23 August 2012
9/11-ի գործով լսումները հետաձգվել են փոթորկի պատճառով
- Article Details
- Published on Thursday, 23 August 2012 23:32
- Written by
2001 թ. սեպտեմբերի 11-ի ահաբեկչությունների կազմակերպիչների գործով նախնական լսումները հետաձգվել են փոթորկի սպառնալիքի պատճառով: 
Այզիկ արեւադարձային փոթորիկը, որ մոլեգնում է Կարիբյան ծովում, շուտով հասնելու է առաջին աստիճանի վտանգավորության: Օդերեւութաբանների կանխատեսումներով, այսօր երեկոյան այն կհասնի Կուբայի արեւելքում՝ Գուանտանամոյում գտնվող ԱՄՆ-ի ռազմական պահեստին: Փոթորկի սպառնալիքից ելնելով` զինվորականները պատրաստվել են արտակարգ իրավիճակի: Աշխատակազմի մի մասը լքել է կղզին: Զինվորականների հետ բազայում մնացել է 168 բանտարկյալ` ներառյալ սեպտեմբերի 11-ի ահաբեկչության մեջ կասկածվող Հալիդ Շեյխ Մոհամմեդը: Մոհամմեդի եւ նրա 4 հավանական հանցակիցների դատի նախնական լսումներն արդեն հետաձգվել էին մուսուլմանների սուրբ Ռամադան ամսվա պատճառով: Թե որ օրն են նշանակվել լսումները` դատավորը չի բարձրաձայնել: Նախնական լսումները պիտի տեւեն ընդամենը 6 օր: Օդերեւութաբանների կանխատեսումներով, քամու արագությունը կարող է գերազանցել ժամում 120 կիլոմետրը: Տարերքի հարվածին պատրաստվում են Հաիթին, Պուերտո Ռիկոն, Վիրգինյան կղզիները, ապա Այզիկն ուղեւորվելու է Ֆլորիդա, որտեղ կարող է խափանել Հանրապետականների համագումարը, որ կայանալու է օգոստոսի 27-ին, Թամփայում։ Read more
23 August 2012
Քարոզարշավը շարունակվում է, մեղադրանքները` թեժանում
- Article Details
- Published on Thursday, 23 August 2012 23:25
- Written by
ԱՄՆ-ին անհրաժեշտ է կրթական հզոր համակարգ, որը վերահսկվում է ծնողներին կողմից եւ կենտրոնացած է ունակություններ ձեռք բերելու վրա: Այդ մասին հայտարարել է հանրապետական փոխնախագահի պաշտոնում առաջադրված Փոլ Ռայընը Վիրջինիա նահանգում ընտրողների հետ հանդիպմանը: Ռայանը նշել է նաեւ այլ քայլերի մասին, որոնք ինքն ու իր գործընկեր, հանրապետականների նախագահական հնարվոր թեկնածու Միթ Ռամնին նախատեսում են ձեռնարկել՝ ԱՄՆ-ում միջին դասն ուժեղացնելու նպատակով: Ռայանը նաեւ մեղադրել է նախագահ Օբամային Մեդիքեր համակարգից միլիարդավոր դոլարներ դուրս բերելու մեջ՝ նախագահի կողմից առաջադրված առողջապահական ծրագրի ֆինանսավորման նպատակով: Նախագահ Բարաք Օբաման էլ իր քարոզարշավը շարունակել է Նեւադա նահանգում: Ընտրողների հետ հանդիպման ժամանակ Օբաման ասել է, որ Միացյալ Նահանգների բյուջեում կատարվող կրճատումները մեծ վնաս են հասցնում ուսուցիչներին եւ աշակերտներին, իսկ հանրապետականների կողմից կառավարական ծախսերի նվազեցումը է՛լ ավելի մեծ վնաս կհասցնեն նրանց: Նրա խոսքով, ուսումնական նոր տարվա սկզբին պետական դպրոցներում ուսուցիչները կվերադառնան չափազանց մեծ թվով աշակերտներ ունեցող դասարաններ: Ըստ Օբամայի, նման իրավիճակի համար պատասխանատվություն են կրում ԱՄՆ-ի Կոնգրեսի հանրապետականները, ներառյալ որպես հանրապետականների փոխնախագահի թեկնածու վերջերս առաջադրված Փոլ Ռայընը, որոնք արգելափակել են նահանգների կողմից ուսուցիչներին աշխատանքից հեռացումը կանխող օրենքի ընդունումը: -Հանրապետականների կողմից կրթության ոլորտին ուղղվող գումարների կրճատումն ազնիվ չէ մեր երեխաների նկատմամբ, - ասել է Օբաման: Read more
