Ամերիկյան ռազմաօդային ուժերն այսօր Խաղաղ օվկիանոսի վրայով կիրականացնեն հիպերձայնային անօդաչու թռչող X-51A սարքի փորձարկման կարեւոր փուլ: Ապարատը կարող է ժամում զարգացնել 5793,6 կմ արագություն: Այս մասին հաղորդում է Օհայո նահանգում տեղակայված ռազմաօդային ուժերի հետազոտական լաբորատորիային: Համաձայն թռիչքի ծրագրի` X-51A-ը, որը կարող է հաղթահարել Նյու-Յորքից Լոս Անջելես ընկած հեռավորությունը 46 րոպեում, օդ կբարձրանա` ամրացված հատուկ սարքավորումներով զինված Բի-52 ռմբակոծիչի թեւին: Անհրաժեշտ բարձրության վրա անօդաչու սարքը կառանձնանա ռմբակոծիչից եւ ավտոմատ ռեժիմով կգործարկի ռեակտիվ շարժիչները: Փորձնական ապարատը հանձնարարությունը կատարելուց հետո պետք է վայրէջք կատարի Խաղաղ օվկիանոսի նշված ջրային տարածք: Փորձարկումների հաջողության դեպքում X-51A-ը, հրատարակության տվյալներով, կդառնա հիպերձայնային ուղեւորատար օդանավերի, ռազմական հրթիռների, նոր սերնդի տիեզերական եւ ռազմական ապարատների նախատիպ: Նախագիծն արժեցել է 140 միլիոն դոլար: Read more
Գլենդելի քաղաքային խորհուրդը մտադիր է վերանայել բազմաբնակարան շենքերում ծխելը սահմանափակելու մի շարք տարբերակները` այն առհասարակ արգելելուց մինչեւ սահմանափակում որոշակի հատվածներում: Ծխելը բազմաբնակարան շենքերում նախկինում արգելվել է կալիֆոռնիական այլ քաղաքներում, ինչն, իհարկե, առաջացրել է բնակիչների դժգոհությունը: Փասադինայում բնակարաններում ծխելու արգելքը ուժի մեջ կմտնի հաջորդ տարվանից, իսկ Սանտա Մոնիկայում օրենքն ընդունվել է անցած ամիս: Ներկայումս Գլենդելում արգելված է ծխելը պատշգամբում` պատուհանից 20 ոտնաչափ շառավղով դուրս գտնվող հատվածում: Քաղխորհդի որոշ անդամներ հայտնել են, որ բողոքներ են ստացել բնակիչներից այն մասին, որ հարեւանի ծխախոտի ծուխը իրենց տուն է մտնում պատուհաններով եւ օդանցքներով: Նմանօրինակ տհաճություն է ապրել նաեւ քաղխորհրդի անդամ Արա Նաջարյանը: Խորհուրդը պետք է վերանայի նաեւ նարգիլեի օգտագործման սահմանափակումները: Read more
Օգոստոսի 14-ի գիշերը լուրջ անկարգություններ են տեղի ունեցել Ֆրասիայի հյուսիսում գտնվող Ամյեն քաղաքում: Բախման արդյունքում տուժել է 16 ոստիկան: Ընդհանուր առմամբ անկարգությունները զսպելու գործին մասնակցել է ոստիկանության 150 աշխատակից: Անկարգություններին մասնակցել են ավելի քան 100 երիտասարդներ: Նրանք իրավապահների ուղղությամբ նետել են տարբեր առարկաներ: Խուլիգաններն այրել են մանկապարտեզը, երիտասարդական մարզական կենտրոնը, տասնյակ ավտոմեքենաներ, հարձակվել են հրշեջների վրա: Անկարգությունները տեւել են մի քանի ժամ: Երիտասարդները նաեւ կրակոցներ են արձակել: Արդյունքում անկարգությունների մասնակիցներից ոչ մեկին հնարավոր չի եղել բռնել: Անկարգությունների պատճառների մասին դեռեւս ոչինչ հայտնի չէ: Ներքին գործերի նախարարության մի շարք աշխատակիցներ լուրջ վնասվածքներ են ստացել: Ֆրանսիայի նախագահ Ֆրանսուա Օլանդը հայտարարել է, թե Ներքին գործերի նախարար Մանուել Վալսը մեկնել է Ամյեն: Իշխանությունները նաեւ հայտարարել են մեղավորներին խստորեն պատժելու պատրաստակամության մասին: Ամյենում ոստիկանների հետ բախումներ լինում են վերջին ամիսներին պարբերաբար: Read more
