից հետո, երբ նրան 2011-ի հուլիսին մեղադրել են վզնոցի գողության համար, ինչի համար նրան նշանակել են 120 ժամ ազատազրկում եւ 480 ժամ հասարակական աշխատանքներ: Ներկայումս Լոհանը Մեծ Բրիտանիայում է, որտեղ Մաքս Ջորջի հետ է անցկացնում ժամանակը, քանի որ նա պարտավոր չէ ներկա լինել դատավարությանը: Read more
Չիկագոյի բնակչին դատապարտեցին
- Article Details
- Published on Friday, 14 December 2012 03:04
- Written by
Չիկագոյի բնակչին դատապարտել են 10 տարվա ազատազրկման՝ ահաբեկիչներին աջակցելու համար: Associated Press-ի փոխանցմամբ, ծագումով Ալաբամա նահանգից 29-ամյա Շակիր Մասրին ձերբակալվել էր 2010 թվականին: 2012-ի հուլիսին նա իրեն մեղավոր է ճանաչել ահաբեկիչներին օգնելու գործում եւ սկսել համագործակցել քննության հետ: Մեղադրական վարկածով՝ Մասրին մարզվել էր Սոմալիում՝ ահաբեկիչների ճամբարում, եւ երազում էր մահապարտ դառնալ՝ իրականացնելով Ալ-Քաիդայի կամ Սոլամիում գործող Ալ-Շաբաբ խմբավորման հանձնարարությունները: Մասնավորապես, նա քննարկել է ամերիկացի զինվորներով ավտոբուսի պայթեցման հնարավորությունը: Բացի այդ, Մասրիի համակարգչում քննիչները հայտնաբերել էին ծայրահեղական գրականությունը, այդ թվում՝ Ուսամա բեն Լադընի 1996 թվականի մանիֆեստը ԱՄՆ-ին պատերազմ հայտարարելու մասին: Read more
Powerd by Bloogie