23 August 2012
Կալիֆոռնիայում արտակարգ իրավիճակ է հայտարարվել
- Article Details
- Published on Thursday, 23 August 2012 23:18
- Written by
Օգոստոսի 22-ին անտառային հրդեհների պատճառով Կալիֆոռնիայի հյուսիսում արտակարգ իրավիճակ է հայտարարվել: Reuters-ի փոխանցմամբ, Կալիֆոռնիայի նահանգապետ Ջերի Բրաունն արտակարգ իրավիճակ է հայտարարել երեք` Թըհեմա, Շաստա եւ Փլումըս շրջաններում: Կրակն ամենաքիչը 64 տուն է ավերել: Օգոստոսի 22-ին հրդեհները գրանցվել են Լեյսսեն Վոլկանիկ ազգային զբոսայգուց ոչ հեռու: Զբոսայգուն կից Միներալ բնակավայրից մոտ 200 մարդ է էվակուացվել: Թըհեմա, Շաստա շրջաններից էվակուացվել է ընդհանուր թվով ավելի քան 3 000 մարդ: Հրդեհների զոհերի մասին չի հայտնվում: Ներկայումս ԱՄՆ-ի արեւմտյան մասում չորային եղանակի պատճառով բռնկված մի քանի հրդեհներ կան: Հրդեհների օջախներ կան Վաշինգտոն, Օրեգոն եւ Յուտա նահանգներում: Հրդեհները շարունակվում են օգոստոսի սկզբից: Read more
23 August 2012
Արեւմտյան Նեղոսի տենդը մոլեգնում է ԱՄՆ տարածքում
- Article Details
- Published on Thursday, 23 August 2012 23:03
- Written by
Արեւմտյան Նեղոսի տենդը մոլեգնում է ԱՄՆ տարածքում: Այս մահացու հիվանդության զոհ է դարձել արդեն ավելի քան 40 մարդ, ընդ որում հիվանդության մակարդակը վերջին շաբաթում աճել է 60 տոկոսով: Այս մասին հայտնում է Reuters-ը` վկայակոչելով ԱՄՆ Առողջապահության նախարարությանը: Վերջին տվյալներով` վարակվածների թիվը գերազանցել է 1100-ը, մահացել է 41 մարդ: Վիրուսով վարակվելու դեպքերից 700-ը եւ մահվան դեպքերից 26-ը տեղի են ունեցել վերջին մեկ շաբաթում: Վիրուսը հայտնաբերվել է ԱՄՆ-ի 47 նահանգներում: Մահացու դեպքերից ամենաշատը (21 դեպք) գրանցվել են Թեքսըս նահանգում, որտեղ անցյալ շաբաթ իշխանությունները արտակարգ իրավիճակ են հայտարարել: Օգոստոսի երրորդ շաբաթվա այս ցուցանիշը ամենաբարձրն է, որ գրանցվել է 1999 թվականից ի վեր, երբ վիրուսն ատաջին անգամ հայտնաբերվել էր ԱՄՆ-ում: Արեւմտյան Նեղոսի տենդը վիրուսային հիվանդություն է, որը տարածում են մոծակները: 2011 թվականին ԱՄՆ տարածքում հայտնաբերվել էր հիվանդության 712 դեպք, որից մահացել էր 43 մարդ: Read more
23 August 2012
Ամերիկացիները տարեկան աղբանոց են նետում 40 % մթերք
- Article Details
- Published on Thursday, 23 August 2012 01:18
- Written by
The USA Today-ը գրում է, որ ԱՄՆ բնակիչները ամեն տարի աղբանոց են նետում մթերքի մինչեւ 40 տոկոսը: Այսպիսի տվյալներ են պարունակվում օգոստոսի 20-ին հրապարակված ամերիկյան ոչ կառավարական էկոլոգիական կազմակերպության բնական ռեսուրսների պահապանության խորհրդի հաշվետվության մեջ: Ամերիկացիները թափում են 10 անգամ ավելի շատ սնունդ, քան, օրինակ, Հարավարեւելյան Ասիայի բնակիչները: Գիտնականների խոսքերով` միջինը 4 անձից բաղկացած ամերիկյան ընտանիքը ամեն տարի նետում է 2 հազար 275 դոլարի մթերք: Հետզոտողների անհանգստությունն է հարուցում հատկապես այն, որ ներկայումս այս ցուցանիշը 50 տոկոսով ավելի բարձր է, քան 1970-ականներին: Աղբատարում հայտնված մթերքի մեծ մասը կազմում են շուտ փչացող սնունդը` բանջարեղեն ու մրգեր, որոնք չեն վաճառվում խանութներում: Read more