Apple-ի հիմնադիր, հանգուցյալ Սթիվ Ջաբսի Պալո Ալտոյում գտնվող տունը թալանվել է: Գողացվել են ավելի քան 60 հազար դոլար արժողությամբ անձնական իրեր եւ համակարգիչներ: Այս գործով ձերբակալվել է Ալամեդայի 35-ամյա բնակիչ Քարիմ ՄքՖարլինը՝ գողոնն իրացնելիս: Նա կալանքի տակ է. սահմանված է 500 000 գրավ: Այս գործով դատական լսումը կկայանա օգոստոսի 20-ին: Ըստ դատախազի՝ գողությունը կատարվել է հուլիսի 17-ին, սակայն ՄքՖարլինը, ըստ երեւույթին, տեղյակ չի եղել, թե ում է պատկանում տունը: Read more
Արիզոնա նահանգի Մարիկոպա շրջանի շերիֆ Ջո Արփայոի դեմ դատական վարույթի շրջանակներում նրա փաստաբանները Ֆինիկսի դաշնային դատարան են ներկայացրել իրենց գրավոր եզրափակիչ խոսքը: Դատապաշտպանների կարծիքով՝ հայցվորները չեն կարողացել ապացուցել, որ Արփայոի բաժինը խտրական վերաբերմունք ունի լատինամերիկացիների նկատմամբ: Արփայոյի դեմ հայցը դատարան էին ներկայացրել 5 լատինամերիկացիներ, ովքեր 2007-ի հունվարին կալանավորվել, հարցաքննվել կամ խուզարկվել են շերիֆի բաժնի տեսուչների կողմից: Տուժածները հայտարարել են, որ շերիֆի օգնականները լատինամերիկացի բնակիչների նկատմամբ կանխակալ մոտեցում ունեն, հատկապես այն ժամանակ, երբ խոսքը երթեւեկության միջոցների ստուգմանն է վերաբերում: Դատական նիստերը ձգվել են 7 օր, առանց ատենակալների եւ ավարտվել են օգոստոսի 2-ին: Պաշտպանության կողմի փաստերի համաձայն՝ հայցվոր Օրտեգա Մելենդրեսի մեքենան կանգնեցնող ավտոտեսուչը չի տեսել եւ չի իմացել, թե ինչ ռասայի մարդիկ են եղել ուղեւորները: Ավտոմեքենան կանգնեցվել է արագությունը գերազանցելու պատճառով: Արփայոյի ներկայացուցիչները վստահ են, որ վկաների առաջ քաշած իրավիճակներից եւ ոչ մեկում չկան խտրական մտադրությունների ապացույցներ: Շրջանային դատավորը Ֆինիկսում կուսումնասիրի շերիֆ Արփայոյի կողմից իրականացվող քաղաքականությունը եւ գործելակերպը` գործընթացի մասնակիցների կողմից եզրափակիչ խոսքի վերաբերյալ անհամաձայնություն ստանալուց մեկ շաբաթ հետո: Ամենազիլ շերիֆ մականունը ստացած Ջո Արփայոն ԱՄՆ-ում հայտնի է դարձել նախագահ Օբամայի ընտրվելու հանգամանքը անօրինական ճանաչելու իր պնդումներով: Read more
Կալիֆորնիա նահանգի բանտում 79 տարեկանում մահացել է սոխի դաշտի հանցագործը: Գրեգըրի Փաուելը բանտում մնացել է մոտ 50 տարի՝ 1963 թ. ոստիկան Յեն Քեմբըլի առեւանգման եւ սպանության համար: Նա ներում է խնդրել 11 անգամ, սակայն անգամ նրա վերջին խնդրանքը չի բավարարվել՝ չնայած մահացու հիվանդությանը: Associated Presse-ի փոխանցմամբ, Փաուելը մահացել է քաղցկեղից բանտի հիվանդանոցում: 1963թ. մարտին Փաուելին