ԱՄՆ-ում փորձարկեցին թռչող մոտոցիկլետ
- Article Details
- Published on Thursday, 23 August 2012 01:04
- Written by
ԱՄՆ-ում բարեհաջող են անցել նոր, թռչող մոտոցիկլետի փորձարկումները: Հավըրբայքը ստեղծել է կալիֆոռնիական Aerofex ընկերությունը: Թռչող ապարատը, որը կարծես դուրս է եկել գիտաֆանտաստիկ գրքի էջերից կամ Ջորջ Լուկասի Աստղային պատերազմներ լեգենդար կինոֆիլմից, կարող է զարգացնել ժամում 30 մղոն արագություն եւ հասնել 4,6 մետր բարձրության: Անիվների փոխարեն պտուտակներ են: Այն վարելու համար հատուկ նախապատրաստական կուրսեր պետք է անցնել: Փորձարկումն անց է կացվել Մոհավի անապատում: Ընկերության ինժեներ եւ հիմնադիր Մարկ դե Ռոշը հայտնել է, որ շուտով բժիշկները կկարողանան հասնել դժվարահասանելի վայրերում գտնվող հիվանդներին: Մոտոցիկլետը ամենագնացի դեր կարող է կատարել, մանեւրում է շենքերի, ծառերի եւ այլ խոչընդոտների միջեւ, դրանով բժիշկները կհասնեն դժվարանցանելի վայրերում բնակվող հիվանդներին, սահմանապահները պարեկություն կանեն իրենց վստահված տարածքներում եւ այլն: Թռչող մոտոցիկլետն ունի համակարգիչ, որը հսկում է թեքության, շրջադարձի անկյունը, շարժման հետագիծը եւ մեքենայի կայունությունը տարածության մեջ: Ընկերությունը մտադիր է ստեղծել ապարատի անօդաչու տարբերակը, որը կկիրառվի ինչպես քաղաքացիական, այնպես էլ ռազմական նպատակներով: Հոկտեմբերին ընկերությունը պատրաստվում է թողարկել թռչող ապարատի երկրորդ տարբերակը: Read more
Սիրիական Իդլիբ նահանգում ռումբեր են պայթում
- Article Details
- Published on Thursday, 23 August 2012 00:55
- Written by
Իդլիբ նահանգի բնակավայրերը, Դամասկոսի արվարձաններն ու Դաել գյուղը Դերաա քաղաքի մերձակայքում այսօր առավոտյան դարձել են ռազմական գործողությունների իսկական թատերաբեմ: Սիրիական բանակը ռմբահարվածներ է հասցրել ուղղաթիռներից: Դամասկոսի արվարձաններում կրակ է բացվել տանկերից: Կառավարական ուժերի եւ ապստամբների դիմակայությունը մեկ օրում տարել է մոտ 200 մարդու կյանք: Ինտերնետային կայքերում զետեղված տեսագրությունների իսկությունը միջազգային լրատվական գործակալությունները չեն կարողանում հավաստել: Հալեպում եւս մարտեր են ընթանում: Ինչպես հաղորդում է պաշտոնական Դամասկոսը, կառավարական ուժերը գրոհայիններից մաքրել են քրիստոնեական թաղամասերը: Հայկական թաղամասերն ամբողջությամբ անցել են սիրիական բանակի վերահսկողության տակ: տեղական հիվանդանոցներ բազմաթիվ վիրավորների են տեղափոխել: Բարեբախտաբար Հալեպում հայերի շրջանում զոհեր չկան: Սիրիայում մեկուկես տարվա բախումների ընթացքում սպանվել է ավելի քան 18 հազար մարդ: Դիվանագիտական ճակատում եւս ամեն ինչ հանգիստ չէ: Ռուսաստանը նախօրեին հայտարարել է, թե չի հավատում, որ Սիրիան քիմիական ուժ կարող է կիրառել: Արեւմուտքն էլ մտավախություն ունի, որ զենքը կհայտնվի Հըզբոլլահի ձեռքը: Read more
Դայանա Նայադի չորրորդ փորձը ձախողվեց
- Article Details
- Published on Thursday, 23 August 2012 00:45
- Written by