եւ Ջիմի Լի Սմիթին երկու ոստիկաններ կանգնեցրել էին երթեւեկության կանոնների խախտման համար: Դուրս գալով մեքենայից՝ նրանք ատրճանակի սպառնալիքով զինաթափել էին ոստիկաններին եւ պատանդ վերցրել: Հանցագործները որոշել են ազատվել պատանդներից: Սպաներին նրանք տարել են սոխի դաշտ, որտեղ Փաուելը սպանել է նրանցից մեկին, իսկ մյուսին հաջողվել է փախչել: Ձերբակալվելուց հետո Փաուելը եւ Սմիթը դատապարտվել են մահապատժի, բայց հետո այն փոխարինվել է ցմահ ազատազրկմամբ: Read more
Փրկարարները շարունակում են փորձերը` մարել ԱՄՆ արեւմուտքում, այդ թվում Կալիֆոռնիայում եւ Այդահոյում մոլեգնող անտառային հրդեհները: ԱՄՆ անտառային ծառայությունը հայտնել է, որ Այդահոյի հյուսիսում հրդեհաշիջման աշխատանքների ժամանակ կին հրշեջ է զոհվել, նրա վրա ընկել է ծառը: Հրշեջներին հաջողվել է զսպել Հյուսիսային Կալիֆոռնիայի Լեյք շրջանում մոլեգնող հրդեհը: Սան Ֆրանցիսկոյի մերձակա բնակավայրերից 500 ընտանիքների էին տարհանել: Հրդեհներ են նաեւ Օրեգոն եւ Վաշինգթոն նահանգներում: Հրդեհները սկսվել են չոր եղանակի եւ երաշտի պատճառով, ջերմաստիճանը հասել է մինչեւ 32 աստիճանի ըստ Ցելսիուսի սանդղակի: Read more
Մոտավորապես 1,7 մլն ապօրինի ներգաղթյալներ կարող են ստանալ երկու տարվա տարկետում եւ նախագահ Բարաք Օբամայի առաջարկած ծրագրի շնորհիվ խուսափել արտաքսումից վճարելով $465։ Ծրագիրը կսկսի գործել օգոստոսի 15-ից: Ներկա դրությամբ ապօրինի ներգաղթյալները պատրաստվում են փաստաթղթեր ներկայացնել արտաքսման հետաձգման համար: Նախատեսվում է, որ ընտրվածները կարող են աշխատանքի թույլտվություն ստանալ եւ ապրել ԱՄՆ-ում` չվախենալով արտաքսումից: Բացի այդ՝ նրանք կարող են օգտվել սոցիալական ապահովագրման, վարորդական իրավունք ստանալու եւ կրթության համար ֆինանսական օգնություն ստանալու իրավունքներից: Ծրագիրը տարածվում է այն երիտասարդների վրա, ովքեր ծնողների հետ եկել են ԱՄՆ վաղ հասակում: Օբամայի վարչակազմն ավելի վաղ արտաքսել էր 1,2 մլն մարդու: Read more
ԱՄՆ նախագահ Բարաք Օբաման ողջունել է մարսագնաց Curiosity-ի վայրէջքը եւ այն ղեկավարող գիտնականներին կատակով դիմել անհապաղ զանգել իրեն, եթե այնտեղ հայտաբերվի ցանկացած այլմոլորակային: Associated Press-ի փոխանցմամբ, նա Մարս ուղեւորված սարքի վայրէջքն անվանել է շշմեցուցիչ եւ նշել, որ այն գրավել է միլիոնավոր մարդկանց ուշադրությունը: -Եթե դուք իրականում կապ հաստատեք Մարսի բնակիչների հետ, խնդրում են, անհապաղ ինձ տեղյակ պահե'ք,-ասել է նախագահը: Օբամայի խոսքով, իր ափսեում շատ ու շատ այլ իրեր կան, սակայն այս նորությունը կզբաղեցնի ամենակարեւոր տեղը, եթե նույնիսկ դա լինի մանրէ: Հիշեցնենք, որ վերջերս NASA-ի Curiosity մարսագնացը, որը Երկրից կատարած 18-ամսյա թռիչքից հետո հաջողությամբ վայրէջք էր կատարել Կարմիր մոլորակի Գեյլ խառնարանում, Երկիր է փոխանցել Մարսի առաջին գունավոր լուսանկարները: Read more
Powerd by Bloogie