63-ամյա ամերիկուհի Դայանա Նայադը ստիպված է եղել ընդհատել չորրորդ փորձը` լողալով Կուբաից հասնել Ֆլորիդայի նեղուց: Երկար հեռավորությունների լողի վետերան Դայանա Նայադը հիասթափվել է, որ չի կարողացել իրականացնել իր վաղեմի երազանքը եւ Կուբայից Ֆլորիդա հասնել լողալով: Երեք օր առաջ 63-ամյա ամերիկուհին չորրորդ անգամ փորձել էր ԱՄՆ-ից հասնել Կուբա: Նա հույս ուներ, որ առաջինը կլինի, ում կհաջողվի առանց շնաձկներից պաշտպանվելու ցանցի անցնել այդ 166 կմ-ը: Երկու օր շարունակ նա դիմացել է փոթորիկին, ուժեղ հոսանքներին եւ մեդուզաների խայթոցներին, բայց ճանապարհի կեսին` Հավաննայի եւ Ֆլորիդայի արանքում, նա ստիպված է եղել հանձնվել: Նրան խանգարել են թունավոր մեդուզաներն ու փոթորիկը: Նա ջրում է մնացել 60 ժամ եւ դադարեցրել է փորձը Ֆլորիդայի հարավում գտնվող Քի-Ուեսթ կղզուց 90 կմ հեռավորության վրա: Լողորդուհին հայտարարել է, որ ամեն դեպքում ուրախ է այդ հիանալի փոձի համար եւ նպատակ է ունեցել խթան հանդիսանալ մյուսների համար՝ իրենց երազանքների իրականացման ճանապարհին: Եթե Նայադի փորձը հաջողվեր, ապա նա կլիներ առաջինը, ով առանց հակաշնաձկային վանդակի կհաղթահարեր Ֆլորիդայի նեղուցի ջրերը: Նախորդ տարի սեպտեմբերին նա ձախողել էր իր երրորդ փորձը: Միակ կինը, ում հաջողվել է անցնել Ֆլորիդայի նեղուցը վանդակի մեջ եղել է 22-ամյա ավստրալացի Սյուզի Մարոնին 1997-ին: Read more
US Open-ի մրցավարը սպանել է ամուսնուն
- Article Details
- Published on Thursday, 23 August 2012 00:35
- Written by
Թենիսի ԱՄՆ-ի բաց առաջնության մրցավարներից 70-ամյա Լոիս Գուդմենն ամուսնու սպանության մեղադրանքով ձերբակալվել է Նյու Յորքի հյուրանոցներից մեկում: Դատախազության փոխանցմամբ, նա այժմ գտնվում է մեկուսարանում եւ սպասում Լոս Անջելես արտաքսվելուն: Թենիսի մրցավարը մեղադրվում է ապրիլի 17-ին Լոս Անջելեսի իր տանը 80-ամյա Ալան Գուդմենին բաժակի հարվածներով սպանելու մեջ: Կինը ոստիկանությանը հայտնել էր, թե ամուսինն ընկել աստիճանից` սրտի նոպայից հետո: Սակայն կնոջ պատմությունը ոստիկաններին արժանահավատ չի թվացել: Օգոստոսին գործը վերաորակավորվել էր որպես սպանություն եւ ուղարկվել էր դատարան, իսկ Գուդմենին ձերբակալելու որոշումն ուղարկվել էր Նյու Յորք, որտեղ նա մասնակցում էր մրցումների: US Open-ի կազմակերպիչները հայտնել են, թե տեղյակ չեն եղել այս պատմության մասին: Գուդմենն արդեն 10 տարի սպասարկում է Մեծ սաղավարտի մրցաշարը: Read more
Պակոյմայում մերկ կնոջ դիակ են գտել
- Article Details
- Published on Thursday, 23 August 2012 00:30
- Written by
Ոստիկանությունը պարզել է երկու օր առաջ Պակոյմայում` San Fernando Gardens բնակարանային ծրագրի համալիրի մոտ աղբարկի մոտից հայտնաբերված մերկ կնոջ ինքնությունը: Ներկայումս դատաբժշկական փորձաքննություն է ընթանում` պարզելու նրա մահվան հանգամանքները: 23-ամյա Ջասմին Կամպոսին մահացած էին գտել 13100 block of Carl Street հասցեում, երկուշաբթի առավոտյան: Արտաքին բռնության որեւէ նշան նրա մարմնի վրա չի եղել: Քննչական ծառայության ներկայացուցիչ Էդ Վինթըրի խոսքով ներկայումս քննություն է ընթանում, առայժմ գործ է հարուցվել սպանության հոդվածով, մինչ պարզվեն հանգամանքները: Read more
Powerd by Bloogie